جمعتنا ولمتنا السورية مع احلى رفقة أردنية لشهر جمادى الاول1432... اتفضلوا صبايا

زهورتنا حبيت ارد عليكي بالشات الجديد ههههه

الله يسعدك يارب وتضلوا مبسوطين وتروحوا اماكن وتغيروا جو وانتو بخير يارب
ماشالله والله ماقصرتوا العقبة كتيييير حلوة مرئنا فيها مرور الكرام وطلعنا بس كانت بتجنن وكتيييييير حلوة حكينا شي سنة مننزل عليها حصرا اذا الله راد
ومنيح اغتنمتوا الاجازة والجو الحلو هناك

والف مبروك على الخلاطة والله حلوة وبتفش الخلق تتهني فيها يارب واما اللحف والبطانيات فلاحقة عليهم لسى الشتى دوبها خلصت يعني عندك وقت

*********

سورية حبيبة قلبي شكرا على الهمبرغر كانت خوووش اكلةهههه تسلم الايادي يارب تعي شوفي ريحة البيت ماكانت تروح الريحة ههههه
رحنا اليوم اخدنا شهادة محمود وسجلناه بمدرسة جديدة ومارجعنا للوحدة الضهر
وزوجي دوامه مسا يعني اليوم طويل وممل من غير شر

السلام عليكم جميعا
دمشقية وانتي بألف خير يارب وبلدنا سوريا بخير والله يسمع منك ويصلح حالها ويفرجها من عنده
وانتي يارب ينولك مرادك ويعطيك الصحة والعافية دووووووووووم مو يوم
والله يسلم قلبك صحتين وهنا والله يخليلنا بيت ابو محمود ويضل دوم عامر والله يعينك عالريحة بخري البيت
ومبرووووووووووك لمحمودي شو طمنينا كيف الشهادة هوماشاء الله حوله مابينخاف عليه
وان شاء الله تكون هالمدرسة منيحة ومايجيكي من وراها وجع راس
ويومي ممل متل يومك انا زوجي الساعة 8 دخل البيت اتغدى ويادوب غمض عيونه الا وصاحبه دقله رد طلع على الله اتعودنا ما

حوطتكون بياسين يازهور البساتين يا مصحف صغير بعباب السلاطين وليليليليليليليليلش
وان شاء الله نفتح تجمع ونحتفل برجوع الامان ع سوريا ونحس انو اهالينا ماعادو ب خطر
يارب يسر امور سوريا وهون علينا وافرجها علينا ياكريم
دمشقية ان شاء الله تكون المدرسة الجديدة خير على ابنك
ليش نقلتي ابنك على مدرسة جديدة ؟؟؟
وبالنسبة للقعدة لحالك الله بيعينك شو رح تعملي بس كل شي بيهون
هي سورية بتتسلي معها
اهلا ب سورية الملل في كل مكان
انا زوجي قاعد بالبيت والملل موجود
فورا عالاخبار والنت
الله بيعينا
وصحة وهنا عالهامبرغر شو كني صنع سورية ؟؟؟
شو نوع البخور يلي عندكون خبروني حابة جيب بخور لبيتي
صحيح حبيت خبركون انو اسمي ريم بس لساتي روح عامر الله يخليلي ياه

في شغلة صارت معي وحبيت اسألون ان غلطت ولا لأأ
انا من يومين تعرفت عالنت ع وحدة ساكنة بنفس منطقتي يلي عايشة فليها(ابو ظبي) ونفس الحارة كمان وهي من سورية
وع اساس نتواعد ونشوف بعض بس لما حكيت معا ما ارتحت الها حسيتها كذبت علي بأصلها
بس جوزي قلي طالما ما ارتحتيلا بلاها وقلي مارح يأمن اطلع معها
غلطت مو هيك اني قلتلها نطلع مع بعض صح بنات ؟؟؟؟

يسعدلي اوقاتكم يارب

وعليكم السلام ورحمة الله وبركاته اهلين سوريتي الله يخليلي ياكي يارب وربي يخلف عليكم وتضلو بخير يارب
والله مابخرت ولا شي نسيت هههه بس رشرشت عطورات وايمتو خلصت هههه

والله يعينك يارب بس يالله حلك تتعودي على روحة زوجك من غير شر انا برايي تطلعي الكنفا وتكمليها وهيك بتتسلي وبتمضي وقت

اهلين روح عامر الله يسعدك ويسمع منك ويسلم هالتم على هالزلغوطة الحلوة

ياستي الهمرغر زوج سورية اللي جابو مع السندويش وسورية عملتلنا سلطة ملفوف على كيفك وزوجي شوى الهمبرغر وزوج سورية طبق السندويش هههههه
يعني جماعية بس كانت اكلة غير شكل ... نسيت قلك انا كنت المشرفة هههههه

ابني نقلته مدرسة جديدة لان مدرستة نقلت لمكان بعيد كتييير ومابامن ابعته عليها فيارب تكون هالمدرسة خير عليه يارب

اما بخصوص الصديقة اللي تعرفتي عليها انا برايي اذا حبيتي تطلعي معها لاول مرة فخللي زوجك هو اللي يوصلك حتى تضمني وتشوفيها بعينك
وزوجك يشوفها وهي كمان تشوفه يعني ماتبيني انك لحالك وخللي اللقاء بمكان عام يعني بمول ولا حديقة
يمكن المرة تكون كويسة ومافي متلها بس المخاوف منك عادية بماانك مابتعرفيها

والله يحميكي ياست ريم وعاشت الاسامي انا اسمي غالية متل مابتعرفي

كيفكم ياحلويين يلي بهالشات باقيين ان شاء الله كل الاحباب بيرجعوا ومنغني ياليل ياعين ههههههههههههههههههههه حاوة صح والله هلأ طلعت معي ( شكلي موهوبة بالفطرة ) خخخ
هلا روح عامر يسلم تمك وايدك على الزلغوطة الحلوة والله يسمع منك ويفرجها على سوريا يارب ومتل قلتي الملل موجود عند الكل حتى بوجود رجالنا وكتير من الاحيان مابعرف شو هو يلي بيسليني او يطلعني من حالة الملل ههههههه
اكيد مو انا يلي ساويته للهمبرغر جبناه من السوبر ماركت :D
وبالنسبة للبخور انا بستخدم البخور اليمني يلي هو زي السكر كتير حلو
وبالنسبة للبنت يلي اتعرفتي عليها انا رأيي من رأي دمشقية وحتى لو كذبت عليكي بأصلها يمكن هيه كمان تكون خايفة منك بس لما تشوفيها اول مرة وتحكي معها حتبين اذا هيه منيحة ولا لأ وخبرينا شو بيصير معك

الدمشقية;16026934:
يسعدلي اوقاتكم يارب

وعليكم السلام ورحمة الله وبركاته اهلين سوريتي الله يخليلي ياكي يارب وربي يخلف عليكم وتضلو بخير يارب
والله مابخرت ولا شي نسيت هههه بس رشرشت عطورات وايمتو خلصت هههه

والله يعينك يارب بس يالله حلك تتعودي على روحة زوجك من غير شر انا برايي تطلعي الكنفا وتكمليها وهيك بتتسلي وبتمضي وقت

اهلين دمشقية العسل ويخليلي ياكي يارب ولووووو خيركم سابق مابيكفي بتتحملوا غلاظتنا خخخخخ والبخور بيمسك بالبيت اكتر
ووالله جبتيها الي زمان ماشتغلت بالكنفا بس ادعيلي تجي الهمة ههههههههههههه
شو سير الحب عندكم اليوم انا رح ساوي كشري اتفضلوا

مسالتماسي
اكيد نبوعة ولدت يارب بالسلامة وان شالله تطمنا عليها

اهلين سوريتي احتمال كبير نجيكم الخميس ههههههههه يعني اتحملوا ابقو غلاظتنا كهكهكه
ياستي بدي جيب اليونيفورم والكتب لمحمود وعدونا يوم الخميس من الاربعة للسبعة .... ببقى بخبرك ان شالله
بلكي ان شالله بكرى منجتمع بالسوق ولا بدك تجي عندي ومنروح سوى ,,,,,,,,,, صحة وهنا على الكشري والله طيب
انا ان شالله مقالي ومتبل وسلطة

مسا النور والبنور قلتيلي جايين لعنا يالطيف :lol: لك والله بتشرفوا وبتنوروا وان ماوسعتكم الارض منحطكم بعيونا مافي غيركم بيجبر خاطرنا وبيجي لعنا
وعشان روحة السوق بظن انه جوزي يجيبني لعندكم اذا مافي غلاظة وصحة وهنا عالمقالي طيبة
حكى معك مبارح ابن اختك يقبر قلبي الله يحميه يارب ويهون عليه العسكرية ويرده سالم لأمه

مرحبا يابنات كيفكم أنا بخير الحمد لله من فترة طويلة كتير قاطعين النت عنا بحرستا وكنت ما أدخل الا من المدرسة أو من بيت حمايي لما أطلع لعندن يوم الجمعة وكنت يادوب أحكي مع أختي

نحنا أحوالنا شوي مكركبة بحرستا ومن فترة أجو الشباب شرفونا بزيارة والله لا يورجيكم الرعب والخوب الله يهد الظالم يارب
المهم أنا بدي أتطمن عليكم بس لأحكي على رواء لأنو هلأ عم جرب لاقيتو شغال انبسطت وقلت بفوت عالشات بسلم بس

اهلا وسهلا شامية والله يخلصنا من هالوضع
ان شاء الله انتي واهلك بخير
والله اشتقنالك
الله يسمع منك والله يهد الظالم ويبعدو عنا
وان شاء الله يكون رجع النت ونصير نشوفك كل يوم
كيفو سلومة طمنينا عنو

يسعدلي اوقاتكم يارب
نور الشات بشامية والله العظيم ضل بالنا عندكن الله يحميكم ويكون ربي بعونكن
ان شالله بتفرج اهم شي انو تطمنا عليكي سلامنا الك ولسالم

اهلين سوريتي الله يخليلي ياكي اهل الواجب انتو والله
هلأ بس يجي زوجي بردلك خبر على روحة السوق

يسعد اوقاتكم
اهلين شامية والله منورة الشات كله والله اشتقنالك كتير ياربي يفرجها عليكم بفرجه ويحميكم والله قلوبنا عندكم وعم ندعيلكم بكل صلاة الله يهد كل ظالم امانة كل ماصحلك طمنينا عنكم وبوسة كبيرة لسلومة

هلا دمشقية نحنا من بعدكم تقبريني
روح عامر كيفك وكيف سنا

مبارك التجمع الجديد
سامحوني عن الانقطاع لظروف خاصة
ممكن تردوا علي هون
http://forums.3roos.com/showthread.php?p=16029362#post16029362

يا عينييييييي بلشتو شهر جديد انا ما بعرف ايمتى ببلش لانو نحنا شغالين عالشهر الميلادي وما بننتبه للهجري الا برمضان والاعياد الله يعيدهم علينا وعليكم بخير وسلامه F:
يا ستي الله يجعلك يا دمشقيه تفتحي الشات الجاي وسوريا حره ابيه :thumbs_up:
و يا رب تيجيكم الفرصه وتروحو على العقبه وتنبسطو وتشمو هوا :thumbs_up: الله يسعدك يا رب
سوريه كيفك وكيف الحلوين F: صحتين عالكشري انا عملت اليوم فطاير سبانخ وكوكتيل منزلي طبعا وسلطة ملفوف
الله يهنيكم واتضلو تتزاورو انتي واختك وتكونو سند لبعض يا رب F:

شاميه طل القمر الله يكون بعونكم يا رب ويفرجها عليكم شلونك وشلون سلوم شو اخر تطوراتو F:

روح عامر كيفك وكيف الحلوه F:
بنتي اسما ريم :Dعاشت الاسامي يا رب
شو اخر طبخاتك واختراعاتك :worn_out:
عروسة الميدان اهلا وسهلا طمنينا عنك واحكيلنا بشو مشغوله :worn_out:
نبوعه لازم تفوتي واتطمنينا ما بسير هيك :(

الله يسعد صباكم ومساكم شايفة الشات منور ونوره ساطع اهلين بعروسة الميدان والله طل القمر اشتقنالك كتير لاعاد تقطعينا 8o|ايوا كيف اولادك ان شاء الله كلهم بخير حتى انتي عم تتأخر الدورة عليكي وانا كمان كانت تجيني ب23 الشهر ولهلأ ما اجت وانا كمان مركبة لولب
تضرب الدورة ما غلظها لا ان اجت بترتاحي ولا ان اتأخرت كمان بترتاحي

اهلين زهورة كيفك ياحلوة وانتي الف صحة وهنا عالفطاير طيبة مابينشبع منها وحلو ماشاء الله عليكي بتساوي كوكتيل بالبيت والله افيد شي على الاقل بتعرفي شو حاطة فيه
وياستي ربي يخليلك كل اهلك واخواتك انا ودمشقية هون مالنا غير بعض وهيه بالنسبة الي كل اهلي هون
شو سير الحب عندكم اليوم انا رح اقلي بطاطا وشوربة وسلطة ورح ساوي الخبز يلي بالتوم والموزريلا تشكيلة يعني ههههههههه طفشنا من الطبخ