السلام عليكم ورحمة الله وبركاته
حبيت اكتب سالفتي مع زوجي عشان تساعديني
صار لنا مخطوبين 3 سنين وتزوجنا من 3 سنين يعني 6 سنين مع بعض
وضعه المادي صعب جدا واني متحمله وصابرة وتركت دراستي عشان اشتغل ونقدر نسوي لنا شقة ببيت عمي وبعد الزواج تركت الوظيفة لاسباب شخصية وتميت ربة منزل وحملت مرة وحدة وتووفت بالشهر الثامن وبعدها حملت وجبت ولد وظروفنا صعبة وايد بس اهلي مو مقصرين المهم انا احب زوجي واايد وواثقة فيه واهو يحبني ويحترمني ولا عمره غلط علي بشي ولو اطلب منه شي ما يقول لا بس انا احاسب ومقدرة ظروفه
المهم من اسبوعين بس اكتشفت في تلفون كان موجود بالبيت مسسجات من وحدة بنت وكلمات حب انصدمت صدمة كبيرة وقلت يمكن وحدة غلطانة لان الرقم انا كنت استخدمه فترة طويلة وتركته وزوجي استخدمه لما سافر بس المهم رحت الرسائل المرسلة اشوف والا في مسجات حب بكتابة زوجي مطرشهم للبنت
المهم عصبت وانا كنت حامل ورحت له وواجهته اول شي انصدم وبعدين اعترف لي بكل شي انه تعرف عليها بالاتصال بالغلط وهي متزوجة وصار لهم اسبوع تاركين بعض وشافها مرة وحدة بس عالسريع بالشارع
المهم انا انهرت وعصبت وهددته اني بطلع وبروح عند اهلي وبخبر اهله بالموضوع اهو كان منصدم وخايف ومادري شنو وتم يحلف انها غلطة وما راح تتكرر انا اخدت اغراضي وخليت ولده معاه وطلعت بره البيت اتصلت في البنت انكرت ان اهي تعرف زوجي وقطعت التلفون بوجهي وما قامت ترد المهم انا كلمت اختي وانا بالشارع مو عارفه وين اروح والدموع بعيني وما ابي اروح لاهلي عشان امي لا تروح فيها وتكبر السالفه
لما كلمت اختي وانا ابكي قالت لي رجعي بيتج ولا تخربين بيتج عشان وحدة ما تسوى وفعلا سمعت كلامها ورجعت وتميت ما اكلم زوجي بس اقعد وابكي واهو يجي ويعتذر ويحب راسي ويحلف برب البيت انها غلطة واهو ندمان وما يفكر يعيدها وصار تعبان نفسيا لا ياكل ولا شي وانا مثل الشي بس ابكي واهو يعتذر
المهم انا فكرت بعقلي وقلت دام اهو يعتذر خلني اسامحه عشان لا ييأس من كثر المحاولات ولما افكر اسامحه يكون خلاص راح من ايدي
وسامحته وتصالحنا ووعدني انه ما راح يعيدها
بس يا دكتورة للحين مو قادرة انسى الموضوع وساعات اقعد ابكي وافتح له الموضوع واقول له انت جرحتني وهيك وادري ان هذا الشي غلط المفروض نفتح صفحة جديدة وما احاول اذكره بالموضوع
انا اقول يمكن الله سوى هذا الشي لانه يحبني وعشان مصلحتي لاني كنت هاملة نفسي وكنت اروح ابات ثلاث ايام عند اهلي كل اسبوع واخليه لوحده عشان جدي صار هذا الشي عشات انتبه لنفسي ولزوجي قبل لا يطيح الفاس بالراس ويصير شي اكبر
انتي شرايج دكتورة شلون اتعامل مع زوجي في هالفترة خصوصا... والله انا تعبانة نفسيا صح اسولف واضحك معاه بس بداخلي جرح كبير صعب يطيب واللحين انا على طول اشك فيه واخاف انه يعيدها
حبيت اكتب سالفتي مع زوجي عشان تساعديني
صار لنا مخطوبين 3 سنين وتزوجنا من 3 سنين يعني 6 سنين مع بعض
وضعه المادي صعب جدا واني متحمله وصابرة وتركت دراستي عشان اشتغل ونقدر نسوي لنا شقة ببيت عمي وبعد الزواج تركت الوظيفة لاسباب شخصية وتميت ربة منزل وحملت مرة وحدة وتووفت بالشهر الثامن وبعدها حملت وجبت ولد وظروفنا صعبة وايد بس اهلي مو مقصرين المهم انا احب زوجي واايد وواثقة فيه واهو يحبني ويحترمني ولا عمره غلط علي بشي ولو اطلب منه شي ما يقول لا بس انا احاسب ومقدرة ظروفه
المهم من اسبوعين بس اكتشفت في تلفون كان موجود بالبيت مسسجات من وحدة بنت وكلمات حب انصدمت صدمة كبيرة وقلت يمكن وحدة غلطانة لان الرقم انا كنت استخدمه فترة طويلة وتركته وزوجي استخدمه لما سافر بس المهم رحت الرسائل المرسلة اشوف والا في مسجات حب بكتابة زوجي مطرشهم للبنت
المهم عصبت وانا كنت حامل ورحت له وواجهته اول شي انصدم وبعدين اعترف لي بكل شي انه تعرف عليها بالاتصال بالغلط وهي متزوجة وصار لهم اسبوع تاركين بعض وشافها مرة وحدة بس عالسريع بالشارع
المهم انا انهرت وعصبت وهددته اني بطلع وبروح عند اهلي وبخبر اهله بالموضوع اهو كان منصدم وخايف ومادري شنو وتم يحلف انها غلطة وما راح تتكرر انا اخدت اغراضي وخليت ولده معاه وطلعت بره البيت اتصلت في البنت انكرت ان اهي تعرف زوجي وقطعت التلفون بوجهي وما قامت ترد المهم انا كلمت اختي وانا بالشارع مو عارفه وين اروح والدموع بعيني وما ابي اروح لاهلي عشان امي لا تروح فيها وتكبر السالفه
لما كلمت اختي وانا ابكي قالت لي رجعي بيتج ولا تخربين بيتج عشان وحدة ما تسوى وفعلا سمعت كلامها ورجعت وتميت ما اكلم زوجي بس اقعد وابكي واهو يجي ويعتذر ويحب راسي ويحلف برب البيت انها غلطة واهو ندمان وما يفكر يعيدها وصار تعبان نفسيا لا ياكل ولا شي وانا مثل الشي بس ابكي واهو يعتذر
المهم انا فكرت بعقلي وقلت دام اهو يعتذر خلني اسامحه عشان لا ييأس من كثر المحاولات ولما افكر اسامحه يكون خلاص راح من ايدي
وسامحته وتصالحنا ووعدني انه ما راح يعيدها
بس يا دكتورة للحين مو قادرة انسى الموضوع وساعات اقعد ابكي وافتح له الموضوع واقول له انت جرحتني وهيك وادري ان هذا الشي غلط المفروض نفتح صفحة جديدة وما احاول اذكره بالموضوع
انا اقول يمكن الله سوى هذا الشي لانه يحبني وعشان مصلحتي لاني كنت هاملة نفسي وكنت اروح ابات ثلاث ايام عند اهلي كل اسبوع واخليه لوحده عشان جدي صار هذا الشي عشات انتبه لنفسي ولزوجي قبل لا يطيح الفاس بالراس ويصير شي اكبر
انتي شرايج دكتورة شلون اتعامل مع زوجي في هالفترة خصوصا... والله انا تعبانة نفسيا صح اسولف واضحك معاه بس بداخلي جرح كبير صعب يطيب واللحين انا على طول اشك فيه واخاف انه يعيدها