F:السلام عليكم ورحمه الله وبركاتةF:
اتشرف انى بشارك اول مرة فى قسم متاخرات الحمل
انا على فكرة اول مره ادخل قسم متاخرات الحمل مع انى مشتركةفى المنتدى من 2006 لفت نظرى وانا بتصفح المنتدى انه القسم الوحيد الى عمرى مدخلته ابدا
انا الحمد لله ربنا اعطنى هديته من عنده اولادى ربنا يحفظهم ويرزق كل زوجه يارب
طبعا انتو بتسالوا دلوقتى طب دى عندها عيال طب دخله عندنا ليه
والله يااخواتى انا دخلت ااقولكوا ان رحمة ربنا وسعه وربنا كريم ورزاق رحيم
انا جايه احكلكم قصص ناس من صحابى ربنا كرمهم من عنده بعد ياس وخيبة امال
اول وحده اخت وحده صحبتى بنت طيبة جداومن الصالحين نحسبها على خير كانت متجوزه واحد 7 سنين وراحت لكل الدكتره وفضلت تلف من الدكتور لدكتور لعمليه لاشعه وفى الاخر الدكتور قلها ان الموضوع صعب حدوث حمل
بس لالاسف جوزها طلع مش اصيل نهائى وطلقها ياحببتى ونهائى الموضوع بقسوه جدا عليها ياحببتى
المهم اطلقت وفضلت من غير جواز 3 سنين بعد طلقها
المهم اتقدملها زوج صالح ربنا كرمها بيه
تصدقوا يابنات انها بعد جوزها مباشرة مشفتش الدورة نهائى
وطلعت حامل
شفتوا كرم ربنا سبحانه وتعالى
بعد كل الدكتره وكلامهم وانه مفيش امال ربنا كرمها
وعوضها خير من عنده
وواحده تانيه زيها برضه صديقه اختى بعد 12 سنه جوازوعمليات ولفت على كل الدكتره فى مصر وبره مصر
مسابتيش دوا غير لما جربته ولاصفه شعبية الا لما عملتها ربنا كرمها وزقها بمحمد
تفالوا يابنات وسيبوها على الله سبحانه وتعالى
ولا تياسوا من رحمة الله وكرمه سبحان العاطى الرزاق
وان شاء الله ربنا يرزقكم جميعا الصحه والعافية والزرية الصالحه يارب وتبقوا جميعا فى قسم تجمع الحوامل يارب
واطلب من اخواتى اعضاء منتدى عروس المشاركه معى فى الموضوع
الى وحده تعرف واحده ربنا من عليها وكرمها بنعمته بعد تاخير حملها تدخل تقولها عشان نساعد اخواتنا ونبعث فيهم روح الامل والتفائل وعدم الياس من كرم ربنا وفرجه ان شاء الله
واطلب من المشرفات الثبيت اذا امكن
وان شاء الله نتقابل مرة تانيه اخواتى فى قسم مستلزمات المواليد وتجمع الحوامل
ولكم منى كل شكر
اختكم فى الله