عروس و وبفرح لحالي

اللحين بعد ما رتبتوا الاغراض الشخصية واغراض المكياج بشنطة السفر..
انتبهي على بعض الامور.
- ان تكون شنط سفرك برقم سري وقفل ..
- لا تاخذي معك ذهب ومجوهرات غالية يكفي الدبلة وساعة..
- خذي معك شنطة يد واحدة او اثنتين ..

مثلا زي كذا..
[،، يتوجب عليك اضافة رد لرؤية الرابط والصور]

اللحين نجي ايش نحط داخل الشنطة اليدوية

مرايا صغيره

[،، يتوجب عليك اضافة رد لرؤية الرابط والصور]

مشط

[،، يتوجب عليك اضافة رد لرؤية الرابط والصور]

محفظة للنقود وحطي فيها العنوان ورقم تليفون زوجك الدولي ورقم السفارة الخاصة ببلدتك يمكن تضيعين لاسمح الله
[،، يتوجب عليك اضافة رد لرؤية الرابط والصور]

وإذا انتي مسافرة دولة أجنبية خلي زوجك يصرف لك على لاقل 500دولار .. للإحتياط..

مناديل معقمه

[،، يتوجب عليك اضافة رد لرؤية الرابط والصور]

مصحف صغير+ كتاب أذكار الصباح والمساء.."واحسن كتيب عندي حصن المسلم فيه كل شي حتى دعاء السفر ودعاء الخروج"

[،، يتوجب عليك اضافة رد لرؤية الرابط والصور]

ولاتنسين سجادة الصلاة وبعض الفنادق في الدول الاسلامية تلقين سجادة في الدولاب مع اتجاه القبلة..السجادة حطيها بالشنطة الكبيرة..

- خذي حلوى مص وعلك عشان ضغط الطيارة وللتسلية ..
[،، يتوجب عليك اضافة رد لرؤية الرابط والصور]

- خذي قلم ودفتر صغير لتدوين الذكريات او الملاحظات

وخذي معك جوالك والشاحن والتوصيلة حقته

نظارتك الشمسية .. فيه من عد ماركات اهم شي تناسب وجهك من جوتشي ومن الدوو ومن ريفيرآيلاند..

[،، يتوجب عليك اضافة رد لرؤية الرابط والصور]


- خذي معك كاميرا لتصوير الذكريات في السفر اهم شي..
[،، يتوجب عليك اضافة رد لرؤية الرابط والصور]

- شاحن الكاميرا + شاحن جوالك

وهذي الأشياء كمان خذيها لكن حطيها بالشنطة الكبيرة

خذي كريم لليد والجسم بالطعم والريحة

[،، يتوجب عليك اضافة رد لرؤية الرابط والصور]

وخذي بودرة بلمعه للجسم مع روج بطعم الكرز تلقينه بنكتار

[،، يتوجب عليك اضافة رد لرؤية الرابط والصور]

وخذي ديودرنت
[،، يتوجب عليك اضافة رد لرؤية الرابط والصور]
وخذي لك عطر ودهن العود ومسك روز..

انصحك بميس ديور
[،، يتوجب عليك اضافة رد لرؤية الرابط والصور]

اللحين خلصنا من شنطة السفر وحطيناها على جنب وانا اعطي زوجك شنطة من شنطك عشان تصير طقم واحد وماتضيعوها وقت المطار..

الحين نجهز شنطة ليلة العرس يا سلاااام

نختار أصغر شنطة بالطقم..+ شنطة المكياج

اول شي ادهني الشنطة بدهن العود الكمبودي المعتق
هو غالي سعره التوله بـ 600 ريال ونص توله بـ 350 ريال بس ريحته خياااااااااااال .. تلقينه عند عبدالصمد القرشي ..
[،، يتوجب عليك اضافة رد لرؤية الرابط والصور]

عقب رشي رشتين من عطر جيفنشي الازرق ريحته تهبل..او اي ريحه عطر انتي تحبيه

[،، يتوجب عليك اضافة رد لرؤية الرابط والصور]

..حطي اول شي بدلتك الي راح تلبسينها لزوجك في الصباح..
وعلى حسب كم يوم راح تقعدين مع زوجك 3 ليال او ليلتين..
خذي لك فستان كت نعوم طويل او قصير او بودي وبرمودا او بودي وشورت او تنورة وبودي
هذي الفساتين القصيرة ولا تنسين تلبسين معها اكسسورات وصندل ناعم

والتنانير القصيرة انا حاطة صورها .. والبلايز الكشخة..
[،، يتوجب عليك اضافة رد لرؤية الرابط والصور]

طبعا هالملابس تبخرينها عقب تحطينها بالشنطة .. وفستان صباحيتك خليه في الكيس .. وطبعا لاتكثرين من البدل يكفي لزوجك تلبسين فستان ناعم وبالعصر اذا بتروحون بيت اهلك او اهله بدله من قطعتين تنورة وبلوزة والبسي الماس او ذهب اكشخي لانك عرووووسة..


وحطي صندلين لاتكثرين في كيس صغير عشان لا توصخ ملابسك..

وحطي لك بعد ملابس داخليه اثنين لا تكثرين وقمصين نوم اذا بتنامين بالفندق..

وودي معك الشاور جل حقك ومسلتزماته من شامبو وصابون ومرطب ولوشن والسبراي والعطر

انا جربت الخووووخ روووووووووعة خيال وحتى البابايا..

والكاكاوو بعد حلوة وتجنن

و مجموعة الياسمين بعد حلوة

والتوت البري احلى واحلى لان فيها لمعه

وعلى حسب ذوقك اختاري الريحه الي تعجبك

[،، يتوجب عليك اضافة رد لرؤية الرابط والصور]

واللي تحب نكتار عندك

مجموعة برايد ومجموعة التوت وللاسف مالقيت صور في النت لموقع نكتار ...

وفي عندك زهور الريف
نفس الشي مالقيت لكم صور بس احلى مجموعة عندهم الخوخ مع الكرز
ومجموعة نبتون فظييييعه+ مجموعة الكاميليا

ما يحتاج تآخذين فرشاتك ومعجون الاسنان لان في الفنادق كل شي متوفر..

وحتى اعواد الاذن تلقين في الفندق..

خذي معك آسيتون وقطن يمكن تكونين حاطة مناكير بالعرس وتبين تشيلينه..

خذي معك استشوارك ضروري لانك بتروحين اهلك واهله ثاني يوم العرس..خذي معك شنطة مكياجك .. وحطي اوفر حلالك انتي عروس

خذي معاك شنطتين صغار زي حقين العرس مع البدل او لارحتي مطعم قبل لا تسافري..

[،، يتوجب عليك اضافة رد لرؤية الرابط والصور]

اللحين اخيرا خلصنا من شنطة ليلة العررس.

والآن بدأ العد التنازلي

خلصنا من شنط السفر وشنط ليلة العرس ..
اللحين نجي لليلة العرس.. قبل العرس بيوم تكونين مخلصة كل شغلك من بدري ويكون هذا اليوم ريلاكس لك..



روحي المشغل وخليهم يسوون لك مسااج ويسوون لك بوديكير ومنيكير



وعقب رجعي البيت وتعشي عشى خفيف وانتبهي يكون فيه بيض او بقوليات او حليب عشان لا يسبب لك غازات او افرازات كثيرة ..

اكوي طرحتك بالبخار اذا تحتاج كوي وعلقيها مع الفستان..
ولاتنسين اهم شي قميص النوم.. حطيه في صندوق " راح أذكر لكم طريقته بالتفصيل" .. ..


واكوي عبايتك الخاصة للعرس وجهزيهاوبخريها وحطي فيها عود وبخور..
واقري سورة البقرة كامله مع المعوذات وانفخي على نفسك ونامي

نامي بدري عشان تقومين بدري.. سوولي لك فطور سندويشات عسل وبينت بتر وعصير تفاح او اورنج..



وعقب خذي لك شاور سريع بدون تفريك
وغسلي شعرك بالشامبو كويس..
عقب البسي لك لبس فيه ازرار عشان لمى تفضخينه ما تخترب تسريحتك ولا الميك اب..

سوي لك ماسك خفيف ماي ورد ونشاء 15 د وامسحيه..
استخدمي اقنعه حقت شانيل اللي تعطي إضاءة وتنفخ الخدود فيها كولاجين وكانت رووووعة
يجي زي كذا

[،، يتوجب عليك اضافة رد لرؤية الرابط والصور]



عقب.. ما غسلتي وجهك من بعد القناع .. البسي عبايتك وجهزي شنطتك وتأكدي ان فلوسك كاملة للكوافيرة ولاتآخدين بالضبط نفس السعر المتفق زيدي عليه ممكن تحتاجين شي ولا شي..


جهزي كيس حلو وحطي فيه التاج اللي راح تلبسينه
وعقب جيبي الكيس القماش اللي ينحط فيه فساتين السهرة وحطي فيه طرحتك..


اللحين رحتي الكوافيرة .. واستشور لك شعرك وسوو لك التسريحة ..
حاولي تتغدين قبل لا يحطون لك الميك اب لان العرووس بتموت من الجووووع عن تجربة

اللحين خلصتي من كل شي وطلعتي قمر 14 ..
لاتنسين نقطة ..
في بعض المشاغل يسوون لك حمام فرنسي او ملكي وتتفصخين وتقعدين في بانيو يا بنات والله حرام وغير كذا تجيكم التهابات الله لايرويكم..

وقولي للي تحط لك المكياج تمكيج يدينك ورقبتك وظهرك وصدرك عشان ما يصير في فرق باللون..

اللحين قرب الوقت والقلب يدق بم بم : تركتها لكم ياعرايس خخخخ
اول ماتدخلين البيت وغرفتك
اول شي تسوينه تروحين الحمام الله يكرمك ضروري لان مع فستانك هذا كبره شلون بتروحين بعدين خخخ


طلعتي من الحمام .. لبسي الاندروير الابيض المكشكش خخخ حق العرس والبسي معاه كيرفري..
والبسي ستيان السيلون اللي بدون سيور والسليكون ميزته يرفع صدرك ويسويه كانه كبير عشان كذا وقت ما تفصلين فستانك لازم تكونين لابسته ..
لانه يآخذ مساحة ..
"تلقينه في نعومي"

اللحين لبستي ملابسك الداخليه حطي لوشن التوت البري على جسمك على خفيف لان جسمك فيه اساس ..
وعقب حطي قلتر في كل جسمك وهي لمعه ممكن تطلبين من الكوفيرة تحطها لك.

[،، يتوجب عليك اضافة رد لرؤية الرابط والصور]


وقلتر ميك اب فور ايفر فظييييعه مرررره..

اللحين حطي مسك روز او دهن عود كمبودي تحت اذونك وامكان النبض وامسحي على ملابسك الداخلية..

اللحين البسي فستان اي شي خربوطي بس لازم فيه ازره ..
وخذي شنطة الفندق وياك مع شنطتك اللي جايه طقم مع فستان عرسك ولاتنسين تلبسين صندلك الابيض..

اللحين خلي ابوك ولا اخوك يحط شطنك بالسيارة ولا ينزلهم ..إلا لمى تطلعين مع زوجك يحطونها بسيارته..
وحطي صندوق قميص النوم بعد بالسيارة او وديه الفندق بالصباح قبل لا تروحين الكوافيره..


اللحين خذي فستانك معك + الجابون داخل كيسة الفستان ..

وطيران للصالة..

اول ماتدخلين الصالة روحي غرفتك الخاصة للعروس والبسي فستانك وامسكي المسكة يا حركات انتي
وكلللللووووليش والف الصلاة والسلام عليك يا محمد رسول الله ..
خلص العرس..

خلي احد يساعدك من البنات الصغار يرفعون لك ذيل الفستان عشان تركبين السيارة وخلي والدك او اخوانك يحطون اغراضك بسيارة زوجك..

طبعا اول ماتدخلين الفندق .. اقعدي بفستانك وانبسطي فيه ..
عقب ادخلي الحمام وافصخي فستانك وخذي شاور سريع وفككي تسريحتك وغسلي شعرك بالشامبو وامسحي مكياجك
وتعطري وتعدلي والبسي قميص النوم الابيض..


في بنات سألوني وين احط فستان العرس الكبير مع الجبون النافش ..


انا كورته زي الدودة مع زوجي وحطيته بكيس الفستان داخل الدولاب ..

واللي ما تعشت ما اظن راح تتعشين بتنامين على لحم بطنك ما اظن في مطعم فاتح الساعة 2 او 3 الفجر


وفي بنات سألوني كيف استشور شعري ثاني يوم العرس وبيسمع الصوت وفشله ومدري ايش..
والله انا قمت الصباح وفطرنا وعقب استشورت شعري عادي حطيت على اوطى شي لووول

وفي بنت كاتبه ماتقدر تقعد مع رجال غريب في غرفة وحدة اقولها ..
قولي دعاء

اللهم اجعل السكينه في قلبي واقري المعوذات ومالك شر



عندي لكم يا بنات طريقة حلوة لحفظ الملابس الداخلية وقمصان النوم وتخلي ريحته ورد بورد

الأغراض ..


صندوق شكله حلووو أو صندوق قش ملون بألوان حلوووة زي هالاشكال

[،، يتوجب عليك اضافة رد لرؤية الرابط والصور]

نجيب ورود مجففه أو إصناعية ونحطها في داخل الصندوووق..
[،، يتوجب عليك اضافة رد لرؤية الرابط والصور]

وعقب نشتري أكياس زي كذا بس اكبر..
[،، يتوجب عليك اضافة رد لرؤية الرابط والصور]

ونحط قمصان النوم بداخلها كل قميص مع نفس لون الكيسة وندهنها بدهن العود ومسك روز من أجمل .. ونسكرها
ونحطهم كلهم داخل الصندوق

عقب نجيب ورد مجفف


ونتثرينهم على الاكياس من فوق وعقب .. تجيبين كور معطرة من ستي بلازا أو نكتار او لافيندروز وتحطينهم فوق الورد

بعدين جيبي بخور ملكي لأنه ريحته يخبل يجنن وبخري الصندوق..


وتحطين بعدين الشموع للزينة إذا تحبين

ورشي رشتين من عطر جيفنشي

[،، يتوجب عليك اضافة رد لرؤية الرابط والصور]

في مسك خاص للاماكن الحساسة من عند عبد الصمد القرشي بس ايش مسك ايش بودرة اطفال ايش الريحة والخيال ..
كيف تستعملينها..
تجيبي كوب مويه ساخن وتحطي عود التوله فيه وعقب ما تبرد جيبي قطنه بيبي جونسن وامسحي فيها كل جسمك وكثري مسح بالمنطقة الحساسه..
وعقب ..
ما تنشف حطي شويه مسك بيدك وافركيهم بالملابس الداخليه ومع الستيان والبسي وشوفي كيف تفوح منك الريحة..

- ما نصح تحطين نكهات تحت في المنطقة الحساسة لأنه يسبب التهابات
-وعلى الصدر حطي بودرة بطعم الفانيلا من نكتار هذي حلوة بس لاتكثرين ترى طعمها مرر شوي
[،، يتوجب عليك اضافة رد لرؤية الرابط والصور]

شيل المنطقه الحساسه

حلاتها العروس تشيل بالحلاوة..
الطريقه

أشتري حلاوة تلقينها بالصيدلية.. وسخنيها شوي بالمكرويف..
عقب
نضفي المنطقة الحساسة كويس.. وشوي لها تقشير.." صنفرة المشمش"
على خفيف فركي وغسليه ونشفي كويس..

[،، يتوجب عليك اضافة رد لرؤية الرابط والصور]


واللي ماتوفر عندها صنفرة المشمش تجيب شوي سكر وشوي ليمون وتفرك المنطقة عدل مدل وعقب تشطفها

عقب
جيبي مقص وقصي الشعر الطول..

وجيبي بياله الشاي فيها سكر وشويه نشاء وشويه ليمون وادهني المنطقة الحساسة..
لين تنشف


حذي حلاوة صغيرة قد العلكة وأبدئي من الخلف وحطي تحتك مرايه عشان تشوفين وحاولي لمى تفردينها تشيلينها على طول ما تحطينها وتخلينها عقب تشيلين كذا بيعورك..

وكل ما شلتي ادهني بالخلطة اللي عند بالبيالة..
ولمى تخلصين لين فوق
ادهني منطقتك الحساسة والخلف بيبي أويل بزيت اللوز..
[،، يتوجب عليك اضافة رد لرؤية الرابط والصور]

وعقب ما تتشرب الزيت
جيبي ملقط وشيلي الشعر الصغير اللي مارضى ينشال..
وخلاص عقب جيبي قطنة فيها ديتول الاخضر وامسحي ..

وراح تكون منطقتك وردية وناعمة لمدة 3 اسابيع ..

وعقب شهر العسل براحتك شيلي بالموس..

واللي يخافون من الحلاوة عندك الماكينة بس يبي لها وحده جريئة ومحترفه .. لازم تشدين بيدك المنطقة وتشيلين عشان لاتقرص لحمك وتعورك