محتاره ساعدوني

هلاا حبوووبــهـ

الله يسهل لج اموووورج ...

أنــا ما عندي اي خلفيه عن هالشغلات لاني بعدني بنوووتــهـ

ان شاااء الله البناااات يسااعدووونج

ووووررربي يووووفقج خيتووو

تسلمين لي اميره الله يعطيكي الف عافيه

بناات وينكم ؟!

هلا أختي ريما الله يوفقك ويتمملك على خير يارب شوفي ياقلبي تصدقي بشوي من مهرك لو 50ريال ثم توكلي على ربك وادعي انه يبارك في مهرك
بعدين سجلي الاغراض في ورقه عشان ماتنسين شي بالنسبه للذهب هو فعلا غالي الله يعينك لكن اخذي اسوارتين وتعليقه ناعمه
حاولي تكون بحدود10000ريال ثم خصصي للملابس 10000ولاتكثرين لبس لانه يادوب يكفي مهرك استاجري فستان زفافك بحدود1000ريال ومااعرف والله اذا الكوافيرا عليك والكوشه اذا كذا احجزي الله يعينك بس حاولي تكون الكوشه ناعمه وسعرها قليل واحجزي كوافيرتك ولبسك خليه فستانين ناعمات وبناطيل جينز وبرمودات وبلايز وتنانير واعيد عليك لاتكثرين لانك بتروحين شهر العسل تشترين وقمصان النوم نصيحه اخذي3طويله 3قصيره وبجامات حرير2وقميص ليله الدخله وبس والمكياج اخذي اللي يناسبك الاهم كريم اساس وبودرته وظل وارواج ومسكرا وبلاشر واذا انتي ساكنه في الرياض يمكن اقدر افيدك بمحلات اسعارها حلوه واذا تبين شي مستعده اساعدك والبنات بعد مايقصرون بيفيدونك لاني بصراحه مثلك بس ساعدوني البنات في المنتدى وصديقاتي بعد.....

يااااااااااحبي لك ... الله يتمم لك على خيرررر

تصدقين انا مثلك تقريبا عرسي بعيد الفطر القادم ان شاء الله والمفروض ان عرسي بشهر رجب هذا هههههههه بس والله اني قاعده امااااطل وكل شوي اقول اجلواا العرس وعلى كذه ... ونفسيتي راااااااااااايحه عالآآآخر وكل شي حووووسه ...وبس احس بهالشعور يجيني نوووم الله لا يوريك احط راسي بالمخده وخخخخخخخخخخ وانسى الدنيا ..انواااع الهرروب.... فنصيحتي لك خلصي عمرك من الحين وانا ببدأ اجهز معاك والله يسهل عليناااااااا... وترى انا مثلك امي الله يرحمها متوفيه وخواتي متزوجات كلهم وبالخااارج وبيجون ضيفااات بالزواج ... ولا عندي ولاااااااااااااا احد ... قاعده ارتب لحالي وماتتصورين وش كثر الحووسه اللي انا فيها..... وبالنسبه لي تدرين كم مهري 20 الف بسسسسسسسس واللهم لك الحمد بتكفي بإذن الله ..طبعا العرس وتكاليفه موب داخله بالمهر....

شوووفي حبيبتي ... اول شي الدعااااء ادعي ربك يوفقك ويسهل عليك ودوري بالنت الدعاء اللي تدعينه لك ولزوجك والله ادعيييه تجنننن فيها التسخيرررر والخيررر كله .... ويشوفك ملاااااك ويوفقكم .... ولاتنسين الصدقه تصدقي باللي تقدرين عليه عشان ربي يبارك لك

الشي الثاني انتي الحين لازم تركزين بشيئين جمااااااااالك ...وتجهيزاتك .... يعني الجمال سوي لك برنامج لشعرك ولبشرتك ولصحتك تراااا فيه خلطات حلوووه من بنات النت وجربت بعها

فيه خلطات حلوه من بنات المنتديات وجربتها ونتايجها حلوووه ... عشان مايروح عليك الوقت على الفاضي ....

والشي الثاني تجهيزك ... قلتي ان مهرك 30 الف الله يبارك لك شوووفي انا من رايي ومن غير اي جداااااال او لف و دوران من خلال تجربتي في زواج 2 من اخواتي لاااااااااااااااااااااااااا تغرك المظاهر ابداااا ولا تندفعين في الشرااااء ....تعوذي من ابليس ..وطيعي شوري السوق مووب طاير .... وماعليك من الناااااااس ابددد .... اهم شي تكونين مقتنعه ... تراها ليله وبتعدي ولا احد سائل عليك ولا شايفه من احد ريال ....

15000 خليها ذذذذذهب ...ذذذذذهب ومن غير اي نقاااااش ... نص مهرك خليه بالذهب تراه فخامه ومنظر وعليه القيمه وبتكونين حفضتي فلووووسك ..... اشتري لك طقم حلووو وانصحك طقم مثل الطوووق احلى يبين على الرقبه ...موو لازق بالرقبه مررره ويخنقك لاااا يجي داير ما دار على عنقك الجميل ههههه .... واشتري لك غوايش 2 او بناجر بيطلعون لك مثلا ب 4000 واشتري لك بالباقي خواتم .... ولفي السوووق بتلقين بهالسعر ان شاء الله كله على الوزن ...

يبقى معك 15000 ..... قسميها على المهممممممممم ...وتخيلي نفسك تقضين لنفسك وانتي بنت مووو عروس ...لاننا لما نحط ببالنا ان حنا عرايس خلاااااص ننهبل ونجيب الغالي ونشتري اشياء ماتناسبنا من منطلق ان حنا عروس.... لاحبيبتي ... الدنيا مو طايره ومووو كل شي حلووو تشترينه بكررره لما تكونين مع زوجك بيمل منك ومن لبسك وكل الأزياء والالوان والموديلات لابستها ...وش خليتي لبعدين ...خليكي آآكشن بالتقسيط ....

ال 15000 قسميها على ملابس النوم ... ملابس البيت ... ملابس الزيارات ... فساتين ...مكياج و عطور ... عبايه ..شنط وجزم ... كماليات وهي اغراض الصيدليه والاكسسوارات .....

التقسيمات كثيره بس والله لو كنتي شاااااااطره بتكفي ال 15000 .......

قمصان النوم ... اولا روحي الاماكن الررررررخيصه والحلوه لو كنتي بالسعوديه عندك مثلا الهرم ..سيتي ماكس..ماكس .. وهالمجمعات الصغيره مثل المعيقليه و سوق سويقه القديم ... عندهم اغراض ماعليها وحلوه ... نقي لك اول شي قميص ليلة الدخله وهو ابيض طويل ومغطى بدانتيل او شبك مطرز خذي الحلو والررخيص لانك بالاخير ماراح تحتاجينه الا بالذكريات ... اختي شرت واحد ب 150ريال من محل بالمعقليه ... بعدين خذي لك 3 قمصان قصار و 2 طوال ..وفيها افكار ياريش يا دانتيل يا شبك استرتش ونوعي بالألوان .. وخذي لك بجامه حرير وحده معها روبها الحريري لانك بتحتاجين تسترين نفسك فيه... خليه دايم بطرف سريرك للطوارئ خخخخ ... وخذي لك طقم داخلي واحد مطرز او فيه حركه اعتقد هذا يكفي يعني 7 قطع تكفيك من قمصان النوم ....بعد الزواج تكونين عارفه رغبة زوجك وذوقه وانزلي تقضي على راحتك ..... وتراهم ريخصات من 40 و 35 و 50 لا تتعدين الميزانيه ..... يعني مثلا 600 إلى 700 ريال ...انتي وشطارتك ...وعلى حسب السوق ....

بالنسبه للبيت خذي لك ملابس داخليه اطقم ...احلى واجمل وارتب من التنسيق وو جع الراس وخذيها رخييصه يعني بتطلع لك من 30 او 40 ...ملليااااااااان الهرم من هالسوالف .... عشان لما يصير شي وانتي بالمطبخ او باي مكان بالبيت يشوفك زوجك مرتبه ولابسه طقم حلووو ... ومايحتاج ...وخذي لك كلسونات قطنيه للبيت....

خلصنا اللبس الداخلي


نجي للبس البيت ... لااااتكثرين ... اهم شي قمصان قصيره نعووومه قطنيه مثلا 2 ... وبجامات قطنيه خذي 3 واحد بنطلون طويل و بنطلون قصير و واحد مثلا فنيلته علاق ...بتحتاجينهم وقت الدوووره تنامين فيهم ..وبعد لما تنظفين بيتك ... وعملياااات ...

خذي لك تنوره قصيره 2 و خذي شورت للفخذ1 وبنطلون جنز ونسقي عليهم بلايز نعومات ... وخذي لك فساتين ناعمه للبيت استرتش وابحثي بالنت عن افكار للبس البيت وبالغالب مثل الموديلات التركيه او الكوريه والصينيه مررره كيووووت ودلع .... ترى الرجال يحبون النااااااااعم والانيق مو تجيبين المطرررز والخشن والثقيل ....

عندك لبس الطلعات على حسب ضيوفكم ...وطلعاتك ... وممكن تفصلين تشترين اقمشه حرير وشيفون وتسريقين موديلات فساتين ناعمه من النت ....

عندك الجزم والشنط نسقي بين الوانهم وشوفي العدد المناسب ...انا عن نفسي شريت للحين 3 بس ... وامكن ازيد 2 سهرات ومع السلامه ... والشنط شريت 2 بس وبزيد للسهرات لون يناسب اغلب اللبس .....

انصحك تقرين تجارب البنات وشوفي وشلون ندمانين على كثرة الملابس اللي مالبسوها.... وانتي خذي من كل شي 2 ..2 ...2 .... ولو نقصك شي انزلي تقضي.... الله يوفقك ويسهل عليييييييييييييييييييييييك ويتمم لك على خيررررررر

نصيحتي لك تررررررررررى الرجال مايفهمووون بالغالي او الرخيص اهم شي عندهم حلوووو ويخلي البنت جذاابه و ووواووووو .... يعني بإختصار ابدئي اول شي بالأشياء المهمه اللي قدام الحريييممم ... فستانين كشخات وطقمي شنطه وجزمه عليهم واكسسوار حلوو وكم طقم للزيارات حلوين ... لان الحريم يفهمون بالزين فإفتكي من الحين وشوفي مو معناته تشترين من الغاالي لااااا شوفي الحلوو والمعقول...مثلا انا وش سويت ...بفصل فستانين ماايهمني الموديل بكثر اهمية القمااااااااش ...فبشتري قماش مطررررز فخم وبسوي موديل نعوم ورررايق واصلا القماش بيتكلم قبل الموديل... وبشتري الذهب ومكياح وتسريحه عند الكوفير نقش بيدك و وش حلااااااااااااتك .... بس قدام زووووجي مو معناته ماتتكشخين لاااا تكشخي بلبس بيت حلووو بس موووو غالي ...لو لبستي له من نعومي وإلا من لاسنزا وإلا من المملكه والفيصيله ما درى ولا عرررف .... اختي شرت بلوزه ب 30 ريال على الماشي وانا قلت لها وعععع وش ذا ... وجت عندي بعد مده وقالت تصدقين زوووجي انهبببل على هالبلوزه ... ليش مطلعه الصدر واسترتش على الجسم وصناعه صيني ههههه ...ورخص التراب...فأنتي شوفي الحلوووو والمثيرررر والدلع والغنج ...خذي لك هيلاهوب شفاف او على شكل شبك يجننننن على شورت للفخذ او تنوره قصيره ... شوفي لبس الكوريات عالنت او الصينيات مرره يدوووخ ... والسوق مليان منه وبرررخص التراب.... يعني لو بتلبسين لبس بيت وقدام زوجك ماراح يكلفك 2500 إلى 3000 .... كلها من الهرم ومن هالمحلات الرخيصه والحلوووه ...مثلا شباشب البيت الفروووو حلوووه .... خذي لك خلخال لرجلك نعوم وطوابع لصقيها بأماكن بجسمك ..ولصقات اظافر... وحزامات لبناطيل الجنز او التنورات ...الحزام حلووو ... في اشياء تافهه بس تعكس جمالك وتجنننن الرجال...

مثلا المكياج .... ركزي على الكحل الأسود داخل العين والقلوسات ..يعني روج سايل فيه لمعه وكأنك بشفايفك عسل ياعسل ... اما النوعيه فخذي ماركات رخيصه وحلوووه مثل ماكس فاكتر و بورجوا .. وفيه انواع ارخص جربيها بالمحلات تجي ب 25 و 30 .... والعطور عندك اول شي تشترينه ..المسكككككك ريحته فضيعه ..خذيه من القرشي خذي لك نص توله مسك العروس وحطيه بأماكن النبض بجسمك ... وخذي عطر واااااحد فخم وانصحك ماااركه يعني 200 ريال تقريبا او 300 بس عن تجربه عطوووور الماركه مافي مثلهااا ابد ... انا عطري ان شاء الله هو من لانكوم واسمه مدنايت تريزور توه جديد ولونه بنفسجي وريحته على توت بس مووو اي توت ....وبعد العرس بشوف وش بزيد ... شامبوهات ومجموعات الجسم كلام فاضي جربت نكتار وبودي شوب ماحبيت جل الأستحمام وهالسوالف ...فباخذ من لوكس حلووو وباخذ من هالمحلات بس معطر سبري للجسم من بعد الشور والبودره باخذ من محلات اجمل يمدحون بودراتهم وسعرها حلووو .... انتي ابحثي بالنت وشوفي تجارب البنات والله يوفقك واتمنى اكون ساعدتك .....وادعي لي ربي يوفقني بزواجي واصير حلووووه لاني نحفت وصرت شيييييييييييينه .......

الله يوفقني واياكم يارب انا ملكتي بشوال وفرحي فالحج وبااقي نايمه فالعسل
والمهر بأذن الله الاسبوع الجاي عندي وماادري كم مفاجأه
الله يستر
بس والله افدتيني ياعروستنا الحلوه سر دفين كلامك يجيب العافيه ويحسسك ان الحياه حلوه
ومافيه شي صعب
انا محتاره من فين ابدأ وبأيش وانا ذوقي صعب صعب
الله يعين ويساعد وياليت الاخوات يفيدونا اكثر والله يتمم لنا ولكم الافراح ياااارب

هههه ياحبي لك ياصيته الحربي... ايه والله نايمين بالعسسسسل ... بس بقول لك شي انا كنت مخطوبه امكن من سنتين و اول ما انخطبت كل ما انزل السوق اشتري لي شي للبيت .. والحمدلله خففت شووووي لاني من جد متوتره الحين وكل ما اتذكر اني شريت شي ولو بسيط ارتااااح ... مثل الاختبارات تذاكرين يوميا احسن مما تذاكرين ليلة الأختبار ولما يكون معاك شوي معلومات خلااااص ترتاحين وتركزين هههه ... نصيحتي لك خلصي ملابس البيت والملابس الداخليه ... تراها تاااخذ وقت وموضتها

وموضتها ماتنتهي ابددد .. اللي هي ملابس البيت اللي قدام زوجك والملابس الداخليه والنوم والبجامات .... وطقمي عليهم اكسسوارات نعووومه ... ترا هذا بياخذ منك وقت ... وبس يقرب موعد العرس ...مثلا قبل العرس ب 3 شهور ابدئي شوفي االفساتين والأقمشه لأن هالسوالف تتأثر بالموضه .... ممكن تطقمين شنطه مع جزمه من الحين ... وبعد من الحين خذي كماليات الشعر مثل الإستشوار واللفافات والبنس وربطات البيت وركزي انها تكون فيها خرز ولؤلؤ وتطريزات وريش وفرووو وهالسوالف الملفته ... وخذي لك من الحين شباشب حلوه للبيت فرو ..لان موضتها بعد ماتتغير... مثلا اشتري ساعه من الحين ... محافظ .. ترى فيه اشياء ماتخرررب ... وبترتاحين كثيررر .... اي شي لبيتك وقدام زوجك تقدرين تخلصينه من الحين .... واللي قدام الحريم تقدرين تأجلينه شوي ...

اممااااااا الذهب فتابعي الاسعار كل يومين من المواقع اللي تححدد سعر الذهب ... لانه بدأ يرررخص ... ولما تشوفينه وصل سعر حلووو ومعقول زي ما كان اول ...تقدرين تنزلين وتشترين ذهبك ..... او تاخذين كم رقم محل من السوق عجبك فيه ذهبهم وتتابعين الجرام معاهم ....

والله يوفقك ويوفقني .....

والله سردفين ماقصرت وفادتني بعد هههههههههههههه

سلاااام يا حلواات
الله ينورلكم ويسعدكم يارب وييوفقكم مع سعيدين الحض ازواجكم آمييييين يارب
والله يابنات لو تدرون قد ايش ريحني كلامكم ماتتصورون اقسم بالله اني ع طوووول قعدت ادعيلكم الله ينورلكم يا اجمل عرايس بالكون
كنت خاااااايفه ع الاخر واحس بالحووووسه
الله ينورلكم
اوك حبيبتي نبدا مع بعض الله ييسر لناا يا حلوااات
قبل ما امسك اللاب كنت خايفه افتحه وما الاقي ردود ومتردده
واول ما فتحته ما تتصورو قد ايييش فرحت الله يرزق كل وحده فيكم فرحه تجعلها تخر اليك ساجده
آميين
....

حبيبتي سر دفين..

ايه والله يا قلبي وانا بعد بشرتي مررره تعبانه وبشرت جسمي بعد
بس تتوقعين كم بتكلفني البشره والخلطات
والله يوفق الجميييع
وياليت تقولي لي ع خلطات
ابي ابدا معاك يا عسسسل
..

قهوه ساده يالغاليه ربي يعطيك الف الف عافيه ع الموضوع الي بالرابط
انتي وصاحبه الموضوع ..
وبالتوفيق للكل
..

هلا يا ريما ... بغيت ارسل لك على الخاص بس للأسف مشاركاتك قلييييييييييييله ..حاولي تدخلين مواضيع وتردين ولو بكم كلمه ...

قلت نتعاون سوا ونشجع بعض ونبدا نجرب الخلطاااات .... عندك السدر رررروعه للجسم .... وفيه خلطات خذيتها من منتدى الشعر حلوه بعد بس مكوناتها كثيررره ....

ولما يقرب عرسك يعني قبله بشهرين حطي بجسمك كركم البشره ترااااه يصفي ويووووحد لون الجسسسم ... وبتصيرين صفراء بس لازم تحتجبين من الناس ههههه لاكن بس يروح تطلعين ووواووووو

زيت الزيتون اقري عليه وادهني جسمك كل يووووم وشوفي اللون والنعووومه والحلاااااااا .... انا استمريت عليه 6 شهور تقريبا جاني حماس ياساتر وهذا من قبل 4 سنوات من زووود الكسل ... وقبل لا انخطب ... بصراحه لون جسمي توحد وصار صااافي و ر طب ماشاء الله ... الرجال مايدورون على البياض بكثر مايدورن على جسم موحد ناااااااااااعم رطب ....

الحمام المغربي يجنننن ... ويختصر عليك كثيرررر في الأهتمام بجسمك ... لانه كله فرررك للجسم ويحرك الدوره الدمويه .... ويشيل الوسخ والجلد الميت ...

رجولك لازم تبدأين فيها ... ترا حلاة الوحده برجولها ... من الحين شراريب ...

في خرابيط كثيررره بس لازم التشجيع ... الله يوفقك ويتمم لك على خيررررررررر ......

حتى بالتجهيز ممكن نشجع بعض ونخلص... تراني بقرب اشطب على الملابس الداخليه ان شاء الله والكماليات مثل القطن واللفافات والامشاط ومثبت الشعر والربطات واغراض الصيدليه ... لازم تبدأين وتخففين على عمررررك ....

قلتي كم بتكلفك ... الزمن تغيرررررررر وانا رحت للكوفيرات ولقيت اغلبهم استغلاليات والله يرحمنااااااااااا

النت مليان خلطات وكلها من العطار ... اشتري وطبقي ..اهم شي ماتخلطين كريمات ومودا كيميائيه .... والنتيجه وووواووووو

مره رحت سوق نسائي و لقينا وحده سودانيه تقول عندها خلطه واااووو تبيض وتصفي وتقشررر وفعلا جربت على يد اختي مااااااااااشاء الله

ولا ارووووع فتحت بنفس اللحظه ويدها ترطبت ... باعت لنا هالبودره تقريبا كاس مربوطه بكيس ل 25 ريال و اختي بعد شرت ..يعني خذينا

منها ب 50 ريال وماااااااااااتكفي إلا لوجه ويد للمرافق ... وامكن استخدامين وتخلص عليك ..يعني لو للجسم يالله تكفي !!!!

تدرين وش ريحتها عددددددددس ... المهم لي من هالحكي امكن قبل 7 سنين هههههه ..... والحين لقيت عضوه سودانيه وش طيبتها

وش حلاتهااااا اسمها ( حبيبي توأم روحي ))) ... واكتبت لنا هالخلطه ... وحفظتها وبسويها قريب .... ونفس مكونات خلطة هالبياعه وفيها

عدس ...تدرين وش هي ؟؟ هي الددددددددددددلكه السووودانيه ... وكل مكوناتها بالبيت .. عدس .. رز .. قشور برتقال وما ادري وش بعد تطحنيه وتعجنيه بموية ورد وما ادري وش بعد وتدهنيه بيدك او اي مكان تحبيه ..وتخليه ينشف شوي بعدين تبدين تفركينه بيدك ... كانه عجينة دقيق نشفت بيدك وتفركينها وووووااااااااااااااااااوووووو .... عنايه ووببلاش ...

رحت مره لكوفيره وقالت بشعري قشره ودهون .. قلت لها اتحمم وما ادري وش..قالت لاااا لازم جلدة راسك نعقمهااااا ونطهرهاااا عشان تتنفس ... كل جلسه تاخذ 50 ريال وادري بتقولين رررخيص ... بس على ايش ... تغسل شعري بشامبو مثل ريحة شامبوا لوريال وتكب على راسي خللللللللللللللل ايه خلللللل ... ومره تفرك راسي بثووووم .... والله حسيت راسي يتنفس ياسلالالالالالالالالالالالالالام

وقالت لي وحده عامله عندهم لما شافتني كل مره اجي واروح واجي واروح .. عل خل و ثوم !!! قالت لي والله يابنت الناس علاج راسك بيدك ... ترى الخلطه اللي احطها براسك هي (( خل وليمون وشوي ملح !!! )) وتعقم الراس .... و اخلطي بالخلاط كراث وجرجير وثوم وحطيه قناع لراسك وبتشوفين وشلون بتنظف فروة راسك وبيخف التساقط !!!!! وقالت هالخلطه اقولها لك من ورا راعية المحل بس اشفقت عليك !!!!


شفتي وشلوووون ... كل شي بيدنا ومايبي لها شي .... والمنتدى مليااااااااااااااان ....

وانا بالخدمه ....