بنتي والالفاظ السيئة

الله يعينك طفله في ها السن صعب تفهم انا كان ولدي مبهذلني يسمع كلام مو زين ويجي البيت ويردده بس كان كبير 4 سنوات جربت كل الطرق معاه مانفع كان يعاند

ياقلبي باقي صغيره وخذيها قاعده الكبار القدوه يتلفضون
كذا اكيد هيا ما عليها سوى التطبيق يعني صعب
تبني وغيرك يهدم في نفس الوقت
الله يعينك

الله يعينك وأنا بنتي من تسمع كلمه غريبه ترددها بس لتجاهلتها تنسى وآحيانا تعاند الله يساعدنا بتربيتهم ...

اختى لم الطفل يلفظ كلمه مو مرغوب فيها وقلتي لها عيب او ركزتي على هالكلمه اللي قالتها راح تعاند ويصير عندها فضول انها تردد هالكلمه
افضل حل لها انك تطنشين الكلام اللي تقوله وتخاولين تركزين ذهنها على شي ثاني
وبقدر الامكان لاتخلينها تختلط مع الاطفال كثير

وانا نفس المعاناه بنتي عمرها سنتين وسبع شهور وتتردد كثير كلمة ( ياغبية ) للكبير والصغير وعجزت حاولت معها بكل الطرق مافيه فايده اللي عندها حل الله يخليكم تدلنا عليه

حاولي تدخلي لها بأسلوب القصه والتشويق يعني اختاري شخصيه بتحبها كثير ولمن تقول هذي الكلمه مااحد يحبها بعدين تعرف غلطها وتتصالح من امها ومدحي فيها يعني تقومين سلوكها باسلوب غير مباشر

قللي من زيارة الناس اللي يتكلمو كلام بذئ

وترين النتيجة..~

الله يخليلج بنتج ويحفظهة:)
امين يارب
فدوة كتكوتة
عزيزتي عندي بعض المقترحات شوفي ال يعجبج
او جربيها كلها عسى ان تحصلين المطلوب
1.الابتعاد عن مصدر الالفاض
2.من جنت بالروضة اي طفل كان يتلفظ الفاض ممقبولة تكولة المعلمة روح اغسل فمك وتعال لأن فمك اصبح وسخ من الكلمة اللي قلتها وبهالطريقة يترك الطفل الالفاض
3.سجليهة بروضة بحيث تتعب بالنهار وبدال متتواجد وية الاطفال اليتلفظون تكون في قمة النعس ونوميهة قبل لمتهم بحيث متسمع الفاظهم
وشوية شوية تنسى هال الفاض لأن بعد متسمعهة
4.احنة من جنة صغار كان الوالد الله يطول بعمرة مخترع طفلة وهمية دائما يمدح امامنة عن كل تصرف يريدة منة بحيث بسبب الغيرة كنة نسمع كلامة ومن كبرنة عرفنة انو (سلمى)ماالهة وجود
والله فد عجبتني هالفكرة وبس ان شاء الله يصير مجال استخدمهة
سلامي

سلا هالجيل صعب وخاصه في العناد يبي الهم ذكاء عاطفي في المعامله

..................

وصال الطائف تعبت من التعليم وغيري مايقدر مجهودي معاها

.................

لمعة عطر معظم الاطفال لفت انتباه للامهاتهم الله يعينا جميعا

...............

سندريلا الكون حاولت اطنش ولاكني اسمع صارت اتزيد في الالفاظ عشان بس اطالع فيها!!!

..................

بسمة القدر الله يساعدنا جميعاااا

..................

قاهرتهم انا جا في بالي اسلوب القصه بس خفت اتزيد وكل ليلة تبي اقراها عشان تسمع الالفاظ !!

.............................

ودق ماقدر لاني شقتي في بيت اهل زوجي وهالاطفال كل يوم يجووون ولو حاولت مرور اسلم وانا طالعه لازم تلقط اذنها كلمة وترددها في السياره

...................

لارسا بغداد

اقتراحك الاول جربته وقللت من جلوسها معاهم من ساعه في اليوم الى نص ساعه بس لازم تطلع لي كلمة

الثاني ينفع للاطفال الروضه عمر خمس سنوات لانهم يفهمون هالمصطلح

جربته مع بنتي اقول لها هاللفظ وسخ والا زين اتقول زين اعيد مرة ثانيه زين والا وسخ اتقول وسخ !!!!

يعني بعدها ماتفهم حتى في الخيارات وين الصح...

اما الثالث اليوم سجلت بدورة في معهد وفيها حضانه وبسجلها فيها عشان ارجع وتدوخ وفي الليل تبي تنام بدل جلستهااا مع الاطفال الحلوين

الرابع طبقته عندها دميه سميتها دانه وطبعا قدوة سويته لهاااا في كل حاجة بس اتقول لي انها ماتتكلم !!!>>>بتدوخني هالبنت:worn_out:

تسلمون ياقلبي والله يحفظ لكم عيالكم

اختي كتا اعاني من نفس مشكلتج مع ولدي الله يحفظه وعمره سنتين وستة شهور لاحظت انه يقول هالكلام حتى يلفت انتباهي له وتعلمت اطنشه وباعدته جم يوم عن المصدر اللي تعلم منه نسى هذي الكلمة وقمت اشغل له اناشيد وسور قصيرة وصار يحفضها بدل الكلمات المزعجة الموضوع يبي له شوية صبر رجدا منرفز للام لكن الطفل هذا اللي يبيه فاذا قال عالكلمة تجاهليه تماما حتى يعرف انها ما تلفت انتباهج وتدريجيا بيقعد يكرر الاناشيد والسور ويعرف هذي الطريقة الصحيحة للفت الانتباه والله يعينج