بصى يا امانى انت ركزى اساسا فى الاكل المفيد يعنى طول النهار كده فاكهة و خضار و لبن و عصاير و حجات كده و بالنسبة للاكل طالما جوزك ليه شويه فى الطبيخ خليه يعمل كميات كبيرة تحت اشرافك يعنى مش اكل ليوم و خلاص و هتبقى على التسخين معلش هو هيتعب شويه بس كده احسن من الاكل من بره لانه اكيد مش زى اكل البيت فى النضافة على الاقل و اهلى فترة و ان شاء الله هتعدى على خير[/QUOTE]
ان شاءالله حقلل أكل برة ده الله المستعان... تسلمي يا ميوي...
Bossy22;16060976:
يارب يا اماانى ربنا يكرمنا ونروح حته عدلة
انتو عارفين انا جوزى كان بيسالنى ايه من يومين بيقوللى هى خطوة الصين دى كانت غلط ؟؟؟!!!!!
مرضتش انكد عليه بقى قولتله لا مش غلط هو ماجستير بردووو
المشكله ان البلااد اللى زى كندا وامريكا لو روحتيلهم بماجستير من الصين هيقولوك روحى يا حبيبتى اعملى عليه بيبى ههههههههههههه
مش بيعترفو بيه خالص
و احنا فعلا بنفكر فى موضوع تغيير الكاريير ده لحد ربنا ما يفرجها
ده انا فكرت ادور على شغل هنا مش دكتورة طبعا مدرسة فى حضانة اى حاجة
بس طبعاا مش هلاااقى غير ان جوزى هيرفض طبعاا
لان دلوقتى عندنا مشكلة جامده جودى كبرت وعايزة تدخل حضانة ولو وديتها حضانة صينى بتبقى فمستوى الاقوضة الزبالة كده
فلازم حضانة نضيفة
وروحنا سالنا الشهر بما يعادل 2200 جنيه:(
ومش عارفين نعمل ايه
خصوصا انها محتاجة حضانة عشان تختلط بالناس وتتكلم
لانها مش بتشوف حد نهائى اللا ابن صحبتى وكل فين وفين
وهى هتدخله حضانة الشهر الجاى وهم ليبينن بيقبضو بالدولاار مش زيينا
يعنى هنستلف عشان ندخلها حضانة:'(
لو قلنالحد سلفنا عشان ندخلها حضانة هيقولنا امشو ياولااد ال.................. ههههههههههههه
فقر و عنتظرة هههههههههههه
و بالنسبة للاكل انا كنت بعمل ايه بجيب الكرسى احطه قدام البوتجار وياريت يكون بعجل من تحت و اقعدى عليه بس ده ممكن اما تخلصى التالت وتبقى فى الرابع كده
دلوقتى خففى الاكل من برة خالص خصوصا البرجر و السوسيس وما شبه
ومعلش خللى جوزك يوم الاجازة يعمل اكل الاسبوع و تشيليه وجبات فى الفريزر وتطلعى على التسخين وخلااص حتى الرز عادى دخليه الفريزر
وممكن جوزك يسال فى الشغل اصحابه عن حد بيعمل اكل بيتى او لو عنده ممرضة كويسة يقولها و يحاسبها
واكل برة غلط لانك مش ضانه نضافته و بيحطو كله دهووووون و قرف واوعى تاكلى سلطة انتى خله يسلق مثلا 3 فرخات مع بعض ويقسمهم كل نص فى طبق فويل و على الفريزر كده هيكفوكى 6 ايام و لحمة بردو كم قطعه على اد الاكلة وفى الفريزر مسلوقة و الرز بردو فى اطباق على اد الاكلة فى الفريزر و يعمل صنفين خضار بسلة مثلا و لوبيا و تقسميهم بردو وعلى الفريزر بحيث ييجى من الشغل يطلع كيس الرز و الخضار و الفراخ وتبقى اكلة ممكن سلطة وخلااص جمبها
لحد ما الفترة دى تعدى على خير يارب
شيماء بخصوص نزولى مصر
الموضوع بردو معقد لاننا لو رجعنا القوضة اللى فى السكن هيخصمو ممنا ايجار للقوضة هو منش كبير بس المرتب هيقل غير انى مش هعرف اشتغل فى مصر خالص ولو اشتغلت هيبقى فى مستوصف وانا مش بعرف اسوق ومعرفش اركب مواصلاات خصوصا انى ساكنة فى الرحاب بعيييييد
وطبعا محدش هيبقل واحده زيى مشتغلتش فى اى شغلاانة فى الرحاب
غير انى ممارستش المهنة خالص من ساعة متخرجت ونسيت كل حاجة
و شوفى لو ديت جودى حضانة فى الرحاب هتبقى بكام :badly:
وشغل المستوصفات ده مبيجبش همه خالص مبيجبش تمن البنزين حتى
غير انى اخاف اقعد لوحدى انا وجودى فى اللبش اللى فى البلد ده
وانا مش بعرف اتحمل مسؤلية لوحدى خالص ومسؤلية جودى بالذات لو لوحدى وتعبت لا قدر الله اقعد بقى اكلم حد يجيلى واتزل
ربنا يفرجها من عنده
بخصوص افكار الأكل :thumbs_up::thumbs_up: حقترح على جوزي نعمل كدا و اهو على الأقل ما يبقاش في مواعين كل يوم للأكل و الطبيخ ... تسلمي يا بوسي... :adore:
بخصوص الشغل و الماستر... انا فاهماكي جدا و حاسة بيكي...
بصي أولا قراركم صح مش غلط... أكيد الماستر من الصين أفضل من مصر و الا ما كنتوش اتحملتوا كل ده عشان تعملوه هناك و انا افتكر ان كان عندنا معيد سافر ياخد دكتوراه من الصين او اليابان مش فاكرة... انتوا الخطوة اللي بعد الماستر انكم تشوفوا شغل في الخليج زي ما قلتلك...حيعوضكم ان شاءالله جدا اهم حاجة تيجوا على عقد محترم يناسب مؤهلكم.. ساعتها حتحسوا انكوا ابتديتوا تجنوا ثمرة تعبكم... و انا متهيألي في الخليج بيعترفوا بالشهادات الاجنبية ايا كانت و مرتابهم بيبقى أحسن من لو واخدها من مصر بس حتأكد من جوزك و اقولك.. بعد مرحلة الخليج دي بقى انتوا احرار حابين ترجعوا مصر او حابين تكملوا او حابين تتجهوا تجاهات اخرى... بس انا في رأيي كل ما عملت دراسات بدري و انت صغير كل ما كان احسن... لان مع الزمن بعد كدا في اي مكان حتشتغل فيه المرتب للي معاه ماستر اكيد يفرق جامد عن ممارس عام...
هنا مثلا الممارس العام من مصر المرتب ممكن يبدأ على النظام الجديد من 6000 ريال و مايزيدش بأقصى حد عن 9000 ريال... الماستر أكيد اكتر معرفش كام.. بس اكتر من كدا مابالك لو شهادة اجنبية و شغال خاص كمان ... لا التعب اللي تعبتوه يستاهل...
موضوع كندا بقى و امريكا بالفعل مش بيعترفوا بحاجة لازم من عندهم و تعملي معادلة و شغلانة.. و اغلب اللي بيهاجروا و ان ما كانش كلهم بيبقى غرضهم انهم يا اما عايزين يبتدوا دراسة جديدة على أصولها سواء في مهنتهم او حابين يغيروا الكرير لحاجة تانية بيحبوها فده متاح هناك جدا لانها بلد الدراسة أصلا ... يا إما رايحين عشان تعليم أفضل لولادهم ...لان التعليم في مصر بقى سيء لأسوأ حسب آراء اللي هاجروا دول يعني.. لدرجة في دكاترة كبار في السن و واصلين لمرحلة في مصر كويسة جدا و مستوى ممتاز و ناس في الخليج كانوا عايشين مرتاحين جدا .. بس هاجروا عشان اولاددهم يتعلموا هناك .. و يعيشوا حياة أفضل... و في اللي بيهاجر لانه ما بقاش قادر يعيش في مصر و لا قادر يعيش تحت رحمة الكفيل في الخليج .. ففي كندا بيعاملوك زيك زي الكندي و ليك نفس حقوقه بمجرد ما تدخل البلد كمهاجر مقيم...
لكن لو كل الكلام ده ما يفرقش معاكم و حابين تعيشوا في مصر و تستقروا فيها فانتوا كدا معاكم شهادتكم .. و حوشتولكم قرشين حلوين من الخليج تأمنلكم مستقبلكم في مصر ... و ترجعوا بلدكم اعملوا عيادة خاصة و كملوا هناك في رأيي اهم خطوة عملتوها هي الماستر اوعوا تندموا عليها ابدا... لو كان العمر عدى من غير ما تعملوه حتنسوا المذاكرة اصلا و الحماسة حتقل و حتفضلوا محلك سر...
موضوع الحضانة انتوا كل اللي فاضلكم سنة .. و ترجعوا معتقدش حتأثر على جودي بدون حضانة.. اعمليلها انت حضانة في البيت اختلطوا بصحابكم و انت علميها في البيت .. انا عمري ما دخلت حضانات لا انا و لا اخواتي و طلعنا زي الفل مش متأخرين عقليا و لا حاجة يعني الحمد لله هههههههههههه انا مش شايفة انها حتفرق السنة دي انا اختي كانت بتعلمني في البيت .. وماكنتش اسمع عن الحضانات اصلا... و ربنا يهون عليكوا و يبدل همكم فرحا و تجنوا ثمار تعبكم.. :)
و انا من انصار تستحملي و تفضلي مع جوزك معلش ما جاتش على السنة دي .. و كدا كدا في ديون بس بحس ان الدعم النفسي و المعنوي اللي بيحتاجوه ازواجنا اهم من الدعم المادي...