ابي نصيحة

دامكم متزوجين يعني مريتوا بفترة خطوبة تعرفتوا فيها على بعض وعلى طبايع بعض أكيد

تعرفين ريل شنو يحب وشنو يكره

طلعوا مع بعض ..جوفوا التلفزيون مع بعض .. طلعوا تمشوا مع بعض

قولوا حق بعض كل شي .. سأليه عن يومه

طبعا اهيه مو وصفة سحرية بس اكيد كل وحدة وتعرف مفاتيح زوجها

ما راح اقول لج انا مع خطيي جذي وجذي لأنه كل علاقة غير عن الثانية

بس ابتدي بخطوات صغيرة منها طلعوا اشتروا ثياب مع بعض قولي له آبيك تلبسني حق العدي على ذوقك مثلا والعكس انتي لبسيه على ذوقج

وهلون يعني

شوفي مرات الرجال ما يحب زوجته تكون زوجته وبس لا يحب تتعامل ويه وكانها صديقته او حبيبته .. حاولي تقولين له كلام قوووي شووي الرجال يحب هالشي وحاولي تجين انتي يمه ادلعينه تبوسينه تقولين له ودي نطلع مع بعض بروحنا مثل الاصدقاء حاولي تتكلمين وياه وكانج صديقته يعني هالامور ما يبي له شرح وايد تجي من روحها ..

آن ششـآء آلله البنـآت يسآعدوؤنج . . = )

بعض الرجال يحب الزوجه اللي تمزح بس مو على طول دلعيه اعزميه على مطعم دزيله مسجات اتصلي عليه بين فتره واخرى وهو خارج المنزل غازلي زوجك ههههههه والله احترنا مع الرجاجيل

مشكورين حبيباتي المسكلة انه صارحني ان انا مب مقصرة وهو الغلطان لان يحس المشكلة فيه و في نفسيته من جد تعبت مع اني فرحت لان هذي اول مرة بعد 7 سنوات زواج يعترف بانه غلطان و يوعدني بالتغيير وكل اللي ذكرتوه انه متبعته من سنين مشكورين خواتي

مدري ماني متزوجه وماعندي فكره

اذا مب مقصره معاه ابد وفوق هذا يطلب صداقتك اكيد فيه شئ يفتقده انتي ماوصلتي له ..
الصداقه بين الازواج ..

شئ جدااااااا كبير اولها الاســـــــرآر

والثقــــــــــه

حاولي تشـــــــــاركينه في اهتمامته مثلا ايش يحب هويات

سباحه مثلاا اعزميه ع نادي خاص بينكم اسبحي معه

او رياضه المشي

ومنها طبعا مشي وسووووووووالف

وحاولي تلبسين مثله

يعني اكيد مب مثله مثله هههه
لااا
يعني مثلا تيشرت ابيض عليه مثلاا نفس الكلام او الرسمه

ورخيصه يصلحونها عند الكشكات تبع الطباعه بالكمبيوتر حلوه هالحركه اهدي لزوجك تيشرت طقم معاك ..

وقولي له هاذي لصديقي وحبيبي فلان
اعزميه كوفيهات واقرأي الجريده معاه ..

اتنقاشو في امور الحياه العامه ..

يعني مو دايم حب في حب
لاا

مرات كلامكم عادي ومرات كله حب

يعني من هالاشياء حاولي صدقيني فيه اشيااء كثيررر بس شغلي مخك ..

والله تعالى يووووووفقك يارب :)

موضوع انك تكوني صديقه لزوجك .... يتطلب مقدر على التحكم بالنفس والانفتاحيه في النقاش بكل المواضيع بدون حدود ( او غيره ) وطرح اراءك بحياديه تامه بعيده عن التعصب للرأي

لكن يحتاج الموضوع ان تلقي نظره على كتاب الرجال من المريخ والمرأه من الزهره ...

وأن تخرجي من عباءه الزوجه .. لكي تعيشي جميع الادوار مع زوجك ... من صديقه إلى عشيقه الى زوجه ..

تحياتي

ام جنى

لا يا عزيزتي المشكله مب اهني في نقطه مختفيه , هو الظاهر من النوع الي ما يعبر يعطيج

رموز وايش دراج يمكن يبي يلعوزج :D كل الي باقوله لج خليج مرحه في البيت ولما يدخل

رحبي فيه عطيه الكلام المعسول واحضنيه اتوقع والله اعلم فاقد هذي النقطه .

انا مع ام جنى (( نور)) كلااااااااامه صح ... الصداقه انك تتجردين من شي اسمه زوجه ومسؤوليه وجدددديه وغيرررره ....

الصديقه تفتحين لها قلبك واسرارك ومااااا تخافين من ردة فعلها... الصديقه هي اللي تشاركك همومك واحزانك وما همها المصلحه ...

كوني كذه مع زوجك ... يعني اعرف وحده تقول زوجي قبل لا يتزوجني قال لي ابغاك تكونين الصديقه الصدوقه .. لاني لو مليت منك كزوجه بلقاك كصديقه ولما امل منك كصديقه بلقاك زوجه ... يكون بينكم صراااااااااحه قووووويه وللاسف مو كل الازواج يتقبل هالشي ... يعني مثلا صديقتي هاذي كان زوجها يبوح لها بعلاقته مع النساء بشغله و وشلون كانوا يستهدفونه وكيف كان يتجاوب معهم ... صح هالشي يقهررررررررررررر ويذبح المرأه بس عشان تكونين صديقه تفاعلي معها واسمعيه على الآآآخر وبعدين لوميه بحب انه والله كان هالشي غلط وعيب وحرام واليوم عندك صديقه احسن منهم وبس انسي السوالف اللي قالها لك .... ولا تشكين ولا توسوسين ولا ترجعين تنبشين الماضي... الموضوووع كبيرررررر ومو كل واحد يوصل لمرحلة الصداقه لان كل طرف بيكون متخوووف من الثاني.... فنصيحتي لك كوني له صديقه ولا تلومينه ... وبعد لما توصلين لمرحلة الصديقه امكن يصارحك بكلام ماااااااااااتصدقينه وهذا يرجع لإحتياجاته اللي انتي عارفتها مو كل رجال يكفيه حركات وسوالف وضم وبس لااااااااااااا الزمن تغير والرجال يبغون الكبير ... يبغونك كل شي صديقه تتفهم و زوجه حنونه وحبيبه رومانسيه و عشيييييييقه محترفه ولو مثلتي ... اقرأي عن اسرار العشيقات لناعمه مو جود بالنت ابحثي بقوقل ... والله يوفقك تكونين صديقه لزوجك ... وحتى فكرة التيشرتات اللي قالتها وحده من العضوات حلووووه ....

احسها صعبه شويه ,و لان الصديق هو اللي تخبرينه بأسرارش وانا ما افضل ان المرأه تخبر زوجها عن اسرارها
مادري يمكن لاني ماجربت
الحريم ماقصرو
ربنا يعطيش العافيه

شوفي يااختي الزوجه زوجه بمعنى الكلمه يعني كل شي للرجل حبيبه صديقه وغيره لكن من وجهة نظري وارجو انكم ماتفهموني غلط ان رجل هذا العصر ماينفع معاه الاالعين الحمره وماينفع معاه الطيبه والحنيه انا انصح نساء هاالوقت انها تشد على الرجل مااسرع ويخون ويتزوج عليها الطيب ماعاد ينفع معاهم العوانس كثرو في هذاالزمان والله يعين8o|