شات منتظرات الحمل وامهات المستقبل القريب باذن الله لشهر جماد الاول/ابريل

لولي انا ساكنة في المطرية
اركب ايه بقي؟
انا عندي مني باص الاخضر الصغير رقم 12 بيروح مدينة ناصر بيروح لاخر عباس العقاد كده

احلى اعلانات عندي هى اعلانات رمضان خصوصا اعلان دايم

واعلانات موبينيل اللى من كم سنة دى

والواد بتاع دوريتوس مثلث كدا ومثلث كدا وجهينة بتاع تلع العيل اللى جواك

الله انتو بترغوااا وانا النت الرخم فصل امبارح معرفتش اخش ومش لاحقه اقرااااااااااااا
انا كويسه ياودعه الحمد لله ونور بخير انا لاجئه ف جروب العيال اللى ع الفيس كل شويه نطلع بحاجه هى بس اتتعدت منى لان عندى برد ومش عارفه اعمل ايه ف نفسى مانا غصب عنى بيجينى برد وهى تتعدى
مها بجد والله ماشاء الله انا فرحااااااااااااااااااااااااااااااااااااااااانه اوى يارب يفرح قلبك ياامانى يارب ويتملك ع خير يااااااااااااااااااااااارب انا حاسه انىى انا اللى حامل تانى ههههههههههههههه يارب يفرح قلبك يارب ومتخفيش يامها انا بس جالى احساس من البوست اللى اتكتب
وانتى عامله ايه ف الحمل يامها اخبارك ايييه
هحاول اقرا اى حاجه من اللى فاتنى عايزه انتظم هنا تااااااااااااااااااااانى انتو حبايبى

امنيه ازيك يا حبيبتي وازاي نوووووووور وحشااااااانا جدااااا جداااااااا :)
وسوري ان كنت خضيتك عشان قلتلك ماتسيحيش على الفيس وكده :D
وانا الحمدلله كويسه ربنا يكرمك بس ادعيلي برده :)

mooney608;16052216:
السلام عليكم و رحمة الله و بركاته
صباح الخير عليكو يا بنات

شيماء ألف سلامة عليكى الحمد لله انك كويسة دلوقتى بس شكلك كدة كلتى حاجة مش مظبوطة او اخدتى برد فى معدتك الف سلامة

سارة الف سلامة على ماما ربنا يقومها بالسلامة إن شاء الله

ميرا بصى انتى الحمد لله جوزك فى بلد حلوة و مش مقفولة اوى و كمان انتى إن شاء الله هتتلمى مع جوزك و بناتكو فى بيت واحد و صدقينى هتفرق جدا معاكى نفسيا ممكن تكون فى الاول صعبة بس دة احسن ليكو كلكلو انتى و هو و البنات ربنا يجمعكو ببعض على خير و سعادة بإذن الله

بتسألول أسئلة حلوة أوى
بالنسبة لأحلى إعلان بالنسبالى إعلان دوريتوس يتاع مثلث كدة و مثلث كدة بتاع الولد بجد جامد جدا بيموتنى من الضحك لما بيجعر :)
بالنسبة لإعلانات السمنة إعلان ماجدة زكى بتاع اوووه تحدى دة بجد بشع اوفر اوى و مستفز جدا

:thumbs_up::thumbs_up::thumbs_up:
تمام كلامك لميرا ياموني

أجمل ايام العمر;16052374:
بجد بقالى ساعة الا ربع نيمت البنت و قريت كل اللى فاتنى تعبببببببببببببببببببببببببببببت هجاوب بقى اللى افتكره و ربنا يقدرنى

ودعة@ لا طبعا طبعا طبعا انا عمرى ما اكرهك ولا اقدر اصلا ده انا بحبك جدا جدا و بحترمك كمان و بمناسبة حكاية انى ممكن مردش على مشاركة ليكى و فى نفس الوقت اكون جاوبت على مشاركة لحد تانى باستفاضة بعدها فده هتلاقيه راجع لسبب واحد مفيييييش غيره و هو ان النت عندى هنا فى البيت زوباااااااااااااااااااااااااااااااااالة .... و مش بيعمل اقتباسات نهااااااااااااائى و لو عمل بتطير ... و عشان كدة هتلاقى نادر جدا او يكاد يكون معدوم انى برد باقتباس فبضطر فى مثل هذا الموقف انى اعتمد على ذاكرتى .... و انا ذاكرتى فلة شمعة منورة ... على راى جوزى راكنة دماغك على الرف .. اوعى تكونى زعلانة منى ده انا بحبك يا ودعدع و ربنا يعلم ... بس برضه على فكرة بحسك غامضة .... جداااااااااااااااااااا ... زى باقى البنات ... بس لاحظت ان الغموض ده قل او يكاد يكون اختفى من اخر كام صفحة كدة حسيتك بقيتى تتكلمى براحة اكتر و استفاضة اكتر ... و حاسة انك قاصة تعملى كة من ساعة انطباع كل البنات عنك انك غامضة ...
طب الحمد لله...طمنتيني...ربنا يديم المودة :):)

والله مش بحاول اشيل الغموض ولا حاجة .....بس هي الحوارات اللايف بيبقي فيها راحة واستفاضة في الكتابة عن لما الواحد بيكتب ردود ومكن تركيزه يسقط في النص.....

وحقولكم..علي حقيقة مرة:(:(


انطباعكم ده...يكاد يكون حقيقي لاني طول عمري بسمع نفس التشخيص وديما بستنكره

بس واضح ان حقيقي بالفعل...معرفش ازاي^o)^o)
و عجبتنى موووووووووووووت فكرة الدبدب اللى كنتى بتتصورى بيه ده انا عمرى ما تخيلت انى فى حياتى اتصور بدبوب بس تصدقى فكرة هجرب كدة و اشوف ر فعل جوزى ايه ...؟؟
انا مش بحب الدباديب...جوزي واحنا مخطوبين بيقولي هو انا لوجبتلك هدية دبدوب حيكون رد فعلك ايه؟؟؟؟


قلتله تفتكر ايه;););)


قال حترميه في وشي اكيد:lol::lol::lol:

بس جابهولي بقي في اول عيد ميلاد وكان عامله في قاعدة كده وحواليها ورد وهدايا تانية ولوحة كاتبها عند الخطاط فيها شعر:adore::adore::adore: فانبسطت طبعا وبقيت بحب الدبدوب:L::L:
شوشو 2@ الف سلامة علييييييكى يا حوووووووووووبى انا عارفة الدور المقندل ده جالى فى اول اسبوع فى الرابع كنت و انا برجع بعمل على نفسى من البوووش بتاع الترجيع كانت ايام سودا و جالى نفس حالة الموت المنذر ده ... و امى و اخويا جم لقونى منهاااااااااااااااااااااارة و بيلللا يا عينى عاملة على نفسها و مش قادرة اغيرلها و لا اكلت حاجة و لبسونى و سنونى و روحت للدكتور قالللى نزلة معوية و ادانى حقن و قاللى لو معملتش حاجة لازم ننقل محاليل عشان البيبى بس عدت على خير الحمد لله ... بس بجد دور متعب قوى الله يكون فى عونك ... و بمناسبة بقى احساسك ان القيامة قرررربت انا طول عمرى عندى الاحساس ده و بيخلينى على طوووووووووووول خايفة و كتير قووووووووووووى قوووووووووى قووووووووووى بحلم بيوم القيامة و باهوال القيامة و بيكون حلم صعب قوى و بقوم منه تعبانة ... ربنا يتوفنا و هو راض عنا يارب و يتجاوز عن سيئاتنا ... احسنى الظن بالله يا شوشو


لولى @ يا سونيا انا عملت الليزك 17 فبراير 2008 قبل فرحى بشهر و عشر ايام ... عملتها عند دكتور مشهور قوووووى اسمه اسامة الحوفى فى مستشفى نور العوين بالدقى و اتكلفت بالتحاليل اللى قبل العملية 5200 بس بجد بندم على كل يوم فوتتته من غير ما اعملها بتفرق كتيييييييييييييير و خصوصا انى نظرى كان ضعيف جدا كنت ناقص 4 و كان عندى عقدة من النضارة و مكنتش بلبسها نهاااااااااااائى و اللينسز كانت مبهدلانى بكل ما فى الكلمة من معنى

أجمل ايام العمر;16052382:
ميرا@ انا حاسة بيكى جداااااااااااااااااااااا ... لانى مرتبطة بمامتى ارتباط مرضى ... و لما اتجوزت و برغم انى متجوزة فى القاهرة و مامتى عايشة فى القاهرة كنت كارهة بيتى و مش مستوعبة فكرة انى ااعيش بعيد عنها ... و كنت كل ما اروح هناك اعييييط و كل ما اجى بيتى مقدرش امسك دموعى ... و مرة جوزى فكر يسافر و قاللى مش هبعتلك على طوووووووووول كنت فرحانة قوى انه هيسافر و انى هرجع تانى اروح اقعد مع ماما ... و كنت خايفة فى نفس الوقت بعد فترة يبعتلى و هبقى بين نارين انى اروح اعيش مع جوزى و انى افضل هنا مع مامتى ... حاسة باللى انتى فيه و كتير كانوا بيقولولى انك بتدلعى و كدة ... بس ده يمكن حاصلللك لانك مستقريتيش مع جوزك فترة طويلة تخليكى محتاجة تعيشى معاه ... انتى لحد دلوقتى مش فاهمة جوزك و مش فاهمة تتعاملى معاه و بحس ساعات انك مش متاقلمة مع شخصيته و ده مزود خوفك اكتر من انك تسافرى معاه و تعيشوا هناك لوحدكم ... بس الكلام ده كله لاااااااازم يتغير و لازم انتى اللى تسعى للسفر لان مشكلتك مع جوزك مش هيحلها غير وجودكم مع بعض و بناتك فى سن بداوا يفهموا و شوية بشوية لازم يكونوا عايشين مع ابوهم و بصراحة هو كمان لازم يتعود يشيل مسؤوليتهم معاكى لانه لو متعودش دلوقتى هيبقى كل اللى الحمل عليكى و ده حمل كبير ربنا قدرك عليه ... دايما ادعى ربنا يرضيكى و يراضيكى و ييسرلك الخير


لولى @ بمناسبة الاكل نفسى فى حمااااااااااااااااااااااام قووووووووووووووووووووى و بط و رز و ملوخية ... انا على فكرة نباتية و مش بطيق اللحوم استغفر الله العظيم ... بس الحمل ده بقيت اسد على راى جوزى عايزة اكل لحوم على طووووووووووووول


الحاجة اللى انا فخورة بيها الحمد لله و الشكر لله انى بارة بامى و ابويا و هم الحمد لله راضيييين عنى جداااااااااااااا يارب ديمها نعمة يارب و يخليهم ليا


بالنسبة بقى لحوار الانتخابات ... انا هرشح باذن الله عبد المنعم ابو الفتوح و لو انى متاكدة انا و جوزى و كل اللى حوالينا ان بنسبة 90% اللى هيكون الرئيس الجاى ابو اسماعيل و لو حصلت اعادة و ده احتمال ضعيف هيكون بين ابو اسماعيل و ابو الفتوح و طبعا ابو اسماعيل اللى هيكسب

و اللى بيدافع عن الاخوان يبقى للاسف للاسف للاسف مقراش تاريخهم و لا يعرف اىىىىىى حاجة عنهم ... انا اصلى من المنصورة معقل الاخوان و مكان نشأتهم ... الاخوان مش بيهمهم غير نفسسسسسسسسسسسسسسهم و السلطة و بسسسسسسسسسسس ... و الشاطر ده بقى انا ابن عم بابا صديق مقرب ليه ... قال عليه بالحرف الواحد ممكن يبيع امه شعان مصلحته .... يبقى مش هيبيعنا احنا ... واللى مش بيسعى للسلطة و السلطة جاتله لحد عنده و صاحب مشروع النهضة طب ما تورينا النهضة يا باشا من غير ما تكون رئيس ... ولا لازم تنهض بالبلد و انت لازق على الكرسى ...؟؟؟ الاخوان هيموتوا على الكرسى و ده اللى مخوفنى بدليل لما شكوا ان الشاطر ممكن يروح باى جابوا مرسى ...ز فى حاجة كدة فى الدنيا ...؟؟؟ ده غير انهم كدبوا و انا لا يمكن اثق فى ناس كدابين ... كان ممكن قوى يقولوا احنا مش هنرشح حد الا اذا الموقف استدعى لكن دول نفوووووووووا نفى واضح و صريح انهم لا يمكن هيرشحوا و خدعوا الكل و اللى حصل فى التاسيسية اكبر دليل على فشلهم ...

انا خال جوزى ساكن فى كومباوند مشهور قووووى فى 6 اكتوبر ... و دعوا كبار الشخصيات اللى ساكنة فى الكومباوند و منهم خال جوزى و وواحد من قايادات الجماعة بس مش هقدر اقول اسمه ... و قالولهم فى ارض فاضية ب 30 مليون حد عايزها ... ؟؟؟ هو قاللهم انا هاخدها ... و كاش ... منين كل الفلوس دى ...؟؟؟

نفس ذات الراجل ده عنده قصر فى المانيا وولاده كلهم عايشين برة ...؟؟؟ الناس ددى بجد مش كويسة و كفاية انهم معملوش اىىىىىى حاجة من ساعة ما مسكوا مجلس الشعب ... انا مديتهمش صوتى و عمرى ما هديهولهم ... ولو انى عارفة انهما للى هيكسبوا بس لللاسف اللى مبيقراش عنهم و شم عارف تاريخهم يستاهل يدوق مرارهم الاربع سنين عشان احنا شعب غلبان بنجرى ورا الكلام المعسول و و الشعارات الدينينة

:thumbs_up::thumbs_up::thumbs_up:

لحد دلوقتي مش شايفة غير ابو الفتوح بس خايفة اتعلق بيه يطلع فيه العبر

مستنية لما يطلع برنامجه واسمع كده


لكن حازم ده لو نجح حبقي حزينة قوي ويمكن محبش ارجع مصر


وتبقي نار عسير ارحم من جنته

لحد ما يغور ان شاء الله

يا بنات انا كتبت حاجة فى المجموعة ممكن لو سمحتو تردو عليا

maha211;16052404:
اهلا اهلا كاراتيه :D
دي بمناسبة الاعلانات

انا بقي احلي اعلان بحبه بتاع ميريندا زي ودعه
وبتاع طنط بتاعة فودافون الشقيااااااانه دي اللي بتروق وتتروق :D
وبحب اعلان قطونيل بتاع البت اللي تكلم اسامه منير لذييييذ
وبتاع الواد المز بتاع الزبادي اللي بيضعف ادام صينية البسبوسه يا عين مامته ههههههه :D

الاعلانات اللي باكرهها بقي
اعلانات السمنه عندكوا حق
وعارفين افي علان انا الوحيده في مصر اللي باكرهه
كل ماقول لحد يقوللي لا عادي
اللي هو اعلان بيبسي بتاع الولد اللي بيكلم بسرعه :thumbs_down:
مش عارفة مش باحبه ومش بحب تريقة العيال عليه ولا نظرة ابوه ليه :(

انا بحب اول ولد
بتاع باباباب بيبييبي بوبوبوبو


بقعد اقوله لزيزو طول النهار

maha211;16052411:
حلمت ان انا خلفت توءم ولد وبنت :)
محدش عاوز عيل مجااانا :D

خير اللهم اجعله خير

maha211;16052414:
ايه كمان ايه كماااااااااان
مناخيري مسدوووووووووووووووودة بقالي تو دايز اوفففففف مش عارفة العيل اللي جوه ده مركز مع مناخيري ليه 8o|8o|
الاول طلعلي حبايه وبعدين جالي نزيف وبعدين دور برد ودلوقتي مش شغاااااااالة خالص والحمدلله :(:(:(

اشتغلي سالين بقي يا اخنشي عشان الاحتقان ما يسحبش علي جوه

الجو الايام دي مليان تراب وحبوب لقاح وده وارد

أجمل ايام العمر;16052417:
رشا@ تميمة @ روووووقى كدة يا حبيبتى و احسنى الظن بالله انا صاحبتى الشهر اللى حملت فيه كان تحللي جوزها مليون و 700 الف و كانت متفاءلة جدا ... و لما شكت فى تحليل الحمل ... الدكتور قالهم ربنا قادر على كل شئ و الحمل ممكن يحصل بحيوان منوى واحد و ارادة ربنا فوق كل شئ و عقبالك يارب دلوقتى عندها روزانا و باسل ربنا يخليهم ليها يارب بس هى ما شاء الله مواظبة على الصلوات فى اول وقتها و قراءة سورة البقرة كل يوم و قايم الليل ربنا يحميها و يزيدها و يباركلها فى ولادها يارب ... بصى هى جابت ولادها الاتنين طبيعى برغم ان كللللللللللللل الدكاترة اجمعوا انها مش هتحمل غير بالحقن المجهرى بس ارادة ربنا فوقهم كلهم ... ربنا يرزقك و يراضكيكى يارب


عايزة اطمنكم عليا بقى لانى هسافر بكرة الفجر باذن الله عند حماتى هشم النسيم و هقعد هناك ان شاء الله اسبوعين

اصلى اخر مرة كنت عند الدكتور بهدلللللللللللللللللنى لانى خسيت 2 كيلو و فضل يقوللى انتى فى فترة حرجة و كدة خطر عليكى و على البيبى و البنت وزنها قليل ( انا فعلا بطنى صغيرة قووووووى ) و كنت لابسة كعب 3 سم فضل يهزقنى و يقولللى انتى شايفة نفسك و و عايزة تنسى انك حامل فوقى انتى داخلة على السابع و كان متحامل عليا جدا

فحماتى بقى قرررت تاخدنى عندها اسبوعين تزغطنى و الراجل يقولللى كدة كتير و الوزن زيادة ووعدانى اروح بكرة باذن الله افطر فطير مشلتت غرقان فى السمنة

بالهنا و الشفا عليا انا و النونو ان شاء الله

فمتقلقوش بقى لان هناك مفييييش نت لازم عشان اشبببك نت اطلع على السطح بتاع البيت و طبعا مش هينفع عشان بيبنوا دلوقتى فهتوحشووووووووووونى

اجازة سعيدة
وكوليلي معاكي فطيييييييييييير

paradise rose;16052481:
الله انتو بترغوااا وانا النت الرخم فصل امبارح معرفتش اخش ومش لاحقه اقرااااااااااااا
انا كويسه ياودعه الحمد لله ونور بخير انا لاجئه ف جروب العيال اللى ع الفيس كل شويه نطلع بحاجه هى بس اتتعدت منى لان عندى برد ومش عارفه اعمل ايه ف نفسى مانا غصب عنى بيجينى برد وهى تتعدى
مها بجد والله ماشاء الله انا فرحااااااااااااااااااااااااااااااااااااااااانه اوى يارب يفرح قلبك ياامانى يارب ويتملك ع خير يااااااااااااااااااااااارب انا حاسه انىى انا اللى حامل تانى ههههههههههههههه يارب يفرح قلبك يارب ومتخفيش يامها انا بس جالى احساس من البوست اللى اتكتب
وانتى عامله ايه ف الحمل يامها اخبارك ايييه
هحاول اقرا اى حاجه من اللى فاتنى عايزه انتظم هنا تااااااااااااااااااااانى انتو حبايبى

ام نور

البت نور عاملة ايه



لو بترضعيها طبيعي

ركزي في الشوية اللي بيطلعو الاول دول عشان بيقوو المناعة وفيهم انتي بوديز

وحاولي متديهاش حاجة للبرد سيبيها تتعامل

اهم حاجة متسهيش علي مناخيرها تنسد عشان ودانها

maha211;16052406:
نفسي اكل ايه بقي؟؟؟؟؟؟
نفسي اكل رنجة يوم شم النسيم مع اهلي :( عشان جوزي مالوش في الجو ده
ماما قالتلي سمعت دكتور نسا في التي في بيقول ممكن تاكلوها لو هاتسلقوها وتحطوا عليها سلطه خضرا
بس انا قلقانه طبعاااااااا :( :(

لا اوعى
انا دكتورى محرج عليا تمامااااااااااااااااااااااااااااااااااااااااااا من الرنجة والكولد ميتس انا هموووت ف فسييييخ والله مش عارفة ماما وجووزى هيقعدو ياكلو رنجة ازاى وانا بتفرج كدا :(:(

أجمل ايام العمر;16052429:
انا اكتر اعلان بحبه بتاع اعلان فودافون .. اتروق و اتزوق ...

و اكتر اعلان بكرههه و بقرف منه دايس بتاع كل الاوضاع ده مقزز قووووووووووووووى

و نفسى آكل فسييييييييييخ و مش هقدر طبعا ..

اعلان فودافون دا مستفذ جداااا بئى بذمتك فى ست مصرية عندها عيال ومتروقة ومتزوقة وهااانم بالشكل كدا
جايبنها بتعمل شوبنج وتتعزم وتاكل برا وتروح الجيم وتعزى وترغى ف التليفون فين الطبيخ والتنضييف والحناق والزعيق ،ههههه
والله بيستفذنى جداا:D:D

بخصوص الاخوان اللي عارف حاجة عن تاريخهم الوحش يقوله او يقول المصدر بتاعه عشان ينورنا ...بس محدش يقول مصلحجية و بس.. عشان كدا ما استفدتش حاجة... ثانيا للأسف كل الناس باصة للأحداث من برة بدون تعمق بيعيدوا نفس اللي الإعلام بيقوله و عايز يوصله للناس .. محدش بيبحث في الظروف اللي صدر فيها القرارات و أسهل حاجة اتهامهم انهم كذابين (و أكيد الناس دي لو كذابة انا كنت عمري ما حعرفهم في حياتي اصلا.. لاني أكتر حاجة اكرهها الكذب ... و أكيد كمان عقلي مش مغيب و لا ساذج عشان انساق لشعارات دينية ) بالعكس ..و الشاطر حيخدم مصر سواء فاز وللا لأ .. و الاخوان كلهم كدا بدليل ان طول عمرهم بيقدموا خدمات غصب عن النظام القديم و رغم المخاطر اللي بيتعرضولها..
و عموما كل واحد حر يرشح مين .. و انا لما سألت السؤال ماكنتش عايزة اتناقش و لا اقنع حد بشخص معين .. انا حبيت اعرف نسبة الأصوات هنا رايحة لمين.. و أطمن ان محدش حيرشح عمر سليمان و الفلول :D أي حد غير عمر سليمان و احمد شفيق مرحب بيه و كل الشعب لازم يسانده ..
و على فكرة ابو الفتوح راجل محترم و لو كسب حكون مبسوطة و هو اخواني برده حتى لو استقال فهو منهم و انا بستغرب منين حابين ترشحوه و منين مش طايقين الاخوان..و بتشككوا في نواياهم و أخلاقهم !!!!
عموما انا مش حتكلم في الموضوع ده تاني هنا عشان محدش يزعل مني ... خلونا هنا حلوين و كويسين مع بعض زي ما احنا ...
انا بدخل في فتكات بقى اللي لحد دلوقتي كل ما اكلم حد بالمنطق و بالعقل او أرد على تساؤلات حد محدش يرد علية.. و بيردوا بس على الردود اللي بعدي اللي بتستفزهم بردود مستفزة عشان يتخانقوا :D

الإعلانات انا مبحبش الإعلانات .. و مش بحفظها خالص.. بس ماما بتحب الإعلان بتاع ( كدا كدا شيبسيكو مضلع ) :lol:

أمنية :adore: الله يبارك فيكي يا حبيبتي ربنا يخليكي يا قمر... انا كنت لسة عايزة اسأل عليكي لانك دخلتي من يومين قلتي كلمتين و جريتي ... فاتتك السهرات و الليالي الملاح :)

سارة يا ترى مامتك عاملة ايه دلوقتي الف سلامة عليها

يارب عفوك و رضاك;16052535:
بخصوص الاخوان اللي عارف حاجة عن تاريخهم الوحش يقوله او يقول المصدر بتاعه عشان ينورنا ...بس محدش يقول مصلحجية و بس.. عشان كدا ما استفدتش حاجة... ثانيا للأسف كل الناس باصة للأحداث من برة بدون تعمق بيعيدوا نفس اللي الإعلام بيقوله و عايز يوصله للناس .. محدش بيبحث في الظروف اللي صدر فيها القرارات و أسهل حاجة اتهامهم انهم كذابين (و أكيد الناس دي لو كذابة انا كنت عمري ما حعرفهم في حياتي اصلا.. لاني أكتر حاجة اكرهها الكذب ... و أكيد كمان عقلي مش مغيب و لا ساذج عشان انساق لشعارات دينية ) بالعكس ..و الشاطر حيخدم مصر سواء فاز وللا لأ .. و الاخوان كلهم كدا بدليل ان طول عمرهم بيقدموا خدمات غصب عن النظام القديم و رغم المخاطر اللي بيتعرضولها..
و عموما كل واحد حر يرشح مين .. و انا لما سألت السؤال ماكنتش عايزة اتناقش و لا اقنع حد بشخص معين .. انا حبيت اعرف نسبة الأصوات هنا رايحة لمين.. و أطمن ان محدش حيرشح عمر سليمان و الفلول :D أي حد غير عمر سليمان و احمد شفيق مرحب بيه و كل الشعب لازم يسانده ..
و على فكرة ابو الفتوح راجل محترم و لو كسب حكون مبسوطة و هو اخواني برده حتى لو استقال فهو منهم و انا بستغرب منين حابين ترشحوه و منين مش طايقين الاخوان..و بتشككوا في نواياهم و أخلاقهم !!!!
عموما انا مش حتكلم في الموضوع ده تاني هنا عشان محدش يزعل مني ... خلونا هنا حلوين و كويسين مع بعض زي ما احنا ...
انا بدخل في فتكات بقى اللي لحد دلوقتي كل ما اكلم حد بالمنطق و بالعقل او أرد على تساؤلات حد محدش يرد علية.. و بيردوا بس على الردود اللي بعدي اللي بتستفزهم بردود مستفزة عشان يتخانقوا :D

الإعلانات انا مبحبش الإعلانات .. و مش بحفظها خالص.. بس ماما بتحب الإعلان بتاع ( كدا كدا شيبسيكو مضلع ) :lol:

أمنية :adore: الله يبارك فيكي يا حبيبتي ربنا يخليكي يا قمر... انا كنت لسة عايزة اسأل عليكي لانك دخلتي من يومين قلتي كلمتين و جريتي ... فاتتك السهرات و الليالي الملاح :)

سارة يا ترى مامتك عاملة ايه دلوقتي الف سلامة عليها

هههههههههههه
صحيح يا مانيا
بتوع فتكات ناقص يطلعو رشاشات وضرب النار يشتغل حاجة رهيبة بجد

الاخوان اكتر ناس اتبهدلو فعلا بس حاسة ان مع تعاقب الاجيال نسو هما بقوا اخوان ليه وبيدورو علي الحكم ليه:I:


وعموما الشاطر لما اتكلم اثار اعجاب ناس كتير حتي سلفيين ومن بتوع اسماعيل كمان


بس ثقتي اتهزت فيهم بعد مجلس الشعب بصراحة

واخيرا محدش لسة لحد دللوقتي عمل حاجة عدلة تخلينا نشهدله فنحن في الانتظار:clock:


ويارب يهديهم ويجعل فيهم الخير لصالح بلدنا


وابقي فكرني احيكلك موقف لذيذ حصلي في فتكات بسبب الموضوع ده:thumbs_up::thumbs_up:


فيه حاجة كنتي قلتي حتحكيها ومحكتيهاش؟؟؟؟

ايه هيا؟؟؟؟

فيه حاجة كنتي قلتي حتحكيها ومحكتيهاش؟؟؟؟

ايه هيا؟؟؟؟

حاجة ايه يا ودعة انا مش فاكرة .. كنت بتكلم عن ايه طيب؟؟؟

و مستنياكي تحكي عن موقفك بتاع فتكات ههههههههههههههههههه
انا حروح اكل سمك و ارجعلكم .. اتفضلوا معايا :adore:

بالهنا والشفا

احنا كمان سمك سمكمك بس اتغدينا من زمااااااااااااان دلوقتي بحضر العشا وحعمل ام علي



باين علي صحابكم واليوم اللي اتعرفتهم عليهم فيه
وان شاء الله اخلص العشا وآجي احكي علي الموقف

شيماء كنتي سالتينى لو عايزة اسيب الشغل دة انا نفسي و منى عينى أسيبه و نفسي أعمل مشروع خاص بس للأسف كل ما تجيلى فكرو و امشي فيها الاقيها باظت او وقفت ارجع اقول الحمد لله أكيد مفيش خير ليا و ربنا شايلى الخير فى حاجة تانية بس بصى من فترة بصراحة قعدت افكر انى و سبت الشغل خالص بجد هبقى مليش اى لازمة فى الحياة و انا بصراحة لما فكرت فيها ان شغلى دة بينفع ناس يبقى ربنا هيكرمنى لأن ربنا هيسألنى عن وقتى ضيعته فى إيه لازم اكون كنت بعمل حاجة و بفيد نفسي و غيرى فدلوقتى و الله لما بقيت اشتغل بالنية دى نفسيتى احسن كتير بس بردو لسة عندى أمل ان ربنا يكرمنى بمشروع خاص و بردو يكون فى منفعة للناس عامة و للمسلمين خاصة إن شاء الله

بالهنا و الشفا السمك يا مانيا و يا ودعة
انا جيت عملت كفته و مكرونة

ودعة انتى بتعملى ام على ازاى و لا بتجيبيها جاهزة

mooney608;16052588:
بالهنا و الشفا السمك يا مانيا و يا ودعة
انا جيت عملت كفته و مكرونة

ودعة انتى بتعملى ام على ازاى و لا بتجيبيها جاهزة

لا يا موني اوعي تسيبي الشغل

حتي ان شاء الله لما ربنا يديكي اطفال لو نفع تاخدي اجازة طويلة بدون مرتب عشان تقدري ترجعي بعد كده


قلته متعبة فعلا وسوء نفسية اغلبنا بسبب عدم الشغل


ام علي
بجيب عجينة البف باستري واسويها في الفرن
ولما تبرد اكسرها
واحط معاها مكسرات واغلي اللبن واحليه واحطه عليهم وعلي الوش قشطة
وادخلها الفرن تتشرب الي حد ما وبعدين احمر وشها



علي فكرة مكنتش اعرف انها بعجينة البف باستري وفكرت نفسي ان اللي مخترعاها


ماما كانت بتعملها رقاق في البيت وكنت بستصعبها فبقيت بجيب الجاهز
لحد ما في يوم جارتي عاملة البف ساتري صوابع زي القراقيش كده فلقيتها شبه الرقاق بتاع ام علي فكسرتها وعملتها كده وانا معتبرة نفسي اخترعت اختراع

بعد كده لقيت ان ده الطبيعي اصلا لما شفت وصفات النت:o:o





نسيت اهم حاجة



القرفة

الموقف يامانيا


واحدة كانت عاملة موضوع رايها في ابو اسماعيل

هي حاجة مفتكسة كده من الفيس بوك
بس المهم لقيت الناس داخلة تشتم وتدعي ولازم يتقفل ويدشوها سئ سئ كله يدخل يدعي ويشتم ولازم يتقفل

فدخلت قلت ليه لازم يتقفل؟؟؟

فين الديمقراطية ولا اللي مش علي هوي النفس

يبقي الرد اجلس اجلس والا طبقت عليك اللائحة

المهم الموضوع خد عشر دقايق واتقفل بعد

شوية ولقيت اقتباس لمشاركتي
واحدة محسبنة وداعية ومشحوراني:lol::lol::lol:

رحت بعتالها رسالة

ان ياريت مرشحك ينجح

ويصدق في وعوده


وانا بعتالك الرسالة مش عتاب لا عشان احتفظ باسمك عندي

ولو فلح اسماعيلك ده حابعتلك اعتذر واشكرك



ولو فشل واساء لديني او بلدي


حبعتلك ادعي عليكي وعلي كل المتعصبين اللي زيك

لانكو اسوا دعاية للراجل

فهو مايزيدش عن مرشح لرئاسة بلدي انا وهي وهي وكل المصريين

مش شخص مقدس نسجدله وندينله بالطاعة
وحقنا نقول راينا طالما في حدود الادب


المهم قلت اكيد حترد عليا تقيم عليا الحد وتهدر دمي بقي:D:D:D


لقيتها قلبت خالص

وانا آسفة ومقصدش وفي الاخر دي بلدنا والناس دي كلها زايلة وميصحش نخسر بعض وكلام هجص
واوعي تكوني زعلانة

انا طبعي مش كده

طب ما تقولي لنفسك:woo::woo::woo:


بينسو نفسهم والله ومخليين جو المنتدي مقرف

لا حول ولا قوة الا بالله

mooney608;16052584:
شيماء كنتي سالتينى لو عايزة اسيب الشغل دة انا نفسي و منى عينى أسيبه و نفسي أعمل مشروع خاص بس للأسف كل ما تجيلى فكرو و امشي فيها الاقيها باظت او وقفت ارجع اقول الحمد لله أكيد مفيش خير ليا و ربنا شايلى الخير فى حاجة تانية بس بصى من فترة بصراحة قعدت افكر انى و سبت الشغل خالص بجد هبقى مليش اى لازمة فى الحياة و انا بصراحة لما فكرت فيها ان شغلى دة بينفع ناس يبقى ربنا هيكرمنى لأن ربنا هيسألنى عن وقتى ضيعته فى إيه لازم اكون كنت بعمل حاجة و بفيد نفسي و غيرى فدلوقتى و الله لما بقيت اشتغل بالنية دى نفسيتى احسن كتير بس بردو لسة عندى أمل ان ربنا يكرمنى بمشروع خاص و بردو يكون فى منفعة للناس عامة و للمسلمين خاصة إن شاء الله

موونى انا نفسى اشتغل ف حاجة تانية غير المجال بتاعنا دا خاااالص

بصى انا كل مانزل بروجكت ف اى شركة اكره عيشتى والله:D:D مفيش حد توور ف ساقية زينا كدا يعنى حتى work from home ومش عاتقين برضه مفيش حاجة مريحة ف السكة دى خااالص
انا اخر شركة نزلتها كنت مكتئبة جدا يابنتى والله البنات اللى هناك بيمشو آخرهم 4 مثلا ويجو 9:30 10 براحتتتتتتتهم ومرة واحدة كانت داخلة بتغنى و:D:D والله كنا هنتشل آخر شلل ايها لعالم الرايقة اللى بتغنى دى احنا ف الشركة ممكن تلاقى واحد ماشى يلعن واحد ماشى يحسبن واحد ماشى فجأة يقوم رازع ايده ف الحيطة كدا يعنى:D:D
انا عايزة شغلانة مريحة شوية احنا شغلانتنا دى عايزة اعصاب اكتر ماهى عايزة وقت ،،،انا مش مهم عنندى الفلوس خاالص لاء المهم حاجة آدمية
بقولك آخر شركة دى وعلى الروقان دا يابنتى وماديا كويسين جدا ماشاء الله واحد داخل لقى مفاتيح واحد معانا بيقول مين معاه لانوس وبيبص بقرف كدا ،ههههه :lol::lol::lol: كلو شال مفاتيحه يابنتى من على الترابيزة:lol::lol:
حسيت اننا حثالة ولله الحمد :lol::lol::lol:

انا نفسى اشتغلcoordination ,marketing ,business development عارفة الحاجات الفننس دى :D:D ربنا يكرمنى يااااااااب

وفعلا الحياة من غير شغل رخمة خاصة ماديا والظرووف بئت صعبة اليوميين دول :hysterical::hysterical:
اقل مدرسة يابنتى والله 12 ألف عشان تعلمى ولادك ف مستوى معقوول مش هقولك واو كمان

الله المستعان

د.ودعه;16052605:
الموقف يامانيا


واحدة كانت عاملة موضوع رايها في ابو اسماعيل

هي حاجة مفتكسة كده من الفيس بوك
بس المهم لقيت الناس داخلة تشتم وتدعي ولازم يتقفل ويدشوها سئ سئ كله يدخل يدعي ويشتم ولازم يتقفل

فدخلت قلت ليه لازم يتقفل؟؟؟

فين الديمقراطية ولا اللي مش علي هوي النفس

يبقي الرد اجلس اجلس والا طبقت عليك اللائحة

المهم الموضوع خد عشر دقايق واتقفل بعد

شوية ولقيت اقتباس لمشاركتي
واحدة محسبنة وداعية ومشحوراني:lol::lol::lol:

رحت بعتالها رسالة

ان ياريت مرشحك ينجح

ويصدق في وعوده


وانا بعتالك الرسالة مش عتاب لا عشان احتفظ باسمك عندي

ولو فلح اسماعيلك ده حابعتلك اعتذر واشكرك



ولو فشل واساء لديني او بلدي


حبعتلك ادعي عليكي وعلي كل المتعصبين اللي زيك

لانكو اسوا دعاية للراجل

فهو مايزيدش عن مرشح لرئاسة بلدي انا وهي وهي وكل المصريين

مش شخص مقدس نسجدله وندينله بالطاعة
وحقنا نقول راينا طالما في حدود الادب


المهم قلت اكيد حترد عليا تقيم عليا الحد وتهدر دمي بقي:D:D:D


لقيتها قلبت خالص

وانا آسفة ومقصدش وفي الاخر دي بلدنا والناس دي كلها زايلة وميصحش نخسر بعض وكلام هجص
واوعي تكوني زعلانة

انا طبعي مش كده

طب ما تقولي لنفسك:woo::woo::woo:


بينسو نفسهم والله ومخليين جو المنتدي مقرف

لا حول ولا قوة الا بالله

انا بكره فتكات عشان كدا
متشبثين برأيهم بشكل وحش جداااااا وأرائهم وافكارهم كلها بحسها غيرنا هنا خاااالص
يعنى حكاياتهم كلها عفاريت ومش عارف مين ملبوس ومين مركوب
ومرة بقولهم دا كلام فاضى مسكوونى غسلونى يابنتى ونشرونى وكوونى وطبقونى بهدلونى على الآخر والله:D:D

وانصار ابو اسماعيل كلهم كدا على فكرة عاملين زى الشيوخ اللى بتزعق ف الفضائيات وف شرايط التاكسيات كللللهم متعصبين وبيزعقو
وف الاول والاخر هو شخص يعنى قد يكون كاذب وقد يكوون صادق

ربنا يستر لو مسك مصر اصرارى هيزيد انى امشى من البلد دى

ودعة حلو موضوع عجينة البف باسترى دة إن شا ء الله هجربه لأنى كذا مرة الاقى فى السوبرماركتس ام على جاهزة و تحطى بس عليها لبن و تدخليها الفرن بس وحشة اوى اوى و جربت كذا طريقة طلعت أوت ممكن اجرب البف باسترى دى

على فكرة فعلا قتكات معروف عنه كدة علشان كدة معظم المواضيع بتتقفل

بصى يا شيماء انا كنت الأول بشتغل فى لينك دوت نت بس فى فرع development (linkDev ) بصى كان زىما يتقولى طلعان عينى و روحى و بروح متأخر و كدة بس بصراحة كان أخر دلع حفلات و اكل و شرب و خروج و المرتبات عالية بس وصلت لمرحلة انى نفسيتى كانت فى الحضيض لدرجة انى سبت الشغل و قعدت فى البيت سنة و نص و بعد الجواز و طبعا الحالة المادية اتغيرت جدا اضطريت انزل الشغل و ربنا وفقنى واحد كان زميلى ايام لينك كنا خارجين كلنا مع ازواجنا قالى مش عايزة تشتغلى كنا بنهزر و انا واخدة الكلام هزار قلتله افكر المهم لقيته بيكلمنى بعدها ان فى شغل و تعالى انترفيو و كدة و رحت و سبحان الله مش فى دماغى خالص كلمونى بعدها انى قبلت و كان المرتب اقل بكتير من اللى كنت باخده ووافقت بس الحمد لله الشغل مش overload زى الاول و بجد واخدة وضعى جدا جدا فى الشركة و الحمد لله من اول يوم فهمتهم ان انا هاجى بدرى و همشى الساعة 4 و نص و اللى عايز منى حاجة فى حدود المواعيد دى أو يبعتلى ميل باللى عايزه و اعملهوله لما اجى تانى يوم لأن الناس بتيجى براحتها و تمشى متأخر فأنا حطيت لنفسي قواعد من أول يوم و الحمد لله مستمرة عليها لحد دلوقتى مع انى بقالى سنتين بس كل الناس هناك بتحترم كدة جدا و الحمد لله كمان الشغل قريب جدا من البيت فدة بردو مساعدنى جدا الحمد لله

تعرفى انا كمان مشكلتى ان انا اتعودت من صغرى على مستوى مادى معين و كمان مع المرتب الحمد لله كويس و انا جوزى للأسف علشان ظابط مرتبه ملاليم مش بيكفينا اسبوع 10 ايام على مستوى مصاريفى و هو لا حول له و لا قوة
و دة أكتر سبب مخلينى نفسي نعمل شغل خاص بينا مشروع لينا و هو اللى يديره و انا معاه علشان زى مابتقولى المصاريف ناااار كمان مع العلاج بتاعى و العمليات من اول الجواز فمينفعش خالص اسيب الشغل دلوقتى و ربنا يكرم و نقدر نعمل حاجة قبل المصاريف تزيد يا رب

أمونة شفت صور عمر بسم الله ما شاء الله ربنا يحفظهولك يا رب و يباركلك فيه اما انتى بأة غير ما تخيلتك تماما بس ما شاء الله أمورة و شكلك مؤدبة و لسانك مش طويل :)

موني ربنا يوسع رزقك يا حبيبتي انتي وجوزو

انا بقي مش هاسيب البلد ولا حاجة لو ابو اسماعيل مسك ايه المشكله يعني؟؟؟؟؟؟ هو لا هيقعد الستات في البيت ولا هايلغي التي في
هو مش هايسرقنا على الاقل هو ممكن بس يكون معندوش خبرة سياسية كافية

صدقوووووني مفيش اوحش من وضع البلد دلوقتي
مفيش اوحش ان يموت 75 واحد في ماتش كورة وفي ناس بتقول فوق ال 100
ومايرجعش حق واحد بس يبرد قلب امه وابوه
مفيش اسوأ من اعلام الفلول من امثال لميس الحديدي وخيري رمضان وغيرهم اللي فجأة بقم اعلام الثورة!!!!!!!!!!!
مفيش اسوأ من الملايين اللي بتتصرف على مسلسلات رمضان
ورمضان اللي بقي شهر المسلسلات والاكل والدين المهمش خااااااالص كإنه حاجة موضه قديمة
ولاغلو الاسعار والمستشفيات المعفنه والناس اللي مش لاقيه علاج ولا لاقيه تاكل
هايحصلنا ايه يعني؟؟؟؟؟؟؟؟؟
اللي عنده برنامج إصلاحي سواء ابواسماعيل او الاخوان يقدمه وياخد فرصته بس متنتظروش كتييييير الفترة الرئاسية دي
ممكن اللي بعدها يبتدي تحسنات لكن لسه المشوار طويل اوي