خلاص وربي ماتوقعت بيجي هذا اليوم

//


السلام عليكم باالله شوفووولي حل



طالبتكم شوفوولي حل


والله مدري وش اقول بس بصررراحه زودتها جااملتها جاملتها الى ماطفففففففففففففح الكيل معيي








اختي متزوجه ولها سنه وحامل وتسكن قريب مني

الحين كلما زوجها عنده رحله عمل يعني من الفجر الى الليل تجي عندي تقول لزوجها بروح عند اختي واحيان زوجها يقولها اطلعك عند اختك !!

مع ان اهلي في نفس المنطقه بس يمكن علشان البيوت قريبه مره

المشكله صارت تجي في الاسبوع مرتين ثلاث واحيان تنام عندي واحيان تنام هي وزوجها اللي يقهر ليش مستأجرين بيت !!!

زوجها يقولها ننام تقوله طيب واحيان هي تقترح ينامون عندنا ..!!

حتى ابوي كلم امي وقال مايصلح كل شوي وهي رايحه عند اختها

في البدايه كان الامر جدا عادي عندي وكنت افرح فيها وربي اطيررر من الفرحه
اذا جات اجل كيف لو بتقول بنام عندك كنت بنجن من الفرحه

بس اللي خلاني مابيها تجيني واتضايق من جيتها هي انتقادها الجارح لبيتي

اذا طلعت يله شغاله انتقاد

ليش هذا كذا وليش هذا مرمي والله مدري شلون زوجك ساكت

واحيان تقارن بيتي ببيتها ومره جوني ضيوف ونامو عندي وراحو جات اليوم الثاني تنتقد الله يكرمكم الحمام انتي شلون تدخلون ضيوفكم هالحمام وانتم بكرامه مع انه انظف وارقى بكثيررر والله من حقتهم واسكت

الطامه الكبرى يوم جاتني وشافت الصاله شوي مبعثره راحت صورتها وارسلتها لأهلي بالواتس .!!! شوفو صالتها ..!!

صرت يوم بتجيني اشيل هم وكأنها ضيفه مو اختي لازم بخور وتعطير

يوم اجيها ببيتها تقفل غرفه نومها واحيان تقولي زوجي يقول لاتدخلين احد غرفه النوم مالومها بس اللي يقهرني يوم تصارخ على ولدي عمره سنه ونص ويجيني يبكي منها اذا لمس شي او سوا شي

بنات عمي يوم يجونها هم واخواتهم الصغار مع انهم شقيين بالحيل عادي تدخلهم بنفسها غرفه نومها

خلآآآآآآص وربي وربي وربي وصلت حددددي وربي وربي وصلت حديييي حديي حدي


هذي مشكله والمشكله الثانيه روحاتها معي
يعني اذا بروح عند اهلي لازم اخذها معي احيان يكون زوجها موجود بس تقول بروح مع اختي

احيان زوجها يقول بوديك تقول لا بروح مع اختي

الحين اذا رحت عند اهلي يتصل زوجها ويسئلها اجيك تقول لا بجي مع اختي
وعلى هالمنوووال معنا في السياره

والله يابنات نجيبها من عند اهلي الى بيتها وزوجها في البيت يتابع مسلسل حتى اخوي كلمها وقال لها هذا مايصلح زوجك كلميه ياخذك زوج اختك غريب ومن هالكلام

واذا ركبت معنا العيون كاشفه ومكحله تقهررني وكم مره قلت لها اذا بتخرجين اي مكان لاتكحلين عيونك مايصير
تقولي تصدقين استحي من زوجي اكشف له عيوني يعني اذا ركبت مع زوجها ماتكشف عيونها
طيب تستحين من زوجك وتركبين معي وتكشفين عيونك المكحله!!!!!!
والمصيبه مره زوجي عنده عمل وماقدر يوديني عند اهلي فطلبت منها توديني عند اهلي اخذتني ماقصرت وبنتي الصغيره جات قدام عندها طلبت منها اختي ترجع ورا مارضيت تبي عندها قدام كلمت بنتي بس مارضيت فاستحيت قدام زوج اختي اخاصمها فسكت
وصلت بيت اهلي طلعت انا وعيالي الا زوج اختي ينادي اخوي ويشكي له بنتي وشلون مو راضيه ترجع ورا
اختي حامل والمشكله واللي قاهرني ليش يكلم اخوي وين الاحترام والحشمه النا سنه واحنا نودي حرمتك ونجيبها وفي الاخير تشتكي على بنتي عند اخووي

المشكله هذي بالله شوفولي حل حتى اذا رحنا نتمشى تقولهم برجع مع اختي حتى لو اتصل زوجها تقوله لاتجي برجع مع اختي
ابي اخذ راحتي مع زوجي ابي اقوله ايش رايك نروح هنا ولا وقف ابي هذا
كم مره لمحت لها بضحكه اقول تراك زودتيها ومافي امل تفهم
تكفون هذي المشكله شوفولي حل

وتسوي نفسها مسكينه عند امي وانها البنت اللي على نياتها
ومبالغه مرره في كلامها
مره نمت عند اهلي انا وياها وادري انها صاحيه مسويه نفسها نايمه فاخذت ثلاث حبات من الورق وطيحتها على وجهها وانا اضحك قلت لها انتي صاحيه قالت بلا استهبال خليني انام

ورحت انام اشوي الا افتح عيوني شوي من النوم الا اشوفها تحكي امي سالفه غير اللي صارت تقول لها دموع الحب رمت على وجهي الورق وقمت اشهق خايفه مرره وهي تضحك !!
امي جات تخاصم فيني ليش تسوين كذا مايصير الحرمه حامل

ناظرت باختي وانا فيني النوم ومارديت عليها رجعت انام ..!!


!!!!!


الحين عندنا نقل عفش غرفه الاطفال من كتب وسرير ودولابهم مفضيته من الملابس يعني الغرفه شوي مقلوبه
والحين تدق علي تبي تجيني الفجر بس مارديت عليها ولا افكر ارد عليها ارسلت لي رساله خلي باب البيت مفتوح انا طالعه
بس بسوي نفسي مانتبهت لها

مو فاضيه لانتقاداتها

آآآآآآآه وربي ماتوقعت بيوم راح يجي يوم واتعامل كذا معها