أخواني وأخواتي رواد هذا المنتدى الرائع
أرجو من الكل المشاركة حتى أعرف رايكم بالذي سوف أعمله.
بصراحة أنا محتارة كثير وخاصه مع دخول هذا الشهر الفضيل كل يوم يدق جرس الباب وعندما تفتح الشغاله وتاتيني (ماما فجير=(فقير) برا يريد فلوس )
وأنا كل يوم أتصدق واطلع وزوجي كذلك لحد ما تعودت الشحاتات على البيت يعني المصروف اللي نصرفة من النهار لحد الليل لهم اكثر من المصروف اللي نصرفة لأنفسنا .
المشكلة أنه في بلدنا ممنوع الشحاته واي واحد يبلغ عنهم على طول تجي الشرطة وتمسكهم والمشكلة الثانيه أنه معضم الشحاتات من بلاد عربية أخرى يعني مش من بلدنا وفي طبعا من البلد بس هذول لو ترجعو لأصولهم هذول دخلو علينا البلد من بلدان غير عربية من قديم الزمن واصبحو من اصحاب البلد وصارت عندهم جوازات يعني حالهم من حالنا .
بس المشكله أنه الشحاتات اللي من حسبة بلدنا يجو متشيكات ومتعطرات يعني اللي يشوفهم يقول هذول ما محتاجات وبالفعل أصل الشحاته هم معتبرينها مهنة شريفة لهم ما يعرفو انهم يوم القيامة الله راح يختم الله على جباهم والكل راح يعرفهم بانهم شحاتين أصل الفقير اللي يستعفف عن الناس مو اللي يأذيهم.
طولت عليكم بقصة حياتي بس شو أعمل ودي افضفض ودي أطلع اللي بصدري لأني بصراحة في بعض الحيان اردهم وما أعطيهم شي بس والله يحز في قلبي انه حد يجي لحد باب بيتي وأرده .وأخاف من غضب الله واخاف من دعواتهم السيئة إذا رديتهم.
دائما اردد (فأما السائل فلا تنهر)
مع اني والله دائمة الصدقات وحتى زكاة ذهبي اطلعها كل رمضان .
انا ناويه في هذا الشهر الفضيل أطرد كل شحاته ولا أعطيها شي والحمد لله راح أتصدق لناس أعرفهم انهم محتاجين ولكن ما يمدو ايدهم
بس خايفة اكون مذنبة لما ارد هذول الشحاتات اللي ما عندهم دم ولا خجل ولا حياء.
فشو رايكم اخواني واخواتي بموضوعي هل أحد يؤيدني وهل من معارض رجاء دلوني شو أعمللللللللللللللللللللللل.
محتارة شو أعمل مع الشحاتات وخاصة في رمضان
أ
18-10-2003 | 04:37 PM
أ
18-10-2003 | 05:11 PM
عزيزتي ام أنوار
كل الكلامج صح ولا يختلف فيه الاتثنين ، لانه نحن بعد نعاني من نفس المشكله ، على قولتج خذوا الناس الشحاته مهنه ، واشكالهم ما دل على الفقر ، حتى الدليل لما انقولهم بنعطيكم اكل او لبس يوقلون لا يبغون فلوس كاش بس
بس انا مرة سألت دكتور عندنا في الجامعة تخصص شريعة ودراسات الاسلاميه حصلته يعاني من نفس المشكله
قالي احسن حل لأنكم تكلمونهم بمنتها الذوق وتعرضون عليهم الاكل من الارز او الطحين او سكر واذا ما رضت اعرضي عليها ملابس واذا بعد ما رضت بالملابس اعطيها فلوس بس لا تكثرين يعني لا تعطينها 100 درهم او 200 لا اعطيها 5 دراهم او 10
علشان اذا كانت صدق محتاجة تاخذين انتي الثواب واذا كانت تقص عليكم وهي مو محتاجة اصلا ما تكون خذعتكم وعطيتوهاا اكثر من الي تستحقة
فانتي خذي بأي الدكتور او حتى اعتذي منها دون ما تأذينها بالكلام وانشااء الله ما عليج ذنب
كل الكلامج صح ولا يختلف فيه الاتثنين ، لانه نحن بعد نعاني من نفس المشكله ، على قولتج خذوا الناس الشحاته مهنه ، واشكالهم ما دل على الفقر ، حتى الدليل لما انقولهم بنعطيكم اكل او لبس يوقلون لا يبغون فلوس كاش بس
بس انا مرة سألت دكتور عندنا في الجامعة تخصص شريعة ودراسات الاسلاميه حصلته يعاني من نفس المشكله
قالي احسن حل لأنكم تكلمونهم بمنتها الذوق وتعرضون عليهم الاكل من الارز او الطحين او سكر واذا ما رضت اعرضي عليها ملابس واذا بعد ما رضت بالملابس اعطيها فلوس بس لا تكثرين يعني لا تعطينها 100 درهم او 200 لا اعطيها 5 دراهم او 10
علشان اذا كانت صدق محتاجة تاخذين انتي الثواب واذا كانت تقص عليكم وهي مو محتاجة اصلا ما تكون خذعتكم وعطيتوهاا اكثر من الي تستحقة
فانتي خذي بأي الدكتور او حتى اعتذي منها دون ما تأذينها بالكلام وانشااء الله ما عليج ذنب
ب
18-10-2003 | 05:43 PM
السلام عليكم ورحمة الله وبركاته
أم أنوار ...... أدري أنج مبتليه بسبت هاطلابات بس انا عندي فكرة ايديده وناويه انشاء الله اطبقها في بيتنا ........ وهي بدال ما تعطين هالحريم أفلوس اعطيهن شي ثاني يعني أول ما أين عندج اكرميهن وبعدين حاولي انج أتخلين موضوعج ديني يعني اتكلمي عن العبادة في رمضان وبعدين فاجئيه بانج بدال ما تعطينه فلوس اعطيها كتيب او شريط ديني صدقيني والله هي نفسها بتستفيد ويمكن تقدرين تهدينه من ورى هاشي وتوب من هاشغله أنا ناويه انشاء الله اطبق هاشي وانشاء الله أن الفكرة تعيبج.....
أم أنوار ...... أدري أنج مبتليه بسبت هاطلابات بس انا عندي فكرة ايديده وناويه انشاء الله اطبقها في بيتنا ........ وهي بدال ما تعطين هالحريم أفلوس اعطيهن شي ثاني يعني أول ما أين عندج اكرميهن وبعدين حاولي انج أتخلين موضوعج ديني يعني اتكلمي عن العبادة في رمضان وبعدين فاجئيه بانج بدال ما تعطينه فلوس اعطيها كتيب او شريط ديني صدقيني والله هي نفسها بتستفيد ويمكن تقدرين تهدينه من ورى هاشي وتوب من هاشغله أنا ناويه انشاء الله اطبق هاشي وانشاء الله أن الفكرة تعيبج.....
ا
19-10-2003 | 01:44 AM
هلا اختي
صح كلامج استغفر اللة رمضان يسونة مهرجان للشحاتة ويدورن على الفلوس والزكاة كل مكان يدورن شرات الطالايب
رمضان للعبادة والصلاة والتراحم مش للفلوس
لا وبعد .............ايون البيت وقت الصلاة التروايح علشان يسرقون
ليش
ومرة شفت وحدة طلابة عطيتها 5 دراهم قالت لا انا ابا 500 درهم
شفوا اصلن حرام الواحد ايقولون اتصدق عليهم مايستهلون واللة
صح كلامج استغفر اللة رمضان يسونة مهرجان للشحاتة ويدورن على الفلوس والزكاة كل مكان يدورن شرات الطالايب
رمضان للعبادة والصلاة والتراحم مش للفلوس
لا وبعد .............ايون البيت وقت الصلاة التروايح علشان يسرقون
ليش
ومرة شفت وحدة طلابة عطيتها 5 دراهم قالت لا انا ابا 500 درهم
شفوا اصلن حرام الواحد ايقولون اتصدق عليهم مايستهلون واللة
أ
19-10-2003 | 11:15 AM
شكرا لكن أخواتي
أمواج الليل
بنت محمد
التمساحة
على ردودكم الطيبة بس أخواتي هذول ما ينفع معاهم الردود الطيبة يعني ما يرضو غير بالفلوس مرة عطيت الشغالة تعطيهم رز وبعض المعلبات لكن ردو الشغالة وقالو لها ما نريد احنا نريد فلوس وما رضو يتحركو من باب البيت إلا لما عطيتهم فلوس .
يعني والله صرت أخاف منهم أنهم يتجرئن ويدخلن البيت إذا سمح الله أنا وزوجي مو موجودين ويسرقن .
بس بعدني مراح أردهن لأني بصراحة ما تعودت أرد حد جاي لحد باب بيتي وخاصة أحنا في شهر فضيل لكن هذي المرة بجهز رز بأكياس وكل ما يجن بطرش الشغالة تعطيهن كيسة وبنشوف إذا محتاجات صحيح بياخذن كيسة الرز وإذا غير كذا بصراحة ناوية اقفل الباب وما نفتحة لهن ويسون اللي يبن يسونه وإذا زودنها راح نتصل بمكافحة الشحاته ونشوف شو راح يحصل.
أصلن هنه باديات من الحين شغلهن كل يوم يجن البيت الفترة الصباحية وطبعا الكل ما موجود بالبيت لآ أنا ولا زوجي وحتى بنتي أوديها عند امي هي والشغالة وكل يوم من نرجع من الدوام نحصل باب بيتنا مشرع للأخر يعني مفتوح على مصرعية الظاهر يدقن الجرس ويوم محد يفتح لهن يفتحن الباب الخارجي ويدخلن شوفو قلة الأدب لحد وين وصلت فيهن.
أمواج الليل
بنت محمد
التمساحة
على ردودكم الطيبة بس أخواتي هذول ما ينفع معاهم الردود الطيبة يعني ما يرضو غير بالفلوس مرة عطيت الشغالة تعطيهم رز وبعض المعلبات لكن ردو الشغالة وقالو لها ما نريد احنا نريد فلوس وما رضو يتحركو من باب البيت إلا لما عطيتهم فلوس .
يعني والله صرت أخاف منهم أنهم يتجرئن ويدخلن البيت إذا سمح الله أنا وزوجي مو موجودين ويسرقن .
بس بعدني مراح أردهن لأني بصراحة ما تعودت أرد حد جاي لحد باب بيتي وخاصة أحنا في شهر فضيل لكن هذي المرة بجهز رز بأكياس وكل ما يجن بطرش الشغالة تعطيهن كيسة وبنشوف إذا محتاجات صحيح بياخذن كيسة الرز وإذا غير كذا بصراحة ناوية اقفل الباب وما نفتحة لهن ويسون اللي يبن يسونه وإذا زودنها راح نتصل بمكافحة الشحاته ونشوف شو راح يحصل.
أصلن هنه باديات من الحين شغلهن كل يوم يجن البيت الفترة الصباحية وطبعا الكل ما موجود بالبيت لآ أنا ولا زوجي وحتى بنتي أوديها عند امي هي والشغالة وكل يوم من نرجع من الدوام نحصل باب بيتنا مشرع للأخر يعني مفتوح على مصرعية الظاهر يدقن الجرس ويوم محد يفتح لهن يفتحن الباب الخارجي ويدخلن شوفو قلة الأدب لحد وين وصلت فيهن.
ف
19-10-2003 | 11:49 AM
السلام عليكم ورحمة الله وبركاته
أختي أنوار
الفقير المتعفف هو اللي يستاهل
أما اللي ما يستحي و يرد الخدامة و يرفض كل شيء
بعد لا تزعلينه عشان تكسبين أجر
و أنا أعطيهم بالدراهم بس
يعني 3 أو 4
اللي يرضى ياخذهم و هو ساكت
و اللي يرجعهم ارجعله درهمين بس
إذا خذهم تراني استريح
و إذا رجعهم يدل على انه مش محتاج(الله يسامحه)
وعليكم السلام ورحمة الله وبركاته
أختي أنوار
الفقير المتعفف هو اللي يستاهل
أما اللي ما يستحي و يرد الخدامة و يرفض كل شيء
بعد لا تزعلينه عشان تكسبين أجر
و أنا أعطيهم بالدراهم بس
يعني 3 أو 4
اللي يرضى ياخذهم و هو ساكت
و اللي يرجعهم ارجعله درهمين بس
إذا خذهم تراني استريح
و إذا رجعهم يدل على انه مش محتاج(الله يسامحه)
وعليكم السلام ورحمة الله وبركاته
أ
19-10-2003 | 12:50 PM
انا اؤيد كلام اختي فوانيس الفقير المتعفف هو اللي يستاهل
لاتردين عليهم ولا تفتحي الباب ولافضل ان يكون بالباب عين سحريه
اوردي عليها من داخل البيت ومعرفة ما تريد
الله يسيرنا للخير اجمعين
تحياتي.ام ياسمين
R
19-10-2003 | 01:05 PM
اختي الفاضلة
+**+**+ أم أنوار +**+**+
كل عام وانت وجميع المسلمين بألف خير ومبارك عليكم الشهر
مشكلتك كلنا نعاني منها
للأسف يستغل بعض ضعاف النفوس الشهر الفضيل لكسب المال واستجداء عطف الناس
اختي
اعلمي بأن المحتاج حقا لا يمد يده ولا يشحت وقد يفضل الموت جوعا على مد يده والسؤال ومعظم الشحاتين على ابوابنا من اصحاب الأموال والثروات
اختي ..... في كل رمضان تفاجأنا افواج الشحاتين وغالبا ما يكونوا اغراب يعني مو من منطقتنا ونلاقيهم بعد اخذ المعلوم يركبون سيارة لابأس بها ( من أين لك هذا )
لو صدق السائل لهلك المسؤول
انا شخصيا ما اعطي اي شحات واتصدق بمالي للجمعيات الخيرية او الأيتام خاصة انهم اولى بالصدقة واحنا في شهر كريم وعلى ابواب عيد عشان كذا ما احس بالذنب تخيلي اعطي شحاتة حاملة طفلة عليها ذهب من راسلها لرجليها ؟؟
في طرق كثيرة للتصدق بالمال في الشهر الفضيل وان شاء الله نؤجر على الصدقة في محلها الصحيح
تحياتي لك
+**+**+ أم أنوار +**+**+
كل عام وانت وجميع المسلمين بألف خير ومبارك عليكم الشهر
مشكلتك كلنا نعاني منها
للأسف يستغل بعض ضعاف النفوس الشهر الفضيل لكسب المال واستجداء عطف الناس
اختي
اعلمي بأن المحتاج حقا لا يمد يده ولا يشحت وقد يفضل الموت جوعا على مد يده والسؤال ومعظم الشحاتين على ابوابنا من اصحاب الأموال والثروات
اختي ..... في كل رمضان تفاجأنا افواج الشحاتين وغالبا ما يكونوا اغراب يعني مو من منطقتنا ونلاقيهم بعد اخذ المعلوم يركبون سيارة لابأس بها ( من أين لك هذا )
لو صدق السائل لهلك المسؤول
انا شخصيا ما اعطي اي شحات واتصدق بمالي للجمعيات الخيرية او الأيتام خاصة انهم اولى بالصدقة واحنا في شهر كريم وعلى ابواب عيد عشان كذا ما احس بالذنب تخيلي اعطي شحاتة حاملة طفلة عليها ذهب من راسلها لرجليها ؟؟
في طرق كثيرة للتصدق بالمال في الشهر الفضيل وان شاء الله نؤجر على الصدقة في محلها الصحيح
تحياتي لك
أ
19-10-2003 | 03:10 PM
كلامكن عين العقل أخواتي فوانيس وأم ياسمين ورومي
بس يا أخت رومي ما ينفع مع بعض العينات يعني بتردي من وبتخلي من هذول لزقة ما يروحو من عند الباب غير لمن تردي عليهم وما يرضيهم القليل
فحسبي الله عليهم ونعم الوكيل لو كان معاهن وفوق كذا يمدن ايدهن.
صحيح كلامك أن الفقير اللي يستعفف ويفضل الموت على أنه يند أيده للناس هذا يعطيه وهذا يرده .
بس ودي أعرف هل هذول الشحاتين كلهم جهله ما تعلمو شي يعني ما يعرفو عاقبة هذي الشحاته .
أنا يا أخواتي على ما كثر هو ديني هذا الشي أنك تعطي المحتاج لكن أمي غرست وزرعت فينا أنه ما نرد احد ابد حتى ولو عطيتيه الشي اليسير وهو رداه هذا راجع له وأنا إن شالله ناوية أتبع هذا الشي مراح اردهم لكن بعطيهم أي شي ما عدا الفلوس .مع اني عارفة أنهم ما محتاجات وانهن كذابات لكن شو نعمل.
بس يا أخت رومي ما ينفع مع بعض العينات يعني بتردي من وبتخلي من هذول لزقة ما يروحو من عند الباب غير لمن تردي عليهم وما يرضيهم القليل
فحسبي الله عليهم ونعم الوكيل لو كان معاهن وفوق كذا يمدن ايدهن.
صحيح كلامك أن الفقير اللي يستعفف ويفضل الموت على أنه يند أيده للناس هذا يعطيه وهذا يرده .
بس ودي أعرف هل هذول الشحاتين كلهم جهله ما تعلمو شي يعني ما يعرفو عاقبة هذي الشحاته .
أنا يا أخواتي على ما كثر هو ديني هذا الشي أنك تعطي المحتاج لكن أمي غرست وزرعت فينا أنه ما نرد احد ابد حتى ولو عطيتيه الشي اليسير وهو رداه هذا راجع له وأنا إن شالله ناوية أتبع هذا الشي مراح اردهم لكن بعطيهم أي شي ما عدا الفلوس .مع اني عارفة أنهم ما محتاجات وانهن كذابات لكن شو نعمل.
R
19-10-2003 | 03:23 PM
أختي أم أنوار
للأسف قد تستغربين لو عرفتي انه في منطقتنا بيت فخم جدا بناه صاحبه من الشحاذة لمدة تزيد عن ال 30 سنة وعياله درسوا في امريكا كلهم وحصلوا شهادات كبيرة
تخيلي بناته ما تنخطب رغم جمالهم واخلاقهم وتعليمهم العالي بسبب ان ابوهم شحاذ
يعني هو مليونير بس لازال يشحذ يوميا على باب احد المخابز
ايش راح تنفعه فلوسه ؟؟
الانسان كرامته ما تسمح له بطلب الصدقة لو كان فعلا محتاج ويتكل على الله ويقتصر على القليل اللي يتوفر له من المحسنين ولكن شحاذين رمضان لا يعجبهم العجب ولا الصيام في شهر رجب
تخيلي تمدي على الوحدة فيهم خمسة ريال تقول لك خليها لك ما أبيها !!
المحتاج لا يشترط قيمة الصدقة او نوعها ، المحتاج يشكر ربه اللذي اعطاه بدون تعب وبدون كد
بعدين انا اكره لمن يجي شحاذ اوشحاذة بكامل صحتهم ما شاء الله ويطلبون !! طيب ليه ما تشتغلون اي شغلة ؟؟ الشغل مو عيب واحسن من مد اليد وطلب المساعدة
صدقيني اختي تصدقي بفلوسك على المحتاجين والأيتام احسن لك ولمن تجيك شحاذة قولي لها لله يعطيك ويرزقنا واياك وكلنا فقراء
اختي مرة ومرتين راح تتعودين
تحياتي لك
للأسف قد تستغربين لو عرفتي انه في منطقتنا بيت فخم جدا بناه صاحبه من الشحاذة لمدة تزيد عن ال 30 سنة وعياله درسوا في امريكا كلهم وحصلوا شهادات كبيرة
تخيلي بناته ما تنخطب رغم جمالهم واخلاقهم وتعليمهم العالي بسبب ان ابوهم شحاذ
يعني هو مليونير بس لازال يشحذ يوميا على باب احد المخابز
ايش راح تنفعه فلوسه ؟؟
الانسان كرامته ما تسمح له بطلب الصدقة لو كان فعلا محتاج ويتكل على الله ويقتصر على القليل اللي يتوفر له من المحسنين ولكن شحاذين رمضان لا يعجبهم العجب ولا الصيام في شهر رجب
تخيلي تمدي على الوحدة فيهم خمسة ريال تقول لك خليها لك ما أبيها !!
المحتاج لا يشترط قيمة الصدقة او نوعها ، المحتاج يشكر ربه اللذي اعطاه بدون تعب وبدون كد
بعدين انا اكره لمن يجي شحاذ اوشحاذة بكامل صحتهم ما شاء الله ويطلبون !! طيب ليه ما تشتغلون اي شغلة ؟؟ الشغل مو عيب واحسن من مد اليد وطلب المساعدة
صدقيني اختي تصدقي بفلوسك على المحتاجين والأيتام احسن لك ولمن تجيك شحاذة قولي لها لله يعطيك ويرزقنا واياك وكلنا فقراء
اختي مرة ومرتين راح تتعودين
تحياتي لك
ت
19-10-2003 | 03:32 PM
انتي اختي
احتسبي الاجر عندالله
وعطي السائل والمحروم اللي حااارم روحه من
حلاله
واللي يطق الباب عطيه على خمسه ريال او درهم
ولا تكثرين
لانهم سوبر محمل حريم ينزلهم في الحاره وكلهم يطقون
الابواب واللي يعطيهم يمسكون عليه طااابور
والله يعينك
احتسبي الاجر عندالله
وعطي السائل والمحروم اللي حااارم روحه من
حلاله
واللي يطق الباب عطيه على خمسه ريال او درهم
ولا تكثرين
لانهم سوبر محمل حريم ينزلهم في الحاره وكلهم يطقون
الابواب واللي يعطيهم يمسكون عليه طااابور
والله يعينك
ا
19-10-2003 | 05:49 PM
خواتى ماجذبتوا انا مابقولكم شي أيديد لانه كل اللى قلتوه مريت به أنا وهلى بس اليديد
انه كانت تينا حرمه دووووووم اتمر على اميه والله ايطول بعمرها دوووم اميه ما اتقصر فيها (a)
ولها وقت معين تينا فيه ويوم عيبتها السالفه قامت تيب عيالها وعيال عيالها وبنات عيالها بمعنى أصح العايله كلها وامى ما اتقصر
وفي يوم اميه سايره البنك اتخيلوووووووووووووووو:rolleyes:
امى شافت هذي الحرمه طالعه من البنك
اتخيلو الشحااااتين ياخذون فولس خلق الله ويكنزونهن في البنووووك وفوق هذا بعد يشحتووووووووون:rolleyes:
انه كانت تينا حرمه دووووووم اتمر على اميه والله ايطول بعمرها دوووم اميه ما اتقصر فيها (a)
ولها وقت معين تينا فيه ويوم عيبتها السالفه قامت تيب عيالها وعيال عيالها وبنات عيالها بمعنى أصح العايله كلها وامى ما اتقصر
وفي يوم اميه سايره البنك اتخيلوووووووووووووووو:rolleyes:
امى شافت هذي الحرمه طالعه من البنك
اتخيلو الشحااااتين ياخذون فولس خلق الله ويكنزونهن في البنووووك وفوق هذا بعد يشحتووووووووون:rolleyes:
أ
20-10-2003 | 11:33 AM
أنا من هذا كله أريد أعرف وأستشفيت من كلامكن أخواتي بأني لو رديت هذه الفئة الطلابة مراح أكون اثمة بس أنا هذا اللي يهمني ما اريد أحس أني أثمت او أذنبت او بخلت على أي أحد.