تجمع شهر ربيع الثانى لأمهات شهر ديسمبر 2011

المعدلات الطبيعية لاوزان الاولاد والبنات

وزن الاولاد


عند الولاده 3,500
شهر 3,900
شهران 4,800
3 أشهر 5,600
4 أشهر 6,400
5 أشهر 6,900
6 أشهر 7,500
7 أشهر 7,900
8 أشهر 8,500
9 أشهر 8,900
10 أشهر 9,200
11 شهرا 9,500
سنه 9,800



الوزن للبنات

عند الولاده 3,250
شهر 3,600
شهران 4,500
3 أشهر 5,400
4 أشهر 6,00
5 أشهر 6,600
6 أشهر 7,00
7 أشهر 7,500
8 أشهر 8,00
9 أشهر 8,400
10 أشهر 8,700
11 شهرا 9,00
سنه 9,300
::

جدول التطعيمات الأساسية

الله يبارك فى الجميع

ويارب يرزق كل محروم ومحرومة من الذرية

بالذرية الصالحة البارة

النهاردة طعمت عمار تطعيم الشهرين

وياقلبى عليه سخن وبقى مقريف خالص وكان الحقنة ورم على خفيف

ربنا يعدى الليلة دى على خير

وينام كويس

الدكتورة كتبت له على أدول اديه له بس لما يسخن أو يبقى مقريف وتعبان

أديله 3/4 مل فى المرة

ربنا يحفظهم من كل سوء

إيه يابنات حكايتكم معايا

هو أنا لما اغيب يوم الاقى ماشاء الله الغايبين ظهروا

ولما أجى فى اليوم أكتر من مرة ما الاقيش حد او اللى بيدخلوا فى العادة

بس هم اللى ييجوا

ماشيين معايا خلف خلاف ولا إيه;)

عامة جوفان كلمة مقريف يعنى متضايق ومش مستريح ويفضل يتحرك بعصبية

وشدة

معلش ياجوجو أعذرينى ساعات بأنسى إننا هنا ماشاء الله توليفة من جميع

الدول:D\

بس هو ده حلاوته إننا عاملين جامعة دول خاصة بينا

سبرينج سول دكتورة عمار د/صفاء

كان فى دكتور هو اللى مفروض متابعه من ساعة ولادته د/انور

صحيح هو إستشارى أطفال

بس ما استريحتش فى التعامل معاه

أصل مفروض دكتور الأطفال ده يكون صدره واسع ومستعد لأى سؤال من الأم

ويتحمل اسئلتها الكتير لكن حسيته بيجاوب عليا بطريقة ما عجبتنيش

فغيرت الدكتور وانا اصلا بأفضل التعامل مع دكاترة ستات

باحس بالراحة اكتر معاهم وبأسأل من غير إحراج

صحيح ياسبرينج إنتى هتستعملى وسيلة منع حمل إيه

أصلى عندى لولب زيادة كنت شارياه من مصر لان كانت فى دكتورة صاحبتى

نصحتنى أجيب إتنين علشان لو حصل وباظ واحد من الدكتورة ما أضطرش

أشترى واحد من هنا غالى

فلو ناوية تركبى لولب شوفى هتتواصلى معايا إزاى علشان اديه لك تستعمليه

بدل ما يقعد عندى من غير لازمة وفى حد تانى محتاجه

ضحكتينى ياأم مشمش

نفسى افهم ليه بنقول الجملة دى دايما للى بيقع أو يتجرح أو يحصل له أى

حاجة وحشة

تعيش وتأخد غيرها

وكأننا بالكلام ده بنحاول نحول تفكيره عن التعب بغنه يرد علينا وهو غاضب

:lol:

المفروض نقوله ربنا يحفظك وما يحصلش لك كده تانى

مش ندعى له إن يحصل له كده تانى وتالت :rolleyes:

صحيح يابنات كنت هانسى

انا بكرة إن شاء الله مسافرة جدة كام يوم تبع شغل زوجى

ومش عارفة هل النت هيشتغل فى الفندق ولا هيعمل زى المرة اللى فاتت

ومارضيش يشتغل أبدا

فلو حصل وما عرفتش أدخل أتابعكم

اتمنى إن كارو تتابع التجمع وتشرف عليه لحين عودتى

ماشى يابنات

أصلا انا عارفة إنكم مجموعة متميزة أصلا كل واحدة مشرفة على نفسها

وعارفة إيه اللى ليها وإيه اللى عليها وما حدش بيتعدى حدوده

ماشاء الله اللهم بارك عليكم :thumbs_up: :adore:

بس كان لازم احدد حد لان ده من ضمن شروط الإشراف

وإخترت كارو لانها أكتر واحدة ملتزمة فى الدخول بشكل يومى

ماشى يابنات

أم لوكاس إن شاء الله الحفلة تعدى بخير

وأيامى مع عمار يوم عسل ويوم بصل والحمد لله