مشكلتى قرايبى

انا ولله الحمد محبوبه عند الناس والكبار يذكرونى بخير ويسئلون عنى اما الاطفال يحبونى ودوم يلعبون معى:lol:
بس عندى فئه من بنات العايله يحبون ينكدون على الشخص لم يكون ببيته ومشغول مو فاضي يشتغل ويكون بلبسه شياكه 10 على 10 ساعات اكون مبهدله لم يشفونى يمسكون على تريقه ومره حطيت زيت مع حناء وهالسوالف وحريصه اوخر الريحه بس مره نسيت اعطر شعرى ومسكونى وييع انتى شعرك رحته كأنه ريحت اهنود لاتفشلينا اذا جان احدا وقالوا لى انتى شعرك كله ريحة مو حلو عطريه عطونى محاضره مع انه مره نسيت سوه كل مره وانا دوم اقول لاخواتى شموا شعرى ريحته زينه وله لا :confused: واذا شافونى نحفت يطلعون لى ام العيوب واذا سمنت استلمونى وش متنك يدبه شوفى كرشتك واذا جلسوا جنبى وقمت اوف اتاريكى ماخذا المكان كله :badly: مع انه جسمى من فئة الممتلئ مو السمينه وهم ماشاء الله اجسامهم رشيقه .واذا قلت لهم احدا مدحنى وقال انى حلوه وله كشخه وله الاكله الاسويته تجننوا عليه تشوفين وجوهم كذا:mad: ويلون فمهم بطريقه انهم مو عاجبهم الكلام وانه هالكلام مجامله وساعات يقلون لاتصدقين عمرك وله يقلون هالمغروره وله يطنشونى ويصدون عنى ويسلفون بسالفه ثانيه واذا انخطبت ورفضت قالوا لى انتى تتشرطين وانتى شايفه نفسك المفروض ترضين ؟قلت لهم انا تشرطت بشنو قالوا تبين راتبه مرتفع قلت ايه من حقى اعيش عيشه كريم على الاقل راتب 3500 ويزيد ولا اخذ واحدا راتبه ميكمل 2000 ويقلون لى انتى تتشرطين تبين شقه قلت من حقى ابى اريح راسي من عوار الراس والمشاكل الا اسمعه من جماعتى الا ساكنين مع اهل ازواجهم..واذا احدا مدحم اوووووووووووه تقوم الدنيا وتقعد زى مره وحده مدحوا بنته وقالوا انه حلووه
وش سوت ايه قالوا عن بنتى حلوه وبنتى كله يخطبونه ومدرى شنو وكله تمد ح ببنته وتتغزل بجماله ولما خطب بنته واحدا يشتغل بشركه وراتب 3500 قالت لا مانبيه اخاف بنتى تتبهدل معه اذا خلص عقده طيب مو انتى تعايرنى انى تشرطت والثاني الا قالت عن الشقه تقول بناتى ابى لهم شقق :-o
ياربى وش هالتناقض المصيبه يعيبون على كلامى ويرحون يسون مثلى ويعيبون على لبسيى وذوقى ويقلدونى :worn_out:
انا مشكلتى انهم قرايبي مره ولازم اقابلهم باغلب الايام بطين كبدى
اذا طنشتهم اقول ياليت رديت عليهم
واذا رديت عليهم قالوا لسانه طويل ومتحترمنا
وساعات اصير نذله وافشلهم بس اذا بنام اتذكر الا سويته واجلس :'( متندمه على الاسوته انا كل قصدى انى اجرحهم عشان يحسون انى انجرحت منهم بكلامهم على بس مافى فايده طبعهم مايغيرونه:thumbs_down: مدرى ليه يغارون منى وحاسدين

بنات مازكى نفسي بس دووم الناس يمدحونى ويقلون انتى طيبه وحبوبه ,واذا بقوا شئ قرايبي اول وحده انا يدقون على يستشرونى وله يطلبون مساعده وانا من تربيتى مارد احدا اذا محتاج مساعده اذا اقدر عليه
حتى مره فسرت منام دوم يتكرر لى قال لى الشيخ انتى تعاملين اقاربك بأحسان وهم يسئون لك :'( اذكر لماقال لى هلكلمه بكيت قلت صادق ياشيخ وهالشئ متعبنى
ابى حل يابنات.........؟كيف اتعامل معهم