انا وزوجي وعصبيتي ..

اختي حاولي تتغييرين والا بتخسرين ريلج بتصرفاتج وامج خليها تقلل من المكالمات يكفي مره وحده ولا تخليها تدخل بحياتكم وواضح ريلج مره متضايق وتراه ساكت انتبهي لا ينفجر ويسوي لج تصرف ما تتوقعينه لان الضغط يولد الانفجار عاد ماصار ولد ناس وايد تزوجوا وجابوا فوق 5 وحياتهم طبيعيه ومعطيني ازواجهم حقوقهم لا تقسين على الريال ان ما تكلم ترا حاز بنفسه والريال اهم حاجه عنده بعد المره تراعيه ان مالقى راحته في بيته بيدور عليها عند غيرج ادا مو عند اصدقاءه ساعتها لا انفجر وقال لهم بيقولون له تزوج غيرها ساعتها انتيى اللي بتلومي نفسج

اختي يمكن صايدتكم عين لا سمح الله
انا اقول شغلي سورة البقرة في البيت كل يوم
ودخني البيت كل يوم المغرب واقري المعوذات
وهالفترة مسكي روحج اشوي لا تتحلطمين عليه واذا عصبتي بس سكتي لا تبينين له ولا تعلقين
اكيد ما بيتغير حالكم بسرعة بس شوي شوي ان شاء الله بتشوفينه يتم وياكم ازيد لانه بيكون مرتاح
والله يخليكم حق بعض

om lucas;15936834:
راح ارسلج على الخاص اوكي
الله يهديج ويهديني معاج

:L: حفظج ربي يا ام لوكااس .. اتشرف بيج والله

ذبـכـنيــۓْ بــرد الأيــآميــۓ;15936893:
اختي حاولي تتغييرين والا بتخسرين ريلج بتصرفاتج وامج خليها تقلل من المكالمات يكفي مره وحده ولا تخليها تدخل بحياتكم وواضح ريلج مره متضايق وتراه ساكت انتبهي لا ينفجر ويسوي لج تصرف ما تتوقعينه لان الضغط يولد الانفجار عاد ماصار ولد ناس وايد تزوجوا وجابوا فوق 5 وحياتهم طبيعيه ومعطيني ازواجهم حقوقهم لا تقسين على الريال ان ما تكلم ترا حاز بنفسه والريال اهم حاجه عنده بعد المره تراعيه ان مالقى راحته في بيته بيدور عليها عند غيرج ادا مو عند اصدقاءه ساعتها لا انفجر وقال لهم بيقولون له تزوج غيرها ساعتها انتيى اللي بتلومي نفسج

:( ايه والله صح كلامج لكن موبيدي غصبا علي ..

تخيلي بعد خمس دقايق من اتهاوش معاه اقعد افكر ليش سويت سالفه

وبعدها بساعه وشي ارد اسوي سالفه ثانيه

....

اهوو صح ماتكلم لي عن امي بشي وادري بقلبه كلام وايد

لكني للحين مو عارفه شلون اكون قريبه منه

وين كنا ووين صرناا

.......

على طول يقول لي انتي عندج واحد بس

لو عندج اكثر شكنتي بتسوين

قلت له من قال لك اني افكر احمل اصلااا

خلااص غيره مابجيب

انه ماودي ارد عليه بهالطريقه لكن والله شااب راااسي

صرت ماعرف اتكلم .. ان تكلمت اجرحه واهدم اللي بينا

..........

قبل ما اتزوج كنت دووم ساكته وما اتكلم ابددد

ولا عندي صديقات ومنعزله عن الكل

اما الحين .. صايره غييير

لين بطلت حلجي في الهذره ماسكت

انه نفسي مستغربه من نفسي

:(

ونورتي خيوو بمشاركتج ويانا

وَدقْ ..~;15936937:

تبين تتغيرين غيري روتينك واللي فيك من الجلسسة بالبيت

لازم تدرسين وتزورين الناس والله تتغير حياتك

مرات احب اتزاور ومرات اكره اني اجوف احد

:thumbs_down:

بحاول انفس عن نفسي

وترجع حالتي احسن من قبل

قووولي يااارب

.. ونورتي حبوبه ..

Spoiled Zozo;15937004:
اختي يمكن صايدتكم عين لا سمح الله
انا اقول شغلي سورة البقرة في البيت كل يوم
ودخني البيت كل يوم المغرب واقري المعوذات
وهالفترة مسكي روحج اشوي لا تتحلطمين عليه واذا عصبتي بس سكتي لا تبينين له ولا تعلقين
اكيد ما بيتغير حالكم بسرعة بس شوي شوي ان شاء الله بتشوفينه يتم وياكم ازيد لانه بيكون مرتاح
والله يخليكم حق بعض

انه قلت جذي بعد ..

والله يسمع منج ياخيووو ،، ادعي لي

:L:

rosa_negra;15937318:

انصحك بقراءة القرآن الكريم و الاستغفار

:( كنت على طول مداومه على القران

بس صار لي فتره طويله مافتحت القران ..

:(:(

•° HaNoOoDa °•;15937326:
:( كنت على طول مداومه على القران

بس صار لي فتره طويله مافتحت القران ..

:(:(

rosa_negra;15937336:

القرآن فيه راحة كبييييييررة:L::L:

اايدج بهالكلام .. بس والله الوقت اللي اكلمكم فيه اهو وقت راحتي

من بكره برجع اقرا القران ..

وعلى الله توكلت ..

:L:

rosa_negra ،، اشكرج عروسه

هلا هنوووووده

أنا مو متزوجة بس مثلج عصبية ههههه

الحمد لله الحين عندي سيطرة أكثر من قبل :)

جوفي حبوبة لا تعصبين على كل شي ترا هالشي يأثر عليج (على صحتج وعلى حياتج الزوجية )

هدي روحج أقري قرآن , أستغفري لربج

BINT EL BAHRAIN;15937446:

هلا هنوووووده

الصراحة البنات ما قصروا جزاهن الله خيراً وفي ميزان حسناتهم يارب

أنا مو متزوجة بس مثلج عصبية ههههه

الحمد لله الحين عندي سيطرة أكثر من قبل :)

جوفي حبوبة لا تعصبين على كل شي ترا هالشي يأثر عليج (على صحتج وعلى حياتج الزوجية )

هدي روحج أقري قرآن , أستغفري لربج

تقدرين لما البيبي نايم وأنتي قاعدة صوبه تهتمين بروحج أو تكملين شغل البيت وبين فترة تطلين عليه

حاولي تطبقين كلام ونصايح البنات وإن شاء الله كل أمورج تتيسر يارب F:

ياهلاا والله .. نورتي يا بنت بلادي

ايه والله ماقصروا .. جزاهم الله خير وفي ميزان حسناتكم

وانه بحاول اطبق النصايح وكل يوم بأصر اكثر على نفسي

وان شاء الله اقدر ارضي زوجي ونفسي

وكلكم على راسي والله

:L:

حاااولي بالتدريج انش ما تعصبين على
اقل شي و من المواقف الي ذكرتيها ما تستدعي
للعصبية و اكيد لانش مضغوطة تحسين ان مسؤليات الولد كلها على
راسش فتحطين حرتش في زوجش هههه فبسرعة تنفعلين تراني كنت
مثلش بالضبط بس حاووولت قدر المستطاع اني امسك نفسي و بالفعل
احس اني هدئت عن قبل و باردة و يومياً واظبي على قراءة القرآن بتحسين
برااااحة نفسية

ماشالله البنات كفووووفووووا
وانا باقولك لواستمريتي كذا ايش بيصير فيكي بعدكم سنه
واذاجبتي بيبي ثاني والمسؤليه اكبرت
هذا اذاماطفش زوجك من معاملتك حبيبتي توك ف البدايه ولازم تعودي نفسك ع الصبر وتمسكي اعصابك وبالنسبه لشغل البيت سوي لك جدول وامشي عليه
ونظمي نوم البيبي بحيث يكون عندك وقت للاهتمام بنفسك
والله يريح بالك وييسرامورك كلها

om lucas;15936852:
مشكووووووووووووووووووووور استفدت منك

•° HaNoOoDa °•;15937300:

:biggrin: ماقط فكرت اقسم شغلي بهالطريقه .. راح اجربها من باجر

باين ان بعد ما اجربهاا رااح ارتااح شوي

جزاج الله خيررررررر :L:

:adore: ودي اريح نفسي .. ولدي بس يفكني ويرقد
بسويلي :thumbs_up:

عندي كذا شغله من كريمات وسكرااب .. لكن كنت اجوف ان ماعندي وقت
بعد ما اجرب طريقتج في التنظيف واجوف الوضع يضبط معاااي .. اكيييييد ماراح اقصر على رووحي

ودي ياا خيوو .. بس مرات ماعندي احد يمسك البيبي
بكره بكلم زوجي وبجوفه اذا يوافق
ودي اروح جيم احس بطني بدى يطلع

ايييه والله .. من شهر وشي قصيت شعري
حسيت روحي فرحاانه على اللاااااخر
:adore: ودي اروح اسوي مساااج
صج صج صج محتاااااجه المسااج

:o ليت انشغل بعيد عنه ولين رجعت اسولف له باشياء ثانيه .. احسه تملل من الطلبات ومن سوالفي عن البيبي والبيت وبيتنا وبيتهم :hysterical:

:thumbs_down: بدخل 25 وللحين ماخذيت ليسن ياااحسررره

F:F:F:F:F:

واااايد استفدت منج خيوووتي

جزاااج الله خيير

:L:

وراح اطبق اللي قلتيه

ماشاء الله مشكلتك محلوله حبيبتي

وانتي عارفه غلطك الرجال مايحب المراه
النكديه واللي تصارخ عليه

خليك بشوشه ومرحه واسعدي قلبه مثل ماهو اسعد قلبك

قبل لايجي يوم تندمين ع ه الشي

ولاتجلسين تندمين ولواني ماتزوجت ولو لو هذا الكلام لوحده يفطر قلبه
وليته ع شي يستاهل ويسوى علشان قال اكل بعدين

غريبه انتي اختي جدا غريبه


تخيلي لو انه حق بنات ويكلم قدامك ولايراعي شعورك؟؟!
تخيلي لو انه حق مخدرات وخمر وياكل ويشرب حرام؟!
تخيلي لو انه يصبحك بضرب ويمسيك بضرب؟؟!



تخيلتي هذا كله ؟؟! وش راح يكون موقفك وقتها بتتمنين زوج مثل زوجك الحين لا وبتقولين
بعد ياليت لي مثل ه الزوج انا صراحه اشوف زوجك مثالي ماشاء الله تبارك الرحمن


وكون انه يطلع لربعه حق من حقوقه لاتطفشينه ب كثر الزعل
عادي خليه يروح ويستانس وينبسط ويغير جو


وانتي ب هذا الوقت دلعي نفسك سوي خلطات
نظفي بيتك وغيري فيه كلمي صاحباتك واهلك


خليها فتره راحه لك ولمى يجي ينبسط منك يلاقيك مفاجئته ب أشياء حلوه
مو زعل وصراخ ومضاربات


نصيحه لك دلعي نفسك ب نفسك لاتنتضري
زوج او اخ او ولد او أي كائن يسعدك

ولاتكرسي حياتك وتخليها بس لزوجك وتنسي نفسك

نوعي بين نشاطاتك وبين اهتماماتك ولاتقصري ب حق زوجك ولو غلط عليك

اعذريه وسامحيه كوني له اخت وديقه وحبيبه وقريبه واغنيه عن كل الناس

حتى يشوفك ب عينه ملاك

ولاتنسي هو جنتك ونارك


موفقه