شات منتظرات الحمل وامهات المستقبل القريب باذن الله لشهر جماد الاول/ابريل

التحليل يا رشا مش هيبين حاجة فى حالتك الا لما تعملى التانى لو النسبة بتتضاعف يبقى تمام لو بتقل يبقى فيه مشكلة باذن الله تعيديه و تبقى بتزيد و كله يبقى تمام

ra_tamima;16059870:
ازيكم يابنات
انا روحت للدكتوره امبارح قالتلى ان اللى انا فيه ده انذار بالاجهاض
وقالتلى ان اكيد مكملتش شهر وحسبتلى قالتلى على21 اللى جى تكملى شهر وهاتكشف سونار وتشوف يمكن تلاقى حاجه
لما كشفت لقيت كيس حمل الحمد لله بس لاقيته تحت اوى يابنات
قالتلى المفروض بيبقى فوق او ف النص لكن عندى تحت وقالتلى احتمال 50% يعيش و50% لا
ولازم اعمل اللى عليا ومش اتحرك نهائى حتى الاكل ع السرير علشان كده مش قدرت اطمنكو امبارح انا خليت جوزى جبلى الاب توب مخصوص علشان اكلمكو والله
وطلبت منى تحليل رقمى وتحليل فصيله
بالله عليكو يابنات طمنونى انا قلقانه ومشيله نفسى الذنب ولما ارتحت من امبارح مكنش بينزل حاجه بس انهارده ع العصر ابتدى ينزل حاجات تانى
ادعولى وطمنونى ....................

رشروووووووووووووش يا جميييل متخفيش وغيري الدكتورة دى لانها مش اديتك مثبتتات دانتى دلوقتى محتاجة المثبتات اااااااااااااااااااااوى

وفى الوقت دا ولحد الشهر الرابع او الخامس كمان منقدرش نقول ازا الحمل دا ساقط ولا لا ومش هيبان دلوقتى ومش هياثر لان اصلا مفيش مشيمة علشان نقول الحمل ساقط ولا لا

وصدقيني اغلب الناس فى اول الحمل بيكون الحمل ساقط وبعد شوية لما الرحم يمتد ويترفع لفوق مع كبر حجم الجنين الجنين والمشيمة كمان بيترفعو معاة متقلقيش خااااااااااالص وغيري الدكتورة دى يا رشا

وريحي على اد ما تقدري وطلما الدم لونةغامق متقلقيش ريحي وان شاء الله هيترفع لوحدة بس انتى محتاجة مثبتتات حقن ولبوس يا رشا

نـور الهـدى;16059880:
اهلا بيكى يا ساره موضوعك عن التوفير حلو اوى لسه هاشوفه بالتفصيل على روقان


انا الحمد لله كويسة واهلا بيكى يا لولى وبنوتى اسمها مريم

اهلا بيكى يا بوسى

طيب كويس انكم شايفنى انى ممكن يجى منى

وبجد كلكم مش واخديين بالكم من كده خلاص يبقى ممكن انتم اللى صح وانا اللى غلط بس برضو عايزة القول الصريح من امونة وودعة نفسهم .بقوللكم انا متباعاكم بقالى سنة ومشوفتهمش بيردوا على بعض خالص

تسلمى يا سارة ويارب تستفادي منة

ra_tamima;16059893:
لا مش اديتنى مثبت قالت لما تتاكد الاول من ان النسبه بتزيد

بنات انا جبت التحليل الرقمى اول واحد طلع 80
كده قليل صح؟؟؟؟؟؟؟؟؟؟؟؟؟؟؟؟؟؟؟؟

مش عارفة يا رشا قليل ولا لا

عموما اعملي اللى عليكي وخدتى مثبتات عادي لو لا قدر اللهالحمل مش مكتوبلة انة يكمل المثبتات مش هتمنعه من النزول يعني

لكن ان شاء الله ربنا يثبتلك حملك ويتمهولك على خير وتكونى احلى ام يارب

انا كويسة يا لولي الحمد لله بس جوزي لسة مصر اني افضل نايمة ... لحد ما دماغي وجعتني من المخدة .. :)
رشا حبيبتي .. خليكي نايمة على ضهرك... هو الدكتور ما كتبش على مثبت وللا ايه... ربنا يكملك حملك على خير و يثبته يارب... ماتتحركيش خالص و خليكي على ظهرك...انا حاسة بيكي معلش... بس ريحي على الاخر و جوزك و مامتك يجيبولك اكلك لحد عندك.. و خدي مثبتات و بالفعل قبل ما تكملي شهر مش حيبان حاجة بالسونار انا اول سونار عملته كنت في الاسبوع السادس ...تقريبا بيحسبوها من اول يوم في البريود..
ربنا يطمنك يارب..

رشا ان شاء الله الحمل يكون سليم انا اول تحليل رقمي كان 35 وتاني واحد كان 120

بس اهم حاجة الراحة وملكيش دعوة بالبت شيماء الشعنونة :)


شيماء ,,,,,,,,,,,,انا صاحبتي صيدلانية وشغلنا بصراحة مش متعب خالص يعني بنقعد عالكرسي وخلاص بس اجهضت بسبب المشوار كل يوم مع ان المشوار يادوب ربع ساعة من بيتها

بس هارجع واقول ماما كمان كانت بتقولي انها كانت بتشتغل وهيا حامل وتفضل واقفة على رجلها وتطلع وتنزل بس كل دا يعتمد على صحة الجنين , طالما الجنين متثبت ووضعه تمام يبقى خلاص و لكن لو الحمل جاي بعد تعب يبقى الافضل الراحة طبعا



سارة .............اهلا بيكي يا جميل انتي دكتورة ايه ؟ ولا لسه في التكليف ؟ ومنين من المنصورة

على فكرة انا بردو فى اول حملى نزل عليا دم بنى

كنت لسة عاملة تحليل الحمل من اسبوع وعرفت انى حامل

ومرة واحدة كدة حسيت بمغص وكان بطنى بتتعصر وحاجة بتنزل مني دخلت التواليت لقيت بقعه دم بنى كبيرة

وفضل معايا كم يوم بس كنت باخد مثبتتات كتييييييييييييير اوي لما روحت للدكتورة لحد لما اترفع لوحدة بعد تلات ايام او اربعه كدا ومكنتش بقوم الا للتواليت وبصلى وانا قاعدة

متقلقيش يا رشا

ra_tamima;16059893:
لا مش اديتنى مثبت قالت لما تتاكد الاول من ان النسبه بتزيد

بنات انا جبت التحليل الرقمى اول واحد طلع 80
كده قليل صح؟؟؟؟؟؟؟؟؟؟؟؟؟؟؟؟؟؟؟؟

لأ يا بنتي كدا حلو .. الحمد لله ...انت مش فاكرة يا بنتي امونة كانت 38 ....المهم بعد 48 ساعة خلي مندوب من معمل التحاليل يجي ياخد عينة التحليل منك في البيت بلاش تنزلي انت الله يرضى عليكي... و انت في سريرك يجيلك المندوب لحد عندك...

اسمعي كلام سارة يا رشا خبرة ومذاكرة كويس :)

سارة ............ نسيت اقولك اني موفرة اوي الحمد لله , وجوزي مسميني العروسة الصينيه الموفرة , بوفرله في الاكل واللبس وكل حاجة , وبرده بصرف على كيفي ومليش مصروف ثابت اللي بحتاجه بجيبه

ربنا يكرمكم يااااااااااااااااااااابنات انتو طمنتونى والله جداااا
وتحليل امونه ده بالذات طمنى لانى حسيت 80 قليل هو فعلا الفيصل هو التحليل الجى
طب انتو رايكم اخلى الدكتوره تكتبلى على مثبتات انهارده ؟؟؟؟
هى برضه ليها نظره لما تتاكد ان الحمل سليم تدينى تثبيت

انا مع امونة في الراحة من الشغل خصوصا لو حمل جاي بعد عناء....و كمان مش كل الستات زي بعض في ناس ماشاءالله تقدر مع الحمل تعمل كل حاجة في البيت و برة البيت و في حمل ما ينفعش معاه الهوا بيتلكك من أي حركة...

RAINBOW2000;16059906:
ارتاحى خالص يا رشا و باذن الله خير ربنا زى ما اداكى الحمل و كنتى مش مصدقة قادر يحافظلك عليه حطى الموضوع ده قدامك و ارمى حملك على الله


جوجو
انا جوزى نفس نظام جوزك بالظبط فى موضوع العربية عاوز يجيب حاجة كويسة و غالية و انا عمالة اقنعه نجيب حاجة يوزد على ما ربنا يفرجها لاننا مبنستعملش اى وسيلة مواصلات غير التاكسى و بنصرف مبلغ مهول كل شهر يعادل قسط العربية فانا شايفة اللى بيحصل ده مش منطقى بصراحة غير انى خايفة من الالتزام بقسط عربية غالية لانى مش عارفة الظروف و لا بكره فيه ايه فى الوضع اللى احنا فيه ده

سارة
انا هروح اشوف الموضوع

ههههههههههههههههههههه انا جوزي كان زى جوازكو كدا مصمم ميركبش عربية الا جديدة زيروووووووووو بالاستيكر بتاعها وفى الاخر قال اجيب باللى معايا عربية احسن من لما ادفع قسط كل شهر وفايدة اد كدا

د\امونة;16059919:
اسمعي كلام سارة يا رشا خبرة ومذاكرة كويس :)

سارة ............ نسيت اقولك اني موفرة اوي الحمد لله , وجوزي مسميني العروسة الصينيه الموفرة , بوفرله في الاكل واللبس وكل حاجة , وبرده بصرف على كيفي ومليش مصروف ثابت اللي بحتاجه بجيبه

جدعه يا مونة احسن حاجة ست البيت الشاطرة

انا كمان ملياش مصروف محدد اللى بحتاجة بجيبة ورغم كدا بوفر من الفلوس ومش مصرفة يعني

ra_tamima;16059925:
ربنا يكرمكم يااااااااااااااااااااابنات انتو طمنتونى والله جداااا
وتحليل امونه ده بالذات طمنى لانى حسيت 80 قليل هو فعلا الفيصل هو التحليل الجى
طب انتو رايكم اخلى الدكتوره تكتبلى على مثبتات انهارده ؟؟؟؟
هى برضه ليها نظره لما تتاكد ان الحمل سليم تدينى تثبيت

ربنا معاكي يا رشا

وان شاء الله ربنا يثبتلك حملك على خير يارب

كله طمنك اهو يا رشا الجئى انتى بس لربنا انه يجبر بخاطرك و يتتملك على خير يا رب وخدى مثبتات زى ما ساره قالتلك هو ممكن بس الدكتور عايز يطمن ان الكيس فى جنين او لأ فعايز يتأكد من التحليل الاول بس دا المثبت ميتعارضش مع دا

امونة انا مستنية التكليف عشان انا اتاخرت سنة عن زمايلى وانا من توريل

والله يا رشا انا رأيي تديكي مثبت.. اصل لو الحمل مش سليم مفيش مثبتات حتنفع معاه انا حملي اللي فات كنت باخد حقن و لبوس كل يوم 3 مرات و برده نزل بدون مجهود ....و انا الدكتور كان كاتبلي مثبت من قبل ما يجي معاد التحليل اصلا

ميرسى يابنات
شكرا يانور الهدى ربنا يطمنك

انا قعدت من الشغل انهارده بس زعلت اووووووووووووى كنت خلاص ثبت نفسى وخدت ع الناس
بس طبعا ابنى اهم من اى حاجه
بس هو يجى يااااااااااااااااااااااااارب

نور نسيت ارحب بيكي معلش... انت بتفكري تتخصصي بعد كدا وللا خلاص

كنتى اخدتى اجازة يارشا مكنش ممكن تقضيها اجازات ؟؟؟

رشا ان شاء الله يجى بعد 9 شهور سليم معافى يا رب

مانيا ازيك ربنا يتمملك على خير يا رب ويرزقك بيحيى ان شاء الله انا بحب الاسم دا اوى وكان نفسى اسميه بس جت مريم بقى الحمد لله
وانا نفسى فى جلدية بس اعتقد مجموعى ميجبهاش انا تقديرى جيد جدا بس على نسبة 78 والجلدية بتاخد مجموع كبير ومش عارفة مش ليانفس لحاجة تانية فمعرفش هاخد ايه بدلها ان شاء الله

دا انت مذاكرة الشات كويس يا نور ههههههههههههه تسلمي على الدعوة يا جميل


أقولكم تصبحوا على خير بقى

اه هههههههههههه
وانت من اهله

لا صعب ياساره
دى الاجازات اصلا بطلوع الروح وصعبه جداااااااااااااااااااااااا فمابالك بقى اجازه 3 شهور وبتاع بس لو لاقيت نفسى كويسه بعد 3 شهور وربنا كمله على خير هانزل شركه تانيه بس نفس المجال

ربنا معاكي يا رشا

يا بنات محتاجة اقوم اخد شاور ومكسلة جدااااااااااااااا

بس بجد محتاجة انى انضف لان كدا الناس اللى حواليا هيجيلهم اغماءات

هههههههههههههههههههههههههههه