ابنتي و الحمام !! ساعدووووني

م

مليك روحي

عروس جديدة

15-04-2012 | 12:14 AM

بسم الله الرحمن الرحيم ..

شلونكم شخباركم .. بعد انقطااااااااااااع طويل .. :hysterical:

المووهم بدخل في الموضوع على طول ... و بليز لحد يطنش و كل كلمة و كل نصيحه

راح تفيدني و تساعدني جدا بالموضووع ,,

بنتي البكر عمرها ثلاث سنوات و ثلاثه اشهر .. و للحين تلبس الحفاظ و تعند على دخول

الحمام .. بديت اعلمها على الحمام لما كملت ثلاث سنوات و هذا غلط مني .. بس

كان لي ظروفي ( شخصية و صحيه ) منعتني من تعلميها قبل هالوقت

المهم الحين صايرة عنيدة و متمردة و تبي تمشي كلامها و لا تسمع كلام احد

ما انكر اني صرت اعنفها و اضربها بس من كثر ما طفشتني بعنادها :badly:

حاولت بالطيب و التشجيع ما فاد .. رجعت للضرب ما فاد .. اخذت لها اندرويرز على رسوم

تحبها و ما فاد .. سويت لها جدول و فيه نجوووم بس ما حرك فيها ساكن .. ادخلها الحمام

بالغصب مثل الذبيحه و تطلع و انا اذكرها بالنجمه تلصقها على الجدول .. كلش ما تفتكر ..

تحب تطالع رسوم متحركة .. اطفي عنها التلفزيون تصيح و ترمي نفسها بالارض

حرمتها من الايبود و نفس الشي تدخل مرة و مرات تعاند ...

بين كل فترة اذكرها بالحمام ما ترضى تقول ما فيني .. و اذا دخلت بالغصب اكتشف

انها تحصر نفسها .. و احيانا بالعكس هي بنفسها تدخل الحمام و تعملها ..

احسها تعرف و فاهمة بس مشكلتها العنااااااااااااااااااااااااااااااد ..

طفشتني و ما دري شسوي .. بليز كل وحده تكتب تجربتكم و خبرتكم في هالموضوع

تكسر خاطري لما اضربها او اعنفها بس غصبا عني .. احس بتوتر و ماباقي لها شي و تدخل

الروضة .. كلها اربع شهووور .. و ابيها تتعلم ... شسووووووووووووي :'(

n

nora_2009

عروس رائعة

15-04-2012 | 12:26 AM

up up up

.

.. أمــ عــلــيــ ..

عروس ماسية

15-04-2012 | 02:56 AM

جربي طيب اضربي لها مثال اذا لها اولاد عم او خال يدخلون الحمام

يمكن تغار وتقلدهم ..

انا ولدي ما نفع معه اي اسلوب لا تشجيع ولا قوة .. اللي نفع معه ( ضرب الامثلة ) ..

اقول له : شف فلان صار رجال كبير ويروح للحمام .. وانت مثله .. والحمدلله ضبط معي هالاسلوب .. ومازلت استعمله ههههههههه ..

وطووووولي بالك .. اذا جيتي تتكلمين معها حاولي تضبطين اعصابك بعيد عن الصراخ والهواش ..

يعني قد ما تقدرين خلي فترة دخول الحمام فترة محببه لها ما تصير شي اجباري وتكرهه ..

:)

م

مليك روحي

عروس جديدة

15-04-2012 | 11:50 AM

بس رديييييييييين؟!!

سببتوا لي احبااااااااااااااااااااااااط :badly::badly:

عالعموم مشكوووورات خواتي nora_2009 و .. أمــ عــلــيــ .. .. الله يعطيكم الف عافية

و ما قصرتوا ..

اختي أم علي .. المشكلة اني لما أكلمها بطيب ما تسمع و تقوم تصارخ .. يعني لما تقعد

في الصبح اقول لها بنروح الحمام .. و هي تبي الايبود عشان تلعب .. و اكلمها بطيب .. ان

بنروح الحمام لانك شاطرة و بعدين العبي في الايبود و طالعي دوورا ( حبيبه قلبها ) ... بس

ما ترضى .. تصارخ و تعلي صوتها و تصيح .. و يا اما اضربها و ادخلها غصب .. او احيانا

اعطيها الا تبي عشان تسد حلقها بس ..

احس باليأس و العجز .. و كلها اسبوعين و بتخلص اجازتي و برجع دوامي :(

الله المعييييييييييييييين

ك

كادي الدلوعه

عروس فضية

15-04-2012 | 12:23 PM

بنتك تعرف نقاط ضعفك وتركز عليها عشان كذا تنكد عليكي واضح هههه

انتي لا تهتمي فيها ولا تعصبي ..

وشوفي راح تتغير ..

لا تلبسيها بمبرز بالبيت نهااااااائي

وخليها .. ومتى ماهي تبي راح تقول من نفسها
وان سوتها على نفسها ناظري فيها قولي يععع

وقولي روحي حمام غسلي ..
صدقيني رااح تخجل من نفسها شوي شوي

رآآح تروح ركض للحماااااام

بس انتبهي انتبهي تعصبي خليكي باااااااااااااااااااارده جداااا

ومجرد حسيتيها راحت صفقي لها ..

التصفيق راح يعطيك نتيجه مبهررررررررررررررره اكثر من النجوم

والله يعين عليهم :)

s

sweetnov

عروس مشرقة

15-04-2012 | 12:26 PM

انا وياج توني مبدية اعلم ولدي الحمام وعمره سنتين وتسعة اشهر والكل يقول لي اني متاخرة بس انا كنت انتظر فصل الصيف ولدي بعد يعاند وكلا يقول ما فيه وقت اللي ابي ادخله بس انا اخذه بالسياسة اركض وراه واخليها كانها لعبة يستمتع فيها وندخل الحمام اذا كانت النجوم ما تلفت انتباها خذي لها العاب صغار وقولي لها كل خمس نجوم بعطيج هدية ولا كاكو بالحليب ولا بنروح الحديقة وتفاخري فيها قدام ابوها انها صارت كبيرة وتروح الحمام هي بتحس انه تسوي شي مهم وعطيها امثلة بالاطفال الثانيين اللي ما يلبسون حفاظ ويروحون الحمام .انتي لانج مرتبكة وقابلة للتعصيب فهي تعصب معاج لكن خذي الامر ببساطة وروح رياضية وضحك ولعب وهي بترتاح وما بيكون موضوع مربك لها .انا بعد ما عندي وقت واداوم نوبات بس شوي شوي وبتكبر وبتعرف انا الحين افكر متى هو يقول ليي بروحه انه يبي الحمام