طبق تايلنيدي... سهل سريع مفيد ولذيـــذ

بنات هذي الوصفه تعلمتها من وحده تايلنديه لا تسالوني شلون اعرف التايلنديه ما بقول لكم بس بعلمكم الوصفه وهي بسيطه وسريعه وما تاخذ اكير من نصف ساعه.
المقادير:
1- لحم دجاج خالي من العظام ونظيف
2- بصل (اقصد البصل اللي يكون تحت ابيض ويطلع منه فرع طويل لونه اخضر)
3- صويا صوص
4- بيضتين
5- سليس
5- ملح وفلفل ابيض وقليل فلفل اسود
الطريقه:
افرمي الدجاج في الخلاط في البيت وخليه في وعاء غزير شوي
قطعي البصل لقطع صغيره(خلو بالكم بنات بنستخدم الجزء اللي مابين الأخضر والأبيض... يعني اخضر وفيه ابيض) .. خلي تقريبا مقدرا ملعقتين بعد ما تقطعينه.. ولازم يكون مقطع مثل البصل اللي نقليه مع الطباخ.
زين الحين خلي البصل على الدجاج.. خلي عليهم بيضه او ثنتين على حسب حجم البيضه...خلي عليهم الصويا صوص والفلفل والملح واخلطيهم زين زين زين بملعقه طبعا.
الحين هذا الجزء الصعب شوي ويبي له تركيز وانتي تسوينه وبتتعودين مع الوقت..شتسوين؟
قطعي السليس لأربع قطع من الزوايا.. اخذي كل قطعه وخلي عليها الخلطه اللي سويناها واقليها في دهن غزير ويكون حامي.. واول ما تلاحظينه تماسك تقومين تقصرين على النار .. انتبهو بنات الحين لين بنقلي لازم نقلي صوب الخلطه قبل وبعدين نقلبه صوب السليس عشان لين قلينه صوب السليس قبل الخلطه بتسيح وثانيا ان السليس بيحترق قبل ما ينقلي الباقي.
جربوها واللي تحتاج لأي شي تسالني
وادعو لي
:shy: