الي سوت تلقيح صناعي تدخل

وينكم بنااات طمنوني تكفووون

فوووق

معقوووله ماعندكم خلفيه ولاتدرون وش هالاعراض

ويييينكم اخواتي ماتردوووون

وييينكم ياعروسات والي يرحم والدينكم

حبيبتي ماعليك الا الصبرر وبعدهاا تسووين الفحص عشان تتاكدين من ثبات الحمل لان ماتقدرين تقررين من الاعراض ! لان ببعض الاحيان هذا يدل على ثبات الحمل و بعض الاحيان يمكن يدل على عدمه

يعطيك العافيه التفاحه الجناويه ومشكووره على ردك

لااله الا الله

السلام عليكم ورحمة الله وبركاته

آنه من قبل قريت في المنتديات تجارب البعض مع هالعمليات

الشي الأكيد إن هذي العمليات مالها أعراض معروفة مثل أعراض الحمل الطبيعي

يعني بعض الحريم يحسون بآلام عادية أو آلام الدورة وتجيهم كل أعراض الدورة

وفي الأخير يطلع عندهم حمل وبعضهم يحسون بآلام وتجيهم الدورة

وبعضهم مايحسون بأي أعراض ويطلع عندهم حمل وبعضهم مايحسون بأعراض

ويطلع ماعندهم حمل وتجيهم الدورة .. وبعض الحريم يقولون إن الألم

أسفل البطن يدل على إنغراس الأجنة يعني الأجنة تحاول تنغرس وتثبت في جدار الرحم

آنه لما قريت هالكلام ماصدقته الين ما الدكتورة قالت هالكلام حق زوجة أخوي

وإن شاء الله كلامها صحيح .. بقول لج شالأعراض اللي صارت حق زوجة أخوي

ثاني يوم حست بألم بسيط أسفل البطن جهة اليمين مع نزول إفرازات بيضا

هذي الإفرازات طبيعية بسبب التحاميل المثبتة اللي عطتها اياها

وحتى لو ما عطتها تحاميل فالإفرازات البيضا جداً عادية وحتى نقط الدم طبيعية

وفي اليوم الثالث حست بألم أسفل الظهر وفي اليوم التاسع جتها أعراض الدورة

و نزلت عيها إفرازات بنية أظن هذي الإفرازات تدل على إنغراس الأجنة وفي اليوم العاشر

نزل عليها دم هي توقعت إنه دورة لأنه نزلت وقت دورتها لكن مع ذلك شكينا إن في حمل

شكينا لأن زوجة أخوي من أربع سنوات ماينزل عليها دم عدل وقت الدورة

مرة ينزل ومرة ماينزل وحتى لما ينزل عليها دم يكون قليل ماتعرف هو دورة والا لأ

لكن هالمرة نزل عليها دم واضح وغزير نوعاً ما فشكينا إنه حمل

و راحت المستشفى و سوت تحليل وطلع حمل

فإنتي توكلي على الله و لا تخافين سواء حسيتي بآلام أو لاء

توكلي على الله واكثري من الإستغفار والدعاء

ويارب الله يرزقج بالذرية الصالحة وبشرينا ها

مشكوووره اختي امة الله والله يسمع منك يااااارب
انا ماسويت طفل انبوب مسويه تلقيح صناعي
بس امس موعدي والدكتور خذ علي اشعه
على البطن ويقول الالام هذي طبيعيه جدا
ويدل ان شاء الله على استجابة حتي
صدري متحجر مررره مااقدر اضغط عليه
والله يرزقنا وجميع اخواتي المسلمات ياااارب

السلام عليكم ورحمة الله وبركاته

أعتقد نفس الأعراض ونفس النتيجة

بس اختي لا عاد تسوين أشعة فوق صوتية

لأنها ممكن تضر الجنين لو كان في حمل

أصلاً في الأسابيع الأولى والشهر الأول

ما يبين الجنين ولا حتى الكيس

فقط يبين إن في نسبة حمل في الدم

و يارب الله يرزقج بالحمل السليم والذرية الصالحة

اختي امة الله يعطيك العافيه الاشعه الصوتيه هذي
الدكتوره معطتني موعد بعد التلقيح وقالت انتظري١٢
يوم ويتبين كل شي وياااارب اصير حامل

اختي عمانيه والله ماحطيت في بالي شي
بس حبيت اسال الي مرت نفس التجربه
واصلا اذا فيه حمل ماراح يبان الان
والله يكتب الي فيه خييير

لي عشرة ايام بعد التلقيح واحس باعراض الدوره الله يستررر

يااااربيه احس بمغص فظيييع يروح ويجي
تكفووون طمنوني والله مليت قلت ياليت
الدوره تنزل وارتاح من الالم

مشكوره اختي سنابل والله يرزقك من واسع رزقه

السلام عليكم ورحمة الله وبركاته

ها اختي بشرينا .. ترا تقدرين تعملين

تحليل دم وتظهر النتيجة .. هم صحيح

حددوا موعد بعد 14 يوم علشان يتأكدون

لأن بعد 14 يوم خلاص يروح أثر الإبرة بالكامل

لكن مع ذلك ممكن يعرفون قبل 14 يوم

و إن شاء الله يارب حامل لكن اختي انتبهي

اذا قالو لج مثلاً مب متأكدين والا يبون

يسوون لج أشعة فوق صوتية لا تسوينها

لأنها تضر الجنين .. أصلاً في هالوقت

مايبين في جنين ولا حتى كيس إلا بعد شهر

حتى زوجة أخوي لما كلمت دكتورتها وقالت لها

إن الدكتورة في عيادة الحوامل عملت لها ألترا ساوند

قالت لها المفروض ما تعمل لج هالأشعة

و مع ذلك لا تخافين ولا تفكرين وايد بالموضوع

توكلي على الله وطمني بالج