صرت اتفشل و انقرف من خطيبي

السلام عليكم يا بنات

راح ادخل في الموضوع مباشرة عشان ما ادوخكم و ياليت تساعدوني..........خطيبي (مملك علي من 4 شهور و زواجنا لسه ما تحدد) يا بنات مررررررررة طيب ما في زيه في الطيبة و طولة البال و حسن الاخلاق و يعاملني احسن معاملة عسى الله لا يغيره علي لكن مشكلتي معاه انه ما يعرف يلبس يعني ما يعرف يتكشخ لبسه كله عااااادي هو يحسب ذوقه شي واو بس في الحقيقة لبسه كله موديلات قدييييمة مرة و الوان مادري وش تبي و انا الحمدلله من النوع الكشييييخ و اعرف بالموضة و الماركات و كل هذي الامور هو حتى اشهر الماركات ما يعرفها و انا مكسوفة ابين له هالشي يعني مادري شلون اغير فيه هالشي هو يحسب انه يلبس احسن لبس زي ما قلت لكن بصراحة ذوقه اقل ما يمكن اقول عنه انه ذوق قروي مع الاسف مو عاجبني بالمرة و انا صرت انقهر بقوة لما اشوف لبس الشباب و ذوقهم و كشختهم خصووووصا اللي ازواج و خطاطيب جماعتنا صرت حتى اتفشل من خطيبي شوي

الشي الثاني اللي بعد مأثر علي هو انه يحب العطور النسائية ما يحب العطور الرجالية يبغى يستخدم عطور نسائية بس و انا احس ما يصلح هالشي بعد ودي اغيره فيه لأني احب العطور الرجالية و في منها الكثير اللي نفسي اشمها فيه و بعد في شي و هو و الاهم هو انه الله يصلحه يدخن مرات فهالشي مأثر على لون اسنانه و هو اصلا ما يعتني فيهم يعني وااااضح هل شي فعشان كذا شكلهم يقرفني بصراحة صرت حتى لما يجي يزورني اتحاشى اناظر فيه لما يتكلم او يبتسم ما ابغى اشوف اسنانه (رغم انه ابتسامته حلللوة ما شاء الله بس لون الاسنان مخخخخرب عليه) لأن هالشي بعد يهمني مرة خصوصا اني مسوية تقويم و افرش اسناني و ابيضها دايما برضو يعني معتنية بنفسي مررررة من هذي الناحية و هو عاجبه هل شي فيني بس مادري ليش هل شي مو مخليه يحس على نفسه

بليييييييييييز لاحد يفهمني غلط يشوف كلامي صريح شويات و يفكر اني شايفة نفسي عليه او شي بالعكس والله احبه و امووووووت فيه لأنه رجال والنعم فيه و حاطني فقلبه و عيونه كل شي ابغاه يقول لي حاضر بس لو يغير من الاشياء اللي ذكرتها يصير احسن واحد بالدنيا و المشكلة ماني دارية وشلون افهمه ذوقي و اغير فيه هالامور خصوووووووصا موضوع اصفرار الاسنان و كذا لأني جد جد بديت اتفشل خصوصا عند جماعتنا و انفر منه شوي شوي بعد بسبب هالامور

ياليت تساعدوني بطريقة او اسلوب اخليه يغير من ذوقه في اللبس و العطور و يحل لي مشكلة الاسنان هذي لأنها جد مقرفة خصوصا المتزوجات منكم اكيييييد فاهمين وش اقصد

الله يجزاكم عني كل خير لأني بجد محتاجتكم