قصة أختي الغالية ,, ولا تيأسوا من رحمة الله

السلام عليكم ورحمة الله وبركاته ..

انا اليوم دخلت مخصوص عشان اقولكم قصه اختي الغالية مع معانااة تأخر الحمل ..

طبعا أنا أحب ادخل هالقسم مع اني حامل بس أحب أدعي لكل خواتي وأنا أقدر معانااة كل وحده فيهم وأنا اشوف هالمعاناة في اختي الغالية ..

المهم مابطول عليكم حبايبي ,,
أنا اختي تكبرني تقريبا بست سنوات وصار لها متزوجه الحين فوق ال7 سنوات.. طبعا بالبداية ماكانت تهتم بموضوع الانجاب و على اساس انه محد بالعايلة عنده مشكلة بالحمل ومرت الشهور والشهور ومافي اي حمل وبعد السنة الأولى من زواجها راحت للمشفى عشان الفحص هي وزوجها واكتشفوا ان نسبة الحيوانات المنوية عند زوجها جداااااا جدااا قليلة وشبه معدومة والقليل الباقي يا اما ضعيف او غير مكتمل النموو وفوق هذا عنده الدوالي واحتمال ضعيف للعلاج ..

هنا بدأت فترة علاجهم اللي تتجاوز السنة , فالنسبة لزوجها وقف التدخين و كان ياخذ فوق ال5 حبوب باليوم مع ابره بكل اسبوع او اسبوعين بس عشان تساعد على انه تزيد بعدد الحيوانات المنويه الحية واما هي عشان تزيد من فرص التلقيح كانت تشرب حبوب لتكبير البويضه ويخليها جاهزة للتقليح بأي وقت مع انها ماكانت تعاني من اي مشكله في حجم البويضات ..
ومرت الشهوور ولما جاا وقت الفحص ,, جاات الصدمة ان نسبة الحيواناات المنوية عند زوجها ماتغيرت ولا بواحد بالعكس نقص العدد !! و هي مسكينه جسمها من الحبوب تغير وتعبت .. لكن بعد مايأست من رحمة الله وعطفه بس المشكلة الناس وأسألتهم وكلامهم الجارح اللي مافارقها ابد مع انها تطنش بس ماخلوها بحالها وكأنها هي المذنبه ..

ماطول عليكم خواتي , اختي بدأت مرة ثانيه بالعلاج بس هالمرة راحت لدكتور بالادوية الشعبية و عطاهم اعشاب وغيره لزيادة الخصوبة و كانت بسعر غالي جدااا وبكل شهر لازم يشترون لهم! وبعد مرت الشهور ولكن النتيجة:thumbs_down: ..

بعدها قرروا انهم يروحون لدكتور ثالث كانت زميلاتها يمدحونه كثير ,, طبعا عند الفحص كانت كما الأول انه الزوج عنده مشكلة بالحيوانات المنوية والدوالي .. فالدكتور قرر له عمليه لازاله الدوالي و لازم يوقف تدخين على الاقل لمده ماتقل عن 3 شهور قبل العملية ولازم اختي تاخذ حبوب لتكبير البويضه وتخليها جاهزة للحمل وفعلا صارت العملية وبعدها بفترة اتصلت اختي لوالدتي وكانت مستغربه من دورتها بأنها قطع كبيرة من الدم ( وانتوا بكرامة) وكان الألم فضييع فقالت لها امي ان هذا حمل وفعلا لما راحت للفحص طلع انه البيبي نزل من اول ماتكون وهي ماتدري مسكينه ..

من بعد هذا كله, ظلت اختي لمده سنة تقريبا تحاول بس بدون فايدة لان حالة زوجها رجعت لما كانت من قبل:( وأشد ..

بعد هالشي قرروا انهم يسوون أطفال أنابيب بما انه مافي اي حل ثاني وفعلاا بدأوا فيها وبعد طوول انتظار فشلت العملية لأن جسمها ماتقبل البويضات الملقحة!:woo::( واختي مسكينه صارت بحالة مايعلم بها الا الله وانا خفت يصير لها شي لان بعد ماعرفت بفشل العملية حبست نفسها بغرفتها لايام وفوق هالشي الله يهديهم اهل زوجها جووا لها وزادوا الطين بله بكلامهم و أسألتهم بس الحمدلله طلعت من حالتها وراحت العمرة عشان تصفي ذهنها وتزور بيت الله لانه المكان الوحيد اللي يروح ألمها ..

بعد مارجعت قررت مرة ثانيه انها تسوي العملية ودعت رب العالمين انها تنجح ولكن الله ما أراد وفشلت من البداية لأن الحيوانات المنوية اللي كانت عند زوجها جداا قليلة اولا وماكانت بذيك القوة .. طبعا في اثناء هذاا مر على زوااجهم مايقارب الخمس سنين وبعد مافشلت العملية الثانية قررت اختي ان توقف كل العلاجااات و تتجه لرب العالمين وكانت دايم تقول اذا الله رايد لي بالحمل راح أحمل واذا ما أراد خلااص انا حامدته وشاكرته ورغم انه ماعندي اللي عند خواتي واخواني من الأولاد الا انه الله عطاني الشي اللي ماعطاهم وهو زيارة بيته بكل سنة و الوقت الكافي عشان اتقرب منه اكثر واكثر واتعبده واقوم بطاعته وكانت كل سنة تتوفق من رب العالمين وتروح الحج والعمرة :) ..

الحين نجي للجزء الحللووو من القصه,,:cool:

طبعااا مر على زواجهم الحين تقريبا ال8 سنواات ,, و بيوم من الأياام تأخرت الدورة على أختي وكانت معتادة انه ببعض الشهور تتأخر او تتقدم عليها فكانت غير مهتمه واعتبرته عااادي جدااا .. بنفس الوقت انا كنت مخبرتها باني حلمت عنها احلام غريبه بشكل متواصل واخر حلم كأني انا اولد ولما ولدت ماعطوني اياه عطووه لها وكأنه ولدها مو ولدي فأنا قلت لها شكله بتحملين قريب او انه بشهر معين من حملي راح تكونين حامل ,, طبعا ما اهتمت لكلامي وقالت لي الحمدلله على كل حال ..

عاد هني جاهااا شويه فضوول وقالت وش وراي ارووح اشتري جهاز الفحص واشووف :D ومن الخربطة بدل ماتشتري واحد اشترت اثنين ! :lol: و راحت بالغرفه وقفلت الباب عن زوجها عن لاتتفشل عن يازعم:worn_out: .. وفحصت اول مرة ومباشرة طلع لها خطيييييييييين :celebrate::adore: ماصدقت على عمري فردت جربت الثاني وطلعت فعلااا حامل !! اتصلت لي وهي ترتجف تقولي بالشي وهي مو مصدقه تقولي اعتقد اصبر لاني مو حامل اتخيل !8o|
ههههههه عاد انا ماخليتها الا لما راحت لفحص الدم ولله الحمد كانت حامل لها شهر و شي تقريبا :adore: و الاخت مو مهتمه بالاعراض! على بالها الدورة والدوام !:confused:

المهم بالنهاية حبايبي انا اللي ابغي اوصل له انه قدرة الله فوق كل شي ورغم ان كل دكتور كانوا يروحون له كان يقول لهم مااافي أمل ولا تتعبوا نفسكم بالعلاااج وحالة زوجها كل مالها تنتكس بدوون اي تحسن بس لانهم وكلوا أمرهم لله وحده وصبروا على كلام الناس الجارح واليوومي حتى من اقرب النااس و الشماته المتواصلة و كانوا دائما يستغفرون لهم ويدعون لهم بالهداية .. بالنهاية ربي كافئهم وعطاهم رغم انه ماكان ببالهم هالشي ..

حبيبااات قلبي ربي يعطي كل وحده فييكم مثل ما اعطى اختي وربي يبرد قلوووبكم و يفرحكم ومثل ما اختي بشرتني بحملها ياااااااارب تبشرونه قرررريب بخبر حملكم عشااان تكتمل فرحتي وربي يعلم شكثر فرررحت لما اختي قالت لي الخبر ومن الفرح بكيت ودعيت لكل وحده فيكم انه ربي يبشرها بجنين برحمها ويفرحها ...

خواتي اتمنى تدعووون لأختي بالحمل السالم والمعافى و ان الله يتمم لها فرحتها و يقر عينها بشووفه ظناهااا قاادر ياكررررريم ..

ادري طولت عليكم فسامحوني على الاطاله واذا زودت بالتفاصيل ..:rolleyes: