السلام عليكم ..
آمهات انا عندي مشكله تعبت نفسيتي بشكل ماحد يتخيله وماعندي احد افضفض له غيركم واتمنى القى الحل عندكم
بنتي عمرها 4 سنوات من ولد فيها واني معانيها معاها من عنادها وقلة نومها غير كذا ابوها دوامه طويل وماحد يساعدني عليها
المشكله الكبرى انها للحين تنام معانا في السرير وبالنص بعد والله حاولت قد مااقدر اني اعودها تنام في غرفتها ماكو فايده صرت حتى اخليها تنام واحملها اوديها غرفتها وهم بعد ماكو فايده بس ارفعها قبل حتى لا اوصل لغرفتها تصحى وتصيح ولا ترجع تنام الى بعد ساعه او ساعتين
لدرجه احيانا يمر شهر او اكثر مايصير شي بيني وبين ابوها والله احس انعدمت العاطفه بيني وبينه صرنا كأنا أخوان :(
السنه دخلتها الروضه قلت يمكن تنفع معاها ماتغير منها شي الا بالعكس زادت الدلاعه والعناد
والله تعبت ونفسيتي تعبت صرت عصبيه وكله صراخ احس اني بنفجر من القهر
عارفه طولت عليكم بس اتمنى القى احد يقدر يساعدني ولو بالدعاء لها بالهدايه
أمهات طلبتكم لاتردوني تعبت نفسيتي
*
27-02-2012 | 10:38 PM
n
27-02-2012 | 10:54 PM
up up up
ر
28-02-2012 | 03:23 AM
الله يخليها لكم..الدلع والعناد اللي فيها انك ماجبتي طفل بعدها ..
ماشاءالله عمرها حلو انك تفكري بالثاني ..لو صار عندك غيرها هي اصلا راح تنشغل فيه
وانتي كمان قوليلها ساعديني رضعي اخوك, وزي كذه
بالنسبة لنومتها معاكم في البداية خليها تنام معاك, على طرف السرير مو بينكم..
والمره اللي بعدها نوميها بنفس غرفتكم افرشيلها تحت وبعدين في الاخير غرفتها تنوميها فيها يعني تدرجي معاها
وياليت كمان تروحي الروضه وتكلمي المعلمة بخصوص انها ماتنام بسريرها ..وخلي المعلمة تتكلم بأسلوب حلو انه اللي بتنام بفراشها
مو عند ماما بنعطيها هديه ونسويلها وووو..انت, اشتري الهديه واعطيها المعلمة عشان تتشجع بنتك
وكمان انت, لانامت بعيد عنك كافأيها بلعبة او دفتر تلوين او حلاوه ...هذا اللي عندي واقدر افيدك فيه
الله يصلحها لك, ويعينك على تربيتها...ادعيلها فصلاتك بالهدايه والصلاح
ماشاءالله عمرها حلو انك تفكري بالثاني ..لو صار عندك غيرها هي اصلا راح تنشغل فيه
وانتي كمان قوليلها ساعديني رضعي اخوك, وزي كذه
بالنسبة لنومتها معاكم في البداية خليها تنام معاك, على طرف السرير مو بينكم..
والمره اللي بعدها نوميها بنفس غرفتكم افرشيلها تحت وبعدين في الاخير غرفتها تنوميها فيها يعني تدرجي معاها
وياليت كمان تروحي الروضه وتكلمي المعلمة بخصوص انها ماتنام بسريرها ..وخلي المعلمة تتكلم بأسلوب حلو انه اللي بتنام بفراشها
مو عند ماما بنعطيها هديه ونسويلها وووو..انت, اشتري الهديه واعطيها المعلمة عشان تتشجع بنتك
وكمان انت, لانامت بعيد عنك كافأيها بلعبة او دفتر تلوين او حلاوه ...هذا اللي عندي واقدر افيدك فيه
الله يصلحها لك, ويعينك على تربيتها...ادعيلها فصلاتك بالهدايه والصلاح
م
28-02-2012 | 04:33 AM
الله يعينك ويهديها انا ولدي الصغير زي كذا هواخر العنقود عصبي ومدلع
الله يهديهم ويصلحهم
الله يهديهم ويصلحهم
ع
28-02-2012 | 07:49 AM
الله يعينج اختي الغاليه وماشاء الله تبارك الله عليها ماهي صغيره وماشاء الله في سن بنتي ربي يحفظهم
بس المشكله من الاساس اكيد كنتي امعودتنها اتنومينها عندج صح؟ لان في اطفال خلاص اذا عودتيهم يدلعون ويبون كل شي لهم بس حاولي قد ماتقدرين كل يوم رديها غرفتها لين تتعود وتتأدب حتى لو صرخت وعاندت وقولي لها حرام بابا يبغا ينام وراه دوام
وانا كنت اعاني مع بنتي بس الحمد لله ماكانت كثر بنتج بس الحمد لله يوم خذتلها سرير لحالها ارتحت ومع ان كانت مش متقبلتنه ف البدايه ولين اتعودت ولله الحمد ولان ساعات كنت اقول لها بخلي السرير حق اخوج والا بعطي جيرانا وع طول تنام واذا عاندت اقول لها ماشي اليوم قصه قبل النوم^___^
بس المشكله من الاساس اكيد كنتي امعودتنها اتنومينها عندج صح؟ لان في اطفال خلاص اذا عودتيهم يدلعون ويبون كل شي لهم بس حاولي قد ماتقدرين كل يوم رديها غرفتها لين تتعود وتتأدب حتى لو صرخت وعاندت وقولي لها حرام بابا يبغا ينام وراه دوام
وانا كنت اعاني مع بنتي بس الحمد لله ماكانت كثر بنتج بس الحمد لله يوم خذتلها سرير لحالها ارتحت ومع ان كانت مش متقبلتنه ف البدايه ولين اتعودت ولله الحمد ولان ساعات كنت اقول لها بخلي السرير حق اخوج والا بعطي جيرانا وع طول تنام واذا عاندت اقول لها ماشي اليوم قصه قبل النوم^___^
وحاولي اتزينين لها غرفتها او تغيرين لها الفراش بين فتره والثانيه او اتشجعينها بأن اذا نامت في سريرها تاخذين لها هديه على اختيارها او تاخذينها لمشوار من اختيارها وان شاء الله ينفع معاها اسلوب المكافأه لان اسلوب الصراخ والعصبيه ماراح يجيب اي نتيجه ايجابيه ابدا وكوني لها الاخت والصديقه
ولأن حرام جذي اتخرب العلاقه الزوجيه بينج وبين زوجج ويسودها الفتور والله يرزقج الولد الصالح عاجلا غير آجل يارب وتنفك عنها اشوي فكرة الدلع والعناد
ك
28-02-2012 | 08:30 AM
الله يهديها ويخليها لك ...... والله لازم تتعلم شوي شوي مو بالقوه لانها مشاءالله 4 سنوات خلاص عروسه تفهم ..
اول غيرؤ لها في غرفتها لعلها تحبها خليها هي تشتري الي تحبه وتحطه في غرفتها
وبعدين وقت النوم خلوها تفرش اسنانها .. وقولي يلاا ننام دخليها غرفتها ..
واجلسي معها شوي انشغلي في دولابها طبقي ملابسها وكذا وهي ع السرير لين تنام ..بعدين اطلعي عنها ..
وكمان خلي المدرسه حقتها تعلمها تنام في سريرها تتحمس مع الاطفال وتتعلم منهم
وخليها ترتب غرفتها في النهار وتساعدك في تنظيفها عساس تحبها ..
واعملي لها لوحه النجوم ..
اليوم الي تنام وتفرش وتكتب واجب وكذا تحطي لها نجمه ..
شوي شوي تتغير وياحبذا لو تجيبي لها اخ او اخت راح تلتهي فيه ..
بس مافي شئ يجي بالقوه صدقيني ....... والله يعين على الاطفال
اول غيرؤ لها في غرفتها لعلها تحبها خليها هي تشتري الي تحبه وتحطه في غرفتها
وبعدين وقت النوم خلوها تفرش اسنانها .. وقولي يلاا ننام دخليها غرفتها ..
واجلسي معها شوي انشغلي في دولابها طبقي ملابسها وكذا وهي ع السرير لين تنام ..بعدين اطلعي عنها ..
وكمان خلي المدرسه حقتها تعلمها تنام في سريرها تتحمس مع الاطفال وتتعلم منهم
وخليها ترتب غرفتها في النهار وتساعدك في تنظيفها عساس تحبها ..
واعملي لها لوحه النجوم ..
اليوم الي تنام وتفرش وتكتب واجب وكذا تحطي لها نجمه ..
شوي شوي تتغير وياحبذا لو تجيبي لها اخ او اخت راح تلتهي فيه ..
بس مافي شئ يجي بالقوه صدقيني ....... والله يعين على الاطفال
أ
28-02-2012 | 04:48 PM
انا من راي الاخوات ماقصروا .... بس اريد ازيد عليهم شيء وهو البنت متعوده تنام معاج عشان جذيه انتي حاولي تنامين وياها شوي في غرفتها لين تنام وبعدين روحي عنها غرفتج وشوي شوي لين تحب غرفتها وبعدين اكيد هي تسوي جذيه لانه ماعندها اخوان ...لانه لو كان عندها اخوان بيكون اهون عليج ... الله يهديها يارب ويهدي عيالنا