السلام عليكم
صبحكم الله بالخير
مساكم الله بالنور
حبيت انزل اول موضوع لي بالمنتدى بهالقسم , بس مادري ان كان عدل هالصوب اخليه لو لا;)
المهم .. الموضوع باين من عنوانه .. فترة الخطوبة و قرب الزواج
اكيد تقولون شنو يعني ؟؟؟ شصاير ..
المهم حيا الله كل وحدة مخطوبة و متزوجه عادي بعد و عزوبية ما نزعل احد كلكم تعالو مني..
بس اول شي خل نقدعكم و نقهويكم :oالضيافة لازم لا..
المهم بعد ما قدعتو ، ندخل في صلب الموضوع ,,
احين في فترة الخطوبه ان قرب موعد الزواج شنو السوالف الي اكثر شي بينكم و بين خطيبكم يعني مثلا احين احس اكثر سوالفنا ، عن تجهيزات الزواج و تكميل الديكور مال الشقة ، بالاضافة الى الشي المهم اللي دووووم يحرجني فيه:o ان عبارة جريب بنتزوج و من احين يبي يحدد اسماء اليهال " الاطفال" عبارة احراج هل الشي عادي ان تتطرقون للهموضوع ان جرب الزواج عبارة جنه تمهيد يقولي يلا برزي روحج و شدي حيلج بس نتزوج ابي ياهل ياني احساس هلون هو عادي احسه كونه شريك حياتي ، هههههه بس ساعات اتهاوش وياه ان يقولي اسامي ما تعجبني اقوله شتقول انت عبارة يتعمد يختارلي اسامي تضحك مادري من وين يايبها :lol:
ان عبارة جذي جذي من قبل كانو ينادونه ابو " فلان " و طبعا الاسم مو داش مزاجي عبارة ياخذون الاوادم على الدارج ان محمد بو جاسم ان جاسم بو محمد , ان خليفة بو دعيج , ان علي بو حسين و هلم جرى على الكنية الدارجه او ساعات على اسم الابو :hysterical:بالاخص ان اسم الابو بووووه موب فن هني الوهقه اشوة اسم عمي " ابو زوجي "حلو بس عمتي لا
فالمهم فكرة الموضوع ، و الاسئلة اللي فيه ..
1- شنو السوالف و الامور اللي تتناقشون فيها قبل الزواج " كل وحدة ويه خطيبها شنو الدراج" ، و المتزوجه تتذكر الي مضى و تقول عن شنو سوالفكم كانت ايام الخطوبه يلا فرفشو و تذكرو هذيج الايام قبل لا اتيبوون اليهال و ايننونكم ؟
2- كانت سوالفكم بعضها عن اسماء اليهال ؟ اللي اذا الله كتب بتيبوونهم سواء بنات او اولاد و هل اتفقتو على ان مثلا ااسامي البنات عليج و اسامي الاولاد عليه و الا اثنينكم تتفقون على الاسامي ؟ او اطلاااقا ما كنتو تسولفون بهالسوالف يوم جرب عرسكم؟
3- ان اي و تكلمتو عن اسامي اليهال قبل الزواج ، يا ترى احين اختي المتزوجة رسيتو على بر و اتفقتو عقب ما اتزوجتو على نفس الاسامي اللي كنتو مختارينها في فترة الخطوبة او صار كلشي غير ؟
4- يا ترى شنو طريقة اختيار الاسامي بعدين على اسم امه و ابوه او امج و ابوه او على كيفكم ؟
5- يا ترى تحسون ان هالمحور من الحديث مناسب خلال فترة الخطوبه ؟ او تحسون ان مستعيلين ع الموضوع؟
6- اختي العروس ياللي تجهزين لعرسج احين مثلي يا ترى تتضايقين ان يفاتحج خطيبج من احين بموضوع الانجاب و اختيار الاسماء او تستانسين لان عادج مرته و ام عياله و يبينلج شكثر حاب ان اييب منج ياهل يربطكم اكثر ببعض ؟
المهم مسامحه طووولت عليكم بس استفسارات و اسئلة تدوور في بالي حبيت اشارككم فيها و يلا ان شاء الله نجووف تفاعل منكم يا عرايس :adore: