محتاره في أخذ القرار

السلام عليكم

خواتي بنات عروس ...

انا عندي موضوع محتاره فيه واااااااااااااااااااااااااايد احس افكاري ومخي متشوشه موقادره اختار وآخذ القرار الصح

الله يسلمكم الموضوع انه انا منفصله مرتين والحمدالله كل شي قسمه ونصيب في هالدنيا وكل شي مكتوب وانشالله عن صلاح يارب
المهم تقدمو لي وايد منهم انا رفضتهم ومنهم عرفو انه انا منفصله مرتين ورفضو والحمدالله ماتأثرت بالعكس اهم شي واثقه من نفسي وعايشه حالي حال باقي البنات

حاليا متقدم لي شخص اخلاق ومحترم وتفكيره عاجبني انسان متفتح بس طبعا بحدود غير معقد روحه حلوه اسلوبه حلو تحسينه رجل بمعنى الكلمه فاهم للحياة ولدنيا شغلته زينه مكون نفسه من والى ومحد كامل غير الله سبحانه وتعاله

كان خاطب ومنفصل بسبب سؤ التفاهم معاها ومشاكل مع اهلها ووقتها كان عمره في العشرينات، واهو توه بدء مره ثانيه يفكر بموضوع الارتباط والزواج الحين لانه من بعد انفصاله تعب على نفسه وتم يدرسرا طبعا تقريبا 5 سنوات وكمل دراسته وبعدها اشتغل ولتهى في شغله لين كون نفسه وحس انه الحين مستعد لزواج


الموضوع هني الله يسلمكم الي انا محتاره وموقادره اتخذ اي قرار ومخي مشوش
انا عمري 24 سنه والي متقدم لي عمره 41 سنه يعني الفرق بيني وبينه 17 سنه
اهو مايبين عليه عمره 41 سنه لانه مهتم في نفسه وفي صحته وفي مظهره ويلعب رياضه ...الخ يعني يبين في الثلاثينات

انا الحين هالشي الوحيد الي محيرني العمر تحسون عادي او لا؟؟
البعض قالي عادي العمر مو مهم اذا كنتو متفاهمين والافكار نفس بعض والبعض قالي حطي في بالج على سالفة الحمل لازم ورا بعض لانه عمره 41 سنه وفكري انه عيالج بعدين لين كبرو ابوهم بكون يمكن في 60 عادي؟؟

يعني وايد كلام شوش مخي وخلاني موعارفه آخذ اي قرار لا موافقه ولا موموافقه

مع انه لصبي متمسك فيني يعني بمعنى مايتمنى يصير رفض، وانا ساعات اقول يمكن هذي فرصه لي احتمال محد ايني وكون ضيعت فرصه من حياتي ماتتعوض وساعات اقول لا مابستعجل وبفكر لا اندم بعدين وقول ياريت خذيت واحد اكبر مني بـ 7 او 8

بليز بنات بغيت تنصحوني وتفيدوني بالعقل هذي حياة وعشرة عمر يعني بشاركه حياته وبشاركني حياتي طول عمرري وهذي المره الثالثه يعني مافيها انفصال خلاااااااااص لازم يكون قرار بالعقل وحاسم وتفكير بمنطق وصح

ريحوني الله يريحكم دنيا وآخره :(