مشكلتي مع امي ساعدوني

مساء الخير جميعا
اخواتي ترددت بكتابه الموضوع وفالاخير توكلت على الله
فيه موضوع متعبني جدا جدا جدا

انا امووووت في شي اسمه امي والله احبها وكل شي اسويه اقول لها صح كان او خطاء لانها مو بس امي كمان صاحبتي :L:
المهم يوم كنت طفله صغيره يمكن عمري10 سنوات سمعت امي في مجلس تقول ان بنتي فلانه غير عن عيالي كلهم لا من ناحيه ولاده ولا من ناحيه محبه:-#
طبعا بحكم اني طفله حزت فقلبي هالكلمه ولكن الحمدلله مع مرور الايام نسيتها
المهم دارت الايام وتزوجت انا واختي هذي في نفس اليوم وكان وقت التجهيزات وكذا امي مو مهتمه لي ومهتمه فاختي وتقول لي انا ماشلت هم زواجك شايله هم اختك لانها بتاخذ من برى العائله انتي ماخذه واحد من الجماعه :woo:قلت اوكي معها حق ويمكن خايفه من الناس اللي بتدخل عليهم اختي ماتدري وش يصيرون
المهم امي في كل مجلس صايره تقول ان بنتي (مدري وش اسمي) من يوم جبتها ماحبيتها اصلن:'(
بنات والله صايره مااتحمل هالموضوع ومن جد تعبت مع اني قريبه لامي ومااحس اني اقصر معها بشي وبالعكس مره احترمها ولا قد قلت لها لا ابدا ودايم البي طلبتها ومااتاخر عليها
تخيلوا وحده من اخواتي انخطبت وعرفت بعد فتره يمكن المهم وقلت ليه ماقلتي لي طبعا اقول لاختي المخطوبه قالت مدري احسب امي علمتك لانها قالت لاختي (اللي امي تحبها ) وقلت اكيد قالت لك ؟؟ للمعلوميه انا البكر الاخت الكبرى بالعائله سواء بنات او اولاد

قولوا لي الموضوع يستاهل ولا انا حساسه
:woo: