ازيكو كلللللللللللللكو
الموضوع دا بقالى فترة عايزة اضيفة هنا فى المنتدى بس مش عارفة انزلة فين
هو عبارة عن تجربتي الشخصية فى حاجات كتيرة ومتنوعه فى البيت للتوفير فى الوقت والمجهود والمصروف طبعا
وهتشمل ( المطبخ _ التنظيف _ وكل حاجة ممكن نقدر نوفر فيها جوا البيت )
هنرفع شعار التوفير
قولو ورايا ::
هكون ست بيت شطرة
هكون ست بيت شطرة
طول الوقت علشان تثبت فى دماغنا
هههههههههههههههههههههههه
صدقوني انا اتجوز مكنتش بدخل المطبخ اصلا واول سنة جوزى استحملني ااااااااااااااوى كنت خيبة خيبة يعني
لكن كنت كل لما اروح عند حد او اكون معزومة فى مكان استاذن صاحبة المكان طبعا اقف جنبها واساعدها
وبكدة متعلمتش من مامتى بس لا دانا خدت كل حاجة حلوة من كل حد حواليا والحمد لله بقيت شطرة ومدبر وموفرة والحمد لله رب العالمين
فى مبادىء لازم نتفق عليها :::
1_ مش عيب يكون مصروفي قليل او انى امشى على اد مصروفي العيب انى ابعزء فى مصروفي ومعملش حساب لبكرة او انى استلف لانى خلصت مصروفي بدري بدري
2_ مفيش اى اكل بيترمي كل حاجة فى البيت وليها فايدة
3_ هندور على العروض فين والارخص فين ونجيبة
4_ التخزييييييييييييييييين وهقولكو اية اللى ممكن نخزنة وازاى نخزنة من اكل وغيرة
5 _ مهما كان مصروفك صغير هتحوشي منة كمان
نبتدي بقى <<
اول حاجة لما نبتدي نشتغل نسمي الله ونشغل سورة البقرة بصوت عالي لان سورة البقرة بتمنع دخول الشيطان البيت لمدة 3 ايام وكدا كدا اسمعيها وانتى شغالة الوقت هيعدي والبيت هيبقى كلة بركة ويبعد الشر عنكو باذن الله
انا بقسم الاسبوع ازاى هقولكو يوم بطبخ فية ودا غالبا بنضف من على الوش كدا خلو بالكو بنطبخ ليومين لان دا بيوفر اكتر من طبخ كل يوم صنف جديد
بكدا تانى يوم هيكون عندي اكل مش هقف فى المطبخ هشتغل بقى فى الشقة افتح الشبابيك واجيب المكنسة والفوطة اللى هلمع بيها وتكون فوطة زفرة يعنى اية زفرة هقولكو اللى عندهم عربية هيعرفو يعني اية دي فوطة بتكون فية شوية جاز صغيرين تلمعي بيها بقى الموبيليا كلها هتلاقيها بتلمع وتبقى زى الفل ومتخفيش لا هتسيب ريحة ولا اثر ولا غلط على الموبيليا خلى باباكي او جوزك يعملك فوطة زفرة علشان تلمعي بيها
وامشى بقى بالمكنسة :068:والفوطة فى الشقة الاوضة اللى تدخليها لمعيها وروقيها واكنسيها واقفليها هتلاقى الموضوع سهل والله وهتلاقى الشقة كلها اتلمعت واتكنست من غير اى تعب ولا اى حاجة وايدك ديما تكون فى الشقة فهتبقى زى الفل ::: خلصتىالاود ادخلى بقى على الحمام علشان نظبطة وننضفة ولة خلطة تخلية بيبرق هقولهالكو ادام شوية كدا مع المنظفات
اليوم بقى اللى هنطبخ فية هنكنس فية بس فمش هنتعب ولو عايزة انزل السوق بيكون فى اليوم اللى هنضف فية علشان يكون الاكل متحضر مهما خدت وقت فى السوق او فى الترتيب ضامنة انى مش هقصر فى الاكل لو جوزي جة بدري
كدا خلصنا جدولنا اليومي واتفقنا يوم للطبخ ويوم للنضافة ...:ok:
نبتدي بقى مع المطبخ وازاى نوفر فية :::
يتبع محدش يرد بالله عليكو
متنسوش تدعولي بالذرية الصالحة المعافاه عاجلا وان ربنا يخليلي جوزي ويرزقنا كل خير ويبعد عنا الشيطان