وزني ماعم ينزل

مرحبا أختي

خذي نصيحة مني من بعد تجربة أنواع كثيرة من الرجيمات

بداية التزمي برجيم خفيف تقدرين تواصلينه وأنسي موضوع العصاير والشوربات الي ممكن تضر أكثر من ماتنفع

2- الوزن ماراح تحسينه ينزل إذا ماتشربين كمية كافية من الماي فلاتهملين هالنقطة مهمة جدا

3- لما تحرمين الجسم من الأكل لساعات طويلة انسي إن يحرق الدهون وبالتالي ماراح ينزل وزنك

4- وجبة الفطور أهم وجبة لعملية الحرق مايصير تدمجين وجبتين في وجبة وحدة

5- تحديد وقت للوجبات له تأثير كبير في نزول الوزن والسبب إن الجسم يتبرمج على الساعات الي يتلقى فيها الطاقة فراح يحرق الدهون

6- لازم عدد الوجبات اليومية ماتقل عن 4 وجبات ويفضل 5 وجبات صغيرة


الحين أقولج الأوقات المناسبة لكل وجبة وهذا سر من أسراري


الفطور : بين 7-10 كأقصى حد


الغدا : 12 - 3 مش قبل ولا بعد


العشاء : من بعد 6:30 - 8

وخلنا نكون واقعين مستحيل نوقف أكل الساعة 6 وإحنا طبيعة حياتنا فيها سهر على أقل تقدير لحد 10 ونص بالليل صح ؟

فما ينفع تكون آخر وجبة الساعة 6 ونجلس باقي الوقت محرومين هذا ممكن ينفع أيام زمان لما كنا صغار وننام الساعة 8


طيب توزيع الوجبات يكون بطريقة تساعد المعدة إنها تعمل وتهضم بطريقة صحيحة وهذا يحتاج إلى الألياف

فلازم يكون من أساسيات وجباتنا

والي نقسمها لوجبة فطور خفيفة

ووجبة غدا معتدلة

ووجبة عشا أيضا خفيفة

أما الوجبيتين الاضافيتين

فوحدة الضحى وممكن تكون عبارة عن حبة فاكهة

ووحدة المغرب وتكون عبارة عن سناك خفيفة حتى لو قطعتين بسكوت فقط


المهم إن المعدة تشتغل على وجبة خفيفة



إن شاء الله تستفيدين من هذي النصايح من واقع تجربتي

اختي ريما كفت ووفت
الله يعطيها العافية

مافى كلام بعد ريما الله يجازيها الخير

مشكورين يا حلوات وان شاء الله اسوي اللي قلتيه اختي ريما لانه كنت اسوي العكس بارك الله فيكي في ميزان حسناتك اختي