مــــدخل ًًًًَ
سـامحنـي , ,
كنـت أكتـب لأنـي كنـت أظنـك تقـرأ ,
, وكنـت انـزف لأنـي كنـت أظنـك تشـعـر , ,
وكنـت أناديـك لأنـي كنـت أظنـك تسمـع , ,
وكنـت احلـم بك لأنـي كنـت اظنـك , , تـنـتـظـرنـي ,
تبـاً لسذاجــة قلبــى الــذى احبك.....*
ياريت اتساعدوني في النسيان وتقولولي ايش اسوي لانه حالتي صعبه ):
تعرفت على شاب من اقاربنا بالصدفه على موقع وبالعاده انا ما ادش هالموقع ابدا بس كانه قدر ومكتوب لي في يومها كنا نتكلم في مواضيع عاديه وفي الاخير اعجبنا بي بعض المهم
ضفته عندي في الفيس بوك بعد ما كلمنا بعض مده و ومن خلال اضافتي له عرفت انه اخته تكون صديقة اختي المقربه وانه الشااب من قرايبنا بس من بعيد تعرفنا على بعض اكثر و هو عرف بعد عن سالفة انه اعرف اخته وفرح وقالي انه راح يسال اخته عني وعن عيالتنا وانا مارفضت الفكره و اتصل ثاني يوم الصبح فرحان ويقولي مشاء الله قالولي انك حلوه وانك طويله واخلاقك عاليه . قالي اخيرا لقيت البنت الي كنت ادور عليها والله يكمل لنا على خير . انا استغربت من استعجاله لانه احنا تونا نعرف بعض من اسبوع و نص وفي نفس الوقت ارتحت له عشان حسيت انه ما يلعب وانه جاد . وثاني يوم اخته طرشتلي مسج على الفيس بوك تسال عن حالي واشلون الدراسه معاي بعدين عطتني رقمها وقالت اتصلي فيني وقت ما تحبين مع انه صج البنت اعرفها من سنه ونص وهي رفيجت اختي و نامت عندنا في البيت مره وهي حبوبه وايد ما شفنا منها الا الخير .
المهم ما راح اطول عليكم اكثر بس هذا الشخص خلاني احبه بالغصب مع انه مش من السهل اني احب بسرعه لانه في وايد طلبو ايدي وانا رافضت بس هو فرشلي الارض ورد وصار كل يوم يطرشلي مسج على الصبح يصبح على ويطرش مسجات حب على الايميل وقالي انه يحبني تقريبا من ثاني اسبوع وانه يشوفني زوجة المستقبل ويقولي متى راح اتشوفين اهلي واشوف اهللج واسالو عني لانه انا خلاص سالت عنكم وعرفت انكم عيله طيبه وصار يخطط اشلون عرسنا بصير وانه مستعجل ما يبينا نكلم بعض وايد لانه يممكن نقع في خطا ودايم ينصحني في دراستي وديني ويقولي اقري قران واهتمي بصحتج وووووو .... وانا كل ما يزيد اعجابي اكثر فاكثر بس ولا مره قلتله احبك ولا كلام حلوه وحتى ولو ابيه اقوله احس في شي يمنعني خاصا اننننني خجوله وااايد والشي الي ان ما يعجبه فيني هو خجلي 8o| وهو طلب يشوفني اكثر من مره بس انا رافضت بس رويته صورتي بس وهو كان يطلب يشوفني عن قرب انا رفضت . وعلى فكره الموضوع 2 من خواتي يعرفون فيه وقلت لامي بعد اسبوعين.
بعد شهر من تعارفنا قررت اني اشوفه في مكان عام وفي هذاك اليوم اهلي كانو وياي كلهم حتى رفجاتي لانه كنا طالعين طلعه عائليه وقلت للوالد وما عارضت بز وشوفنا بعض من بعيد بعدين جا وسلمت عليه واتكلمنا 3 دقايق مع انه كنا متفقين انه انكلم بعض 15 دقيقه وكل هذا يعني واحنا واقفين جنب محلات بس صار شي خلاني ارتبك واختبص وانا كنت اصلا موب على طبيعتي من خجلي وانا واقفه قدامه والي صار هو ولد خالي شافني وانا واقفه وياه وانا اتلخبطت من الاحراج ورحت على طول دشيت لمحل الي كان جدامي وطلعت منه لما راح ولد خالي وانا هديت بس لما بعد كده قدرت اتكلم وياه واشوف اشلون يتصرف وحسيت انه مغرور في طريقة المشيه والكلام والنضرات وهو يطالع فيني كانه مستغرب مادري من ايش ولما خلصت المقابله بدري عن وقتها لانه هو تحجج انه اكيد اهلي يدورن على وانه لازم ارجع لهم . وانا افتكرت انه صدق وعلى رجعت بس قبل لا اروح قالي انه يتمنى يحضني وانا استغربت من جراته وما قلت شي في هذاك القايق شفت اشياء كثير ما عرفتها عنه بس حسيت قلبي ينبض واني احبه .
مر يومين من لما شفنا بعض وهو ما كلمني ولا طرش مسج مع انه مش من عادته انا استغربت طرشتله مسج عادي اسال عن حاله وهو مارد على اللا بعد 3 ساعات وقبل كان يرد في 15 دقيقه او اقل وقالي انه انشغل وايد في اشياء كثير وانه راح يتصل فيني بالمساء واتصل و ناديني بيا اختي مع انه ما كان يقول كده الا اول ايام بس . على طول فهمت وما اتصل فيه ابد فيه هذاك اليوم وحسيت في شي غلط وهو ما صدق ولا سال عني حتى اليوم والموضوع صار نا شهر ونصف بس الي قهرني وموب اخليني انساه انه ايش كانت فايدته بانه يعسمني بالزاوج ويحط السالفه في عقلي وقلبي. بس هو تخلى عني من غير سابق انذار ولا كلام ولا سلام ولا شي بس قطع كل شي في لحضه مادري ايش كان قصده في الاول عشان يسوي فيني كده وانا لحد الحين ما نسيته ابد واذكر كل شي قاله لي و صرت افكر فيه 24 ساعه في اليوم اعوذ بالله هتى في صلاتي يجي في بالي اوستعيذ بالله منه.
فياريت تلاقولي حل عشان انسى الي صار وانسى الالم الي سببه لي على فكره انا ف ياول اسبوع من لنما اختفى انا كنت في حاله انهيار مش طبيعيه حرارتي زادت وصرت ما اقوم من الفراش من التعب والدموع ما توقف . احس انه كسر فيني شي لا يمكن يتصلح وان لعب في مشاعري :mad: حسبي الله ونعم الوكيل فيه حتى هذي موب قادره اقولها من قلبي .
[COLOR=red]
قرار الحب يحتاج لــ قلب... و قرار الزواج يحتاج لـ رجل...…
[/COLOR]