يارب عفوك و رضاك;16045105:
الف سلامة عليها شفاها الله و عافاها.. بس يعني ايه العملية دي اول مرة اسمع عنها.. الرحم متحرك من مكانه يعني وللاايه؟؟ و ايه سببه ده..
ليه بس يا حبيبتي لا مبالاة و الاكتئاب.. الغي الكلمات دي من القاموس عندك يا سارة.. و خلي مكانها أمل و تفاؤل و ثقة في الله مهما اللي انت بتتمنيه اتأخر عليكي..
حتى بخصوص حماتك و زوجك و أي حد مضايقك.. افرشي سجادتك كدا و ادعي ربنا كل ليلة يهديلك قلبهم و يسخر قلوبهم ليكي و ادعيه يرزقك بكل اللي بتتمنيه... و اعملي لنفسك برنامج يومي قيام ليل و قرآن و استغفار و أذكار.. حتلاقي نفسك اتعودتي على الحاجات دي و تحسي انك متضايقة و مش مرتاحة لو عدى يوم من غير ما تعملي كدا حتلاقي راحتك فيها .... ربنا بيقلب القلوب كيف يشاء... و قادر انه يسخر قلب حماتك و زوجك... و قادر يرزقك و يعوض صبرك بس بالأمل و الثقة.. مش باليأس و الاكتئاب.. الواحد يكتئب يوم يومين ... بس مايسيبش نفسه للمشاعر السلبية دي ... ادعي ربنا و انت واثقة في الإجابة .. مش ربنا اللي قال (و قال ربكم ادعوني أستجب لكم)!! و هو سبحانه و تعالى اللي قال (أنا عند ظن عبدي بي فليظن عبدي ماشاء)!! و هو اللي علمنا انه بيتنزل للسماء الدنيا في الثلث الأخير من الليل فيقول (فيما معناه) : من يستغفرني فأغفر له.. و من يسألني فأعطيه...!!!! مش ربنا سبحانه و تعالى اللي قال في القرآن الكريم (فقلت استغفروا ربكم إنه كان غفارا. يرسل السماء عليكم مدرارا و يمددكم بأموال و بنين و يجعل لكم جنات و يجعل لكم أنهارا)..!!!
طيب ربنا مدينا مفاتيح أهي ليه ما نستغلهاش... وعدنا انه حيستجيب دعاءنا ووعدنا انه حيعطينا ما سألناه ووعدنا انه يرزقنا إذا استغفرناه... مش بس كدا دا كمان بيقرب مننا أكتر في التلت الأخير من الليل ... و لو فكرنا ايه المطلوب مننا.. حنلاقيها حاجات كلها بسيطة مافيهاش أي مجهود..
دا احنا لينا رب كريم أوي ازاي بعد كل ده يبقى في يأس بس.. انا كنت كل ما أحس باليأس أفكر نفسي بالكلام ده...
ربنا يصلح حالك يا رب و يسخرك قلب زوجك و يهديلك حماتك و يرزقك بالذرية الصالحة التي تقر لها عينك عاجلا غير آجلا..
الحمد لله يا اماني
ربنا كريم والله انا بس مبقتش افكر ولا احط امل علشان مزعلش كل لما الدورة تيجي
وبدعي ربنا وبصلى والحمد لله
بالنسبة لماما دا معناة ان اربطة الرحم اللى شداة وماسكاه فى الحوض حصلها ارتخاء وبقى ساقط جوا المهبل
فمسببلها انها ديما حاسة بحاجة جواها جوا المهبل كدا غير التهابات مستمرة مش بتخف ابدا واخر حاجة لو هرشت من تحت او حاجة ينزل دم مش راضى يقف وبقى فى حتة كدا من الرحم خارجة من المهبل
فالدكتور قلها لازم تتعمل العملية
د\امونة;16045161:
سارة وحشاني اوي يا جميل , ودا ميمنعش اني عايزة اضربك على دماغك :)
عشان بتقولي لا مبالاة وكلام كله يأس كدا , الصح انك تعملي اللي عليكي وتسيبي الباقي على ربنا وانتي مطمنة وقلبك كله تفاؤل ان ربنا هيكرمك اوي , احسني الظن بالله هتلاقي ربنا عند حسن ظنك بيه
والف سلامة على مامتك , حماتي عندها نفس المشكلة بس خايفة تعمل العملية , ابقي قوليلي تفاصيل العمليه وليه الدكتور قرر يعملها , يعني مامتك كانت تعبانة من ايه بالضبط ؟
وانتى كمان وحشتيني يا امونة عمورة عاملة اية يا جيمل
ربنا يخليهولك يارب
والحمد لله على كل حال
ريـري;16045815:
علياء دعيتلنا ولا نسيتي ؟؟؟؟؟؟؟؟؟؟؟؟؟؟؟
وربنا يخليلك احمد يااااااااااااارب
ربنا يقومك بسلامة يارب انتي والبيبي ويثبتلك حملك يارب
وربنا يعوض علينا كلنا قريب
سارة الف سلامة علي مامتك
الله يسلمك يا ريري
ra_tamima;16045891:
امانى .....................الف الف الف مبروك وربنا يكملك على خير يااااارب
ساره..................وحشتينى اوى والله فينك يابنتى
بنات
انا جوزى عمل التحليل اخير بعد 6 شهور علاج وطبعا عمليه دوالى والنتيجه
تحسن من 2 مليون وصل 3مليون ونص
مش عارفه اقول حاجه غير الحمد لله طبعا اولا واخيرا بس مش فاهمه اى حاجه
بعد دوالى وعلاج 6 شهور يحصل تحسن مليون ونص بس؟؟؟؟؟
بس بقيه التحليل تمام مش فيه حاجه هو اصلا كانت مشكلته ف العدد بس
السؤال هنا
نروح للدكتور ولا هى باينه كده (حقن مجهرى)
وهل لحد مانروح للدكتور يفضل ياخد العلاج ولا ايه علشان هو وقفه
انا مش عارفه اركز وطبعا مش مبينه ليه بس طول اليوم بعيط ف الشغل
والله انا مكنتش حاطه ف دماغى اى حاجه وعماله اقول مابقاش يفرق معايا الحمل واملى ف ربنا كبير طبعا بس مش بقيت مركزه اوى
بس اول ماعرفت التحليل فضلت اعيط .............................
ده غير ان بقالى 3 ايام عندى افرزات بنى وبعد الجماع بلاقى سائل بنى شفاف كده كتير وانهارده ابتدى لونه يتقل ويبقى بنى غامق وعندى وجع عند المبيض الشمال من تحت كده ولما بحط ايدى بحس بحاجه مكلكعه زى مايكون عرق شادد لتحت كده والدوره لسه فاضل عليها 6 ايام
يعنى بايظه من كله مش عارفه اعمل ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
والله يابنات انا كنت عاديه جدا ومكنش فى اى حاجه ف دماغى بس من ساعه ماعرفت حوار التحليل وانا اتحولت ......الحمدلله على كل شئ
انتى عاملة زي يا رشا
انا بقى جوزي مفيش اى تحسن خالص خالص خالص
وعامل العملية من 6 شهور بردو
ولا عدد ولا حركة ولا اى حاجة فى اى حاجة الحركة 0 زى ما هي والعدد 10 مليون زى ما هو لا واخر حاجة الدكتور مشانا على كورس حقن فوستيمون علشان الحركة والعدد وكدا ولما روحنا عملنا التحليل لقياناة بقى 800000 يعنى اقل من مليون بقيت ماشية فى الشارع دموعي بتنزل لوحدها كدا ومبقتش ابينلة ولا حاجة وهو يومين مش بيتكلم خاااااااااااالص لحد لما لقيتة بيقولى هنبيع العربية او ندخل جمعية ونعمل حقن مجهري
ولما روحنا للدكتور قالنا عادي اصل الحقن اوقات بتعمل رد فعل عكسي للخصية بدل ما تنشطها تخليها تكسل عن الشغل والانتاج يقل
ووقفلة العلاج كلة كلة وكمان كم يوم هنعمل تحليل fsh و توتال تستيرون
والحمد لله بردو مبقتش عارفة نعمل اية علاج وبياخد ودوالي عملناها
ربنا يبعتلنا الفرج من عندة يا رشا
د.ودعه;16046047:
مانيا
العيال عمالين يسالو عليكي في فتكات
وانا مش برد
مش حتدخليلهم؟؟؟؟؟؟؟
يارب عفوك و رضاك;16046054:
بجد؟؟؟ لا حدخلهم حالا دلوقتي... :adore:
ماشي يعني انت زادي طب مش تكحي وللا تبعتي رسالة بدل ما انا مطنشاكي كدا :o
رشا تمام.. أول خطوة تروحوا للدكتور شوفي حيقولكوا ايه
طيب انتو فين في فتكات انا كمان مشتركة هناك
خدونى معاكو يا وحشييييييييين
انا لقيت ريري هناك وبعتلها طلب صداقة مش عارفة قبلتة ولا لا ولقيت دينا بردو
لكن مش عارفة انتو بتتجمعو فين
خدوني معاااااااااااااااكوو