عروسة الميدان;15984429:
مبارك التجمع الجديد.... افتتاحية أكتر من رائعة واجت على الوجع الله يهونا يارب
كيكفن صبايا يارب كلكن مناح
انا عملت شوربة عدس اليوم
اهلين عروسة الميدان والله يبارك فيكي يارب كل تجمع وانتي بخير وسورية بخير ياارب
وهنا وعوافي على الشوربة
نبع الحب;15984736:
:L:F: الله يسعدلي أوقاتكم جميعا يارب F::L:
وربي يفرجها عليكم بسوريا ويهدي بالكم وترجع أحسن من أول يارب
..........
طبعا رحت للتجمع هداك ولقيتو مسكر وانصدمت :confused:بعدين استوعبت انكو اكيد فتحتو تجمع تاني :thumbs_up:
شكرا دمشقية للتجمع الجديد ويارب نجتمع بجناته F:
وربي يسلمك واولادك وكل حبايبك من كل شر ومرض
بعدين تعي هون شو هاي الصور ؟؟؟؟؟؟؟؟؟؟؟؟:mad:
حـــــــــــــــــــــــــــرام :o
انا بحبها للمعكرونة بالبشاميل ..مو المفروض تعزميني بس ياالله المرة مسامحتك وان شاالله صحة وهنا :p
بس انا ماعمري ساويتها بدجاج ! كيف طيبة ؟؟ والدجاج مفروم ولا انتي بتفتفتيه وكإنك حاطة بقدونس ؟؟
انا بحب جرب الشي الجديد وشكلهاطالع بيشهي
يسلموو ايديكي يارب والحلو كمان اممممم
شي فاخر من الآخر :adore:
............
الله يوفقلك ابنك ويفتحها عليه احنا الأسبوعين اللي ابل اجازة الربيع هدول امتحانات نهائية للربع التالت وبعد الاجازة ع خير وهداة بال الربع الرابع وبعدها الإجازة ان شاء الله
............
وازاع الأكل لا توصي حريص لإنو سبحان الله مابتئدري تقاومي ابدا , مع اني كنت ناوية اضبط حالي مشان ما اكعبل خخخخخخ بس هيهاااااات ;)
الا صحيح مين جاي لعندك ؟؟ ( وانتي شو حشرك :worn_out:)
.. ... ... .... ..
ياهلا وكل الغلا نبوعة يسعد اوقاتك ياارب وربي يسمع منك
مشكوورة F: حبيبة قلبي والعفو ان شالله كل تجمع وانتي بخير يارب ولا تخافي ان شالله هالتجمع مابيتسكر طول ماانتو منورات فيه والله بس لازم كل شهر نفتح واحد جديد
برتوكول يعني :cool:
يالله مابعرف انك بحبي المعكرونة وعلى قلبك ياعسل خلص انتي تعالي واحلى صينية تستاهل بؤك
اي والله بالدجاج كتييييييييييييييييييييييييييير طيبة بتشهي انا ولا مرة عملتها باللحمة لان زوجي مابياكل لحمة كتيير
لقلك على الحشوة وابقي جربيها ان شالله وعلى ضمانتي بتعجبك اكيد باذن الله:)
انا بجيب صدور دجاج وبقطعهم سلايسات او قطع صغيرة وبحمسهم بشوية زيت وبس يتغير لونهم شوي بحط قدر كاسة شاي مي وبحط مكعبين ماجي وشوية بهارات وملح وبحركهم حتى يدوب الماجي
وبحط فوقهم كمان فطر شرايح (( مشروم )) وبحركهم واخر شي بضيفه للحشوة
وبكون مقطعته على جنب سلايسات جزر رفيع وكمان سلايسات فلفل رومي وبقلبهم مع بعض كلهم على بعض:) وبطفي النار
هي حشوتي اللذييييذة والمعتمدة عندي للمعكرونة بالبشاميل خلطة بتجنن صدقيني واكيد بتعجبك :oF:
وبخصوص الحلا تسلميلي يارب هذا من ذوووقك بس
الله يسعدك يارب ويخليلك ولادك ويفتح عليهم ربي
نظامكم احلى بكتير بس يالله مو مشكلة اتعودت على هالنظام وخاصة انو مو فارق معي كتير بس اللي متدايقة منه هو ان عطلة الصيف بتتاخر لتجي بعطلوا باول سبعة انتو هيك ؟؟
وهنا وعوافي مابتاكل الا العافية انت هلأ عذرك معك وكمان والله معك حق الاكل حلو الله يديم علينا نعمه يااارب :D
ياستي جاييني بنت حمايي وزوجها وبنت حمايي بتكون حماة اختي ههههه وزوجها بكون عم امي :lol: يعني قرايب من الجهتين الي ويمكن تجي معهم اختي اللي هي كنتهم يعني وزوجها واخوه
شفتي بقى مين جاييني وبالعكس نحنا هون اخوة ومنحب نتحشر بكل شي خخخخخخخ
مو هيك الاخوات ولا لاء F:F:
