« تجهيزات عرائس ' مصر ' لشهر ربيع الاول 1433 - 2012 م / الجزء : 169 »

اية دة مش معقولة انا اول واحدة ازيكوا يااحلى بنات بعد ما عملت اقتباسات فى الموضوع القديم لقيتة اتقفل عاملين اية يارب كلكم تبقوا بخير ويارب السنة دى كلنا نبقى عرايس يااااااااااااااااارب والى ما اتخطبتش تتخطب والى مكتوب كتابها ربنا يتمم زواجها على خير زى كدة قولوا امين والى مستنية بيبى ربنا يرزقها يااااااااااااااااارب

الاكازيون الشتوى نزل ولا لاء ؟

صبااااااااح الخير يابنااااااات
كل سنة وانتوا طيبين وياااااااارب الشهر ده يبقى سعيد علينا كلنااااااااا
بس ياريت تصحصحوا شوية انتوا بتروحوا فيييييييين
مهندسة موووووون ازيك يااااااقمر
الاوكازيون بدأ 22/1 ولو عايزة اخره احتمال هيبقى ع نص2
بس احتمال كبيييييير مش هتلاقى حاجة حلووووة
لان الناس مبتصدق الاوكازيون يبدأ وينزلوا يخطفوا الحاجات الحلوة
فلو انتى عايزة انزلى اليومين دول او بالكتير اول الشهر
انا نازلة النهاردة ان شاء الله وربنا يسهل
اجيب كام صينية تقديم؟؟؟؟؟؟؟؟؟؟؟؟

ازيكو يا بناااااات حيث ان التجمع الى فات سجل اكبر مقاييس النوم ههههههه كفايه كده نتمنى ده يكون حلو كده و مصحصح
انا كتبت تقرير هناك امبارح بس حيث ان الموضوع اتقفل هحطوا تانى للاستفاده يعنى لاى حد نازل يجيب صينى و نفسى تتفاعلو شويه معايا فيه هههههههه

هقولكوا عملت ايه فى الصينى بعد اللف و الدوران و الغلبه
اول حاجه روحت لجاتنيو عندو خمسين طقم صينى بدون مبالغه ههههه الاسعار بس الى مبالغه و اشكال بقى قديمه موووووت ههههه بزات التشكيى تحسى او موديلات بتاع زمان كده و شغل ازرق كده شبه بتاع تيته و حاجه كده معديه الخمس اللاف المهم

النزوله التانيه كانت لدرب سعاده و كانت اول مره انزلو الفرق عن حمام التلات التشكيلات كتيره و المحلات كتيره جديده و لسه فاتحه فا منزله اخر اشكال فى السوق
طبعا فيه انواع كتيره اوى على حسب ميزانيه كل واحده و فيه الصينى و اليابانى و الفلبينى و بلاد كتيره كده و البولندى قليل عشان هو اغلى حاجه و المصرى الالمانى
عموما عاجبنى اوى المصرى الالمانى الخامه نظيفه بجد جداااااا صينى كده منور و ابيض و بيلمع عيبو انو الاشكال الى شوفتها منو ماعجبتنيش رغم فيه فضى و ذهبى و حاجات كتيره بس ممكن يعجب ناس تانيه بس فعلا خامتو زى الالمانى الى ب عشر تلاف
المهم انا بقيت بدور على البولندى و كان قليل عشان اغلى حاجه ينزل المنطقه ماشفوش جاتنيو ههههههه عاجبنى واحد بولندى فضى بحرفين كده فضى و رسم رقيق فى النص الجديد فيه انو كان مربع و اشكال الحاجه بتاعتو عاجبتنى اب 1900 و لفيت ف محلات كتير مالقتوش غير مرتين بس يعنى مش منتشر و ده مؤشر بالنسبه ليا حلو و يمكن كان اغلى طقم فى السوق حتى انا استغربت و الذهبى اغلى ميه او متين

نزلت مدينه نصر السراج مول فيه محل اسمو بورسالنشو تقريبا فى الارضى حاجه كده كنت شوفت تشكيله اطقم صينى حلوه عندو و سعرها معقول انا كنت مش عاوزه اعدى التلات الاف اتفرجت عندو كل حاجه طبعا الالمانى و التشكى و البولندى و السرلانكى و كل نوع يجى عشرين طقم صينى و كلها حاجات جديده
البولندى كان عامل فى حدود 2600 الى حصل انى رغم الفرق ده مالقتش الطقم الى عاجبنى و ماعجبنيش حاجه من العشرين طقم ههههههه و ماكنش عندهم مربع منتظف المربع الى عندهم غريب كده مموج كده حسيت انو مش شيك و ان المربع المنتظم احلى و مودرن اكتر و شغل فضى يعنى اتنين فى واحد

بعد عنااااااااء نزلنا من مدينه نصر على درب سعاده اجيب الطقم الى عاجبتنى و على المعاناااااااه عشان معانا العربيه يالهوى على زحمه بليل اول مره انزل المنطقه دى بليل المهههههم اول محل كان اتباع فيهم اترعبت يكون خلص و يبقى ترددى الى ضيع الطقم الوحيد الى عجبنى هههههه بس الحمد لله المحل التانى لقيتو و كان اخر واحد وصلنا ل 1800 بالعافيه عشان الطقم غالى البياع بيقولى احنا بنخاف نقول للزبون على تمنو

المهم انى نفسىىىىىىىى اعرف بجد ليه فيه فرق كده اقل من الف جنيه بينو و بين بورسلنشو المحل مش حرامى ههههه الاسعار عندو منطقيه و محل شيك اوى بس مش مبالغ
نزلى الكروتونه اتصدمت الكرتونه مبهدله و بنى كده زى اى كرتونه قولتلو ليه كده قالى اصل ده تهريب يا انسه و لو عاوزه الى بكرتونه هينزيد الف جنيه و ان ده تهريييييييب الراجل فعلالالا عاندو حق بس و اتوكلت على الله و جبتو و قالى افرزى فى البيت و عاندى اى حاجه و مش عارف ايه
لما روحت فرزت حته حته الطقم جميل الحمد لله بس لقيت تلات سلاطين فيهم عيب و و طبق واحد للأمانه لما ركزت لقيت الكرتونه مكتوب عليها بالخفيف B


انا اضايقت اوىىىىىىى ان طقم الصينى بتاعى يبقى درجه تانيه بس تفتكرو التلات سلاطين و الطبق يستاهلو الف جنيه زياده و كمان مش نفس الشكل الى عاجبنى و الشكل هو الاساس مش التمن و لا الكرتونه هههههههه و كنت هحتاج بقى الف عليه فى توليب و المحلات الجامده عشان الاقيه هو و انا فياااااا حاجه رخمه لما مش بوصل لحاجه اوقات بصمم عليها اكتر
فا تفتكروا انا عملت الصح و موضوع التلات سلاطين ده مش مهم
رغيت كتيييييييير اوى ههههههه
يلالا ردوا عليا بليز
و عاوزه تفاعل لو مش رديتو عليا مش هنزل صورووووووو هههههههه

دعاء هاتى طقم تلات صوانى تقديم شيك كده فضة و لا حاجه او طقمين كل واحد صنيتين انا جايبه كده و طقم استنالس يساعد معاه و كام واحده بقى ملامين تقيل للعشا و الفطار كده

ازيكم يا بنات انا عايزة الحق الشتوي عشان هتجوز قبل الشتا ان شاء الله عايزه ترنجات وعبايات استقابال تفتكروا اروح فين ؟؟؟ ورينجات كويسه واسعار حلوة واجيب قد ايه واجيب كام طقم خروج ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

كل شهر وانتوا طيبين يا بنااااااااااااااااااات
ربنا يجعل الجزء ده سعيد علينا كلنا
انا فى التجهيزات هنا من سنتين او اكتر
بس بقالى كام شهر مش بشارك

Koko_Kromba
تقرير ممتاز
مبرووووووووووووووك على الصينى ومايهمكيش فرز اول ولا تانى الديفو مش باين اوى ولا عمر حد هياخد باله من اللى انتى بتقوليه ده
المهم انه عاجبك وفعلا الفرق مايستاهلش ألف جنيه بحالها
مبروك عليكى وتتهنى بيه

roro cat
انا اعرف انه ممر دنيا النغم فى وسط البلد فيه عبايات استقبال كتييير وحلوة وفيه ترنجات ولبس بيت بردو روحى اتفرجى وشوفى اللى يعجبك
وبالنسبه للبس الخروج ده حسب استايل لبسك واحتياجاتك يعنى انتى مثلا بتشتغلى وهتحتاجى تخرجى كل يوم ولا قاعده فى البيت وخروجك قليل

رورو كات
عبايات الاستقبال اكتر مكان فيه عبايات بجد شفتو هو فى وسط البلد فى 26 يوليو بس انا مش عارفه فين بالضبط بصراحه بس فيه ممر كده مليااااان عبايات استقبال و الميزه كل الرنجات من مستوى 150 لحد 450 و حاجات شيك و فيه حاجات قطيفه للشتوى حلوه اوى الترجات بقى فيه محلات برضو فى لبس البيت فى وسط البلد بتبقى حلوه اوى و فيه مولات فيها محلات للبس البيت و الانجيرى بيكون تحفه السراج مول فيهم كام محل لبس بيت و لانجيرى حلوين
محلات قصر النيل فيها البس تحفه و شيك جدا و الاوكازيون بيكون جامد فيها الحقى بقى بس كام طقم بالضبط مش عارفه بصراحه اعتقد اربعه خمسه و ممكن حاجات يتوفق عليها اكتر من حاجه عشان كمان ليا صاحبتى جابت لبس شتوى لجوازها على ما جه الشتى كانت تخنت و اللبس ضاق اوى عليها ابقى خلى بالك فى موضوع المقاسات برضو مايكونش بالميلى عليكى حتىىىىى عشان لو حملتى مثلا ان شاء الله و خلى بالك الموضات فى لبس الخروج بتتغير اوى

ازيكم يا بناااااااااااااااااااااااات

وحشتوووووونى والله مع ان محد بئى بيدخل زى اللاول

كوكو

تقريرك هااااااااااااااااااااااايل بجد ومبروك عليكى الطقم عايزه اتفرج بئى :))))

السيل بدأ يا بناااااااااااااااااات فى معظم المحلات

والبنات اللى بيجهزو زى حالاتى فى محلات فى سيتى ستاااااااااااااارز فيها حاجات واو واسعار تحفه بجد ورخيصه مش غاليه لان السيل هناك بيبئى سيل بجد والحاجه نضيفه طبعا

ولبس الدله برضه فى حاجات حلوه كتيييييييييير


سؤالى

ايه رايكم فى الحلل السيرامبك علشان خلاص شعشعت من ام الحوار ده :)

koko_kromba;15929803:
رورو كات
عبايات الاستقبال اكتر مكان فيه عبايات بجد شفتو هو فى وسط البلد فى 26 يوليو بس انا مش عارفه فين بالضبط بصراحه بس فيه ممر كده مليااااان عبايات استقبال و الميزه كل الرنجات من مستوى 150 لحد 450 و حاجات شيك و فيه حاجات قطيفه للشتوى حلوه اوى الترجات بقى فيه محلات برضو فى لبس البيت فى وسط البلد بتبقى حلوه اوى و فيه مولات فيها محلات للبس البيت و الانجيرى بيكون تحفه السراج مول فيهم كام محل لبس بيت و لانجيرى حلوين
محلات قصر النيل فيها البس تحفه و شيك جدا و الاوكازيون بيكون جامد فيها الحقى بقى بس كام طقم بالضبط مش عارفه بصراحه اعتقد اربعه خمسه و ممكن حاجات يتوفق عليها اكتر من حاجه عشان كمان ليا صاحبتى جابت لبس شتوى لجوازها على ما جه الشتى كانت تخنت و اللبس ضاق اوى عليها ابقى خلى بالك فى موضوع المقاسات برضو مايكونش بالميلى عليكى حتىىىىى عشان لو حملتى مثلا ان شاء الله و خلى بالك الموضات فى لبس الخروج بتتغير اوى

بعد اذنك ياقمر هوضح اسم الممر عشان البنات اللى عاوزين يروحه الممر اسمه دنيا النغم وهو فعلا فيه حاجات حلوة قوى وفيه كمان لانجيرى وبيجامات وعبايات استقبال شيك جداا وانا جبت منه عباية استقبال للصباحية وحلوة قوى

شكرا للبنوتات الى شكرو فى تقريرى :D
بس برضو مش كلكو قولتولى انا عاندى حق فى موضوع ان فيه تلات سلطاين فيهم عيوب و عشان كده درجه تانيه ^o) و لا ايه مش مهم
نيماااااا واحشانى يا بنتى انتى فين انتى و لولا و باقى البنااااات
الخصومات ابتدت فعلا طب ادخلو قولوا اشتريتو ايه و ايه احسن مكان فيه خصومات
ستى ستارز سمعت ان فيه خصومات حلوه بس مكسله عشان بعيد عليا هنزل بكره الهرم ان شاء الله اشوف الاخبار ايه
ايييه بقى موضوع الحلل السراميك ده يا نيما هو كمان لسه فيه سيراميييييم ده ايه الانواع الى انا لسه بتعرف عليها دى :D ههههههه ماعرفهوش انا حتى مش اوعى على الحلل السافلون و الكرومكاز هههههه :o:lol: بجد لسه متكعبه فى موضوع عن الحاجات دى بس فى منتدى تانى بس هو ايه استنالس زهران قولولى مش حلو ؟؟ و لا التركى احسن منو انا هقولك انا جايبه اييييييه اتوهك شويه :lol:
انا جايبه زهران فى الحلل و الكنك و كان غالى و عليه ضمان 10 سنين
التيفال بقى جبت حاجات معينه قوالب للكيك كتيير عشان بحب الكيك و البيتزا و طاسات للقلى من نوفال انا عارفه انو مش قوى اوى بس هو التيفال عموما عاوز استعمال كويس و معالق خشب و مش يدعك باليلفه السلك و هو يعيش هو عندنا شغال يعنى فى البيت و حاجه المعجنات مش بنستعملها كتير عشان تلحق تهلك
و عشان مش بحب التيفال فى الحلل جبت طقم استنالس تانى ماعجبنيش وقتها شكل التركى ههههه و ماكنتش اعرف اسمو و لا اعرف ان الناس بتشكر فيه كده الى اشترته موجود لسه فى بيع المصنوعات هو بومبيه كده و شكاللو شيك و غطاه بايركس فى استنالس ممكن يكون حد شافو جايباه ب 850 عباره عن خمس حلل و طاسه بغطا و براد استنالس بصفاره شيك اوى و لقيتو تقيل و قاعدتو تقيله و حلو هو صينى بس نظيف و ماعرفش انو اغلى من التركى غير النهارده
ده الى انا عملتو فى الحلل انتى جبتى يا نيما حلل ايه و موضوع السرااميك حد يقولنا عليه بقى

سالى و لا يهمك يا جميل صلحى ووضحى براحتك ;)

[BACKGROUND="70 #666666"]
[BACKGROUND="70 #990000"]


انا جييييييييييييييييييييييييت
وحشتووني اوووووووووووووي ياعيال
معلش مش بدخل الايام دي نوهااااااااااائي لاني مش بجهز حاليا بس قولت اجي اطمن عليكو

مهندسة موووووووووون
يارب من بوقك لباب السما يا اوختشي
والله هموت واتجوز بقي
عاااااااااااااااااااااا

:090::090::090::090:

كوكو كرومبة
وانتي ليه تجيبي طقم تهريب ولما تتمسكي بيه دلوقتي..موقفك هيبقي ايه قدام القاضي ياهانم
ههههههههههههه
بهزر معاكي طبعااا
ياستي تعالي وانا اديكي كرتونة 100 100 وجديدة وفلة بتاعت الطقم الصيني بتاع ماما لسه جديد والكرتونة زي ماهي
ومش قولتيله ليه 1000 جنية علي الكرتونة اومال لو مكنتش هطلع عينيها وارميها في الاخر..ده بياع مفتري اوي صحيح
وسيبك من السلاطين ياستي محدش هيجي يفرز الطقم بتاعك يعني
انا عااااايزة اشوف بقي الطقم ده لاني دماغي ورمت من حكاية الصيني ده ونفسي استقر علي طقم ويدخل دماااغي

:090::090::090::090:

رورو كات
انزلي ياقمر ممر دنيا النغم اللي في ش 26 يوليو في اشكال تحفةةة من عبايات الاستقباااال والبيجامات كمان

وعندك محلات شارمين بتاعت البيجامات عاملة حاليا سيل 20% بس لسه استني شوية لأن السيل بيزيد عن كده فهتجيبي الحاجات ارخص
وده السايت بتاعهم ادخلي اتفرجي برضو
[BACKGROUND="70 #666666"]


http://go.3roos.com/528nxl2opb6

[/BACKGROUND]

:090::090::090::090:

TOTA_10
وحشتيني ياقمر عاملةةة ايييه

:090::090::090::090:

نيموووووووووووووووو
وحشاااااااااااااااااااااااني اوووووووووووووي يانوتي انتي
لااعرف شئ عن الحلل السيراميك غير اني شفتها في محل نصار اللي في درب سعادة
بس البنات اللي في منتدي ف ت ك ا ت بيشكروا فيها الحلل دي

:090::090::090::090:

SALLY
ازيك ياقمر ايه الاخبار يامظبطانا انتي معلومات
ايوه كده خليكي معانا مش تروحي بعييييد
مش انا جبت كام اندر اكبر من مقاسي يعني انا بلبس ميديوم جبت لارج واكس لارج
يلاا بقي عقبال مااتجووز وابقي حامل والبسهم..بس بعد ما اخلف بقي ارجع البس مديوم وسمول تااني..يااارب..هههههههههه

[/BACKGROUND]
[/BACKGROUND]

ياااااااااه اخيرا عدينا للصفحه التانيه الففففففف مبروك عقبال ا كدا نعبر الصفحه التالته كده :lol:

انا موجوده هنا على كل و ماحدش بيدخل انا زهقت و نفسى اخلص الجهاز بجد خلاص قفلت معايا 8o|

كوكو كرومبة
وانتي ليه تجيبي طقم تهريب ولما تتمسكي بيه دلوقتي..موقفك هيبقي ايه قدام القاضي ياهانم
ههههههههههههه
بهزر معاكي طبعااا
ياستي تعالي وانا اديكي كرتونة 100 100 وجديدة وفلة بتاعت الطقم الصيني بتاع ماما لسه جديد والكرتونة زي ماهي
ومش قولتيله ليه 1000 جنية علي الكرتونة اومال لو مكنتش هطلع عينيها وارميها في الاخر..ده بياع مفتري اوي صحيح
وسيبك من السلاطين ياستي محدش هيجي يفرز الطقم بتاعك يعني
انا عااااايزة اشوف بقي الطقم ده لاني دماغي ورمت من حكاية الصيني ده ونفسي استقر علي طقم ويدخل دماااغي

هههههههههههه موتينى من الضحك و اتخضيت فى الاول :confused: اوعى بس حد يبلغ عنى :lol:
و واحشانى اوى و بعدين مش بتدخلى ليييه يا هانم حتى لو مش بتجهزى ادخلى بدل السقعه دى
انا على فكره فضلت زيك كتير بقالى سنتين بتفرج هههه بس و الله لما بتنوى تنزلى تشتريه ربنا بيوفقك لحاجه عموما انا عاوزه انزل صورو بس النت رخم اوى و مفيش تشجييييع كمان :D
بس حاضر من عيونى هرفع الصور و ابقى انزلو


بنات جويا كمان عملت الاوكازيون 40 % و منزلين موديلات جديده حلوه اوى انا روحتو قبل السيل ما يبتدى و عينى زاغت على حاجات كتير و نفسى اخلص لانجيرى مش عاااارفه بقى عاندى كتييييير هههههه و مافيش فايده انا قولت اقولكو على الخصم بتاعو انو ابتدى

نيمااااااااا
انا لقتلك فى عروض كارفور حلل سيراميك
هو العرض شغال لحد 7-2 و منقول للامانه انا عاندى العرض كلو نزلتو من النت بس دى الصفحه الى فيها الحلل السراميك باسعارها لو حبه تتفرجى عليها

[BACKGROUND="70 #666666"][BACKGROUND="70 #990000"]

Eng Bossy;15933693:

ازيكم يا بنات اكيد محدش يعرفنى
بس انا كنت موجوده فى التجهيزات من زمااااااااااااااااان :D
مع انى مش مخطوبة بس ادعولى بقى ربنا يرزقنى باللى فى بالى ياااارب
ويارب فرح كل واحده يارب

طبعا فاكرينك يا بوسي
ربنا يرزقنا كلنا باللي نتمنااه يااااااارب
وعقبال مانفرح بخبر خطوبتك باذن الله

koko_kromba;15933948:
ياااااااااه اخيرا عدينا للصفحه التانيه الففففففف مبروك عقبال ا كدا نعبر الصفحه التالته كده :lol:

انا موجوده هنا على كل و ماحدش بيدخل انا زهقت و نفسى اخلص الجهاز بجد خلاص قفلت معايا 8o|


هههههههههههه موتينى من الضحك و اتخضيت فى الاول :confused: اوعى بس حد يبلغ عنى :lol:
و واحشانى اوى و بعدين مش بتدخلى ليييه يا هانم حتى لو مش بتجهزى ادخلى بدل السقعه دى
انا على فكره فضلت زيك كتير بقالى سنتين بتفرج هههه بس و الله لما بتنوى تنزلى تشتريه ربنا بيوفقك لحاجه عموما انا عاوزه انزل صورو بس النت رخم اوى و مفيش تشجييييع كمان :D
بس حاضر من عيونى هرفع الصور و ابقى انزلو


بنات جويا كمان عملت الاوكازيون 40 % و منزلين موديلات جديده حلوه اوى انا روحتو قبل السيل ما يبتدى و عينى زاغت على حاجات كتير و نفسى اخلص لانجيرى مش عاااارفه بقى عاندى كتييييير هههههه و مافيش فايده انا قولت اقولكو على الخصم بتاعو انو ابتدى

لأ خلاص هدخل علي طوول
بس والله ساعات كتيير بكون مش فاضية بسبب الشغل..واول ما برجع البيت بنام لتاااني يوووووم من التعب :worn_out:

واوووووووووووو
بجد جويا عامل خصم 40%
عااااااااااااا
بس انا فلوسي حاليا خلصــت ..ومش هلحق السيل :'(:'(
ولأ حاولي تنزلي بجد الصووررر مليش دعوة عاايزة اشوف الصيني
الشعب يريد صور الطقم الصيني :D
*****
اجيب كام طبق غسيل ؟؟


[/BACKGROUND][/BACKGROUND]

[BACKGROUND="70 #666666"][BACKGROUND="70 #990000"]

Bota;15934921:

بنات انا عاوزة اشترى قميص الدخله ومش عاوزاه ابيض وعاوزاه طويل يكون ستان كله ومش لاقيه حاجه شيك خالص غير واحد بس عجبنى اللى هو بتاع جويا دا ال ب300 وحاجه دا بس حسيته بقى قديم اوى فعنيا من كتر ماشوفته حد شاف حاجه حلوة كدا انا عاوزة القميص كله ستان والروب عادى ستان او شيفون مش فارقه

بصي يابوتة
عندك لانجيري نور العيون
الموديل ده نيمو جابته وبتقول انه وهممممممممي في اللبس



وده بقي لسه نازل الجديد من شهر بس شكله تحفةةة وعاجبني اوووي



[/BACKGROUND][/BACKGROUND]

ميرسى يامشموشه بس هو الاصفر دا ستان ولا ليكرا اصل انا حساه كدا ليكرا مش ستان و انا عاوزاه ستان

بصى و الله انا احترت فى الابيض ابو روبو الطويل ده
شوفت واحده تحفه فى السراج مول بس جيت اشوف منو الابيض مش عجبنى كانو عارضيين الداستى روز فا جبتو بس حلو اوى و عاريسى جداااا
و انا اصلا جايبه بيجامه من واحه الجلابيه مش عارفه تعرفو موديلاتو و لا لا بس هو مشهور فى السعوديه و ليه فرع فى ستى ستارز بس هى عامله زى القمصان النوم الستان و بتبقى بنطلون و شورت و بلوزه حملات و الروب تول و دانتيل قصير جامد اوى و دى بيضة
و هجيب قصير بروبوو فا قولت كفايه كده ابيض صح و لا ايه
و هطنش الطويل هكتفى بالداستى روز الى جبتو ده ممكن يتلبس برضو فى شهر العسل

انتى يا يا بوتة بصى لو عاوزه حاجه فى حدود 300 او 350 فى المولات محلات الالانجيرى بيكون عندها الحاجات دى شيك و حلوه شوفى فيها انا شوفت واحد النهارده فى ستى مول فى شارع الهرم جميل اوى اسم الماركه روزيتا و بجد شيك جدا و خامتو تحفه ابقى شوفيها فى محلات اللانجيرى

ايه رايكو احسن نوع مراتب جاهزه سوست عشان عاوزه ابقى عارفه و تكون مش بتهبط

ميرسى ياكرومبه على ردك انا فعلا هتفرج فى المولات ويارب الاقى حاجه حلوة انا مش عاوزاه ابيض اصلا انا بدور على الوان واكتر لون عاوزة اجيبه للدخله هو الروز الفاتح دا بيبقى تحفة فالستان ورقيق اوى اهم حاجه مش ابيض مش بحبه اصلا عامل زى الجلابيه فعنيا مش عارفه ليه وكمان انا خمريه وبحس انه بيغمق مش بينور كدا
وبخصوص المراتب فعلا ياريت البنات يردوا علينا والعرايس اللى اتجوزا بقى يجوا يفيدونا بتجربتهم
الفترة اللى فاتت كنت بسمع ان يانسن كتراكت حلوة اوى بس دلوقتى لما بروح اسأل فى المحلات بلاقى انواع كتير ومحل يقولى فوربيد احسن من يانسن ومحل يقولى الدورا احسن من فوربيد ويانسن ومحل يقولى لا يانسن احسن حاجه وبصراحة احتارت معاهم كلهم ومابقتش عارفه فعلا مين الحلو بس انا عجبتنى مخدات يانسن اوى ودماغى رايحة ليانسن اكتر حاجه بس ياريت نلاقى عرايس يفيدونا فعلا فالموضوع دا

بنات انا عاوزة اعرف اجيب منين بلاستيكات تكون شيك اللى هو سبت الغسيل والسله الزباله والحاجات دى علشان بشوف الاشكال كلها والخامات وحشه اوى