طمنوني الله يوفقكن حبه ف راسي

ممكن يكون دمل بس انت لاتخافين تلاقينها شي بسيط ويروح روحي للطبيب وانشاء الله تشوفين العافيه وممكن يكون طبيعي واهم من هذا ماتزيد في حجم الحبه الله يشفيك يارب طمنينا اذا رحت للدكتور استناك

السلام عليكم ورحمة الله وبركاته

روحي اختي المستشفى علشان تتطمنين أكثر

ولو كانت الغدة أكيد لها علاج وهي لها ثلاث شهور لأنها ما تعالجت

والجسم فيه وايد غدد كل غدة لها فايدة واذا انتفخت انتفاخ بسيط

يمكن تدل على إنه في إلتهاب في جزء معين من الجسم

آنه صار لي سنة تقريباَ فيني وحدة أسفل الفك أظنها غدة لمفاوية

لما رحت الدكتورة فكانت شاكة إنه من حب الشباب اللي في وجهي

بس قلت لها إن الحبوب من زمان تظهر لي يعني عادية نوعاً ما

ما ظن حب الشباب ممكن يسبب لي الإنتفاخ في الغدة

فعطتني مضاد حيوي حق الغدة و قالت لي اذا ما راح الانتفاخ ارجعي لي

و ما راح ورجعت لها وعطتني مضاد حيوي للحبوب ومرهم وقالت لي

اذا ماراح الانتفاخ ارجعي لي وبعد ماراح لكن مارجعت لها

وكاني عايشة ومافيني الا العافية و ناوية جريب أروح المستشفى

الخلاصة إن لا تخافين ماعليج شر إن شاء الله

و روحي المستشفى علشان تتطمنين هم أدرى وأخبر بالعلاج

اكيد الطبيب افضل معالج بعد الله الله يشفيك وطمنينا الله يخليك على صحتك

السلام عليكم ورحمة الله وبركاته

مادري اذا يعرفون أو لاء بس ماظن يعرفون

لأن الجسم فيه وايد غدد و ممكن منطقة

معينة في الجسم فيها أكثر من نوع من الغدد

لازم أول شي تروحين المستشفى و ممكن يوصفون

لج مضاد حيوي و يخف إلتهاب هذي الغدة و لو ما خف الإلتهاب لا قدر الله

أظن بيسوون لج أشعة فوق صوتية علشان يعرفون وش نوع هذي الغدة ؟

و هل هو التهاب بسيط والا ورم حميد وهل يتطور أو لاء

و إن شاء الله ما عليج شر .. توكلي على الله و روحي المستشفى