كاتلني القهر ومااعرف شنو اسوي ويه اهل خطيبي ارجوكم ساعدوني

السلام عليكم ورحمة الله وبركاتة

الف مبروك ليكى وربنا يتمم ليكى بخير خطوبتك

اختى العزيزة اتشرف بردى على موضوعك

اختى جزاكى الله خير على احسانك لحماتك وحماكى
ومحولتك التقرب منهم

انتى كده صدقينى ونعم الزوجه الصالحه
متزعليش نفسك وتقولى المفروض هما الى يكلموكى ولا يهادوكى ولا كل شواية يجى يزوروكى
متفكريش فى الحاجات دى نهائى عشان متزعليش نفسك
كل جواز وليه ظروفة
يمكن هما طبعهم كده مش اجتماعين
مش معاكى انتى بس
طب انتى عارفه والله انا وانا مخطوبة
كنت كل يوم مكالمه حماتى وحماى
لازم كل يوم اصحى من النوم اكلمهم
وكل مناسبه سواء عيد ولا مناسبه انا وامى رحمها الله لازم نتصل عليهم نقولهم كل سنه وانتو طيبين
ومكنتش حطه فى بالى الصراحه مين المفروض يتكلم ولا يهنى
هما ولا انا
بصى حببتى طالما انتى بتقوالى الحمد لله خطيبك انسان كويس
متحطيش فى بالك
حطى فى بالك ان طبعهم كده انطوائين مبيحبوش يزوروا حد
حتى لو انتى عروسة ابنهم والمفروض هما الى يزوروا ويهادوا

انا عارفه انك مبتتكلميش على هدايا والكلام من ده انتى من تصرفاتك باين عليكى انك ماشاء الله بنت مودبه ومحترمه وبتحاول تكسب ود حماتها

انا راى استمرى زى ما انتى كده كل شوايه تتصلى تسالى عليهم
ولوجه الله اختى احتسبيها لوجه الله

وافكرك بكلام الله سبحانه وتعالى فيما معنا
ادفع بالتى هى احسن فاذا الذى بينك وبينه عداوة كانه ولى حميم

والحمد لله مفيش عداوة ولا حاجه

طالما الحمد لله خطيبك كويس معاكى مفيش مشاكل ان شاء الله
ومعلش حببتى مفيش حاجه بتكمل الكمال لله سبحانه وتعالى
وصدقينى ان شاء الله بمرور الوقت هيبقوا كويسين معاكى وهتبقوا زى الفل مع بعض الحاجات دى مبتجيش مرة واحدة
انتى برضه لسه متعرفين من فتره قصيرة
مع مرور الايام والعشرةوالمعامله الحسنه هتحسى ان شاء الله بالفرق انهم بقوا كويسين معاكى
وهما كويسين والله الحمد لله

ربنا معاكى ان شاء الله
وان شاء الله يكمل خطوبتك بكل خير
انتى اصرفى تفكيرك عن الموضوع ده عشان متزعليش نفسك
فكرى فى فرحك وفستانك
هتعملى مكياج ايه
هتعزمى مين على فرحك
ايه الحاجات الى نقصاكى لسه محتاجه تشتريها

فرفشى فرفشى ده انتى عروسة
ربنا يسعدك يارب

تقبلى تحياتى

أختى العزيزة

لقد قلتيها بلسانك

أنهم أناس لا يعرفون فى الواجب او الأصول

وهذا هو مربط الفرس

لانى عرفت اناس بهذا الشكل

ولكن هؤلاء الناس كانوا اهل الزوجة فى حين أن أهل الزوج من أهل الواجب جدا

وكانت النتيجة الحرج الشديد للزوجة ومحاولاتها المستميتة لدفع أهلها للقيام

بالواجب ولكنهم لا يعرفون له ولا يهتمون به لأنهم يرون أنها أمور تافهة لا يجب

الإلتزام بها ولا الغضب لاجلها

إن كنتى تعرفين ومتاكدة من انه ليس لهم موقف من خطبتك لابنهم

وانهم حقا يحبونك ولكن المشكلة فى شخصياتهم أنفسهم

فكما قالت أختى تجاهلى الامر

ولكن لا تكلفى نفسك فوق طاقتها لكى تجبريهم أن يعاملوك بالمثل لانهم اصلا

لن يعرفوا أن يعاملوك بالمثل إن كانت هذه مشكلتهم

اى إفعلى ما لا يضغط عليك ولا تنتظرى منهم شكر ولا تقدير

أما إن كان هناك موقف من خطبتك لابنهم فهتا لابد من وقفة لان تصرفاتهم من

البداية لا تبشر بالخير ولن تشعرك بالهناء فى وسطهم

لان الزوجة عندما تتزوج فهى تتزوج اهل زوجها أيضا

أى كما عليها أن تحسن إختيار الزوج الذى يقدرها و يحترمها ويرفع من قدرها

عليها أيضا أن تختار أهل الزوج الذين يقدرونها ويحترمونها ويحسنون معاملتها

والقبول بالدخول وسط أهل لا يطيقون الزوجة من البداية هو بمثابة

مغامرة حمقاء لايعرف نهايتها وقد تنتهى نهاية أليمة لا تعود نتائجها على الزوجة

التى اتخذت ذلك القرار الأحمق فقط ولكن يعود على أطفال ابرياء لا ذنب لهم

فى شىء

ربنا يصلح حالك ويسخرهم لك

أختك فى الله أم سلمى