الي سوت تلقيح صناعي تدخل

مشكوره اختي امة الله الدكتوره قالت لي بكره سويت
تحليل دم بس ماراح اسوي عارفه الدوره بتنزل مابي
اتحطم موكله امري لله

إن شاء الله حامل نجمة ...:thumbs_up:

السلام عليكم ورحمة الله وبركاته

لا تقولين جذي .. وايد حريم ياتهم أعراض الدورة وطلع حمل

و منهم زوجة أخوي ياتها أعراض الدورة بالضبط وطلعت حامل

لا تقهريني وتسوين مثل مرت أخوي يوم صادها نزيف تقول خلاص

أجهضت ماله داعي أستخدم الجل المثبت وقطعته يومين

ويالله يالله رضت تستخدمه مرة ثانية لا وتقول متوكلة على الله

تقول شي وتسوي عكسه .. انتي بعد تقولين ماله داعي أسوي تحليل

بتييني الدورة وتقولين متوكلة على الله .. خلي أملج بالله كبير

سوي التحليل وأملج بالله كبير اذا طلع حمل بترتاحين وتتطمنين

والحمد لله واذا لا قدر الله طلع مافي حمل بعد تكونين تخلصتي من القلق

و لا تفقدين الأمل بالله تعالى و لو للحظة .. من خلال اللي صار حق زوجة أخوي

زاد يقيني بأن الله تعالى أكرم الأكرمين وهو أرحم الراحمين وبيعوض زوجة أخوي

إن شاء الله وبيرزق كل محروم .. نحتاج فقط إننا نتعلق بالله تعالى و نوقن

بأنه ماراح يخيبنا .. يللا عاد سوي التحليل وطمنينا

مشكوره اختي امة الله انا الحمدالله متوكله علي ربي
وراضيه بقضاءالله وقدره بس ماراح اسوي تحليل
ماني عجله وزوجي مو راضي يوديني للمستشفي
يقولي اصبري لاتستعجلين الي كاتبه ربي بيصير
بس فيني صداااع والله يكتب الي فيه خيييير

يااخواتي البارح نزلت علي كدره خفيفه توقعتها الدوره وتركت صلاة الفجر
ولما صحيت الصباح نزل خفييييف وقف ودقيت على الدكتوره قالت انتظري
بكره ودقي علي ثانيه لاني اكل حبوب دفاستون والبارح تركتها توقعت
الدوره نزلت وكلت اليوم حبه... تكفوووون طمنوني احس بالام الحيين

طمنينا اختي نجمه شو صار معاك

مافيه جديد ياليت الي عندها خلفيه او حصل لها مثل هيك تقولي
ابروح بعد العشاء اسوي تحليل دم لاني دقيت علي دكتور
قالي ضروري تسوي تحليل والله يكتب الي فيه الخير

السلام عليكم ورحمة الله وبركاته

يارب يكون حمل .. صار مع زوجة أخوي جذي

وحتى هي توقعت إنها الدورة .. عاد هي دايماً

قبل الدورة ينزل عليها كدرة بنية لكن مب مثل الكدرة الطبيعية

ما تكون لزجة تكون نوع الطين أو التراب وأحياناً تنزل عليها

قبل الدورة بأيام قليلة وأحياناً قبل الدورة بأسبوع

طبعاً هذا الشي اللي ينزل عليها مب طبيعي ومعناه

إن في مشكلة بس وش هالمشكلة مادري

حتى المستشفى ماعندهم ماعند جدتي ماعرفو

وش هذي الكدرة و وش المشكلة .. لكن هالمرة

نزلت عليها كدرة غير عن العادة نزلت عليها الكدرة الطبيعية

اللي تنزل على كل الحريم وشكينا إنه حمل .. عقبالج يارب

بشرينا عاد بأسرع وقت

اختي امة الله شو صار على مرت اخوك طلعت حامل اولا؟؟

عملتي التحليل يانجمه
شوصار معاك

رايحه للعياده الان ان شاء الله الليله اخبركم

السلام عليكم ورحمة الله وبركاته

أي الحمد لله طلعت حامل ما قلت لج في بداية الموضوع ؟

<<<< رايحة أشيك ردودي السابقة هع هع

لكن أجهضت في أسبوعها الأول .. الحمد لله على قضاءه وقدره

يا رب تكونين حامل وربي يثبت حملج ويفرحج بالذرية الصالحة يارب

طلع التحليل سلبي الحمدالله على كل حال
والله يعوضني خييير ان شاءالله

ليش ايش السبب يانجمه لامعه

امورة المدينه مافيه سبب التلقيح مانجح الله يعوضني خير

السلام عليكم ورحمة الله وبركاته

معقولة ؟ طيب انتظري يومين أو ثلاثة أيامو عيدي التحليل مرة ثانية

للإطمئنان أكثر و إذا طلع أكيد مافي حمل فالحمد لله على كل حال

وهذا دليل على إن التلقيح الصناعي وطفل الأنابيبمالها أعراض معينة

مضمونة وأكيدة مثل الحمل الطبيعيعلشان في المستقبل

لما تعملين العملية مرة ثانية ما تقلقين و تتوترين

و عيدي العملية مرة ثانية ولا تيأسين

مرت أخوي ما نجحت معاها من أول مرة نجحت ثاني مرة

و آنه سويت بحث في النت في المواقع الطبيبة و يقولون

إن كلما تعددت المحاولات زادة نسبة أو فرصة نجاح العملية

و يارب تنجح في المرة الثانية وربي يفرحج

لا تحزنين ولا تتضايقين والله إن ربنا سبحانه وتعالى أكرم الأكرمين

و راح يعوضج إن شاء الله و يعوض كل محروم لأنه مايكتب لنا إلا كل خير

بس نحتاج إن يكون إيماننا فيه قوي وثقتنا فيه كبيرة

لي عودة بكلام طويل

مشكوره اختي امة الله والله لايحرمك الاجر والله يسمع منك
الدوره خلاص نزلت والتلقيح سويته ثلاث مرات وبعد شهر
ناويه اسوي طفل انبوب والله يكتب الي فيه خير ولاتنسيني
من دعواااتك

الله يعوضك اختي نجمه لامعه ويرزقك بالحمل ياااااااااااااااااارب

السلام عليكم ورحمة الله وبركاته

أي جذي لا تيأسين ظلي حاولي لين ماتنجح العملية

آنه أحس أحد الأسباب ( مجرد إحساس وظن ) أعوذ بالله اني أتألى على الله تعالى

لكن مثل ما قل لج هو ظن إن أحد أسباب إجهاض زوجة أخوي

إنها رفضت تاخذ التحاميل المثبتة يومين وتقول خلاص هو بينزل

ليش آخذ التحاميل أحسها كانت عنيدة شوي .. أستغفر الله كأننا نعلم الغيب

هذا مب معناته إنها لو أخذت المثبتات كان ما أجهضت

المثبتات هذي مجرد سبب ولو مهما سوينا مايصير إلا اللي كاتبه ربنا

سواء ثبات الحمل ولا إجهاضه احنا لازم نعمل بالأسباب حتى لو ضعيفة

و نتوكل على الله تمام الإتكال .. أحسها خلاص فقدت الأمل

هي بعد الله يعينها حلم حياتها يكون عندها ولو طفل واحد

آنه بالنسبة لي كان عندي أمل جداً كبير إنها ماتجهض فقط تحتاج

إلى الراحة التامة كم شهر ويثبت الحمل هذا اللي كنت أتخيله

أحس إجهاضها رد من الله سبحانه وتعالى ودرس

ما أقدر أجزم 100% إنها أجهضت بسبب قلة إبمانها أو قلة أملها

هذا الشي محله بالقلب والله سبحانه وتعالى فقط اللي يعرف اللي فالقلوب

آنه بالنسبة لي تعلمت درس لكنه مكرر هع هع .. أحسه رد من الله تعالى

أول مرة يوم زوجة أخوي الثاني تأخر حملها تقريباً تسعة شهور

فكنت أقول بيني وبين نفسي معقولة حتى زوجة أخوي الثاني

بنتم نلف فيها من دكتور لدكتور ويتأخر حملها ؟ مرت شهو قليلة

إلا زوجة أخوي حامل .. و ثاني مرة يوم زوجة أخوي سوت العملية

كنت أتساءل بيني وبين نفسي معقولة تفشل العملية مرة ثانية ؟

معقولة ماتحمل فكنت بيني وبين نفسي مرة أقول بتنجح العملية ومرة أقول بتفشل

والحمد لله نجحت العملية حسيته رد من الله تعالى كأنه يقول لي أنا القدير على كل شي

بعد هالموقفين إن شاء الله مابفقد الأمل بالله تعالى ولو للحظة ولو لثانية

آسفة طولت عليج بس حبيت أنبهج كلما حسيتي نفسج يأستي

تعوذي بالله من الشيطان وأكثري من الدعاء والإستغفار .. مستحيل تلحين

على الله بالدعاء ويردج خايبة .. و حاولي إنج تاخذين انتي و زوجج

العلاجات الطبيعية والأعشاب وايد ناس استفادو منها

لكن انتبهي اخذي هالعلاجات من أصحب الخبرة مثل دكاترة أو غيرهم ذوي خبرة

و لحد الآن عندي أمل إن الشهر الياي ما بتييها الدورة

ويكونون المستشفى غلطانين ولو ما كانو غلطانين عندي أمل انها تحمل جريب

مشكوره اختي امة الله على جهدك ودعواتك وجميييييع من رد ودعااااء
حبيت اسال عن الدفاستون هل له علاقه بدوره لان دورتي غزيره مره
واساسا انا خمسه ايام بس اليوم لي خامس يوم ومعي دم كثييير
والله مليييت وضايق صدري قلت اكيد من الدفاستون ودي اطهر مررره