معاناتي عند حمولتي

السلام عليكم ورحمة الله وبركاته،،،،



بدخل على المشكلة إلي أعاني منها،،،


مشكلتي في تعامل أهل زوجي معي تعامل كله برود معي.

نحن نسكن مع بعض في نفس البيت والبيت نظام شقق. طبعا الكل في حاله ومحد يدخل في أحد طلعتي أو ما طلعتي محد بيجي يسأل عنك أو أحد يدخل معك يونسك نادراً ما تدخل علي أم زوجي وإذا طلعت أمل ما أحس بألفه معهم وما أعرف أسولف معهم لأن بطبعهم كتومين.

أنا بطبعي ما أحب الجلسة داخل ف تعودت أطلع معهم كثير أكثر وحده تقريبا أجلس معهم، حاولت أتقرب منهم بكل الطرق بس ما أحس بألفه معهم ع الرغم أني بعد كم شهر بكمل سنتين من زواجي.

دايم إذا سويت شئ في مطبخي أحاول أرسل له منه ولا مره حد شكرني يأكلوا وخلاص. أنا ما انتظر شكر من أحد بس على الأقل تحسي انه في أحد يقدرك.

يصير إلي يصير معهم ما يخبروني بشئ ,إذا سألتهم يقولوا والله ما نعرف أو ما عندنا خبر وبعد فترة أكتشف انه يعرفوا كل شئ عن الموضوع.

ما أحس اني منتميه لعائلة جديده.

وفي مشكله صارت لي ودايم تتكرر لي أنا دايم لما أسلم على أم زوجي أشم لها يدها (أبوسها) وتنزل يدي ما ترد تبوسها لي قلت يمكن من عادتهم، بس مره كنت راجعه من سفر وهي كانت طالعه أول ما دخلت قمت وسلمت عليها وشميت يدها ونزلت يدي، بعدي مباشرة جت بنتها كانت راجعة من المدرسة شمت لها يدها ورجعت شمت يدها، حسيت بقهر قلت يمكن ما انتبهت واتكرر لي الموقف لما بناتها يشموا لها يدها أو زوجات أخوان زوجي الباقيات تشم لهم إلا أنا:!!:

ايش رأيكم؟؟