الله يجزاكم خير شوفو موضوعي وردو لي

وعليكم السلام ورحمة الله وبركاته ...

اختي حياك الله اهم شي الاهتمام والمداومة لان بقولك من الحين لو شنو قلنا لك ماراح يفيدك اذا ماتداومي وماتلتزمي
انتي خلي لوشن فازلين زبدة الكاكاو مرطبك اليومي لكني شفت فائدة بالنت يقولون في كريم فازلين بزبدة الكاكاو والشيا انا انصحك تاخذينه
لان فيه فائدتين واستخدميه بشكل يومي وخلطي معه لوشن فازلين الموف وكريم بالمرز للتشققات طريقة الاستعمال سوي تقشير بملح الحليب للتشققات اللي عندك قبل ماتنامي ودهني بالخلطة والصبح بعد دهني فيها يعني مرتين باليوم استعمليها واهم شي المواااظبة ..
هذي صورة ماذكرت
















اما بالمرز او هالكريم اذا حصلتيه

أم أبراهيم ... ما شا الله عليها سباقه ... أنا سمعت بنفس الخلطة اللي ذكرتها أم أبراهيم ... الكريم البنفسجي من فازلين مع الكريم الدائري اللي بزبدة الكاكاو والشيا تحطينهن بالتناوب ... أو مثل ما ذكرت أم إبراهيم ... ما عليها زود الغالية ِ

الله يوفقك يارب حبيبتي
صح لازم الاستمرا بالترطيب لتشوفي النتيجة

حبيبتى كلنا عندنا مشاكل بالبشرة لازم تعرفى سبب التشققات ايه وتعالجية لان لو السبب موجود وانتى بتعملية من غير ما تعرفى انه السبب وتحطى وصفات هتستهلكى طاقتك وهيفضل العيب موجود
عن تجربة............. وقفى نوع الصابون اللى بتستخدمية واستحمى بشاور جل فقط وماتطوليش تحت المياة اقصاها 15-20 دقيقة فى اليوم بمياة دافية وده نوع الشاور جل اللى بستخدمة Fa shower gel cream & oil cocoa butter & coco oil
هو رخيص مش غالى وفى كل الصيدليات بس وبعد الحمام استخدمى زيت جونسون وجسمك مبلول هتلاقى نتيجة وبعدها استعملى الوصفة اللى انتى عايزاها بس خلى الطريقة دى فى كل وقت ويارب تلاقة نتيجة :L::L:

البنات ماقصروا

مشكورين حبايبي والله ماتوقعت تردون علي وتعطوني حل بس اذا واضبت بتروح ومن جرب الخلطه هاذي وفادة انا مابي اتعب وفي النهايه ماتروح
انا الحين متملكه وزوادجي يم ابارهيم بعد شهر ونص تتوقعين يمديها تخف جسمي مليااااااااااان منها تقفين ردي

هلا اختي حياك الله

شرايك انا استخدمت كريم نفس بالمرز نفس مفعوله والخطوط عندي بيضا استخدمته اسبوع مرتين باليوم وخفت عندي بنسبة 50%
وتركت لو مكملة اختفت بإذن الله

اختي بارك الله فيك توكلي على الله وجربيهم البنات يمدحوا بهالاشياء اللي حطيتها لك اللي بعضها استعملتها انا شخصيا
انا جمعت لك كل شي مفيد بالمرز خاص بالخطوط البيضا لكني مااظنه يخفيها نهائيا لذلك حطيت لك كريمات تحتوي على زبدة الكاكاو وزبدة الشيا
اما اللوشن الموف فهو لتجديد خلايا الجلد وكل هذي اشياء مفيدة للخطوط والتقشير بملح الحليب او زيت زيتون وملح اذا ماحصلتي ملح الحليب
برضو يشيل الجلد الميت ويطلع خلايا جديدة وهذا انتي اللي تحتاجينه لكن انصحك تقشري بشويش مو حيل
وعشان نتيجة اسرع وجهد اقل اخلطي كل هالكريمات واحتفظي فيها بغرفتك يكون غرفة مكيفة عشان ماتتأكسد الخلطة وخليها مرتين باليوم
وقبل النوم سوي تقشير بسيط بملح الحليب ودهني منها وسوي مساج لمدة 5 الى 10 دقائق بيدك اصبري عليها مافي خلطة من اول يوم يبين مفعولها لذلك انصحك تدوامي وتلتزمي وان شاء الله تتزوجي وهي مختفية او اقلها خفت بنسبة كبيرة واستمري عليها حتى بعد زواجك ريحتها حلوة
وتحافظ على الجلد من التشققات
واختي خلي عندك ثقة بنفسك كلنا فينا بلاوي لكن الحمد لله اذا زوجي كان ينتقدني على اي شي اقوله كل الحريم كذا واطنش واحاول واجتهد اني اتخلص من العيب اللي فيني لكن بدون ماابين له مبالاة وبيني وبين نفسي اكون فعلا مو مهتمة واذا قدرت اتخلص من اي عيب قدرت ماقدرت شسوي مااقطع نفسي واشغل نفسي بالهموم مافي مرأة كاملة فقط نساء الجنة كاملات
والرجل ماينتبه ويركز ممكن مرة مرتين لكن اذا انتي بينتي له هو راح ينتبه خليك دايما نظيفة ومتعطرة ومتكحلة وملابسك نظيفة وانيقة وشعر الجسم دائما شايلته وجسمك اهتمي بترطيبه ونعومته وعندك هالخلطة ترطيبها قوي وايضا شعرك مشسور ومرتب
صدقيني الرجال يهتم لهذي الاشياء ولو فيك عيوب الدنيا ماراح يشوفها واهم شي اخلاقك وطاعتك له وهدوئك هذي اشياء اساسية اكثر من الشكل واللبس وغيره
وحاليا في مخفي عيوب وبخاخ السيقان يمدحوا فيه لو عندك اي مشكلة بامكانك تحطي مخفي عيوب نفس لون بشرتك وفوقه بودرة نفس لون بشرتك ياحبذا تكون بودرة مائية مثل سمر كيك وغيرها
ولو اني اشجعك تجربي الخلطة وتمشي عليها لاني مجربة اشياء من ضمنها وشفت نتيجة جدا رائعة مع اني ماداومت
لكن اخفاء العيوب وهالطريقة خليها لو بقى شوي من الخطوط اخفيها بهالطريقة وتوكلي على الله وجربيها والله يوفقك ويسعدك ويجملك بعين زوجك

اللهم ااااامين جزاك الله خير يام براهيم ماقصرتي والله ريحتيني كثيير بجرب واردلك

بس وش اسم الكريم الي نفس بالمرز وتنصحيني فيه والى الخلطه اغضل مع ان بشرتي حسااسه

حياك الله اختي

انا كنت بدولة عربية معينة وعطوني بديل عن كريم بالمرز يعني مقلدينه وصناعة محلية وفادني
اكيد الاصلي افضل اقصد بالمرز توكلي على الله واستعمليه
اما الصورة اللي حطيتها لكريم عليه مراة حامل للاسف في بنات ماحصلوه عشان كذا اقولك اخذي بالمرز

والله يسعدك ويوفقك بزواجك ويلا ابتدي ماعندك وووقت

حبيبتي ...الله يوفقك في زواجك ويفتح لك من أبواب رحمته يارب..

انا متاسفة مابعرف افيدك بالوصفات بس راح ادعيلك ان شاء الله

مشكوره اختي وانا بعد بدعيلك وبدعي للجميع ومشكوره يام ارباهيم على الرد السريع وانشءالله ابدى من بكره

ماشاءالله تبارك الله

ام ابراهيم ماقصرت جزاها الله خييير
والله يوفقك ويسعدك بالدنيا والاخره