أستفسار

اختي ام ابراهيم لفيت الصيدليات اللي موجوده عندنا في المنطقه ماحصلت مرهم ايزوتركسين انتي من وين اخذتيه وشي ثاني
منظف الحليب من هيملايا عطاني الصيدلي بالخيار والولفيرا استغربت هذا هو اولا ورحت اخذت منظف بالحليب من نيفيا ميلك وتونر في نفس الوقت ..انتي قلتي امسح بالحليب الصبح طيب اكون غاسله البشره بالصابونه صح كذا
وبشرتي صراحه احس تحسنت مع الرتن صح انه يسبب جفاف فضيع وتقشيروبعد ماقلتي اوقفه ريحت شوي البشره وخف الاحمرار وحبوب ماطلع كثير صراحه احس خفت يمكن من الحبوب على فكره انا نسيت واخذت الحبوب مره باليوم لكن صراحه مشاء الله خفت الحبوب وباقي عندي الاثار

هلا يالغالية
ماادري الصراحة كل الصيدليات موجود فيها الايزوتركسين وفي ايزوتركس نفس المفعول الاولى لونها اخضر والثانية لونها ازرق جربي تدورين ايزوتركس واذا مالقيتيه جيبي بانوكسيل جل 5% في 10 بس ال5 انسب لك لانك جالسة تستعملي حبوب وفي كريم وفي جل اخذي الجل
ويمكن الحبوب خفت عندك من الحبوب اللي تاخذينهم ولو تاخذينهم مرتين باليوم ترى افضل بكثير ووتنشف الحبوب عندك انصحك اخذيهم مرتين باليوم
اما حليب همالايا اذكر انه بالخيار وجوز الصابون كذا مكتوب عليه ومكتوب عليه للتنظيف العميق وكتبت لك طريقة استعماله ومو ضروري تغسلين وجهك بالصابون قبله لكن لو حابة عادي غسلي
ولكن اذكر اختي جابت بالالوفيرا وكان مش حليب كان مرطب انتي مو محتاجته عموما هذا رابط الشركة
http://go.3roos.com/a89x5z0jj97
حاطين صورته وكاتبين عنه اقصد الحليب
اما ميلك نيفيا استعمليه نفس طريقة همالايا كتبت لك الطريقة اتبعيها مثل ماهي وعلى فكرة انبهك تراه الحليب ينغسل مايبقى على الوجه حاولي تخلينه دقيقتين او اذا تقدرين خمس دقايق وبعدها غسلي بقطنة فيها ماي دافي ونظفي وجهك زين وعقبها غسلي بماي بارد ... واذا كان همالايا اللي عندك مرطب اتركيه لان بشرتك دهنية واكتفي بحليب نيفيا .. عموما لو انتي رايحة ومدورة بقسم منتجات همالايا عن الحليب افضل شكلهم الصيدلانيين مخرفين بصراحة .. شسالفتهم لاايزوتركسين ومعطينك الريتن وفوق هذاااا ماعطوكي الحليب .. !! الله يعينك عليهم

جربي البدائل اللي قلت لك عنهم والله ييسر لك اما الريتن اتركيه يمكن النتيجة اللي شايفتها من الحبوب لانها تنشف لكن اكرر استعمليهم مرتين باليوم افضل لك والنتائج اسرع .. ااذ حبة وحدة باليوم النتيجة بطيئة
اه وصح بقولك اذا همالايا طلع مرطب استعمليه ليدك رطبي فيه يدك يعني استفيدي منه
وصحيح بسألك شلون نيفيا ميلك وتونر بنفس الوقت ؟ لازم يكون كل واحد لحال !

واحب اضيف بخصوص اثار الحبوب الايزوتركس او البانوكسيل يخففوا الاثار
انتي داومي على المرهم مدة شهر كامل
وبعد الشهر لو ماارحت الاثار جيبي الدوكين فورت4% وحطي على الاثار او على الوجه كامل مافي مشكلة هو يبييض يعني يفيدك
وهالاثناء ابقي مستمرة على صابونة بيبي جونسون والحليب
لكن لين خلصتي وانتهى الحبوب والاثار استعملي غسول همالايا للبشرة الدهنية ومثل ماقلت لك لو حبيتي صابونة بيبي جونسون ابقي مستمرة عليها مافي مشكلة بإذن الله

الله يجزاك خير بدور البدائل اللي قلتي عنها وبخبرك اذا حصلت اي شي منها
ومنتج نيفيا ميلك مع تونر هذا اللي حصلته صراحه وهاذي صورته من النت

ياهلا
طيب بتابع معك ان شاء الله
والحليب مافي مشكلة اذا معه تونر فائدتين لان التونر يغلق المسامات
طريقة استعماله نفس اللي قلت لك عنها بالرد السابق
واحب انبهك ترى اذا طلعتي برا البيت لازم واقي شمس يكون حمايته 100 او 75
وفي من بيوديرما حمايته 100 مناسب للبشرة الدهنية

:o:o:o

متفشله اقولك ماحصلت المرهم بانوكسيل اللي قلتي عنه الثاني

باقي صيدليه ادور فيها اذا ماحصلت معناته عليها العوض المنطقه اللي انا فيها .....
طيب بغيت اسألك تونك سورسير عندك خلفيه عنه انا حاليا لي اسبوعين استخدمه الاسبوع الاول مرتين والاسبوع الثاني مره في اليوم قبل النوم برايك اخليه مرتين في الاسبوع او مره واكمل على كذا او كييييييييف محتاره فيه

سؤال ثاني حمام السونا افضل طريقه لاستخدامه وكم مره اسويه
اذا عندك تجربه خبريني ومشكووووووووره مقدماً
صدقيني انبسط اذا رجعت وسالتك احس عندي اخت ومستشاره في نفس الوقت الله يجزاك خير ويحقق اللي تتمنين....

هلا والله حياك الله
انا بعد صرت متابعة موضوعك وانتظر ردودك هههه ماشاء الله انبسطت بمتابعة موضوعك
بصراحة الله يعينك لا ايزوتركسين ولاايزوتركس ولا بانوكسيل طيب شوفي اخذي ال10 بانوكسيل 10 مافي مشكلة
انا امي جربته تقوله انه مو كثير قوي خفيف وحليو يودي الرؤوس السوداء و اذا حصلتي ال 10 جيبيه عادي اصلا كنت بقولك برد ثاني جيبي ال10
والسورسير يالغالية ماجربته شوفي انا لما انصح البنات اكون الشي مجربته او اهلي مجربينه المهم احد اعرفه عشان مااتحمل اي مسؤولية اذا جربوا شي وطلع نتائجه مو زينة
هو عموما انصحك بشي سواء استعملتي زيت او تونيك او بخاخ هذا شي خارجي بس لازم فيتامينات تغذي شعرك من الداخل عندك سنتروم الامريكية روعة حتى بالحمال لو صرتي حامل ان شاء الله اخذيها
حبة باليوم
اما الساونا لقيت لك موضوع بعروس روعة ومنزلين كذا طريقة شوفيه
http://forums.3roos.com/showthread.php?t=176277

الله يخليك يارب والله انشغلت مارحت افر باقي الصيدليات
لكن الله يسهل واحصل عموما مشكوره F:F:

حاضرين لك يالغالية
ربي ييسر لك

مرحبا يالغاليه صراحه ماحصلت الكريم طفرت وانا ادوره
وخلاص الوقت احس قرب لذلك تركت بشرتي لين هدت شوي
من التقشير وخفت ثم سويت حمام بخارلوجهي بالزعتر سمعت انه مفيد للبشره الدهنيه ومستمره على الحبوب وبتبع نصايحك السابقه اني اخذ غسول هميلايا والقناع إذا عندك اقنعه اواي شي يفيد بشرتي الدهنيه ياليت تقولينه لي _ وفيه كريم عندي عطاني اياه دكتور جلديه للاثار وهاذي صورته

هلا اختي حياك الله وربي ييسر لك ويعينك
طيب زين انك سويتي تنظيف بشررة
هو قناع الطين والسنفرة ممتازين وحاولي تسوينهم ثلاث مرات بالاسبوع هالفترة
وجيبي محلول دالاسين تي وحطيه على الحبوب
وصورة الكريم كأني سامعة فيه ان زين للاثار
حطيه على الاثار .. والحبوب ممكن تحطين لهم الريتن اللي عندك يعني فقط الحبة تحطين عليها
واخذي صابونة اكني ايد واستخدميها بالليل وبالنهار غسول همالايا الجل
الله يسعدك ويتمم لك على خير

نسييييييييت ياالغلا احم ابي اي شي ينفع للركب والاكواع
الركب مو غامقه كثير بس فيها شوي سمار والاكواع اغمق شوي
وبسسسسسس احس اني طفشششششتك :o
ربي يخليك ويرزقك ويعافيك ويعطيك اللي في بالك F:F:

كريم الدوكين فورت وافالون البرتقالي خلطيهم و كل يوم حطي منهم على هالمناااطق
والصبح رطبي بجلسويد وسوي تقشير لهم مرتين بالاسبوع بملح الحليب او زيت زيتون وملح .. ولاز لازم الترطيب عقب التقشيررر
وحياك الله واي سؤال حاضرة

لو سمحتي اختي قناع الطين والسنفره اي نوع وكريم الرتن احطه على الحبه ليش استحمليني معلييييييش على فكره قبل انا استخدمت قناع طين وتحسست بشرتي درجه فضيعه صارت ناااار
ماادري صراحه اخاف اغامر مره ثانيه:confused:

هلا اختي معناها انتي بشرتك حساسة
استبدليه بماسك التفتيح او الفواكه المنعشة بعد من همالايا لكن مافهمت اي قناع طين استعملتي ؟ همالايا خفيف مايحسس ومكتوب عليه ماسك لتصفية البشرة
بالطين المعدني والجوز
والسنفرة ستفيز
والريتن حطيه على الحبة اللي تطلع لك عادي تروح بإذن الله بس لاتحطينه على كامل وجهك
وانا كتبت للبنات طريقة عنايتي ببشرتي مرتين اسبوعيا سوي تقشير بمقشر ستيفز او همالايا بالمشمش وعقب حطي ماسك الطين او الفواكه ولين نشف غسليه
وحطي ماسك جل ع الانف واخر شي الحليب اللي عندك من نيفيا وتعرفين طريقته واخر خطوة سكري المسامات بتونر او مكعب ماء ورد مثلج
وكل يوم غسلي بالليل بصابونة اكني ايد والصبح بغسول همالايا .. وهالاشياء تصفي بشرتك وتعتبر صيانة وتنظيف
وحياك الله اي سؤال حاضرة

اختي ام ابراهيم عندي سؤال خاص في اختي الصغيره عمرها12سنه بشرتها جااافه وعندها حساسيه راجعنا دكاتره كثيييييييير
مافيه جديد على المراهم تخف اول مايوقف العلاج ترجع حاليا عندها منطقه الذقن حوالين الفم جفاف وتحكه لدرجه يطلع دم وصارلون غامق تستخدم فازلين فقط مع صابونه دوف هذا طبعا كلام الدكتور لها ابي اعرف اذا فيه شي يناسبها من كريم مرطب غسول هي جسمها حساس وتحك احيانا لكن الوجه بكثره اتمنى تنصحيني بشي يفيدها ومشكوووووووووووره مقدماًF:

هلا اختي حياك الله
الله يشفي اختك يارب
شوفي يالغالية انا انصحك بمرهم بيبانثين اللي فيه خط وردي الالماني
روعة للحساسية والجفاف واعتبره الاول على الكريمات لسبب انه مو بس يودي التحسس انما يجدد الجلد تستعمله للوجه يوميا وهذا السمار من الجفاف ومن الفازلين
اكيد هي بالمدرسة وتطلع بالشمس والفازلين يسمر
وصابونة دوف حلوة بس هي تجفف من تجربتي خليها تستعمل صابونة بيبي جونسون حق الاطفال افضل وتستعملها مرة وحدة باليوم للوجه
وللجسم في سائل استحمام بيبي جونسون تستعمله وجسمها ترطبه بشكل دائم كريمات بيبي جونسون حلوة خليها تاخذ حق الاطفال لان في كريمات للكبار من جونسون
وعندهم بعد لوشنات للاطفال حلووة وتناسب بشرتها

مشكوره ماقصرتي ربي يخليلك غاليك ياربF:

مرحبا أختي الله يعطيك العافيه حصلت منتجات هملايا واخذت
كريم تفتيح احس مو هو ماسك التفتيح عموما هاذي صورته




حصلت جميع منتجاته للبشره والشعر كريماته للشعر شرايك فيها
واي نوع يناسب الدهني والشامبو بعد .....
حبيت استشيرك قبل استخدامه F:

هلا اختي حياك الله
فعلا هذا كريم مو ماسك ممكن تحطينه للاثار او ترجعنيه اذا تقدرين
هو نفس تقريبا هالعلبة بس مكتوب عليه ماسك التفتيح
امما كريم الشعرر حلو وانتي اخذي شوي منه لاتكثرين وحطيه براحة يدك ومسحي شعرك
وشامبو همالايا لتساقط الشعر جربته وكان رائع ويناسب الشعر الدهني