ابني هيضيع مني

مد لله اول ما اتجوزت حملت من اول شهر وكنت تعبانه بحملي قوي


يعني مستمتعتش بجوزي خالص والحمد لله خلف ابني بعد ولاده مريره جدا

والحمد لله المشكله بقي اني ساكنه في وش حماتي مش نفس البيت بس جيران

وحماتي دي مطلقه من وهيه عندها 21 سنه وعايشه مع اختها الكبيره ست كبيره عندها 65 سنه مش متجوزه ومع اخواتها في البيت بيت عيله يعني بس جوزي اشتري لامو الشقه علشان محدش يبقي كاسر عينها وانا شجعتو بصراحه

+ومش بخليه ينقصهم حاجه بالرغم من ان معاشهم كويس قوي وكمان معاهم صنع بيخيطو هدوم ويطرزو مفارش ونصف البلد بتخيط عندهم


المشكله بقي فين المشكله في ابني من يوم ما اتولد وهما عاوزينو عندهم علي طول كانو بيخدوه مني ب8ساعات وهوه عندو شهرين من غير رضاعه وكنت بفضل اعيط وجوزي ميرضاش يجيبو وكام مشكله وكام خناقه وكام عركه كل داه وهمه ميعرفوش حاجه خالص لحد ما الولد فطم نفسو وهوه عندو سنه لان صدري كان نشف خالص تدريحا


الولد كبر ومازال الحال كما هوه عليه


خلف ولد تاني بقي عندو دلوقت سنه وابني التاني 3سنين


دلوقت انا بجد تعبت ابني مبقاش يحب يجي عندي وكل اما يجي يعيط ومبقاش بيحب اخوه
لانهم بصراحه مدلعينو خالص مفيش حاجه بيقلو لو عليها لا كلو مباح متاح

مفيش صح ولا غلط مفيش عيب


من سنه تقريبا ابتديت احط حدود واقلل من مرواحو هناك الولد اتعدل معايا خالص وبدا يتعلق باخوه الكام شهر اللي فاتو وبصراحه الشتا كان مساعدني انو منزلهوش كتير

المشكله بقي انهم مش بيياسو وخصوصا اخت حماتي كل شويه هاتي الولد هاتي الولد


لو شافتني واقفه بيه بالبلكونه تبعت تاخدو في الراحه والجايه تبعت تاخدو

مره عندهم الولد غلط فزعقتلو فاقالي انا اسف الدنيا قامت ومقعدتش ازاي يقولك انا اسف داه عمر ماحد عندهم عملها


قمت قلتلها داه ابني وانا اربيه بالطريقه اللي انا عاوزاه تاني يوم جات تاخدو مرضتش انزلو معاها

وقلتها هيتغدي مع اخوه النهرضه انا عامله فراخ وعاوزاه ياكل منها

الولد هناك بيقي سلوكو غير طبيعي بالمره غير عندي خالص بيكسر في الحاجه ومش بيسمع كلامي كاني هو غير انو بدا يشتمني هناك ويشحتني

ويجي عندي يبقي زي الملاك


المشكله بقي انو لما دخل الصيف جوزي بيقولي علاء هيبقي يوم هنا ويوم عند الحاجه اللي هيه خالتو

بصراحه قلت لازم وقفه قلتلو انا مش هقسم ابني علي اتنين حرام عليك

وكمان اخوه بدا يتعلق بيه ويلعب معاه علي فكره هما مش مهتمين باخوه خالص ولا بيسالو عليه اصلا

يروح مرتين بلاسبوع من بعد الغدا ويجي معاك بالليل

يعني 6ساعات وانا علي طول قاعده لوحدي جوزي بيشتغل 14ساعه

وبزهق كتير كمان هوه مش بيخرجني خالص ولا عندو يوم اجازه بروح لامي يوم بلاسبوع بالشارع اللي ورانا


فحرام عليك مش هتبقي انته والولد


طلع فيا ومخلالاليش وقالي انتي ملكيش كلمه انا حر اتصرف زي ماانا عاوز وقالي كلام كتير يجرح وقالي انا لو عاوزك تعيشي هناك هتعيشي غصب عنك

والولد هيروح غصب عنك


المهم تاني يوم جات امي وعاتبتو واتصالحنا واتفقنا اننا نودي الولد يومين بالاسبوع

وبصراحه كل قرايب جوزي بالبيت وبره مش عاجبهم الوضع وبيقولوللي ربي ابنك مع اخوه الجماعه هيبوظوه

انا اتكلمت مع حماتي وقالتلها علي اختها مش كل شويه تيجي تخدو وانا عاوزه اربي ابني وكلام كتير هيه اتفهمتو


المشكله بقي اني ولا كان حاجه حصلت كل شويه بعته تاخدو وجوزي عاوز يخدو برضو يوم بعد يوم
والنهرضه فاتت اخدتو


وانا تعبت انامش هفضل طول عمري بصراع علي ابني

انا مش عارفه بجد اعمل ايه

الولد النهرضه بيقولي لو منزلتنيش للحاجه هرمي نفسي من البلكونه مع ان النهرضه عيد ميلادو وجبتلو هدايا كتير ولا بصلها اصلا

انا مش عاوز اقعد هنا



بجد انا كرهتهم قوي
ومبقتش طايقاهمانا عمري مزعلتهم بس هما ديما متجاهلني ومنهم لجوزي في اي مشكله
والله كل قرايبهم بيقلولولي اله يكون بعونك عليهم لانهم عاملين لجوزي مسح دماغ في كل حاجه