هلا حبيباتي
اشكررر لكم وقفتكم جنبي لانكم دايما تنصحوني وماتقصرون بشي.. الله يجزاكم خيررر ويعافيكم
انا مملكه و خطيبي اللهم لك الحمد اخذته بقناعه ولله الحمد .. هو خلوق ماشاء الله عليه بس عيبه انه مستواه المادي بسيييط واقل مننا .. لاكن اهم شي عندنا معدن الولد ...
مشكلتي اننا صريحين مع بعض .. وهو يعرف مستوى ابوي المادي وما درى بهالشي إلا بعد الخطوووبه ..ويدري ان ابوي مايقصر معاي ومحطي لي رصيد بالبنك والمبلغ بسيط مو كثيرر... ولا عمره يتكلم بهالمواضيع ولا لاحظت انه استغلالي واختبرته كم مره .. انه ابغى وابغى .. ومره جاب لي تذكرة سفر طيران و يحاول بقدر الامكان يحوووش ويسعدني رغم امكانياته البسيييييييييييطه ماشاء الله تبارك الرحمن .... ولاكنه مررره مفلس وعلى القد وعلى الراتب وتأخر زواجنا 3 سنوات بس يحوووش وعرسنا الحين بالعيد وللحين ماعنده حق غرفة النوم وبعض الكماليات وبيسدد مجلس البيت و و و .... ومع هذا مايطلب مني شي ويتضايق لما اقترح اني اساعده ويقول لو انتي مقتنعه ايه ساعديني بس لو مو مقتنعه انا بجتهد وبعتمد على نفسي ...
طبعا طلبنا منه مهر 20 الف بس ... وانا عشاني ماهمتني الدنيا فكرت ابادر و اوقف جنبه لانه بستاااهل ... وعطيته 10 الف من مهري فزعه مني للعرس .. لان العرس عليه وماعنده شي وهو مضغوووط جدااا ... وبعد بيزود على المبلغ من عنده .... و اهلي مايدرون ولا يهتمون لان الوالد مرتاح والمهر للبنت تسوي فيه اللي تبي ..
والحين يابنات طااااح الفاس بالراس احس نفسي استعجلت واحيانا اقول لااااا تصرفي صح وبمحله ... لانه مقدررر لي هالشي اللي سويته وقال انه بقرارة نفسه بيعوضني بذهب لما ربي يفتحها عليه ومن هالحكي !!! كل شي بعلم الغيب
بس الحين انا تورطت ... لانه لما نزلت السوق اشتهيييييييييييييت كل شي .. الفساتين الملابس العطور الماركات .. وما اخبي عليكم اقدر ازود من رصيدي وادلع نفسي .. بس حاااااااااازه بنفسي... ليش هالسذاجه مني .. ليش مانخلته بالمشخل .. ليش ماصرت زي البنات اقول له هااااااااات وهااااااااات ... الحين احس بالنقص ... مع اني احتسبت هالشي
لو جه الله والمفروض ما اتشكى ... .
الحين هل تصرفي صح ؟؟ او غلط ؟؟؟
ومتاكده لو اقول له واشكي له بيرجع كل شي .. وماراح يقصر .. بس ماهمني ولا ابغى شي
ودي اعرف تصرفي صح لما عطيته او غلط ؟؟؟؟؟ هل بكذه قللت من قيمتي ؟؟؟
عطيت خطيبي من فلوسي؟؟
س
23-04-2012 | 11:05 PM
ن
23-04-2012 | 11:38 PM
ياااااااعمري انتي عملتي الصح وهذاا من طيب اصلك انك تساااعدي زوووجك وتوقفي معه وبعدين مدااام ان حالتك الماااديه تمااام ومرتاااحه ولله الحمممد انتي عملتي الصح :) والله يسعدك وربي الي يسوووي شي لله ربي يعوووضه خير ولاعاااد تكرري انك ندمااانه وبعدين صدقيني زووجك مارح ينسى الي سووويته معه ورح يحطك على راسه انتي كذاا :thumbs_up:
والله يوووفقك بحيااتك وييسر لك اموورك ...
تحيااااااااااااااااتي ... نبض الوفاء
والله يوووفقك بحيااتك وييسر لك اموورك ...
تحيااااااااااااااااتي ... نبض الوفاء
ا
23-04-2012 | 11:51 PM
ان كان هو وأهله زينين وأجاويد احتسبي هالشي عند الله ، بس حاسبي ومرة ثانية خلي فلوسك لك.
مهما يكون الرياييل أغلبهم طماعين واتكاليين
خليه يحس بالمسئولية تجاهك
والله يسخره لك ويسعدكم
مهما يكون الرياييل أغلبهم طماعين واتكاليين
خليه يحس بالمسئولية تجاهك
والله يسخره لك ويسعدكم
س
24-04-2012 | 12:11 AM
الله يجزاك خير يانبض الوفاء على ردك الحلوو
الجوهره الله يعافيك ومشكوره وهاذا اللي خوفني لو يطلع اتكالي ومن يومها كل شي على ظهري.. بس ظنك لو كنت غلطت وشلون اصحح غلطتي ويصير الموقف لصالحي بدل مايصير اتكالي !!!
الجوهره الله يعافيك ومشكوره وهاذا اللي خوفني لو يطلع اتكالي ومن يومها كل شي على ظهري.. بس ظنك لو كنت غلطت وشلون اصحح غلطتي ويصير الموقف لصالحي بدل مايصير اتكالي !!!
S
24-04-2012 | 12:14 AM
هو اللي سويتيه مو غلط تماما فيه من الخير شي واجد ما شا الله...لكن نصييييييييحة لج..لا تكررين هالفعل...الرجال خليه هو يكون المسؤول عن الامور المالية...هو لما يتعب و يحوش و ينضغط صدقييييييني بيحس بلذة و نشوة لأنو قاعد يثبت لج رجولتو بهالافعال
الحين صار اللي صار و عطيتي الفلوس خلاص...لا تجيبين طاريها اولا حتى ما يحسب انج تحاولين تمنين عليه...و ثانيا لااااااا تكررين هالفعل...اذا كلش شفتيه انزنق بموضوع الفلوس و انت معه..مثلا لا تطلبين طلبات تثقل عليه الين يمر الوضع و ينتهي...لكن لا تنطين فلوس هي اصلا حقج و *تحتاجيها* يعني المهر ينعطي للبنت عشان التجهيز و جذي مو عشان شي ثاني
الله يعوضج حبيبتي و ان شا الله زوجج يرد هالفضل لج على احسن وجه! آميييييييين يا رب
الحين صار اللي صار و عطيتي الفلوس خلاص...لا تجيبين طاريها اولا حتى ما يحسب انج تحاولين تمنين عليه...و ثانيا لااااااا تكررين هالفعل...اذا كلش شفتيه انزنق بموضوع الفلوس و انت معه..مثلا لا تطلبين طلبات تثقل عليه الين يمر الوضع و ينتهي...لكن لا تنطين فلوس هي اصلا حقج و *تحتاجيها* يعني المهر ينعطي للبنت عشان التجهيز و جذي مو عشان شي ثاني
الله يعوضج حبيبتي و ان شا الله زوجج يرد هالفضل لج على احسن وجه! آميييييييين يا رب
و
24-04-2012 | 12:50 AM
اسمحيلي لو كان طيب بالخطوبة مو حلوة تساعدية بعد الزواج عاتوو
وهادي عاداتنا فسعودية وبعضهم يحسبوة تنازل وربي يعينك ولاتكرري غلطتتك
وربي يسسعدك..~
وهادي عاداتنا فسعودية وبعضهم يحسبوة تنازل وربي يعينك ولاتكرري غلطتتك
وربي يسسعدك..~
م
24-04-2012 | 01:17 AM
[CENTER]
ما فيها شي انك تساعديه لتعجيل الزواج
وربنا يوفقكم وان شاء الله بيردلك اياهم أضعاف
ما فيها شي انك تساعديه لتعجيل الزواج
وربنا يوفقكم وان شاء الله بيردلك اياهم أضعاف
n
24-04-2012 | 01:55 AM
الله يجعلها في موازين حسناتك هذ إن دل على شي يذل على طيب أصلك يا قلبي .. انتي بهذا الفعل أخلصتي النية لوجه الله و فيها مساعدة لزوجك .. بأكدلك إنو راح يحترمك و يقدرك و الله مراح يضيعك على هذا العمل .. و أكيد زوجك راح يعوضك كل خير لم الله يرزقه .. و لا تنسي الرجال مو كلهم مثل بعض يعني إتكالين و و يستغلو الفرص إبن الأصل مابيعمل هيك و إن شاء الله زوجك معدنه طيب و راح يطلع منه كل خير
ل
24-04-2012 | 09:24 AM
اختي ما فيها شي .. دام هالشي بينكم و انتي مقتنعه و مرتاحه .. انا نفس حالج خطيبي حالته المادية متوسطة لو ما ساعدته ببعض الامور كان ما قدرنا نتزوج الا بعد ٣ سنوات ان كان اعتمادي ع مدخوله الشهري ..
فكوني اشتغل ساعدته بتجهيز جزء بسيط من المكان اللي راح اسكن معاه فيه لاحظي جزء بسيط مو كلشي يتكل و يعتمد فيه عليج خليه يعتمد ع نفسه في امور و ان صعب عليه موضوع اهني انتي تبادري بهالشي و اهم شي ما تمنين عليه و تقولين انا سويت و سويت !! هالشي يحز بخاطر الريال .. و اكيد راح تكبرين بعينه و يقدرج كونج شاركتيه ببداية حياتكم .. و تحملي تحملينه شي فوق طاقته هو ان عنده ما راح يقصر عليج بشي دامه ولد عيله محترمة و اكيد انتي عارفه اخلاقه و تعامله معاج والله يوفقج يارب ..
فكوني اشتغل ساعدته بتجهيز جزء بسيط من المكان اللي راح اسكن معاه فيه لاحظي جزء بسيط مو كلشي يتكل و يعتمد فيه عليج خليه يعتمد ع نفسه في امور و ان صعب عليه موضوع اهني انتي تبادري بهالشي و اهم شي ما تمنين عليه و تقولين انا سويت و سويت !! هالشي يحز بخاطر الريال .. و اكيد راح تكبرين بعينه و يقدرج كونج شاركتيه ببداية حياتكم .. و تحملي تحملينه شي فوق طاقته هو ان عنده ما راح يقصر عليج بشي دامه ولد عيله محترمة و اكيد انتي عارفه اخلاقه و تعامله معاج والله يوفقج يارب ..
S
24-04-2012 | 09:25 AM
انا رايي الشخصي مالازم تساعدينه من مهرك او فلوسك
بس دام انتي عطيتيه خلاص طوفي هالمرة ولا تكررينها وخليه يتزوجج بامكاناته مو لازم اغلى قاعة وغيرها بس المهم حسسيه ان اهو المسؤول عنج مو انتي واجبج تساعدينه لو شنو كان مستواه المادي ومستواكم المادي اهو اللي جا وخطبج واهو عارف بيناسب من
في الاخير هاذي رايي الشخصي طبعا
بس دام انتي عطيتيه خلاص طوفي هالمرة ولا تكررينها وخليه يتزوجج بامكاناته مو لازم اغلى قاعة وغيرها بس المهم حسسيه ان اهو المسؤول عنج مو انتي واجبج تساعدينه لو شنو كان مستواه المادي ومستواكم المادي اهو اللي جا وخطبج واهو عارف بيناسب من
في الاخير هاذي رايي الشخصي طبعا
&
24-04-2012 | 09:55 AM
نبض الوفاء..;16067598:
ياااااااعمري انتي عملتي الصح وهذاا من طيب اصلك انك تساااعدي زوووجك وتوقفي معه وبعدين مدااام ان حالتك الماااديه تمااام ومرتاااحه ولله الحمممد انتي عملتي الصح :) والله يسعدك وربي الي يسوووي شي لله ربي يعوووضه خير ولاعاااد تكرري انك ندمااانه وبعدين صدقيني زووجك مارح ينسى الي سووويته معه ورح يحطك على راسه انتي كذاا :thumbs_up:
والله يوووفقك بحيااتك وييسر لك اموورك ...
تحيااااااااااااااااتي ... نبض الوفاء
أنا مع اختي نبض الوفــــاء وتقبلي مروري F:
ا
24-04-2012 | 11:31 AM
انا اشووف انه المساعده حلووة وزيينه وبالعكس تكبرك بعينه ! هو الواحد مايكون ساذج لدرجة الغباء وانه يتمصلحون على راسه وهو عارف وساكت وفرحان بالموضوع هذا هو الغلط طبعا لكن اذا كان خطيبك ( زوجك) تشوفينه انسان يستاهل بكل معنى الكلمة وانه مش من نوعية الرجال اللي يبغي يسرق زوجته و يتمصلح بفلوسها فاذن اللي سويتيه من طيب خاطرك وأصلك والله يثيبك عليه لانك ساعدتيه بزنقته .. يعني هالشي يعتمد عليك ميه المية لانه انتي اللي تعرفيه اكثر مناا واذا كان انسان يستاهل المساعده او لااا وحبيبتي اذا كان فعلا كذلك لا تندميييي ابببد لانه مرده كل هالفلووس منك واليك ! يعني العرس واموره كلها لك انتي فمابتكون الفلوس راحت هدر! ...
عن نفسي انا احب اساعد زوجي واستانس بهالشي حتى بوقت الخطوبة لانه عرفت انه انسان يستاهل و بيعوضني بعدين اذا بغيت واتفقنه انه فلوسنه وحده وفعلاا هالشي باان بعيوونه وقدرني لاني قدرته وقد مايقدر يلبي لي حتى واناا عندي معاشي الخاص ...
ربي يكتب لكم اللي فيه الخير والصلااح ويوفقكم ويبعد عنكم كل شررر ومبروووووووك ياحلوووة ..
س
24-04-2012 | 12:04 PM
الله يجزاكم خير على الردود الحلوه ويعافيكم ويفتح ربي عليكم من ابواب رحمته وتوفيقه وكرمه و رضااااه
اثلجتوااا صدري بالردود ..وفعلا لما اقوله اثاث ما اثاث يهاااوش ولا يبغى مني ريال.. بس اول مره يعترف لي انه محتاج للعرس ومووو قادر يغطي بعض تكاليف العرس ... ومن يومها ساهمت باللي اقدر عليه .. والله يكتب اللي فيه الخير ويعوضني خيررر ... ومع هذا لازم افتح عيوووني عالآآآخر
مشكوررين
اثلجتوااا صدري بالردود ..وفعلا لما اقوله اثاث ما اثاث يهاااوش ولا يبغى مني ريال.. بس اول مره يعترف لي انه محتاج للعرس ومووو قادر يغطي بعض تكاليف العرس ... ومن يومها ساهمت باللي اقدر عليه .. والله يكتب اللي فيه الخير ويعوضني خيررر ... ومع هذا لازم افتح عيوووني عالآآآخر
مشكوررين
ل
24-04-2012 | 02:28 PM
السلام عليكم ورحمة الله وبركاته
اختي العزيزة سر دفين
اني من جنت بمكانج هم ردت اسوي نفس اللي سويتي
لولا ردع العائلة
واني اختج واريد مصلحتج
وبالاول والاخر الفلوس بعد انطيتيهيا
لكن للمستقبل كوليلة تداينت من والدتي علمودك وكتبتني ورقة ووقعت عليها و2 شهود
وطلبي من والتج تتفق وياج على هالكلام
حتة تظمنين رجوع فلوسج الج ويعرف عندج ظهر ويشقة علمودج مو يتمدد وتجي الفلوس
الرجال يحب يهلك نفسة للمرأة
وظيفة الرجال تأمين الفلوس ووظيفة المرأة الراحة والانجاب
بعد الزواج يصعب على المرأة تكول لزوجهة اريد فلوسي بسبب العشرة
لكن ان عودتة هية دتطلب من اهلهة علمودة راح يظطر يرجع الهة فلوسهة ومياكلهة عليهة
سلامي الج اختي
وموفقة يارب بكل حياتج
تقبلي مروري
اختي العزيزة سر دفين
اني من جنت بمكانج هم ردت اسوي نفس اللي سويتي
لولا ردع العائلة
واني اختج واريد مصلحتج
وبالاول والاخر الفلوس بعد انطيتيهيا
لكن للمستقبل كوليلة تداينت من والدتي علمودك وكتبتني ورقة ووقعت عليها و2 شهود
وطلبي من والتج تتفق وياج على هالكلام
حتة تظمنين رجوع فلوسج الج ويعرف عندج ظهر ويشقة علمودج مو يتمدد وتجي الفلوس
الرجال يحب يهلك نفسة للمرأة
وظيفة الرجال تأمين الفلوس ووظيفة المرأة الراحة والانجاب
بعد الزواج يصعب على المرأة تكول لزوجهة اريد فلوسي بسبب العشرة
لكن ان عودتة هية دتطلب من اهلهة علمودة راح يظطر يرجع الهة فلوسهة ومياكلهة عليهة
سلامي الج اختي
وموفقة يارب بكل حياتج
تقبلي مروري
س
24-04-2012 | 08:34 PM
الله يجزاك خير يا لارسا بغداد ... ماقصرتي الله يحفظك
ز
26-04-2012 | 08:35 AM
حبيبتي اذا انتي مقتنعة في خطيبج عادي مافيها شي لو ساعدتيه .. بقول لج سالفتي أنا زوجي لما تقدم لي ما كان مجمع فلوس كفاية في بداية الخطوبة اتفقنا على كل شي بس في الأخير الذهب ما شريناه وما كان عنده ولا فلس و موعد حفلة الخطوبة قرب قلت له مابنشتري ذهب لأن أمي الله يهداها وايد ضغطت عليه تبي أحسن قاعة وحجزناها عشانها ورحت قلت لأمي مانقدر نشتري الذهب قالت مايصير ماتشترين ذهب يدبر نفسه قلت لها بتسلف من وحدة من أهلي وبعدين بشتري ما اقتنعت كلش خطيبي كلمها ودموعه في عيونه ما رضت قلت لها اذا مو راضية بشتري بمهري الذهب وبالغصب اقتنعت وشريت الذهب .. و شهر 2 زوجي قال بيطلع لي سيارة وقصرت فلوس المقدم قلت له بنبيع الذهب ما رضى وعصب بس اقنعته انا اوردي ما ألبسه ومو مستفيدة منه والسيارة بتفيدني أكثر وفعلا بعنا الذهب و قال لي هاذي السيارة حقج بس لا تخافين حتى الذهب بشتري لج بدل الطقم طقمين بس لما تنفتح علينا و في نفس الشهر 2 تزوجنا يعني حتى لما قصر المقدم مني انا لان انا شريت أغراض العرس و بعد كنت مشتركة في جمعية و المبلغ كله حطيته للعرس بالرغم ان كان حاز بخاطري ما سافرت شهر العسل بس قلت ماعليه انشالله بتنفرج والله ما اجذب عليج الشهر الي فات جاته فلوس وبعد قال لي تبين تشترين ذهبج الحين لو بعدين قلت له بكمل تأثيث الشقة اهي جاهزة كلها كان بس باقي كماليات يعني سجاد وطاولة طعام قال لي اوكي بعدين اشتري ذهبج و أنا ميتة صراحة على السفر بس أبتدي بالأولويات طبعا الفلوس الي جاتنا خلصت و أمس متصلين فيه قالوا له بيحصل فلوس على شغلة تاعب عليها بعد عمري وقال لي بشتري لج طقمين وبسفرج أي مكان تبين .. جفتي شلون كل صبري ما راح ببلاش الحمدلله رب العالمين لما أتنازل عن حقي ربي يعوضني بأكثر من الي اتوقعه
ولاحظي أنا ما تنازلت مرة تنازلت وايد وكل شي كان لي أول شي تنازلت عن مهري لذهبي و بعدين تنازلت بذهبي لسيارتي و تنازلت عن جمعيتي لعرسي وتنازلت عن ذهبي مرة ثانية عشان شقتي.. الحمدلله رب العالمين والحين عايشين أحسن عيشة والله يتممها لي على خير ويوصل الي في بطني بالسلامة دعواتكم يثبت وتقر عيوني بشوفته
ولاحظي أنا ما تنازلت مرة تنازلت وايد وكل شي كان لي أول شي تنازلت عن مهري لذهبي و بعدين تنازلت بذهبي لسيارتي و تنازلت عن جمعيتي لعرسي وتنازلت عن ذهبي مرة ثانية عشان شقتي.. الحمدلله رب العالمين والحين عايشين أحسن عيشة والله يتممها لي على خير ويوصل الي في بطني بالسلامة دعواتكم يثبت وتقر عيوني بشوفته
o
28-04-2012 | 01:02 AM
انتي عملتي الصح
N
07-05-2012 | 11:27 AM
نصيحه لاتتعودين تساعدينه لانه اذا تعود انك تساعدينه بيصير واجب عليك انك تكونين مسؤله عن بعض الاشياء هالمره ساعدتيه وخلاص خليه يحط بحدود إمكانياته ومصروفك الشخصي لا تتنازلين عنه ابد لو يعطيك 100بس خليه يعطيك خليه يحس ان الزواج شي كبير والحريم مطالبهم كثير عشان مايفكر يرتبط بغيرك بعدين أنا ما اقول هالحكي أني شديده بس ياما سمعنا حريم اعطوا وحطوا وجزاء هذا تزوج عليها خليه هو المسؤول وكلامي هذا من الخوف عليهم ومن النواحي الثانيه عطيه بلا حدود دلع وحب شيليه من الارض اذا دلعتيه وحبيتيه بينسى الفلوس بس اذا أعطيته فلوس وكنتي بيوم زعلانه او معصبه بينسى كل اللي سويتيه عشانه ودلعي نفسك والبسي واكشخي لأنهم لو حرمتي نفسك عشانه وعشان ظروفه مراح يقول ياحليلها بي قول مؤ مهتمه فيني هذي نصيحتي واتمنى لك يارب حياة سعيده وافضل مم تحلمين
ف
07-05-2012 | 05:50 PM
عادي مافيها شي بس مو كلمرة تسويها انتبهي بعدين يتعود
اما مرة وحدة مافيها شي صراحة اذا الولد اخلاق ويحبك وتحبيه عادي
اما مرة وحدة مافيها شي صراحة اذا الولد اخلاق ويحبك وتحبيه عادي
أ
07-05-2012 | 06:56 PM
مافيها شي اذا ساعدتية هذا زوجك بالعكس راح تكبري أبعينة ولك اجر وثواب بعد, وخذي مثال السيدة خديجة ساعدة زوجه النبي صلى علية واله وسلم ,, واحب اقولش ترى مو كل الرجال استغللين .