تفضلو تفضلو تفضلو

مبروك عليكم البيت الجديد ووتهنون إن شاء الله,موضوع النمل مو قصة نظافة ولا عدمها عندي لك كذا حل جربيهم شوفي بيت النمل وين مكانه وحطي سمسم أو مويه فيها رقية الحسد مع 7 ملاعق خل عادي و7 ملاعق سدر ومويه ترشينها على النمل بيته وتقرأين آية من سورة النمل ( يأيها النمل ادخلوا مساكنكم ) تكررينها هذا سمعته من شيخ .

الله يبارك في حياتك ياتوشي ومشكوره الله يسعدك دنيا واخره

عالبركة البيت الجديد

حبيبتي يمكن حسد أو عين بمناسبة البيت الجديد

حاولي تشغلين البقرة في كل مكان والرقيه الشرعية ورش ماي مقري فيه وملح مقري فيه وحاولي تشوفين بيت النمل وين واطلبي سم لنمل
أو اتصلي على مكافحة القوارض وهي تجي وتكفل بكل شئ

وفكرة الأنفصال انصحك لالالا عشان نمل
عيشي حياتك شلون ادمرين اعيالك بنفسك وتشتتينهم
وبس اتمنى افدتك
وربي يسعدك ويحفظك ويخليك لزوجك ويعيالك

اختي يمكن هدا حسد كل يوم شغلي سوره البقره والمعودات وشوفي مكان النمل وحاولي تسدينه واكثري من الادكار والاستغفار
وكل يوم سوي فنجان سدر حطيه بسطل فيه ماي مع فنجان ملح خشن ورشي عتبه الباب وتصدقي هدي بالج عشان نمل تنفصلين كبري عقلج عاد بكل بيت يجي فيه حشرات بس ماتوصل لها الدرجه الله يهداج بس تعودي من ابليس

لا حسد ولاشي النمل جذيه احيانا يغزو البيت ويحتله وحتى الثياب ياكلها مرينا بهالمشكله فيه يبيعون في البرادات والسوبرماركتات شي اسمه دوا النمل عليه صورة صراصير ولونه ابيض ووياه ابر تملين الابر بالدوا وتتبعين بيوت النمل ، اسبوع بالكثير ولانمله تمشي في البيت والحمدلله احنا مرتاحين الحين واايد جربيه

الله يساعدك غلاتي

مبروك عليك البيت الجديد وتتهني فيه ان شاء الله

كلمي البلدية يجون يرشون ف بيتك

و عليكم السلام و رحمة الله و بركاته...

عزيزتي... الأخوات ما قصروا بردودهم، و فعلاً ترى الكثير يشتكون من الحشرات و بعدين النمل أخف من الصراصير المقرفة و لا السوس!

بعطيج نصيحتي عن تجربة، قبل لا تذبحينهم أو تستخدمين أي مبيد حشري، أنذريهم 3 أيام، يعني كلميهم لأنهم يسمعون كلامنا و قولي لهم أحذركم إنكم لو ما طلعتوا من البيت راح أقتلكم... و شوفي بعد 3 أيام إذا ما راحوا استخدمي المبيدات الحشرية...

أشوف سلفتي مأذيها النمل الأسود الكبير، فجابت مثل قرص أسود صغير فيه فتحة يدخل منها النمل و يطلع من الجهة الثانية، و يكون داخلها مبيد حشري يلصق بالنمل بحيث ينقله معاه لما يدخل بيته و من بعدها الحمد لله ارتاحت...

الله يريحج منهم و يبارك لج و يهنيج في بيتج الجديد F:

يا جماعه لا تزعلون مني بس تؤمنون بخزعبلات عجيبة , وتجي وحده تقول عن خزعبله

ورد ورا الثاني , عن تأييد هالخزعبلات , النمل سبب ظهوره , أنه فيه بيتكم مثل فتحات ,

كل ما عليك الإتجاه الى مكان فتحة النمل , وسديه بس , يعني في الكبت مثلا او الدرج

فضي الدرج او الكبت وامسحي المكان بالديتول , وبعدها سدي مكان خروج النمل , كذلك في

جميع انحاء المنزل ابحثي عن مكان خروج النمل وسديه , سواء بماده لا صقه , أنا في السابق

في الحمام اعزكما الله كنت اسد فتحة التي يخرج منها النمل بالصابون كنت اقفل وهي تثقب

بأنيابها وكررت المحاوله مره مرتان وهي تثقب واخيرا انا التي انتصرت , فالحكايه كلها سد

الأماكن وبالنسبه للنظافه بشكل يومي , تنظفين المكان وخاصة ليلا تمسحين المكان وخاصه

المطبخ بنظف خاص بالمغاسل , ولكن يعود السبب لطريقة البنيان , غير مسدود تماما فهناك

فتحات , اما بالنسبه للنمل فهو موجود كذلك لنمل الأبيض سبب خروجه ايضا الرمل المستخدم

في البنيان , لابد من تنبيه المقاول ولكن تكمن المشكله اذا كان البيت جاهز للشراء , وكذل

حينما تكون المشكله الأرضه النمل الأبيض الذي يأكل الخشب والموكيت ايضا هذا يا عزيزتي

حله هناك ماده تضعينها في الأرض هذه الماده تقتل آكل الخشب , يوجد في البلديات ,

اسألي عنه .

أختي مالك إلا مكافحة الحشرات و النمل الأبيض

و هم يتصرفون

مبروك البيت الجديد يا أختي

شرعا لا يجوز قتل النمل من غير انذار فعليك ان تتجهي الى مجموعة من النمل و ان تنذريهم بقولك ان لم تخرجوا سأقتلكم و تصبري عليهم 3 أيام اذا بقيوا في المنزل فيحل لك قتلهم و يمكنك الاتصال بشركات تبعون المبيدات و بيجوا بروشولك البيت

و ان شاءالله بترتاحي منهم

ماقصرتو حبيباتي الله يوفقكم وينول كل وحده مرادها

الله يكون بعونك

الله يبعد عنه كل شر

ان شاء الله البنات مابيصروون

بنااات ارجوكم لا تربطوا اي شئ بالخزعبلات والاقاويل
احنا بالقرن الواحد و العشرين مافي اي شئ يتبت انو النمل حسد
او عين او حتى تكلميهم يفهمو عليكي
هما كائنات وبس
بالنسبة لتواجدهم متل ما قالت الاخت اشواك بتكون في فتحات صغيره بالبيت
دوري عالفتحات واغلقيها بالجبس واستعملي الطباشير السام بالاماكن المتواجد فيها بيروح

الله يهنيك ب بيتك الجديد

ولله بصراحه ماعندي حل لهذي المشكله الا انك تسدين الفتحات اللي ب البيت مثل ماقالت الاخت الحلوه

اشواك ورد سوي مثل ماقالت وانا متاكده انه يروح مع هذي الطريقه الطريقه اللي قالتها الاخت اشواك ورد

وبس هذا هو حلي لمشكلتك وبس والله يهنيك ب بيتك الجديد:F