زوجي محتاج دعاء كل مسلم

احكيلكم على قصتي وية زوجي
اني تزوجت من خمس اشهر عن حب حقيقي حب ما سمعت عنه ولاقريت عنه ولا شفته بالافلام لاصاير قبلي ولا رح يصير بعدي
رغم اختلافي اني وزوجي بالافكار باغلب الاحيان بس احنة متفقين دائما ان واحد مننا يتنازل بكل مرة حتى ما يتطور الخلاف
ومن نوصل لهالشي اني من طبعي اسكت ما احجي هواية وذا ما سكتت هو يسكتتني وبسرعة يغير الموضوع حتى لاتصير مشكله
احب اهله مثل ما احب اهلي بالظبط وهو يحب اهلي همين بالرغم من ان لو حطينا اهلي واهله بحلبة ملاكمة كان واحد قتل الثاني
اني وياه عايشين بالدنمارك اني صارلي 3 سنين وهو صارلة 16 سنة
هسة بعد ما تغيرت احوال العراق كال انه عنده مشكلة متعبتة من سنين طويله وهسة حان وقت لازم يحلها ويريح باله
كلما اساءله عن هاي المشكلة مايقبل يحكيلي يقول ماريدك ان تتاثري وتنقهرين وتحزنين
يقولي اني احتمال اسافر وبعد ما ارجع اذا فشلت بحل هاي المشكلة رح اموت واحتمال ثمانين بالمية اروح وبعد ما ارجع
واني والله كلبي متقطع وما انام الا ودمعتي بعيني وبكل صلاة ادعيله واني ساجدة الله يحفظة ويرجعلياه بالسلامة
اني ما اشك لحظة انه يكذب علي بس شكد توسلت بي حتى يحكيلي على المشكلة كال ما اريد اشغل بالك ومايقبل افتح الموضوع ابد لان من افتحه بسرعة ابكي وهو مايحب يشوفني ابكي
حتى انه مرة طلب مني ان اوعدة ما احزن كثير عليه اذا راح وما رجع حتى يروح وهو باله مرتاح انني مارح اتاذى من بعده
بس اني ماكدرت اوعده
هددني وقال اذا ما وعدتيني رح اعمل اي شي يخليكي تكرهيني حتى اروح واني مطمئن انك مارح تحزني علي
اااااااااااااااااااااااااااااه كولولي شسوي اكو وحده منكم صارت بمشكلة مثل مشكلتي الله يبعدكم عنها انشالله ماتشوفن اللي اني شايفته بس محتاجة دعائكم وياية حتى يرجعلي زوجي بالسلامة
هو انشالله يوم خمسة رمضان يسافر ويغيب اربعين يوم تقريبا
هسة هو مريض والله من ينام باليل ما بودي انام او اغفل عيني عنه لحظة وهو جنبي اضل بس اباوع عليه طوووول الليل
يارب ياااااااااااااااااااااااارب يارب احفظلي زوجي ورجعلياه بالسلامة
اللي عندها ادعية تفيدني بهاي حالتي ارجوكم اكتبولياها ساعدوني :confused::confused::confused: