مشكلتي يمكن اني ضعيفه بس تعبت من الوضع

السلام عليكم ورحمة الله

في البدايه اشكر الاداره على هذا المعرف واللي يسهل كثير كتابة المشاكل

مشكلتي اني ما قدرت اتاقلم مع عيلة زوجي

اهل زوجي مش يكرهوني ...ولكن يفرقوا بيني وبين حريم اولادهم في المعامله والاسوأ يقارنوا مقارنات غير عادله بتاتا

تزوجت ولدهم بحيث هو اللي اختارني مش عن حب ولكن شافني وسال عن اخلاقي ومن منطلق اتزوج اللي شفته وشكله عجبني وعرفت اخلاقه احسن من اللي ما شفته واهلي راح يختاروه ، بينما اخوانه تزوجوا عن طريق الاهل سواء من اهلهم او اصدقاء لاهلهم

فصرت انا البعيده عن العيله وهذا ما يهم

ببداية زواجي زوجي كان عنده مشاكل ماليه واهله يعرفوا ، والحمد لله ربي رزقني بالحمل واصلا انا موظفه ودوامي طويييييييييييل اوصل البيت على خمس يعني تخيلوا الوضع لا عندي شغاله وموظفه وفوق هذا حامل باول بيبي ....كنت احس بضغط وتعب رهيب
كنا نضطر نشتري اكل من خارج واهل زوجي ما عجبهم ويضربوا بالكلام بصراحه حز بخاطري وخصوصا اني من النوع الكتوم وما اتكلم ...لما زوجي صار يودي ملابسه الكوي ما عجبهم بالبدايه كنت بشقه بروحي


المهم حطوا ببالهم اني كسوله وان زوجي مدلعني ، نسوا اني شغلي طويل وبالنهايه قاعده اساعد ولدهم مو قاعده اشتغل واتفسح فيهم


الزوجات الثانيات شغلهم خفيف وجلسوا فتره قبل الحمل يعني اللي جلس سنه واللي سنتين بسبب ظروف صحيه واللي لسه عروس مرت اشهر ولا حملت برغبتهم ومع ذلك عرفت بعدين ان ازواجهم يودوا ملابسهم الكوي ولا حد فك فمه ولا بعد قدام اهلهم يخرجوا الملابس .والوحده اذا صارت روحها بدون عيال ولا حمل تقدر تنظف حتى السقف ما فيه مشكله يعني يرجعوا من دوامتهم ويناموا لان اشغالهم مره سهله

المهم لظروف ابو زوجي انتقل لمدينتنا فاضطرينا نستاجر بيت كبير وهي كم سنه وتعدي بس ما اعرف كم سنه صراحه

وانا يبغوني ارجع من دوامي اسوي شغل تصدقوا ان ام زوجي تقول لزوجي دش نام ارتاح وانا وفلانه نجلس نشوف البيبي لان زوجي يساعدني يشوف البيبي لحد ما ارجع من الدوام هو يخلص قبلي بشوي فيمر يجيبه من عند المربيه يمكن ساعه واوصل ...شو اسوي هاي ظروفنا وبالعكس اريد زوجي يرتاح من صدعة الطفلين بس لا تقول انت ادخل وزوجتك تجلس هنا

واذا قاموا حرمة ولدها من النوم نصير سواء ما يفرق عندها اللي توه مخلص راقد واللي توه راجع من الدوام اللي عنده عيال يحصلهم ينتظروه واللي لسه ما يريد يجيب عيال لانه هذي رغبتهم مش لسبب صحي والحمد لله والله يرزقهم .....جبنا شغاله في الفتره الماضيه بفلوسي وما قدرت تستحمل وهجت علما احنا بس سلفتين والبقيه طالعين بشقق . مش هجت من الشغل لا من التعامل


تدروا اذا دشيت المطبخ ما احد يجي وراي واذا دشت زوجة ولدها تقولي روحي ساعدي فلانه تحسسني ان انا كسوله ....هذا غير اذا بغينا نطلع يسوا لنا سين جيم وغيرنا عادي يروح ويجي تقول لزوجي جلسوا ونسونا

ام زوجي تخاف من اولادها ما عدا زوجي واقول يمكن هالسبب اللي تخليها ضامنه ان ما راح شي يصير حتى لو زعلت ....لان اذا غابوا سلايفي اصير انا الغاليه هههههه


بس انا طقت كبدي خلاص خلاص



هاي مشكله



غير عن مشكله سلفتي اللي معي بالبيت وتتميلح لزوجي وتسولف معاه يا بنات حتى تسال عنه وين فلان ، احسه تحاول تحبب نفسها غصب مو حب حرام والعياذ بالله انا عارفه ان مو هذا قصدها هو مكر انثى تريد كل احد موجود يحسها انها سنعه ، وزوجي عادي يسولف وغير حركات الشعر اللي يطلع برا عادي كل شي عادي لانه بنت اصدقائهم وزوجة ولدها اللي تخاف زعله غير انها عليها كلام منمق ، نبهت زوجي يستحسن تجلسوا الرجال بمجلس بس اهل زوجي من عيله عادي عندهم التجمع بس ساترين يعني مش نقاب لا بس لحاف وجلبيات

وفيه اشياء ثانيه بس ما اريد اطول كتبت اهم شي لان تعبت من المقارنات وتعبت من تفضيلهم علي لانهم يحسوا انهن سنعات بدون ما احد يفكر شوي ويشغل مخه

تعبت من حركاتها وتعبت من البيت والشغل اللي علي ولا بعد ازيد ام زوجي كانت رافضه الشغاله بس لما جت بنت صديقتهم قالوا يحتاج البيت شغاله ولما هجت شغالتي كل يوم يسالوا زوي متى الشغاله تجي ، تصدقوا كل شي تسويه يكبروه انها سوت وتسمعي كيف تدعي لها وانا اللي عندي عيال زين يقال شكرا ،كلامهم اييه وانا امك زين سويتي وبس




احس بقهر وظلم وما اقدر اطلع حاليا ببيت روحي لان زوجي يحاول يجمع عشان نبني بيت ، ونسيت البيت هذا اجار وزوجي يدفع نصف الاجار وابو زوجي عنده بيت بس بمنطقه ثانيه وساكنين عندنا الحين لحد ما يخلص مشروع هي فتره يمكن سنه او سنتين ماحد يعرف

تناقشت انا وزوجي وشفت الموضوع خلاص ما يستحمل النقاش ما فيه فايده يقولي اصبري واصبري وتحملي هذي امي


على فكره هو مره اعترف لي ان يحس ان امه تعامل البقيه احسن مني بس يقول امه تحب البنت اللي تسولف بس صراحه ما احب الحش ومعظم كلامهم حش او يتكلموا شو اهلهم عملوا ولا من حمل ومن جاب بيبي

وانا اذا صرت عند اهل زوجي ما جبت طاري اهلي واذا رحت لاهلي ما بت طاري اهل زوجي وما احد يعرف اني متضايقه اهلي كلهم يحسدوني على عمتي حتى اختي دايم تسال عنها وتقولي والله عموتك حبابه .......بس امي احسها عارفه بس امي ما تتدخل اذا انا ساكته وصراحه اشوف الموضوع مو مستاهل اخبر عيلتي ابد

المهم اهل زوجي يشوفوني كتومه وهم ما يحبوا هالنوعيه ابد :'( وما راح اتغير عشانهم