استفسار بخصوص الاجهاض لا هنتوا ..

السلام عليكم ورحمة الله وبركاته

خواتي انا كنت بالاسبوع التاسع لما رحت فحص بعد نزول دم بني
وبعد الفحص اتضح ان الجنين توقف نموه في الاسبوع السابع ..

خبرتني الطبيبة في المستشفى الخاص الي اتابع عندها ان لازم عملية تنظيف
بس لما سالت الي اعرفهم قالوا لي الافضل ينزل طبيعي لان عملية التنظيف لها مخاطرها ولها مضاعفات

وعلى حسب المستشفى الحكومي بعد بعد ما راجعتهم خبروني ان انتظر اسبوعين

الحين تقريبا صار لي اسبوع وشي والجنين للحين ما نزل .. بس ينزل لي دم فقط ..
فهل الافضل اسوي عملية تنظيف او يطول الجنين لين ينزل؟؟
وهل في مخاطر لو طول وما نزل الجنين ؟؟؟..


مع العلم اني شربت حلبة و شربت قرفة وزنجبيل و اكلت اناناس و ماي الجزر حسب
الي خبروني ان لازم اشربهم عشان تنظيف الرحم ..