ينيت والله و دموعي ف عيني

الله يعينج

على كل ذي وللحين قاعدة!!!!!!

رجعي بيتج وإذا امج عيت قولي لها الصج بعد ليش تمثلين

اللي في النفاس تقعد عند امها هشان تعلمها واذا انتي مو محصله هالشي يعني قعدتج بدون فايدة

رجعي بيتج وتفاهمي مع زوجج

الله يفرج همك و يعينك و يسخرلك اياهم جميعا يا رب

اقولك ارجعي بيتك وخلي عنك اهلك مامنهم فااااااااااااااااايده


وقولي لها كذاا امك

لمي اغراضك باليل واتصلي ع ابوه واطلعي

قولي لها انا تعباااااااااااانه ابغى انام

واتصلت ع ابوه ياخذه كذا قولي لها

وماعليكي من احد

هاذي مو حاله صرآآآآآآآآآآآآحه

عاد كله ولا صحتك ..


خلي ابوه يتحمل شوي

رجعي بيتك و رتبي امورك ببيتك و جيبي خدامة لو تقدري تساعدك بامور البيت و اذا اهلك قالو شي قولي برجع بيتي احسن

والله روحي بيتك

يمكن امه اتحن عليك وعلى ولدك وبعد خواته

عاد عند امك ليش مادام محد يساعدك

الله يكون بعونج
بس حاولي ترجعي بيتك احسن لك
والحمد الله ع سلامتج

مرحبا , عزيزتي خلينا نحل المشكله حبه , الرضيع لما يرضع ويقو بعد نصف ساعه معناته

شيئين اما أن ما شبع والسبب أنك ترضعينه طبيعي , فرضعيه مره طبيعي ومره صناعي

عشان ينام وعشان إنتي ترتاحين يا حبيبتي وما عليج من هالحجي الفاضي , أن الحليب

مو زين , لا الي موزين أنج ترضعينه طبيعي وما يشبع , حتى اصلا بيصيده بوصفار وانتي

السبب , الحل مثل ما قلت لج اشتري له مرضاعه بو رقمين يعني الساعه ست الصبح

عطيه مرضاعه وبعدها لا تنسين تجشأينه جدا ضروري عشان ما يصير في بطنه غازات

ويقدر ينام لأن الغازات تعور وتتحول الى رياح تخلي الرضيع يبكي , وبعد ساعتين

عطيع رضاعه طبيعية واذا بكى بعد الرضاعه الطبيعية بنصف ساعه معناته ما شبع فسويه

له الرضعه مره ثانية , كل ساعتين رضعه وبعدها بساعه رضعه طبيعية المفروض في هالوقت

يكون صار عندج حليب فإذا سكت لمدة ساعه معناته شبع بعد ساعه اذا بكى سوي له

مثل ما قلت لج رضعه صناعية , وصدقيني بترتاحين وتريحين , بالنسبه للجراحه , طبعا لأنج

بجر اكيد الجراحه كبيره شوي , لما تكملين شهر , جيبي زيت زيتون وجوفي في المرايه مكان

الجراحه وصبي زيت الزيتون على منطقة الخياطه بتحصلينه ينفك غرزه ورا غرزه سواء في

الحفاظه النسائية او في الحمام , بالنسبه للآلام خذي من الصيدلية مسكن وغالبا المسكن

البندول الأزرق الغامج ما يضر , وانتي تاخذينه من الصيدلية اسألي الصيدلاني اذا ينفع حق

المرضع واذا ما ينفع شنو البديل , لأن في الأربعين طبيعي تتعرضين لللآلام ولكن عليج

بالمسكنات في الضرورة مب معقوله تتحملين الآلام فالطب رحمه , عليج بالغذاء الجيد ,

في نقطه جدا مهمه انتي ذكرتيها وامج معاها حق هل إنتي فعلا اذا رحتي البيت ما تاكلين

فإنتي في الوقت عليج تعوضين الكثير من الطعام المفيد الغني بالبروتين والفايتمين والمعادن

عندج كويكر , وصي الخادمه تسلق لج دجاج وبعدها تقطعين لحمة الدجاج الى قطع

صغيره جدا وشوربة الدجاج تسلقين فيه الكويكر بعد نقعه طبعا ومن تقومين بضربه مثل الهريس

ولكن الفرق أن ينطبخ اسرع بكثير ولا تنسي أن تضعي عود دارسين والبهارات ملح فقط

هذه الوجبه تدر الحليب , ومفيده جدا فيها جميع العناصر الغذائية المهمه جدا , كذلك عندج

الكبد خليهم يسوون لج حمسة كبده جدا ضرورية في الأربعين على الأقل مره في الإسبوع

على العشا , في الوقت الحالي اطلبي لج خادمه جدا ضروري وجود الخادمه عشان تساعدج

يختج لازم تكونين قويه وتحطين لج خطط , بالنسبه لسبوح الطفل , حاسبي جدا ترى لازم

يعلمونج سبوح الطفل يبي له حد كبير عنده خبره يعلمج , حركه بسيطه ممكن تعورينه يصير

عنده خلل في العمود الفقري حتى رقبته جدا لينه يعني بالعربي يبي له وحده عندها خبره

تعلمج , ممكن تاخذين اسفنج خاص يبيعونه في محل الأطفال بس اخذي النوع الجيد ,

قبل لا تحممينه جهزي ملابسه البودر الحفاظ , والفوطه اخذيها معاج في الحمام وعلقي

الفوطه تأكدي اذا الماي دافي غالبا الحين بدينا نسكر السخانات بس تأكدي , جهزي له

شمبو الأطفال والصابون وحطي الإسفنج في المغسله بعدها خذي ولدج ووديه الحمام لا

تنسين دعاء دخول الحمام , باكمل بعدين .

مرحبا مرة اخرى , اين انتهينا تضعين الطفل برفق تنيمينه على الإسفنج , وبعدها تفتحين

الماي الفاتر , وترشين الماي على جسم ولدج بعدها ابدي افركي الصابون في يدج وابدي

من رقبته وكتفه وتحت اباطه وبطنه ورجله وبعدين غسلي كل هالمنطقه بالماي للتخلص من

الصابون ,جدا ضروري , طبعا الميزه في هذه

الفكره نومه على الإسفنج اولا أن في هالعمر ما تكون فيه القدره أن يتحرك فهذي ميزه أنج

بتسبحينه وإنتي مرتاحه , نجي الحين للخطوه الثانية , تاخذين البيبي وشوي شوي

تحطين يدج اليمنى تحت رقبته وظهره وراسه وتقلبيه شوي شوي تحطين صدره على راحة

ذراعج الأيسر المكان الي نحط فيه الكريم الأساس :Dيعني منطقة بعد راحة اليدين بحيث

لما تقلبينه طبعا رجوله بتكون تقريبا على الإسفنج وصدره على راحة ذراعج وراسه الله يحفظه

تحت الحنفية ويا حبذا يكون عندج حنفية تشبه حنفية مغاسل المطبخ بحيث تاخذين راحتك

اثناء السبوح وعشان ما يتعب المهم , ابدأي بغسل ظهره بالصابوه رطبي يدك ومن ثم

افركي ظهره ورقبته من الخلف ومن ثم رشي عليه الماء لكي تخلصيه من الصابون بللي راسه

طبعا لا تخافين لأن وجهه راح يكون تحت فمستحيل ينزل ماي في فمه , انزين وضعي قليل من

الشمبو وافركي راسه جيدا , وبعدها اشفطيه شعره جيدا بالماء اغلقي الماء باليد الأخرى

وخذي الفوطه سريعا وغطي رأسه ومن ثم جسده وحركه سريعه اخرجي من الحمام لا تنسي

دعاء الخروج من الحمام , شيئا فشيئا ضعيه على السرير , نشفي جسمه جيدا وبرفق نشفي

رأسه , والبسيه الحفاظة والملابس , هناك نقطه غذائك , بعض الأطعمه تسبب غازات , مثل

التفاح مثل الفلفل الأخضر البارد مثل الزهره , ولكن هناك من الأطفال يستجيب جسمهم

لهذه الغازات فأنا فقط احببت أن اذكرك بأن كل ما يدخل في فمك يتحول مباشرة الى حليب

ولو تلاحظين ذهابك للحمام سيكون اقل , فما عليك الآن الا أن تجربي اليوم تناول التفاج

ربع تفاحه اذا كان ابنك طبيعا مثل كل يوم معناته أن هذه الغازات لاتؤثر فيه اما اذا وجدتيه

يبكي بشكل هستيري تناولي التفاح من غير قشر , وكذلك اول مره تناولي ربع تفاحه ومن ثم

نصفها وفي اليوم الذي يليه تفاحه كامله بالتدريج حتى يعتاد بطن ابنك على هذه النوعيات من

الغازات المؤلمه لكنها ضرورية جدا فابالتدريج نحل المشكله , اتمنى لو اكون قد افدتك حتي لو

بالقليل واي حاجه ثانية أنا حاضره بالنسبه لكل الي قالوا , روحي بيتج , هي تقولكم أن زوجها

من النوع الغير خدوم لأن هذا طبع الزوج فتروح هناك شتسوي , الا اذا هالشئ يريحج روحي

حفظك الله ورعاك .

الله يعينك ويسهل امورك

انا من رأي تستمرين عند أهلك علشان ع الأقل تاكلين .. يمكن امك تخاف اذا رحتي لبيتك تلتهين بولدك و زوجك وما راح تحصلين فرصه تاكلين .. و أمك معها حق .. أكبر خطر على النفساء ( الجوع ) ..

واذا على بكاء الطفل .. ولدك اكيد مليووون بالمية عنده غازات لأن غالباً هي الي تخلي الطفل يبكي طول اليوم .. انتي اعطيه ( ماء غريب ) او ( مغلي اليانسون محلى بسكر نبات ) وحاولي كل يوم لمدة نصف ساعه تخلينه ينام على فخذك على بطنه علشان تطلع الغازات ..

ومهم جداً بعد كل رضعه تحطينه على كتفك وتطقين على ظهره على خفيف لحد ما يتجشأ ( يطلع الهواء اللي في بطنه عن طريق فمه ) ..

ولا تنسين اذا نام ولدك لازم لازم ( تمهدينه ) يعني تلفينه بملف قطني علشان ما تتحرك يدينه ويفزع من نومه ويبدأ يبكي ..

ويمكن ولدك ما يشبع من حليبك .. عوضيه بالحليب الصناعي علشان يشبع زين وينام لفترة طويلة .. و شي طبيعي المولود الجديد كل ساعه او ساعتين يصحى من الجوع .. انتي طولي بالك كلها ان شاءالله شهرين او ثلاثة ويبدأ يطول بالنوم ..

ومثل ما قالت الأخت ( أشواك ورد ) انتبهي لبعض الاكلات تسبب لك غازات وتنتقل عن طريق الرضاعه الطبيعية لولدك .. سوي بحث في قوقل عن المأكولات اللي تسبب الغازات للنفساء وتجنبيها ..

ولا تنسين تقرأين على ولدك الاذكار الصباح و المساء تحفظه من كل شر و تهدّي نفسيته وتخليه بإذن الله تعالى ينام مرتاح ..

وبالنسبه للجراحه عندك استعملي كريم ( ميبو ) جداً ممتاز يلتئم الجرح بسرعه وتطيح الخيوط بسهولة ويخفف الآلام ..

واذا حبيتي تروشين ولدك .. افضل طريقة انك تغسلين جسمه اولاً وبعد ما تلفينه بمنشفة مثل طريقة لف المهاد .. اغسلي شعره ووجهه .. وانتبهي للماء لا يدخل بأذانه علشان ما تلتهب عليه ..

يمكن ولدك بعد يبكي من ألم في أذانه ( غالباً المواليد تجيهم هالحالة ) وديه طبيب اطفال يكشف عليه ..

او يمكن يكون عنده انسداد بالأنف .. وهالشئ ما يخليه يرضع أو ينام زين .. اشتري له قطرة من الصيدلية خاصة بالمواليد للأنف .. وما منها ضرر ..

حاسبي أيضاً للبس ولدك .. يمكن يحس بالحر او البرد .. غالباً المواليد يحترّون باللبس الثقيل .. حاولي تلبسينه قطعة وحده قطنية وتكون بأكمام طويلة وشرابات .. و اللفه خليها قطنية .. وما يمنع انك تخلين الغرفة بارده شوي بروده تناسب الطفل يعني ما تأثر عليه .. واكيد بنفسك بتعرفين اذا الغرفة برودتها وسط او لأ ..

واذا على زيارة أختك و ازعاج الاطفال .. لا تهتمين لهم .. طنشيهم ومتى ما حسيتي بالتعب ادخلي غرفتك وقفلي الباب وارتاحي ..

واذا على جلستك لوحدك بالغرفة ليش ما تحطين لك تلفزيون واتصال انترنت ؟ ع الأقل توسعين صدرك شوي وتستفيدين ..

خلي عنك النفسية التعبانة .. ترى تأثر على طفلك وعلى رضاعته وعلى نفسيته .. لا تقولين ولدي صغير ما يفهم او ما يحس .. صدقيني بالعمر هذا يفهمك اكثر من الشخص البالغ .. لازم حبيبتي وقت اللي بترضعينه تكون نفسيتك مرتاحه وجلستك مرتاحة ولا تفكرين بأي شي ثاني الا اذا خلص رضاعه .. <<< هالكلام معروف وكل الاطباء يقولونه .. يمكن ولدك يبكي من بكاءك وحزنك .. جربي ما راح تخسرين شي .. جربي النفسية الحلوة و شوفي بإذن الله ولدك كيف بيصير .. وطبعاً لا تهملين نصائح الاخوات و نصائحي لك .. لأن احنا جربنا اللي جربتيه و مرت علينا ظروف مثلك وصلنا لمرحلة البكاء واليأس ومرحلة اننا نكره المولود .. بس كلها فترة وتعدّي بإذن الله ..

وسعي صدرك .. ترى والله كلها فترة بسيطة وتبدأين تحسين بطعم الأمومة والفرحة بهالطفل اللي بين يدينك ..


هذا اللي عندي و ان شاءالله اكون افدتك لو بالقليل ..


:065:

و الله الاخوات فوق ما قصروا الله يبارك فيهم و ربي يخفف عنك حبيبتي و لاتشدي على اعصابك عشان حليبك لا ينشف و لا تأثري على طفلك و ربي يخفف عنك و يساعدك و يسهل ولادتي يا رب العالمين

رجعي بيت زوجج احسن مرية بلي مريتي فيه تعذذبت لاراحه ولاشي وترى مساله وقت والياهل يتعدل رقاده الله يكوون في عونج

الله يفرج همك البنات ماقصروا انا ماعندي خبرة