انا و راتبي

تعرفى إيه اللى يفقع المرارة:mad:

إنك عارفة كويس إن اللى بتعمليه غلط 10000000000000%

وعارفة كويس رد فعل أهلك لو عرفوا الموضوع

ومع ذلك راضية بالوضع رغم ضيقك الشديد منه

وكل ده علشان إنتى بتحبيه

خلاص كملى معاه

ده إنتى بالنسبة له عروسة لقطة هيتجوز وينبسط ويفرفش وكمان يوفر فلوسه

لا وكمان يلاقى اللى يصرف بداله ومش بس كده لا ده يصرف عليه كمان:mad:

هو حد يلاقى النعمة دى ويرفسها

إنتى تستحقى كل اللى يعمله فيك مادامتى بالضعف ده

خليكى كده لغاية ما هييجى الوقت اللى هو هيرميك فيه ومش هتاخدى منه

قرش أبيض ولا حتى أسود

لان مافيش دليل على إن كل الحاجات دى بفلوسك ومالك

ماهو مصيبتك إنك بتعطيه من غير علم أى شخص

يبقى مين هيقف جنبك ويجيب لك حقك

روحى عيشى ذليلة له لأنك بعتى نفسك باأقل من التراب كمان

هيخاف على زعلك ليه ولا يسعى ليرضيكى ليه

وبعدين يعنى إيه إنه محتاج ومامعه فعلا مال

طيب ماهو أغلب العرسان بيكونوا مزنوقين وحالتهم المادية صعبة جدا

ومع ذلك مش هتلاقى واحدة عملت مع خطيبها اللى إنتى عملتيه

المساعدة تكون بالعقل وفى حدود المعقول

ابسط شىء إنك ما تكلفيه فوق طاقته أو تشاركيه فى التجهيز لكن بالإتفاق

بينه وأهله وبينك واهلك يعنى الامر يكون على مرأى ومسمع من الكل

مش فى الخفاء للأسف زى ما إنتى عملتى

المشكلة إننا نصحناكى وبدل ما توقفى الموضوع عند حده أخدتى خطوة أقل ما

يقال عنها غبية وساذجة

ربنا يعينك على حياتك المقبلة معاه

ويعينك على مواجهة أهلك

ولازم تتحملى لان هذا ما جنته يداك

ومازلت ستجنين الكثير مما زرعتى

اختك فى الله أم سلمى