اريدمساعدة نفسيتي تدمرت من الناس الي اعتبرتهم ربعيي :(

محد يقدر يساعدني هني ؟؟؟؟!!

حبيبتي شكلج صغيروونه . . لآنج تشوفين هالشي اكبر همومج صح !!

فديتج ذكرتي ف مشكلتج انج شطووورة و ان هم مصادقينج لمصلحة . .

ف انتي حطي حرتج كلها ف الدراسة و اهتمي ف دراستج افضل من انج تفكرين فيهم كل يوم

اصدقاء المصالح مب شرط بس ف المدرسة . . باجر لين تخرجتي و اشتغلتي بتلقينهم ف دوامج بعد

و ف كل بقعه ف الارررررررررررض بتلقين انسان بيكون معاج لمصلحه . .

ف اذا انتي بتمين تكبرين راااسهم بتتعبين . . عيشي لج انتي . .

مب لهم هم !! ولا تهتمين فيييهم !!

اهم شي انتي حبيبتي :****

لا تستهمين لهم عطيهم اكبر طاااف و حقرااان

و قووولي الحمدالله ان ربي كشفهم ع حقيقتهم !! عشان ماتنخدعين فيهم بعد مرووور سنين

و دايم قوولي يارب ارزقني بالصحبة الصاااالحة . .

لا يعورج قلبج ع هالاشكال . . !

و اي بقعة اهمه فيها لا تروحين لها . . و ان شفتيهم بالصدفة و لا كأنهم موجووودين امشي و انتي رااسج فووق و اضحكي و سولفي و بطي جبووودهم . .

الله يحفظج حبيبتي و يووفقج ف درااستج و يرزقج بالصحبة الصالحة الدائمه :*****

حبيبتي انتي مشاء الله عليكي عاقله وواعيه وتعرفين مصلحتك اكثر منا اكيد ..وانتي تعرفيهم اكثرررر منا وعاشرتيهم وعشتي معهم وكشفتيهم ع حقيقتهم .......


وياما ياقلبي شفنا مثلك ..
وياما زعلنا
واتأثرنا ..

لكن الحيـــــــــــــاه ماشيه فيهم وبدونهم حبيبتي :)


لا تخلي احد اغلى من نفسك عليكي

فكرامتك اغلى بكثييييييييييييييييييييييير :)


اتركيهم الي مايبينا ما نبيه

وعندك فرص في الحياه افضل منهم

اتعرفي واسحبي عليهم
واذا احد خسر هم الي خسروكي
لانك ذووق واخلاق
الي ماترضى بالخطا اكيد تكون اخلاقك حلووه :) فديتك

مايستاهلووونك :)

ولا عليج منهم خليج واثقه من نفسج يا حبيبتي ما في غيرهم , الي خلقهم خلق غيرهم

ابيج تروحين بكره المدرسة وانتي واثقه من نفسج ارفعي راسج فوق خليه يوصل لسقف

الصف ما وصيج ها :D

للرفع

يا بنات و اللادهى من كل هذا لما كنت اجلس معاهم كلنوا قولون لي شكلج يفشل شلون شعرج جذي و تعليقات مع اني بدون مجاملة او مدح في نفسي اعتبر نفسي احلى منهم و لما ابتعدت عنهم و تركتهم بدوا يتكلمون عني قدام الكل حتى انهم ابتوا بتشويه سمعتي مو عارفة شلون اتصرف معاهم حتى فكرت اني اغير مدرستي بس قلت ان الهروب مو الحل المواجهة هي الحل ساعدوووني

عزيزتي اذا تشعرين بالحزن بسبب هالبنات وان كنتي من النوع الحساس كما واضح من كلامج
فأن اخترتي المواجهة لازم يكون معج بنات يوكفون بصفج بالقول او القول والفعل ان حصلت مهاوشات بيناتكم
مو همة كومة بنات وانتي بروحج تواجهيهم
هذولة البنات متنمرات يحاولون يختارولهم ضحية ويحولون حياتهة الى جحيم
واني مريت بشي مقارب من جنت بعمرج ولهاللحظة ماانسى الازعاجات من البنات المتنمرات
وترة تنمرهم على غيرهم من البنات مو دليل شجاعة ولا شطارة وانما همة مجرد بنات مسترجلات مسوين نفسهم مثل عصابة بالمدرسة وهم كل همهم الغش والاذية بالقول وبعض الفعل
شوفي عزيزتي ذكريات الثانوية راسخة بالذاكرة ويمتد حزنها الى فترة مو قليلة بالعمر انصحج تستفسرين عن المدرسة الثانية كثير قبل متقدمين على الانتقال الهة والاستخارة طبعا
ولازم قبل كلشي ترجعلج ثقتج بنفسج
وتستعيدين توازنج
وتحطين لنفسج هذف
انج تتفوقين عليهم بأذن الله وتحصلين على كلية افضل منهم من اللي ضايقوج وانج تمشين بخطوات راسخة وانتي ابني صداقات مع كل صفج سواء هذا او المدرسة الجديدة وخلي عندج خاطر عد كل طالبات الصف
وذولة المتنمرات خليهم يموتون بغيضهم
ورأيهم ولا يهز شعرة منج
سلامي اختي

الله يفرج همك

خلك قويه وواثقه من نفسك وهالشئ خيره لك لانهم بس علاقتهم فيك مصلحه

واذا انتي متاثره تذكري انك انتي ماخسرتي شئ بكرى بتتعرفين على الي احسن منهم

تعودي انك ماتتاثرين بالاشياء ولا تصير اكبر همك لان بكرى بتتعبك اكثر من كذا ..

حبيبتي اني بقولج حل .. هالاشكال هذي مصالح لما مرو علي هالاشكال بالمدرسة
صادقت غيرهم .. و صارو يبتعدون شوي شوي
و بعد تمو حاطين عداوة لاني ما كنت اغششهم وجدي او افترقت عنهم لاسباب نسيتها
المهم و بعدين ما يو الا لما شافوني ماهتم لهم وصرت بدل ما اهم مستقوين علي صرت اضحك عليهم
لاني هاوشتهم و عطيتهم العيون الحمرة و حضرتهم للمشرفه ومستعدة ينفصلون كله تخويف بتخويف

بس تالي يخافون
انتي احين طلعي شخصيتج و لاتسكتين لا خوفيهم وضحكي عليهم وقولي لهم ما ناقص الا اكلم لي هيالق
حتى لو انتي وحدة بروحج انتي اكيد بيكون معاج صديقات
بس السكوت مو حل ترى يزيدون بس اذا حسو مستقبلهم بضيع على ايدج
بينردعون لان مو حلوة سمعة و كلام وحاله كل هذا عشان ما كلمتيهم هههههه
بصراحة المفروض تضحكين عليهم و عطيهم عيون حمرة بيخافون وهدديهم
وضحكي بعد عليهم صدقيني ما يقربون منج

انه هالنوعية المصالح و هالشياطين مرو علي تقريبا بس كان الحل جدي
و بينت لهم اني ماخاف عيوني قوي اقوى منهم

بس سوي جدي وبالتوفيق يارب

تذكري هالمقولة دائما ( الوحدة مؤلمة كثيرا لكنها افضل بكثير من اللذيت يتذكروني وقت فراغهم ومصالحهم فقط )

ثقي بانك عملتي الصح وخفتي من ربك سبحانه ولا غششتيهم كل ماشفتيهم وتحطمتي فكري بداخلك لو اني سويت اللي يبون ارضيتهم صح لكني اغضبت رب العالمين خلييكي دايما فخورة بتصرفك اللي سويتيه

ربي ييسعدك ويوفقك اختي