السلام عليكم ورحمة الله وبركاته
كيفكم يا حلوااات
انا من فترة تقربيا من شهر وشوي كان فيني قشرة فظيييعة بمعنى الكلمه اول مرة تكون جذا، قشور سميكه وقشور مثل الطحين لما احكها تطيح مثل الثلج وما عرفت شو اسوي فيها،، وكل شخص ينصحني بشي، في دكتورة قالت لأمي استخدموا زيت الزيتون للقشرة وبالفعل كنت ادهن شعري بزيت زيتون مقري فيه وانام فيه كذا يوم بس ما فادني وزادت المشكله لحد ما قالتلي جدتي استخدمي السدر.. رحت وجبت اوراق سدر وخلطهم في الخلاط يعني فرش مو بودرة وعبيتها في برطمان وكل يوم كنت اخذ منه كمية وازيد عليه شوية ملح وماء زمزم قرأت فيه الرقية (انا سمعت مرة شيخ يقول ان السدر والملح دواء عن العين والحسد فقلت خليني أجرب يمكن أحد حاسدني) كنت احط السدر على شعر واحاول افرك الفروة واتاكد ان وصلها السدر واعملها شوية مساج والفه عادي واخليه نص ساعه بعدين اغسله بسسس بالماي بدوون شامبو ولما اطلع من الحمام احط لشعر مرطب (زيت_كريم) لاني كنت اخاف يجفف شعري،. هذي الطريقه استخدمتها يوميا لمدة اسبوع وشوي والحمد لله رب السموات والارض ما شاء الله اختفت القشرة وصار شعري أحسن واكثر شي فرحني اني لاحظت ان شعري طول شوي..ومهما حمدت الله فلن اكفيه حقه.. وقلت اكيد في وايد بنات مثلي عانوا من القشرة او التساقط او بهتان الشعر واتمنى ان تجربتي تفيدكم وتحل مشكلتكم وبس
لا تنسوني يا خواتي من الدعاء وذكر الله...
لا تنسوني يا خواتي من الدعاء وذكر الله...