نفااس و نفاسي اي كلام (n)

الحمدالله على سلامتج ومبروك ماياج

اكيد دشج هوا وغازات من الولادة

سوي لج كل يوم دلة ماي حار وحطي فيها اوراق الزعتر ويانسون وشربي منها طول اليوم ونامي على بطنج

اكلي برتقال وايد وبتلاحظين الفرق

بالنسبة لاكل النفاس اكلي لحوم تساعد على التئام الجرح

والمشروبات شربي قرفة اللي اهيا دارسين تنزل الدم

والجرح انصحج تراجعين الدكتورة عشان تتاكد من الجرح اذا التئم تشيل الخيوط

والله يخلي لج الوالدة

حبيبتي اول شي مبرووووووك ماجاااكم ويتربى النوونووو بعزكم ان شاء الله ....

ثاني شي ,, صبري على روحك شوي شووي لان توه بداية النفاس وباقي لك وقت كل هالامور تنحل فيها باذن الله .. عن الخياط مثل ماقالت الاخت تروحين للدكتورة تشوفه يمكن ملتهب اوو شي عشان تتطمنين .. وبالنسبة للغازاات اول شي بسبب الولادة وثاني شي بسبب نوعية الاكل اللي تاكلينه والدليل ان النونوو بعد عنده هالمشكلة بالتالي ابتعدي عن اي شي يسبب لك غازات على الاقل بفترة النفاس حتى تستقر امور جسمك ويرجع جسمك لطبيعته المعتادة ماقبل الحمل يعني أكل صحي مية المية وتقدرين تشوفين بمنتدانا الأطباق الصحية اللي تقدرين تسوينها بالبيت ولاتنسين ابتعدي عن الاشياا اللي تسبب غازات مثل عدم الاكثار من البصل والملفوف الابيض استبدلية بالملفوف البنفسجي وعدم الاكثار من اللبن وهكذاا ..

بالنسبة للحالة النفسية ,, هذا شي طبيعي لان بعد الولادة الجسم قاعد يعدل روحه بروحه ويرجع الى حالة ماقبل الحمل بالتالي طبيعي تكوون فيه خربطة وتغيراات بالهرمونات وهالشي يأثر على كااامل الجسم بما فيه الحالة النفسية فانتي حبيبتي دايماا لاتخلين هالشي يغلبك واحمدي الله انتي احسن من غيرك اللي مبتلين بالمرض اوو مو قادرين يضمون النونو لحضنهم بسبب حالته ولاتنسين اهم شي الاستماع للقران الكريم (( الا بذكر الله تطمئن القلوب )) ...

بالنسبة للخطوط ,, هذا شي مو بيدك أبد !! ولو تشوفين المواقع الاجنبية دايماا يعتبرون هالامر طبيييعي ومافي حل له! يعني لو شنوو تسوين في الحمل اوو بعده عشان ماتطلع هالخطوط اذا جسمك من النوعيه اللي يطلع فيهاا ماراح تقدرين تسوين شي غيرر استخدام الكريم لتخفيفها ,, مع انه في أماكن العطارة يبيعوون كريمات ووصفات لخطوط الحمل تقدرين تشوفين لك ..

فشفتي حبيبتي كل شي له حل ,, انتي بس تعدلين بعض الامور وراح ترجعين أحلى بنت باذن الله انتي بس فكري بايجابية وتوكلي على الله وابتدي برنامج نفااس خاص فيك من ابداعك وبتشوفين النتايج الحلووة ..

اهلين حبيبتي , الحمدلله عالسلامة و مبارك ما جاكي

بقول لك على النظام الي اتبعته في ولادتي الأولى و ان شالله يفيدك

أول شي انا كنت في بيت أهلي بس كانت بنتي مسؤوليتي , صح أهلي كانوا يحبوا يشيلوها و يساعدوني فيها بس طول ما انها صاحية انا صاحية , و بالليل لحالي أكون معاها

أفضل شي وقت ما ينام البيبي انت تنامي

بالنسبة للأشياء الي اشربها ..
1-الصباح على الريق ملعقة عسل مع حبة بركة ( حبة سودا ) تقريبا 7 حبات
2-مع الفطور اشربي كاسة حليب دافي محلى بالعسل, حطي معاه ملعقة صغيرة حلبة و اذا حبيتي تضيفي زنجبيل
*اذا اخذتي حلبة بعد ولادتك خلاص يكفي 10 ايام , اذا ما اخذتي امشي عليها 10 ايام اذا حبيتي , لأنها تقوي العظم
* كنت كمان احط مع الحليب رشة فلفل , و برضو احط مع الأكل , قريت انو كويس ينظف الرحم و يشده, و ما كان يبين طعمه بالحليب مقبول
3- بعد الغدا اسويلي كاسة مشروب زنجبيل و قرفة
*بالنسبة للغدا كانت ماما اكثر شي تسويلي مسلوقة دجاج
4-عالمغرب اشرب قهوة عربي بدون هيل مع تمر
* بالنسبة للتمر , اخدت طريقة تمرة النفاس من النت سويته بهالطريقة:
تمر منزوع النوى ( ممكن تشتري الي جاهز بدون بذر اسرع لك ) , عالنار حطيت شوية زبدة ( و في ناس يستخدموا السمن العربي بس يسمن ) و حطيت عليه التمر
و شوية ماي , قلبته الى ما صار شوي طري , بعدين ضفت عليه حبة بركة و شمر و فلفل أسود و اذا عندك غازات حطي كمون حب, حركيه شوي بعدين نزليه بزبدية
بعد ما تخلصي 20 يوم نفاس ممكن تضيفي عليها حب رشاد
و اذا طريقتي مو واضحة حتلاقيها بالمواقع مع الصور =)
* هذي التمرة كنت اكلها مع القهوة و الصباح كنت اكثر شي افطر منها مع الحليب لأنو مو دايما يمديني اسوي فطور تكون بنتي صاحية
5- قبل النوم اشرب كاسة منقوع الزعتر ( زعتر ورق )

*منطقة الخياطة ما كنت احط عليها كريمات , بس اغسلها بمويا و ملح صخري , بعدين أحط عالفوطة منقوع مرة
*و سوي تمارين كيجل مرة كويسة للمنطقة و تشدها و يساعد على التضييق
* ابعدي عن المأكولات الي تسبب غازات, ولا تاكلي أكل غير صحي

أتمنى أكون أفدتك

الله يبااارك بحياتكم حباايبي . .

مشكوورين ع ردودكم اللي عدلت مزاااجي :$

كللش وضعج طبيعي حبيبتي لاتخافين وتتوترين

نامي كل ما نام البيبي ولازم تستحملين سهر الليل كل اليهال بالبداية جذي ينامون النهار ويسهرون الليل بس من يقرب من الشهرين بيعتدل نومه وبينام الليل

وعن الخياطة استحدمي محلول بيتادين تنقعي فيه مرة كل يوم وكريم ميبو وايد زين والخياطة عادي تنتفخ شوي لأن الجرح قاعد يلتأم وخلج على طول متلحفه ولابسة ثقيل من تحت عشان مايدشج هوى وتمددي لاتتحركين وايد عشان الرحم يرد مكانه وماينزل اكثر

كثري من الاطعمة اللي فيها ألياف مثل البرتقال حق الامساك والغازات ونفس الشي البيبي عطيه حبة الحلوة عن الغازات والامساك

واهم شي نفسيتج لاتوترين عمرج وارتاحي وكلشي بيمشي طبيعي واستانسي بمولودج لأن متى ماتعدلت نفسيتج بيتعدل كلشي ثاني وترتاحين

هلا حبيبتي . . مشكوره ع ردج الطيب يالطيبه :**

اليوم رحت عند الدكتوره و قالت لي اوقف استعمال بيتادين ماعرف شسمه :p و قالت لي استعمل ماي مع ديتول شووي

بس جد ياختي انا نفسيتي تتعب زياده لما اشوف بطني :( مترهل و الخطوط تلوع الجبد و تخوووف و غير هيك المنطقه الحساسه ماعرف كيف شكلها :(