أحلى أيام العمر و أجملها { صور شهر العسل من تصويري }

محطتنا الثانيه كوالالمبور
مكان الاقامه : نسيت بس في شارع العرب
مده الاقامه : 3 ليالي
اهو الفندق انا مو ذاكره اسمه بس كأن اسمه رويال كان من ابيخ الفنادق كل شي فيه مو حلو البوفيه ولا معاملتهم ولا خدماتهم احط عليه اكبر اكس اذا فكرت اني اروح كوالالمبور مره ثانيه بس احسن شي فيه موقعه في وسط شارع العرب \ شارع العرب يتميز فيه كثره المقاهي و المطاعم العربيه و طبعا يتميز بكثررره العرب في هالمنطقه يعني اتحس روحك و كأنك في ديرتك
وايد روعه في كوالالمبور ما رحنا نتسوق في مكان بس رحنا جاينا تاون اهو مكان وايد ضيج بس في اشياء وايد حلوة تقليد ماركات لكن ما انصح احد فيه لان معاملة الصينيين كلش مو حلوة و اتحسونهم يبون يتهاوشون وياكم

هذي صور من شارع العرب


هذا عباره عن طرار >> فقير نحط له فلوس ويتحرك بس لما تشوفونه جذي تتوقعون انه تمثال اول ما تحطون له فلوس يتحرك عشان تصورون وياه مسوي جووو في الشارع

في كوالالمبور قضينا يوم كامل جوله في كوالالمبور
واليوم الثاني رحنا جنتنق هايلاند > مدينه ألعاب
واليوم الثالث : تسوقنا ومشينا



التومز تاور اعلى برجين في ماليزيا و تحته مجمع كبير







هذي الصور في اكواريا اندر ووتر وورلد وهي تقع داخل التومز تاور مكان روعه و اتحسون انكم في عااالم ثاااني



هذي الصورة في بردانا و اهيه عباره عن بحيره وفيها 3 حدايق
حديقه الطيور - حديقه الزهور - حديقه الفراشات
بس الله وكيلكم دحلت حديقه الطيور و كرهت روحي بس زوجي وايد استانس
انا لأني اخاف من الطيور ف كلش ما حبيت المكان و لا ياتني الجرأه اصور او اوقف في مكان لمده دقيقه لانك يكونون الطيور يطيرون فوق راسكم و يتمشون يمكم وانا حدي اخاف - ورودهم غريييبه و عجيبه و اشكالهم رووعه



يتبع رجاءا لحد يرد

محطتنا الأخيره في كوالالمبور
جنتنق هايلاند
احلى مدينه العااب رووعه استمتعت فيها تبعد عن الديره تقريبا 45 دقيقه نوصل لمحطه نركب التلفريك و نروح لها روووعه روووعه رووعه المكان مرتفع و غالبا ما يكون الجو بااارد فيها






































































وداخل الملاهي في مدينه الثلج و هم للي خاطره يطير تقدر تصور فيديو و انت داخل منطاد كبير فيه هوااا قووي تطير منه و تتصور و كانك نازل من برشووت روووووعه رووعه و طبعا في كل لعبه فيها كيمراااا و لما انخلص من اللعبه انشوف صورنا الجميله و اشكالنا الجيمله و احنا داخل الالعاب











يتبع رجاءا لحد يرد

انتهت رحلتنا في كوالالمبور وطرنا ل بينانق
مكان الاقامه : شنغريلا قولدن ساندس
مده الاقامه : 3 ليالي
شنغريلا هذا احلى و اجمل و ارقى فندق دخلته بحياتي ضيافتهم اكلهم خدماتهم كل شي روووووووووووعه لما ندخل طبعا بنكون حاجزين ان احنا رايحين لشهر العسل ف اكيد معاريس جدد و لازم معاملتنا غير ندخل في لوبي بس حق المعاريس و اول ما ندخل عشان نكمل الاجراءات يابو لنا احلى عصير برتقال وورده حق العروسه الجميله الي اهي انا وغرفتنا نفس الشي تكون في قسم للمعاريس الجددد فقط يعني ما تسمعون لا صراخ يهال ولا تسمعون شي كل شي هادى و جميل و مرتب فيه





هذي الغرفه الجميله











الصور تتكلم






















اليوم الثاني رحنا رحله حول الجزيره






هذا القطار الجبلي يودونه فووووووووووق الجبل بالقطار نشوووف بينانق كامله رووووعه المكان











عندهم اشيا غريبه سبحان الله ديره جميله



















يتبع لحد يرد رجاءا

خلصنا من القطار الجبلي و رحنا حديقه الفواكه

مكان حلو بس للأسف وقت الي رحنا كان مو موسم
فما شفنا وايد فواكه على الطبيعه والي جفته صورته لكم









و انتهت جولتنا في ماليزيا طايرين على بوكيت

رجاءا لحد يرد يتبع ,,

اسم المنطقه : بوكيت
مكان الاقامه : هوليدي ان
مده الاقامه : 4 ايام

كلش ماحبيت الديره ماليزيا وايد وايد احلى منها و الناس اذواق يمكن لاني مرضت و مارحت مكان فيها بس كديره ما اعجبتني اول يوم وصلنا فليل مشينا بس في النايت بازار و يم البحر ثاني يوم طرنا على جيمس بوند ايلاند و صادنا المطر و الهوا و مرضنا احنا الاثنين
و هاي صور من جمس بوند و كهف الخفافيش



هذي داخل الكهف










وهذي جزيره جمس بوند

تعبت وايد في الموضوع ادري ان الصور قليله بس هاي الي قدرت عليه و حاولت اختصر الصور قد ما اقدر

اتمنى ان يعجبكم موضوعي و اذا عجبكم بليز لا تنسون تقيموني

ملاحظه : ما احلل احد يمسح اسمي من على الصورة و يحطها في اي مكان و اذا انا ما شفت الله فوقكم و بيشوف

اخيرا اتمنى منكم دعوه صادقه لي و حق زوجي و حق البيبي الي ياي في الطريج و ان شاء الله عقبالكم

ما شاء الله صور رائعة.. و رحلة ممتعة عشناها مع صورك..
ويارب كل أيامك تكون أحلى و أسعد ..
لك تحياتي و تقييمي..

ماشاءلله تبارك الرحمن

الديره وايد حلوووه

وحلاها تصويرج وتعليقج

الله يتمم حملج يارب على خير ويقر عينكم بشوفته سالم معافى
وتودينه وياج بذكر زواجج هههه

تستاهلين التقيم

مشكورة يا قلبي منووووره

تراجي ام الزين كله;15997614:
ماشاءلله تبارك الرحمن

الديره وايد حلوووه

وحلاها تصويرج وتعليقج

الله يتمم حملج يارب على خير ويقر عينكم بشوفته سالم معافى
وتودينه وياج بذكر زواجج هههه

تستاهلين التقيم

بعد جبدي انتي
مشكورة ابوي على الكلام الجميل اللطيف

ماشاء الله تبارك الله:thumbs_up:
رحله روووووووووعه وموفقه
تقريبا نفس الاماكن الي زرتهاااا ايام شهر العسل
من 11 سنه ذكرتيني بلي مضى:o
F:تستاااهلي التميزF:التقييمF:

مشكورة حبيبتي
منوررره

الله يعافيج منوره حبيبتي

رحلة رائعة:)
الله يجعل أيامكم كلها سعادة وهناء

سرررررررررحت مع هالصــــــــــــــــوره يالله ياهي ذكريات عندي صوره نفس المكان ونفس حركه الصوره وكل شئ رجعتيني كم سنه ورى هههههه
الله يعيد هالشهر مرات ثانيه ليه ولك يارب
الف مبرووك زواجك والف مبرووك النونو مقدمااا وربي يتمم لك ويجعله صالح وبار وعقبال تفرحين فيه وربي يخلي لك ابوه ويسعدكم ونشوف صور ثانيه لرحلات ثانيه ياااااارب وانتي بصحه وعافيه :)
وطبعا تقييييييييم لعيونك الذكريات :)

حلوووووووووووووه بس حاااره