ياليت تعطوني حل وارتاح الله يجزاكم خير

السلام عليكم ورحمة الله وبركاته ،،
اخواتي في الله ،،

انا تقدم الكثير والكثير لخطبتي
عن طريق الخطابة ،،
حتى مدري من أعطها رقم بيتنا والا احنا وعائلتي مانتعامل مع الخطابات أبدا ابدا ،،
احنا قبائل ودائما زواجاتنا تقليدية مثلنا مثل غيرنا من المجتمع

لان كل اللي عن طريق الخطابة يكون زواجهم فاشل وينتهي بالطلاق

يوم جاء الساعة 11 بالليل الا وحده تدق علينا وتقول هذا منزل ام .....
قلنا إيه من انتي ،، قالت ....
أنا أم .............
من أعطاك الرقم ؟
قالت ناس من معارفكم ؟
قلت مين ؟
قالت من معارفكم وحلفتني هاالفلانه أني مااقول أسمها ؟!
بس هي تبي تعمل الخير وتستر عليكم ،،

لكن كلما جوا وشافوني مايحصل نصيب

اللي يقول ماشاء الله ،، واللي يقول حلوة ،، واللي يقول ولا يهمك ابجيب لك كذا وبجيب لك كذا ،، ؟؟؟!!!!!!
اللي يقول زواج سري واللي يقول برد لك بعد مااستخير ولا يرد
يهج يختفي ،، واللي يلعب علينا بس جاي يتفرج ،،
على بنات المسلمين ،،
وكلما ادخلوا عند الوالد ،،
وجلسوا وقاموا سواليف منا ومنا ،،

جينا لصلب الموضوع :

يابنات الوالد يقول لهم جيب أبوك جيب أمك أخواتك ،، يقوم يتعذر ويختلق الاعذار
وكله لعب في لعب ،،
اللي يقول ابوي ميت واللي يقول امي كبيرة بالسن ماتقدر تجي وساكنة بمنطقة بعيدة ،،

حسبي الله عليهم وعلى الخطابه وكل من يتعامل معها ،،

يابنات وش الحل مع هاالاشكال اللي يدخلون بيوت الناس ويبون يشوفون البنت بالنظرة الشرعية ،،
وبعد مايشوفها ويتفرج عليها ،،

يقول باي باي مع السلامة ولا يصير شيء ؟!
همهم دخول بيوت الناس والتفرج على بنات المسلمين ،،
لايخافون الله ولا يتقونه ولا يستحون من اللي اكرمهم ودخلهم بيته ،،
طلعوا كلهم كذابييين خرااااطين ،،
قلوبهم ترجف خوف لان اهلهم مايدرون على اللي يسوونه من وراءهم
اولا : زوجته الاولى ماتدري انه يتعامل مع خطابة ؟
ولا يعلمها ولا يقولها
ثانيا : الخطابة تسعى لمصلحتها قبل كل شيء
ماهمها توفقتي في زواجك او لا ،،
همها غرضها المادي فقط (( الفلوس ))
حسبي الله ونعم الوكيل ،،
ثالثا : يابنات العمر يركض والبنت اذا وصل عمرها للإربعين او الثلاثين ،،

خلالالالالالاص ماعاد احد بيتقدم لها ،،
بتعنس ببيت أبوها ،،

وحده نصحتني الله يجزاها كل خير ويوفقها ،،

قالت أسمعي مو كل من يجي يتقدم لخطبتك ،،
طلعتي له ،،
لاززززم يجيب أمه أو ابوه او عمته او خالته
او اي احد من أقاربه ،،
بنات الناس مو لعبة وتفرجة لكل من هب ودب ،،

والمؤمن لايلدغ من جحر ضب مرتين ،،


راح يتعودون وبتصرين فرجه لكل من جاء لخطبتك ،،
أثقلي وربك هو الرازق مو الخطابة ،،
لأن الخطابة هدفها مصلحتها مافكرت بالغير ،،

وانتبهي وانتبهي تكررينها ،،
اللي يبي يتقدم صح وناوي على الزواج وستر بنات المسلمين يجي مع ابوه او عمه او خاله او امه إن شاء الله حتى جدته ،،

وتسألون عن فصله وأصله ومن وين هو ،،
مايجي كذا جاي يستعرض ويتفرج ويلا مع السلامة ،،
هذه من قلة الدين ومن قلة الأدب وقليل حياء
ووجه مغسول بمرق ،،

،،

والله يابنات مدري وش الحل ؟
مع هذه الاشكال من البشر المنعدمين الضمير والدين ،،
وكلهم مافيهم واحد نقول ماشاء الله ،،
خراااااطين وكذابيين وما منهم خير ،،
كلهم سراابيت

حتى مايجوز يشوفون البنت ،،
ولا يحصل نصيب ولا شيء
ولا طلعنا بنتيجة ،،
أمتهنوا هاالمهنة وصاروا يدخلون بيوت الناس

لا حسيب ولا رقيب عليهم
والله لا يوفقهم ولا يرزقهم لادنيا ولا آخره
كل من تلاعب ببنات المسلمين
وكل من تعامل مع الخطابات ،،

أنتبهوا أنتبهوا من الخطابات ،،
وكل من يتعامل معهم


أنتظر ردودكم يابنات عروس
والله يعوضني خير ويرزقني ويرزقكم وبنات المسلمين
وحسبي الله ونعم الوكيل
حسبي الله ونعم الوكيل
حسبي الله ونعم الوكيل
حسبي الله ونعم الوكيل
حسبي الله ونعم الوكيل
:'(:'(:'(:'(:'(:'(:'(:'(:'(:'(:'(
:(