أستفسار

حياك الله اختي
استعملي الحليب المنظف من همالايا ثلاث مرات بالاسبوع جيبي الحليب وحطيه على وجهك خليه دقيقة بعدين جيبي قطن الوجة الدائري
وبلليه ماي ساخن ونظفي وجهك زين وغسلي وجهك بماي بارد ومرري ثلجة وغلقي المسامات
استعملي غسول يومي يناسب نوع بشرتك الدهنية في غسول من اكسفولياك ماركة طبية تعالج حب الشباب وخاصة بالبشرة الدهنية اذا ماحصلتيه استعملي غسول همالايا الرغوي بعد انتبهي في منه نوع للبشرة العادية وفي للبشرة الدهنية اخذي حق الدهنية
واهم شي بعد غسل وجهك تغلقي المسامات بماي بارد او تونر من نيفيا غارنييه وغيرهم وممكن تونر طبيعي مثل ماي ورد بارد او مثلج تمرريه على بشرتك
في ماسكات من همالايا ماسك الطين من همالايا مرتين بالاسبوع ممكن تستعمليه قبل الحليب المنظف ومن ثم تستعملي الحليب المنظف

مشكوره ماقصرتي ام ابراهيم الله يجزاك خير

ام ابراهيم الله يجزاك خير منظف هملايا بالحليب ماحصلته والغسول حصلت من البشره العاديه للدهنيه شرايك
بعدين انا عندي حب شباب مبهذلني عالجت عنه كثير مانفع
نصيحتك لي بلييييييييز....لان زواجي بعد شهرين :badly:

روحي عزيزه;16054291:
ام ابراهيم الله يجزاك خير منظف هملايا بالحليب ماحصلته والغسول حصلت من البشره العاديه للدهنيه شرايك
بعدين انا عندي حب شباب مبهذلني عالجت عنه كثير مانفع
نصيحتك لي بلييييييييز....لان زواجي بعد شهرين :badly:

هلا اختي بما انك تتعالجي فترة ويرجع لك ومافاد معك العلاج
انصحك واخذي نصيحتي لاتاخذين الركتان كثير له اعراض جانبية لكن في علاج افضل منه
لان بدون اعراض جانبية واسمه مينوسايكلين 100غ
اMinocycline 100 غ
اخذي حبة الصبح وحبة المساء بعد الاكل لمدة 3 شهور وترى بإذن الله من اول شهر تلاحظين تحسسسسن كثييييييييير انا واختي استعملناه وفادنا بفضل الله
وسوي بحث بالنت عنه وتشوفين حتى الاطباء بوصفونه هو مضاد حيوي وكثير ينفعك بإذن الله وحتى تطمأني اسألي الصيدلاني
انا قلت لك على حبوب افضل بما ان زواجك قريب عشان ماتتغربلين وتخجلين قدام زوجك
والغسول اللي حصلتيه ماعليه استعمليه اختي تستعمله والحمد لله تمام
وفي ايزوتركسين جل اخذيه هذا مرهم لحب الشباب حطيه على الحبوب اللي في بشرتك لاتحطينه على كامل وجهك لان زواج قريب هو شوي يجفف البشرة لذلك حطيه على الحبوب والاثار كل يوم لين تروح بإذن الله
والحليب المنظف موجود روحي مكان ثاني ان شاء الله تحصلينه
واخذي بكلامي نصيحة
وربي يبارك لك

مشكوووووووره ربي يخليك ويجزاك خير

اختي حبيت اقولك في غسول رغوي وفي غسول جل من همالايا الاثنين حلوين لو حصلتي غسول جل للبشرة الدهنية اخذيه
ولو ماحصلتي بس هذا اللي للبشرة العادية الى الدهنية اخذيه

الله يجزاك خير والله اني داشه ابي اسالك عنهم لاني رحت وحصلت رغوي وجل واحترت قلت ارجع واسالك الله يجزاك خير
طيب طريقتك في الرابط هذا اسويها لانها عجبتني تنفع للبشره الدهنيه http://forums.3roos.com/showthread.php?t=652887
انا استخدم مقشر سانت ايفنز واستخدم بخار البابونج والجل اللي احطه على الانف عشان الرووس السوداء يعني ضروري وياليت اذا عندك صور تنزلينها واذا فيه شي مجربته وينفع للشعر الدهني انا شعري خفيف من قدام وقليل وينفش بسرعه لااستشوار ينفع ولاسيراميك وصراحه اطفش منه لانه في الصيف يلعوزني وفكرت اسوي فرد له بس صديقاتي قالوا لاتعدمينه زياده وش تنصحيني فيه ومشكوووره مقدما اعذريني ازعجتك :o

روحي عزيزه;16055735:
الله يجزاك خير والله اني داشه ابي اسالك عنهم لاني رحت وحصلت رغوي وجل واحترت قلت ارجع واسالك الله يجزاك خير
طيب طريقتك في الرابط هذا اسويها لانها عجبتني تنفع للبشره الدهنيه http://forums.3roos.com/showthread.php?t=652887
انا استخدم مقشر سانت ايفنز واستخدم بخار البابونج والجل اللي احطه على الانف عشان الرووس السوداء يعني ضروري وياليت اذا عندك صور تنزلينها واذا فيه شي مجربته وينفع للشعر الدهني انا شعري خفيف من قدام وقليل وينفش بسرعه لااستشوار ينفع ولاسيراميك وصراحه اطفش منه لانه في الصيف يلعوزني وفكرت اسوي فرد له بس صديقاتي قالوا لاتعدمينه زياده وش تنصحيني فيه ومشكوووره مقدما اعذريني ازعجتك :o

حياك الله اختي طيب اخذي غسول جل خاص بالبشرة الدهنية
احب انبهك على شي اختي شعرك دهني وجهك دهني ضروري تاخذين منتجات خاصة بنوع بشرتك وشعرك مايصلح تاخذين اشياء مو خاصة بنوع بشرتك
وطريقتي بالرابط تنفع للبشرة الدهنية واي مقشر عندك مو مشكلة استعمليه اهم شي يكون مقشر بحبيبات
والماسك جل انا ماقدرت احصل صورة لك من النت مو شرط تاخذين من همالايا اهم شي يكون الماسك من النوع اللي اذا نشف ينشاااال وكانه جلد فهمتي قصدي ؟
ومثل ماقلت حطي منه طبقة سميكة وخليه ينشف على الاخر وشيليه لاتشيلينه اذا فيه شوي رطوبة
اختي حصلتي الحبوب والمرهم اللي قلت لك عنهم ؟ تدرين الحبوب هذي حتى تفيد شعرك تنشف الدهون بس مو بكثرة مثل الركتان يعني تفيد شعرك الدهني ووجهك وجسمك في حال وجود حبوب بالجسم
وانتي عندك فترة زينة يعني شهرين تكفيك بإذن الله اذا تبين وجهك تنشف الدهون اللي فيه والحبوب حطي الايزوتركسين على كامل وجهك واذا حصلتي النتيجة اللي تبينها وقفي ممكن باسبوعين تحصلين نتيجة ترضيك ان شاء الله اختي ماشاء الله استعملته ومن اول اسبوع راحت الاثار والحبوب تخيلي وحتى الرؤوس السوداء تروح بإذن الله بس هو شوي ريحته قوية لاتستغربين وممكن شوي يحرق لين تحطينه وهالشي عادي جدااا بس مجرد دقيقة يصير مايحرقك وسوي بحث بجوجل وشفي كيف يمدجونه وهذا اسمه بالانغلش Isotrexin
بس بهالفترة اللي تستخدمين فيها الايزوتركسين على وجهك كامل اقول لك بعض النصائح تغسلين وجهك بصابونة بيبي جونسون للاطفال وتحطينه وتنامي فيه والصبح تنظفين وجهك بحليب التنظيف العميق من همالايا ولين طلعتي تحطين واقي شمس من بيوديرما الحماية لازم تكون 100 واثناء هالفترة العلاجية لاتستعملين مقشرات ولاتنظيف بشرة
لين خلصتي من الحبوب وحسيتي بشرتك مثل ماتبين وقفي استخدامه وابقي مستمرة على غسول همالايا وتنظيف البشرة كل شهر وحبوب مينوساكلين لكن قبل زواجك باسبوع وقفي استعمال الحبوب عشان لو تتزوجي ويصير حمل ان شاء الله ماتضرك
وشعرك الحين نجي له ... استعملي شامبو خااااص بالشعر الدهني ولاتاخذي شامبو فيه بلسم .. اخذي امبولات .. رويال بلاسنتا او اكرينال او فولتن واخذي بخاخ فوركابيل كل يوم رشي على شعرك منه من الامام الى الخلف ان شاء الله ينبت لك شعر ويتكثف شعرك انا ماانصحك بزيوت لان شعرك دهني
حني شعرك كل اسبوع مرة حطي حنا وسويها بقشور الرمان تاخذين قشور رمان مطحونة تحصلينهم بالعطار وتغلينهم وتصفين الماي وتعجنين به الحنا وبعدين ضيفي على الحنا شوي زبادي وعسل
واذا جيتي تشسورين شعرك حطي سيروم لوريال البرتقالي للشعر المجعد مجرد نقط مو اكثر لاتكثرين منه .. واذا تبين تثبتين الشسوار واانتي باول زواجك في مثبت شعر بخاخ من لوريال خفيف على الشعر
جربي لين تخلصين شسوار تبخين بشكل خفيف على شعرك منه مااحب الكثرة باستخدام السيروم او المثبت..
ودخلي هالرابط http://forums.3roos.com/showthread.php?t=652105&page=4
في بنت سألتني وعطيتها طريقة الشسوار اللي اتبعها بما انك عندك سيراميك بعلمك طريقة حلوة لين شسورتي شعرك اخر شي مرري السيراميك عليه وبخي عليه من المثبت
واي سؤال حاضرة وربي يسعدك

عندي استشوار يشبه له بس مو براون من ناشونال ياباني
لكن مشكلتي استشور واسوي سيراميك شوي وبعدها ينفش واذا حسيت بحر او رطوبه مصيبه بجرب اللي قلتي عنه وان شاء الله ينفع الشامبو صراحه اخذت وانا اجهز من لوريال للشعر المصبوغ عشان بصبغ شعري وفاشكول بالفواكه الفاشكول مايضر اذا حطيته واستشورت بعده لان طريقته مثل ماتعرفين تحطين على الشعر ثم تشطفينه بمويه بس

طيب تذكرت تشققات الجسم اكثر شي ينفع لها زيت جنين القمح وزبده الكاكاو حصلت كذا نوع في السوق
شرايك في النوع هذا وحده مجربته وتمدحه

تحمليني الله يجزاك خير وييسر امورك ويرزقك باللي تمنين F:

حياك الله اختي الغالية انا مو مجربة فاشكول احب بانويل بالمشمش
وبخصوص شعرك اذا تصبغينه معناها لاتحطين حنا لان ماتضبط الصبغة
وزبدة الكاكاو معروفة بفوائدها للخطوط البيضاء لكن هالنوع ماجربته ولااعرف احد مجربه
ودخلي هالرااااابط ان شاء الله تستفيدي من ردودي
http://forums.3roos.com/showthread.php?t=651458
واي استفسار حاضرة كلنا خوات وانا اكون سعيدة اذا البنات يستفيدون من ردودي
ربي يوفقك

مشكوووره الله يجزاك خيرF:F:

ام ابراهيم الله يخليك رحت ادور منظف للوجه بالحليب اي نوع اخذ ماحصلت للبشره الدهنيه وبعد القناع اللي قلتي احطه وينشف واشيله اي نوع ياليت اذا عندك صور تحطينها او اسماء لها وعلى فكره حبيت اقولك ماحصلت الحبوب ولاالمرهم لكن عطاني بديل لها يقول نفس المفعول وصراحه الحبوب حمدلله ارتحت شوي والمرهم بدا يبان اثره على بشرتي صارت متقشره لكن حمدلله ان شاء الله استمر واشوف نتيجه زينه

هلا يالغالية
الحليب مو خاص بالبشرة الدهنية
لا بس مكتوب عليه حليب التنظيف العميق ينظف الاوساخ ويزيل المكياج
والقناع انا اخر مرة اخذت واحد تايلندي بالعسل مدري وش اسمه ديانا يمكن
بس انتي الصيدلاني اسأليه قولي له ابي القناع اللي ينشف قناع جل هو راح يفهم عليك
واظن في بعد من همالايا
بحاول اشوف لك صور واحطهم لك بإذن الله
وممكن تذكرين لي اسم الحبوب والمرهم

اختي الله يعافيك بشرتي الحين متقشره وصايره زي الجلد الابيض متسلخ وفيها احمرار تنصحيني بكريم مرطب او استمر على الجل وكريم التنظيف بالحليب ولمده كم استمر على الكريم لان اخاف يجي يوم الزواج وهي زي كذا
اسم الحبوب_ tabocine100
والمرهم retin-a gel
لان انا جربت الكريم منه وكان قوي وقلت للصيدلي ابي اخف منه عطاني الجل
وتسلمين على متابعتك لي F:

هلااااا اختي حياك الله
ريتن بالمرة مااحبه الله المستعان كان اعطاكي بانوكسيل جل
الريتن يطلع حبوب ويقشر بقوووة ليتك سألتيني قبل
يالغالية اولا ماانصحك بالريتن قبل الزواج
وانصحك بتغيره روحي صيدلية ثانية واسألي عن ايزوتركسين تقشيره اقل من الريتن \الحين تركي الريتن
وروحي صيدلية ثانية دوري عن الايزوتركسين
وحطي كريم مرطب اخذي كريم بيبانثين اللي فيه خط وردي او ازرق لمدة يومين لين يروح الاحمرار والحليب المنظف برضو يرطب وعادي استعملي لاتتركينه لانه زين وينظف البشرة استمري عليه
ولو لاحظتي انا نصحتك بصابونة بيبي جونسون اثناء العلاج لانها خفيفة على البشرة والحليب بعد يرطب ويشيلك القشور
والايزوتركسين اقل تقشيره من الريتن الريتن يطلع حبوب اول استعمال لذلك انصحك غيرريه
وامشي على كلامي اللي قلت لك عنه اما الحبوب ماسمعت فيها من قبل لكن اقري النشرة لو كان مضاد خيوي فعادي استعمليها
ولو حصلتي المينوساكلين بصيدلية ثانية اخذيهم
واحب اقولك لاتمشي دايما على كلام الدكاترة والصيدلانيين بعضهم اغبياء مايفهمون شي يقولك اسأل مجرب ولاتسأل طبيب وصدقوا بهالمثل
والايزوتركسين استعمليه لين تروح الحبوب واذا ماحصلتي حليب همالايا جيبي من اولاي او نيفيا بس افضل همالايا
وابقي طمنيني عليكي

حبيت اقولك عن سويت بحث عن الحبوب بالنت لقيتهم يعطونها الدكاترة لحب الشباب وهي مضاد حيوي
فخليكي عليها عادي بس قبل الزواج باسبوع او اسبوعين تركيها
بس اهم شي الحين تتبعين اللي قلت لك عنه بيبانثين مرتين باليوم لمدة يومين واتركيه بعدين جيبي ايزوتركسين روحي لكذا صيدلية واستعمليه يوميا لمدة شهر او شهر ونص اذا تقدرين
وجيبي الحليب همالايا افضل لكن ممكن اولاي او نيفيا مكتوب عليهن حليب للعلم
وصابونة بيبي جونسون والواقي الشمس لاتنسينه اذا طلعتي
والريتن انسيه
والايزوتركسين تقشيره اقل بكثير من الريتن تطمني

والله ياختي نسيت لااسألك بدور اللي قلتي عنه والله يستر خايفه صراحه على بشرتي صدقتي هو طلع حبوب زياده لكن مو كثير والصيدلي قالي انه نفس المفعول يعطي لكن الاسماء والشركات تختلف اوكي بتوكل على الله واتركه وادور اللي قلتي واستخدمه وفعلا الحبوب مضاد حيوي كم مره استخدم المقشر اللي قلتي عنه
والمرهم كم مره باليوم احطه ومشكوره اختي الله يجزاك خير

مرحبااا ..بعد اذن صاحبه الموضوع

حبيت اسالج يام ابراهيم عن الحبوب هي تشيل البقايا وشرايج برغوه جريب فروت الوردي من نتيروجينا وصابونه اكني أنا استخدمهن

جزاج الله خير

روحي عزيزه;16066500:
والله ياختي نسيت لااسألك بدور اللي قلتي عنه والله يستر خايفه صراحه على بشرتي صدقتي هو طلع حبوب زياده لكن مو كثير والصيدلي قالي انه نفس المفعول يعطي لكن الاسماء والشركات تختلف اوكي بتوكل على الله واتركه وادور اللي قلتي واستخدمه وفعلا الحبوب مضاد حيوي كم مره استخدم المقشر اللي قلتي عنه
والمرهم كم مره باليوم احطه ومشكوره اختي الله يجزاك خير

هلا يالغالية
لاتخافي ان شاء الله مافي شي والحبوب بإذن الله تروح مع الايزوتركسين
وهو فعلا الريتن زين لكن المشكلة اول فترة يطلع حبوب يعني ممكن اول شهر وشهرين
وانتي مايمديك زواجك اصلا بعد شهرين
والمرهم الايزوتركسين تحطينه مرة باليوم قبل النوم غسلي وجهك بصابونة بيبي جونسون وحطيه والصبح الحليب لاتنسينه
لانه يرطب لك البشرة شوي ويشيلك القشور اللي تطلع بسبب المرهم لكن القشور لاتقارن بالريتن لانه اخف الحمد لله
واما اذا قصدك على مرهم بيبانثين لاني مافهمت اي واحد تقصدين فبيبانثين حطيه مرتين باليوم لين يروح الاحمرار استعمليه لمدة يومين فقط وابدأي بعدها بالايزورتكسين

اما المقشر تقصدين اللي تستعملينه بتنظيف البشرة ؟؟ مرتين بالاسبوع يستعمل لكن
الحين خليكي على المرهم والصابونة والحليب ولاتستخدمي شي ثاني
اذا خلصتي علاج وراحت الحبوب بإذن الله قلت لك استعملي غسول همالايا الجل والحليب وتنظيف البشرة مرة بالشهر
وهالاشياء تعتبر صيانة عشان تحافظي على النتيجة
وحاولي تراجعي ردودي عليك بالصفحة السابقة عشان تستفيدي اكثر

الهواء شرقي;16066745:
مرحبااا ..بعد اذن صاحبه الموضوع

حبيت اسالج يام ابراهيم عن الحبوب هي تشيل البقايا وشرايج برغوه جريب فروت الوردي من نتيروجينا وصابونه اكني أنا استخدمهن

جزاج الله خير

هلا حياك اختي
اكني ايد ممتازة لحب الشباب اما جروب فروت مااستعملتها ولاعرفت احد استعملها
وسؤالك مافهمت عن تشيل البقايا؟؟ الحبوب تعتبر مضاد حيوي ويعالج حب الشباب ينشف لك الدهون والحبوب ويقضي على البكتريا
يعالج حبوب الوجه والجسم ومدة العلاج 3 شهور وممكن ستة حسب الحالة .. يؤخذ حبتين باليوم ولازم تكون 100 غ